42-vjeçari pranoi para gazetarit se i kishin kërkuar para për të qenë pjesë e kombëtares shqiptare dhe kjo gjë solli që ai më pas të përfaqësonte Finlandën në arenën ndërkombëtare.

PROBLEMI ME SHQIPËRINË – “Që në fillim unë kam pasur dëshirë dhe kam tentuar të luaj për Shqipërinë. Por ata kërkonin para dhe gjëra të tjera. Ashtu ishte atëherë si për pasaportën, si për të luajtur në kombëtare. Nuk më interesonin këtë gjëra dhe mu dha shansi për Finlandën, ku pata një karrierë të bukur e të gjatë”.

ZGJEDHJA E LOJTARËVE ME DY KOMBËSI – “Tani ka ndryshuar mentaliteti. Një fëmijë që është rritur në një shtet tjetër, nuk e di se sa e ka lidhjen me Kosovën. Këtu tifozët e duan futbollin me zemër. Tani çdo përfaqësuese ka lojtarë të shteteve të tjera”.

PËRVOJA NË ANGLI – “Futbolli anglez është shumë i vështirë për çdo lojtar. Nëse nuk je i aftë në aspektin fizik dhe psikologjik, atje nuk e ke të gjatë, por njeriu që punon e ka vullnet mund të arrijë çdo gjë”.

“Shefilld Uensdej ka qenë një ndër klubet më të mëdha në Angli. Unë u ndodha në kohën e gabuar, por në vendin e duhur. Në ato momente financat kanë qenë shumë më të dobëta, ndërsa te Ipsuiç ishte një mrekulli. Aty karriera ime kapi kulmin, më pas isha pjesë e Bllekbërn në Premier League”.

Mesfushori vlonjat, i cili këtë verë është larguar nga Flamurtari, pas një “përjetësie” si kuqezi, tashmë me shumë gjasa do të jetë pjesë e Kamzës, raporton “sportal.al”.

31-vjeçari, i cili te Flamurtari vitet e fundit kishte luajtur shpesh si qendërmbrojtës, kishte oferta nga disa klube dhe Bylisi dukej shumë pranë, mbi të gjitha për shkak se Kuqi nuk dëshironte të largohej shumë nga Vlora dhe oferta financiare ishte mjaft e mirë.

Megjithatë, bisedimet me Kamzën u zhbllokuan ditën e sotme dhe është gjetur marrëveshja, me Kuqin që nuk ka dëshirë ende ta mbyllë me Superioren. Te Kamza Kuqi gjen edhe Argent Halilajn, tjetër vlonjat i lagruar këtë verë nga Flamurtari, por edhe Hektor Idrizajn, vlonjatin i cili sezonin e fundit luajti për Skënderbeun. Për të kompletuar “kuadrin” vlonjat, te Kamza këtë verë është transferuar edhe një “ish” i Flamurtarit, mbrojtësi kroat Fushtar.

Elton Nika

Dy vlonjatë drejt Kamzës. Bëhet fjalë për portierin Argent Halili dhe mesfushorin Taulant Kuqi, të cilët janë larguar para pak kohësh nga Flamurtari dhe tani janë vetëm një hap larg firmës me ekipin e ngjitur në Superiore. Kështu, të dy futbollistët vlonjatë mbeten në elitë. Portieri Argent Halili ribashkohet me trajnerin Ramadan Ndreu, me të cilin ka punuar te Kastrioti disa vite më parë. Kurse mesfushori Kuqi bën lëvizjen e parë nga Vlora që nga momenti kur ka nisur të luajë futboll. Janë në diskutim vetëm detajet e fundit me drejtuesit e Kamzës, por firma duket një formalitet për të dy lojtarët. Por Halili dhe Kuqi mund të mos jenë vlonjatët e vetëm të Kamzës, sepse shpejt mund të bashkohet me ta edhe një tjetër lojtar, mbrojtësi Hektor Idrizaj. Për ish-lojtarin e Skënderbeut sezonin e kaluar ka interes nga drejtuesit e Kamzës dhe ditët në vijim mund të mbyllet edhe marrëveshja me të. Te Kamza do të ketë pak Flamurtar sezonin e ardhshëm, ndërkohë që në Vlorë lojtarët vendës janë pakësuar ndjeshëm. Ekipi ka ndryshuar shumë, pasi janë bërë shumë blerje, ndërkohë që ka pasur edhe shumë largime, mes të cilëve edhe futbollistë vendës me peshë, siç janë Telushi, Halili e të tjerë.

