Për francezin Barcelona dhe Atletiko Madrid kanë shfaqur interes serioz. Madrilenët e duan yllin francez për të mbushur hapësirën e lënë bosh nga largimi i Grizman. Barcelona pret këtë të fundit, por një komplikim i mundshëm i situatës bën që Lakazet të jetë plani rezervë.

Megjithatë, 28-vjeçari duket se është dashuruar me Arsenalin. Ai mohon mundësinë e largimit dhe shprehet se nëse klubi nuk dëshiron ta largojë, atëherë qëndrojë.

“Ndihem mirë. Me trajnerin Emeri në krye luaj shumë dhe kam fituar besim. Më duhet ta falenderoj Vengerin, pasi ai ishte autori i ardhjes sime këtu. Kam mbyllur një sezon të mirë dhe shpresoj që pushimet të mos e ndalojnë vrullin. Punoj shumë gjatë stërvitjes për të qenë gati.”

“Nëse klubi është i lumtur me mua, dhe unë jam i lumtur. Do të qëndroj. Në Francë thonë që mosha ime është ajo e kulmit të karrierës. Uroj të mos jetë sezoni i fundit në Londër. Shpresoj që forma ime të mos pësojë ulje”, përfundoi ylli Francez.

“Këtë sezon, kam luajtur futbollin më të mirë timin në karrierë. Jam përmirësuar shumë dhe statistikat kanë qenë të kënaqshme. Interesi nga Barcelona? Jam krenar, por qëndroj te Arsenali. Këtu, ndihem i vlerësuar, punojmë shumë për njëri-tjetrin. Kam mësuar se po i ndihmove shokët e skuadrës, edhe ata do të të ndihmojnë ty.

Po ndërtojmë diçka të bukur dhe ndihem i lumtur që jam pjesë e këtij projekti. Trajneri i ri ka ardhur këtë sezon dhe ka bërë mirë. Duam të fitojmë Europa League, te Arsenali kam ardhur për trofe. Obamejang? Kur erdhi në fillim, shumë mendonin se do të ulesha në stol. Por kemi treguar se dimë të luajmë së bashku dhe partneriteti më të na ka bërë edhe më të fortë. Të dy luftojmë për këtë klub”, përfundoi sulmuesi francez.

Klubi katalanas ka gati planin B, nëse nuk arrihet akordi me Grizman. Tre janë objektivat, të cilët luajnë në Premier Ligë. I pari është Markus Rashford. Ernesto Valverde pëlqen shumë karakteristikat e 21-vjeçarit, të cilit i përfundon kontrata me “Djajtë e Kuq” në fund të sezonit të ardhshëm.

Rinovimi nuk po vjen dhe Barcelona ka gati 100 milionë sterlina për Rashford. Pëlqim ka edhe për dyshen e Arsenalit: Lakazet-Obamejang. Të dy bashkë kanë shënuar 50 gola këtë sezon.

Francezi u shpall lojtari më i mirë i Arsenalit këtë sezon, ndërsa sulmuesi nga Gambia ndau çmimin e golashënuesit më të mirë në Premier bashkë me Salah dhe Mane të Liverpulit (nga 22 gola secili). Për Obamejang interesohet edhe Reali i Madridit, që ka gati 74 milionë sterlina për “topçinjtë”.

Arsenali është i lumtur me dyshen e sulmit dhe siç raporton “Daily Mail”, po pregatit një zgjatje kontrate për të dy yjet. Ky rinovim ka më shumë si objektiv rritjen e ndjeshme të pagave të sulmuesve. Topçinjtë nuk e dëshirojnë një largim të mundshëm të goleadorëve të tyre dhe synon t’i mbulojë me para.

Për Lakazet, Arsenal shpenzoi plot 53 milionë euro për ta shkëputur nga Lioni dhe sjellë në Londër. Akoma më shumë iu desh të bindte Borusian e Dortmundit për të hequr dorë nga Obamejang. 29-vjeçari erdhi në “Emirates Stadium” në këmbim të 64 milionë eurove.

Në kthim vendosi një supergol i sulmuesit Aleksandre Lakazet, direkt nga goditja e dënimit. 33 gola e 13 asiste që prej debutimit të tij në gusht 2017 për sulmuesin francez, më shumë se çdo lojtar tjetër tek Arsenali.

Kurioz është fakti se goli i tij në Napoli prej sezonit të ardhshëm do të anulohet. Goditja perfekte e francezit u ndihmua edhe nga barrikada, ku ishin disa lojtarë të Arsenalit, që shtynin ata të Napolit dhe i bllokonin rrezen e shikimit portierit Meret.

Prej sezonit të ardhshëm nuk do të lejohet më në barrikadë asnjë lojtar i ekipit që sulmon, ndaj Lakazet ka qenë me fat.

Napoli pret Arsenalin dhe të besuarit e Ançelotit do të synojnë të hakmerren ndaj “Topçinjve”, të cilët i mposhtën 2-0 në ndeshjen e parë në Londër. Çelsi pritet ta ketë të lehtë përballë Slavia Pragës, ndërsa në Spanjë, Valencia është dukshme favorite për t’u kualifikuar përballë Vijarealit, duke parë dhe fitoren 1-3 jashtë fushe në takimin e parë mes dy skuadrave.

DIREKT: Europa League, ndeshjet e kthimit çerekfinale

Çelsi – Slavia Pragë  4-3  (1-0)
Pedro 5′, Deli (aut.) 10′, Zhiru 17′, Pedro 27′ / Soucek 26′, Sevcik 51′ 55′

Ajtraht Frankfurt – Benfika 2-0  (2-4)
Kostic 37′, Rode 67′

Napoli – Arsenal  0-1 (0-2)
Lakazet 36′

Valencia – Vijareal  2-0  (3-1)
Latorre 13′, Parejo 54′

55′ – Petër Sevcik (Slavia Pragë) duket në një formë të shkëlqyer dhe realizon një gol edhe më të bukur se i pari. Një e majtë fantastike që gjen trekëndëshin e portë dhe 4-3 sfida!

