Kylian Mbape

Nejmar apo Mbape? Përgjigja e Del Boske të lë pa fjalë

Sport Ekspres — Thu, 23 May 2019 18:52:15 +0000

Reali i Madridit këtë merkato pritet të pësojë një revolucion. Dështimi i këtij sezoni e ka futur në aksion Florentino Perezin për të sjellë yje të rinj në “Santiago Bernabeu”. Emrat e Nejmar, Hazard dhe Mabape janë kryefjala e tifozëve të “Los Blancos” në këto ditë. Visente Del Boske, një nga trajnerët dhe lojtarët historikë të Realit të Madrdidit dhe kombëtares spanjolle ka folur për merkaton madrilene të kësaj vere.

Një pyetje ngacmuese e një gazetari ishte se cilin mes Mbape dhe Nejmar do të donte në Madrid. 68-vjeçari ka zgjedhur Mbape dhe ka lëshuar një deklaratë të fortë për Nejmar. “Do të zgjidhja Mbape. Nejmar? Fëmijët po simulojnë duke u hedhur vetë në tokë falë tij”, u shpreh legjenda spanjolle.
Del Boske është një nga figurat më të larta të futbollit spanjoll dhe botëror. Ai ka arritur të fitojë një Botëror dhe një Kampionat Evropian me Spanjën dhe ka ngritur Championsin me Realin e Madridit. Në karrierën e tij në stol ka drejtuar edhe gjigantët turq të Beshiktashit.

Mesi e Mbape s’kanë konkurrencë, 5 ndeshje vendosin fatin e “Këpucës së Artë”

Sport Ekspres — Mon, 22 Apr 2019 17:56:56 +0000

Lionel Mesi dhe Kilian Mbape janë dy lojtarët me numrin më të madh të golave gjatë këtij sezoni. Siç është bërë traditë prej vitesh, lojtari që ka shënuar më shumë gola në kampionatet elitare europiane shpallet fituesi i “Topit të Artë”.

Për momentin Mesi është në krye me 33 gola, ndërsa 20-vjeçari i PSG-së ka shënuar 30 gola. Të dy lojtarët kanë edhe pesë ndeshje në kampionatet përkatëse. Në rast se “pleshti” do mbetet në krye kjo do të jetë këpuca e tij e gjashtë, ndërsa Kristiano Ronaldo e ka fituar katër herë këtë trofe.

Interesante është dhe diferenca e madhe e Mesit dhe Mbapesë me pjesën tjetër të sulmueseve të Europës. Sulmuesi i tretë për nga numri i golave është 36-vjeçari Fabio Kualjarela, i cili ka shënuar tetë gola më pak se Mbape.

Mbape mesazh Realit: Jam i lumtur këtu, por të ardhmes nuk i dihet

Sport Ekspres — Sun, 20 Jan 2019 14:25:22 +0000

Kilian Mbape ishte autori i një triplete në takimin e deshëm midis PSG-së dhe Guingamp, që përfundoi me rezultatin 9 – 0 për parisienët. Në fund të takimit, 20-vjeçari u pyet nga gazetarët e së përditshmes spanjolle “AS”, mbi shanset e kalimit të tij te Real Madrid.

Francezi nuk iu shmang pyetjes, duke u përgjigjur në një mënyrë “diplomatik”: “Ndihem mirë këtu, por të ardhmes nuk i dihet kurrë. Më pëlqen se si po shkojnë gjërat te PSG-ja. Kam një kontratë me këtë klub deri në vitin 2022 dhe nuk është ky momenti për të menduar gjëra të tjera”, tha Mbape.

Duhet përmendur se Mbape në të shkuarën ka qenë shumë pranë firmës me Real Madrid. Kur sulmuesi ishte 14 vjeç ai kreu një provë të Real Madrid, të cilën e kaloi me sukses, por ndërhyrja e Monakos në momentet e fundit bëri mamaja e djaloshit ta dërgonte.

Mbape në moshën 13-vjeçare selinë e Real Madrid

Futbollisti perfekt? Mbape jep një përgjigje origjinale

Sport Ekspres — Thu, 15 Nov 2018 19:01:49 +0000

Kilian Mbape është një ndër futbollistët më të famshëm në planet edhe pse sulmuesi i talentuar ende nuk ka mbushur 20-vjeç. Në një intervistë për “ESPN”, francezi ka folur mbi objektivat e skuadrës së tij, si dhe ka përmendur dhe ka “përkufizuar” sipas mendimit të tij.

LOJTARI PERFEKT – Për Mbapen lojtari perfekt ekziston, por ai nuk është një person i vetëm: “Do të zgjidhja këmën e majtë të Mesit, këmbën e Nejmarit, mentalitetin e Kristiano Ronaldos dhe klasin e Bufon”, gazetari e ngacmon menjëherë duke e pyetur “Po çfarë pjese i ngelet Mbapesë? – Nuk është nevoja, kështu është mirë”, u përgjigj 19-vjeçari.