HALILI – Portieri Argent Halili konfirmon se firma me Kamzën mbetet një formalitet. Lojtari flet për bashkimin me trajnerin Ndreu dhe situatën e pagave te Flamurtari. “Po, kanë mbetur vetëm detaje të vogla për kalimin te Kamza, që besoj se shumë shpejt do të mbyllen. Thuajse kemi mbyllur gjithçka dhe mbetet vetëm firma. Trajneri Ndreu? Kemi punuar te Kastrioti dhe është një ribashkim. Kemi zhvilluar dy sezone mjaft të mira në Krujë me profesorin dhe mund të them se është një bashkim mjaft pozitiv. E vlerësoj trajnerin Ndreu për punën që bën. Do të jetë një përvojë e re, pas largimit nga Flamurtari. Në vazhdim do të flasim për objektiva, pasi dihet se Kamza vjen nga Kategoria e Parë, por ka synime të qarta në Superiore. Kam mendimin se do të jemi protagonistë, duke bërë një kampionat sa më cilësor”, – thotë portieri vlonjat, duke e bërë gati zyrtar kalimin e tij te Kamza.

PAGAT TE FLAMURTARI – Ndërkohë, për Halilin dhe disa lojtarë të tjerë ka mbetur pezull çështja e pagave te Flamurtari. “Nuk e cilësoj një çështje, pasi me drejtuesit kemi biseduar, pasi mbyllëm kontratën. Kemi sqaruar gjithçka. Është diçka, që do të zgjidhet shpejt, siç kemi rënë dakord me drejtuesit e Flamurtarit. Pra, nuk ka çështje pagash për mua te Flamurtari. Këtë e them për veten time, por di që të gjithë do të likuidohen plotësisht. Janë më shumë çështje procedurash”, – është shprehur Halili në lidhje me pagat e prapambetura në Vlorë. Trajneri Duro vlonjat afroi një portier nga Kosova gjatë merkatos së verës dhe u kuptua se aventura e Halilit me Flamurtarin kishte përfunduar.

Tashmë në Kamzë i janë futur punës dhe “Sport Ekspres” ka mësuar se sot është arritur marrëveshja edhe me portierin vlonjat Argent Halilaj. Ky i fundit u largua para pak ditësh nga Flamurtari, ku u vendos që mos t’i ofrohej kontratë e re, edhe pse sezonin e shkuar 34-vjeçari pati një rendiment të shkëlqyer, me 20 gola të pësuar në 26 ndeshje si titullar. Pas 7 sezonesh si titullar fiks në Superiore, mes Kastriotit, Kukësit e Flamurtarit, tashmë Halilaj e rinis nga Kamza, ku sërish do të jetë pikë referimi, pasi eksperienca e tij e madhe i duhet shumë një ekipi debutues.

Ndërkaq, drejt Kamzës është edhe Taulant Kuqi. Mesfushori 31-vjeçar, i aftë të luajë edhe si qendërmbrojtës, për herë të parë në karrierë lë Vlorën dhe tashmë provon një aventurë të re. Në Vlorë nuk e konsideruan të nevojshëm, duke mos ia rinovuar kontratën këtë verë, ndaj Kuqi nuk ka bërë zë, ka evituar polemikat dhe tashmë është drejt mbylljes së bisedimeve me Kamzën, ku së bashku me Halilajn do të japë një kontribut të çmuar.

Kamza dëshironte edhe Ardit Shehajn, por sulmuesi zgjodhi Teutën.