51’ – Petër Sevçik (Slavia Pragë) realizon një gol shumë të bukur me të majtën, duke mposhtur portierin e Çelsit.

36’ – Lakazet (Arsenal) shënon një supergol nga goditja e dënimit, duke shtangur portierin Meret dhe Napolin

5’ – Goli i parë i Pedros (Çelsi), një aksion model

Francezi u dënua me tri ndeshje dhe mendohej se do të mungonte edhe në ndeshjen e kthimit kundër Renes, që do të luhet në “Emirates”, por UEFA e ka toleruar klubin anglez, duke e lejuar sulmuesin që të zbresë në fushë në takimin që do të luhet ditën e enjte.

Arsenali duhet të përmbysë atë humbje 3-1 në Francë dhe Lakazet do të jetë një armë më shumë nën urdhrat e trajnerit spanjoll të “Topçinjve”, Unai Emeri.

Në kuadër të këtyre ndeshjeve Didier Deshamp e ka publikuar listën e të grumbulluarve prej ditësh, por ditën e sotme federata franceze ka bërë të ditur se ka pasur dy dëmtime. Pol Pogba dhe Antoni Marsial nuk do të jenë pjesë e grumbullimit si pasojë e dëmtimeve.

Zëvendësuesit e dy lojtarëve të Mançesterit do të jenë, Musa Sisoko dhe Aleksandër Lakazet. Ky i fundit rikthehet pas më shumë se një viti në kombëtare. Paraqitjet e mira me fanellën e Arsenalit, duket se më në fund e kanë bindur trajnerin Deshamp për ta grumbulluar sulmuesin.

Ditën e sotme kanë triumfuar pastër 2-0, në “Emirates Stadium” përballë Everton dhe e shohin veten në vendin e 6-të tashmë me 12 pikë, po aq sa dhe Totenhem. Një sfidë që nuk ishte dhe aq e lehtë për “topçinjtë” të cilët e zgjidhën vetëm në pjesën e dytë takimin. Ishin pikërisht golat e Obamejang dhe Lakazet në minutat 56-të dhe 59-të që i dhanë fitoren londinezëve, të cilët duket se kanë gjetur ritmin e duhur.

Javën e ardhshme ekipi i Emeri do të presë Uotford, ndërsa Everton pret në “Goodison Park” ekipin e Fulhem.

Aleksandre Lakazet është prezantuar si futbollisti më i ri i klubit londinez, që do të paguajë 53 milionë euro në dorë, por që mund të shkojnë deri në 60 milionë, me bonuse të ndryshëm.

Një ndër sulmuesit më të mirë të Ligës 1 franceze në dekadën e fundit, Lakazet ka firmosur një kontratë 5-vjeçare dhe tashmë pritet të bëhet lideri i sulmit të “Topçinjve”, aty ku nuk fakt është edhe Zhiru, i cili sheh vendin e tij në rrezik dhe nuk është çudi që të nxirret në shitje.

“Jemi të lumtur që e Lakazet është bërë pjesë e grupit tonë. Ai ka treguar ndër vite se mund të shënojë gola dhe është shumë i zoti para porte, përveçse ka teknikë të mirë dhe karakter të fortë, ndaj mendoj se është një përforcim i shkëlqyer për ne, që do të na ndihmojë jo pak për t’u përmirësuar sezonin e ardhshëm”, tha trajneri Arsen Venger.

LAKAZET NË 3 SEZONET E FUNDIT

2014/15: Ndeshje – 40         Gola – 31

2015/16: Ndeshje – 44         Gola – 23

2016/17: Ndeshje – 45         Gola – 37

#LacaNewSigning ? pic.twitter.com/bo3qoZFCAU

— Arsenal FC (@Arsenal) July 5, 2017

Lajmi vjen nga Daily Mail, që shkruan se marrëveshja pritet të mbyllet brenda 48 orëve të ardhshme, me yllin e Lionit që do të paraqitet në Londër për kontrollet mjekësore, para zyrtarizimit.

Fillimisht Arsenalit iu refuzuan dy oferta nga Lioni, pasi presidenti francez Zhan-Mishel Ola u tregua i prerë në kërkesat e tij, duke mos zbritur poshtë 50 milionë eurove.

Ola përgënjeshtroi lajmet se transferimi mund të shkojë te 70 milionë eurot, duke përfshirë bonuset, duke thënë: “Është një shifër e pamundur, jashtë realitetit. Oferta e parë e Arsenalit shkonte te 44 milionë eurot, ndërsa tani do të mbyllim gjithçka për 50 milionë euro, që është diçka unike, një rekord për Arsenalin dhe një rekord për ne. Duhet kujtuar se tradicionalisht, një klubi si Arsenali nuk e ka zakon të shpenzojë kaq shumë për një futbollist. Për ne do të jetë një rekord i jashtëzakonshëm, nuk është një transferim i vogël, bëhet fjalë për 50 milionë euro për një lojtar që e ka prodhuar klubi ynë”.

Ditën e djeshme u publikua lajmi se Arsenali është gati të bëjë një ofertë të çmendur për Kilian Mbapenë, por Arsen Venger e ka pranuar se ylli i Monakos është tepër i vështirë për t’u arritur, ndaj ka zgjedhur Lakazeten, i cili ka shënuar 129 gola në 275 ndeshje për Lionin, me 37 gola në 45 ndeshje sezonin e fundit.