PSG DHE SUKSESI – “PSG-ja nuk ka ndaluar së rrituri pas çdo viti. Duhet të përmirësohemi akoma përpara se të mendojmë menjëhërë për fitimin e Champions-it. Ka disa hapa që duhen bërë para se të arrijmë këtë objektiv kaq të rëndësishëm. Jemi të vetëdijshëm se kemi shumë punë për të bërë”, përfundoi Mbape.

AS: Reali e ka vendosur, vetëm një e zëvendëson Ronaldon

Sport Ekspres — Sat, 25 Aug 2018 09:25:32 +0000

Kristiano Ronaldo u shit te Juventusi. Kërkonte një sfidë të re dhe Real Madridi nuk u bë pengesë. U fol edhe për krisje raportesh, por tanimë portugezi i përket së shkuarës dhe normalisht historisë së klubit spanjoll, pasi ka fituar gjithçka dhe ka shënuar gola pa fund.

Florentino Perez duhet ta zëvendësojë Ronaldon dhe e ka ndarë mendjen se kush do të jetë pasuesi. Kilian Mbape është i përzgjedhuri. Reali, ose merr atë, ose asnjë gjatë kësaj merkatoje. Shanset janë të pakta dhe kjo për faktin se në Spanjë nuk besojnë se UEFA do e dënojë PSG-në, që duhet të paguajë 180 milionë euro te Monako për ta blerë përfundimisht kampionin e botës.

Francezët po hetohet, por deri më tani janë dënuar vetëm klube të nivelit të dytë, si Sion. UEFA dënoi edhe Milanin, por kuqezinjtë e fituan çështjen në CAS, ndaj edhe duket e vështirë të ketë sanksione të rënda për francezët.

Për ta dhe Sitin deri më tani ka pasur vetëm gjoba, që në fakt nuk janë një problem i madh. Reali këtë verë tentoi Nejmarin, por PSG prerazi ktheu përgjigje negative për shitjen e brazilianit. Edhe pak ditë shpresohet te blerja e Mbapesë, ndryshe vera e ardhshme do të jetë e “nxehtë” vetëm për Nejmarin.

Mbape krah Pele, i pari në radhë për “Topin e Artë”

Sport Ekspres — Sun, 15 Jul 2018 17:16:39 +0000

Kilian Mpabe është në rrugën e duhur. E thonë shifrat dhe ato nuk gënjejnë. Edhe pse ende nuk i ka mbushur 20 vjeç, sulmuesi francez numëron 56 gola të realizuar, trefish më shumë se Kristiano Ronaldo dhe Mesi. Në treg çmimi i tij është në stratosferë dhe të ardhmen e ka përpara. Argjentinasi i Barcelonës në moshën e Mbape kishte shënuar vetëm 14 gola, kurse portugezi një më pak.

Sigurisht duhet vazhdimësi, por emri i tij do të jetë krah të madhit Pele. Sulmuesi francez bëhet i dyti lojtar që shënon në një finale dhe që nuk i ka mbushur 20 vjeç. Rekordi absolut i takon legjendës së Brazilit, pasi në finalen e vitit 1958 shënoi dy herë në fitoren 5-1 të regjistruar me Suedinë. Pele të dytin e shënonte në minutën e 90-të dhe e ka mirëpritur francezin në “klub”.

Only the second teenager to have scored a goal in a #WorldCupFinal! Welcome to the club, @KMbappe – it's great to have some company! // O segundo adolescente a marcar um gol em uma final de #CopaDoMundo! Bem-vindo ao clube, Kylian – é ótimo ter a sua companhia! https://t.co/g8b2gLTy7B

— Pelé (@Pele) July 15, 2018

Mbape shënoi golin e katërt (65’) në fitoren 4-2 që Franca regjistroi me Kroacinë. Sulmuesi është kampion bote dhe i duhet që edhe në futbollin e klubeve të fitojë. Me PSG dështoi vjet, por mund t’ia dalë në të ardhmen. Ka edhe zgjidhje tjetër: të transferohet te Real Madrid dhe të bëhet “mbret” duke fituar Ligën e Kampioneve.

Tani sulmuesi kthehet në një kandidat serioz për të fituar “Topin e Artë”. Nëse kthehemi pas në kohë, Majkëll Ouen e ka marrë atë çmim në vitin 2001 me 24 gola të shënuar, ndërkohë që fitonte Kupën UEFA, FA Cup dhe Fotball League Cup. Mbape ka shënuar më shumë se “djaloshi i artë”, pasi numëron 25 gola këtë sezon, ndërkohë që është kampion bote. Duhet më shumë?