kuqezinjte

Miqësore me Katarin, barazim dhe paraqitje dinjitoze për Shqipërinë U-20

Sport Ekspres — Wed, 15 May 2019 19:38:14 +0000

Shqipëria U-20 zhvilloi një ndeshje miqësore përballë Katarit, e cila u mbyll me rezultatin e barabartë, 1-1. Kjo miqësore u zhvillua në Francë dhe golin për kuqezinjtë tanë e shënoi sulmuesi Gruda.

Ndeshja nisi më mirë për Katarin, që gjeti golin e avantazhit në minutën e 17’ të takimit. Megjithatë, të besuarit e Ilir Biturkut arritën të barazonin në fundin e pjesës së parë. Në minutën e 44’, sulmuesi Ildi Gruda barazon takimin, gol që vendosi dhe rezultatin final të sfidës.

Trajneri Biturku provoi gjithsej 18 lojtarë në këtë takim, pasi kreu plot zëvendësimë në pjesën e dytë. Megjithatë, gola nuk pati në fraksionin e dytë të lojës dhe të dyja skuadrat u pajtuan me rezultatin.

Miqësore, më 15 maj 2019 (Francë)

Shqipëri U-20 – Katar U-20
Shënues: I. Gruda 44’

Shqipëri U-20: Qarri, Lekaj, Ramadani, Sheji, Domi, Marku, Sala, Liço, Sula, Gruda, Tedi Cara (U aktivizuan: Shala, Oshafi, Murati, Ismailgeci, Çobo, Çelhaka, Gecaj)

Shqipëri-Moldavi, mësoni çmimet e biletave në “Elbasan Arena”

Sport Ekspres — Wed, 15 May 2019 15:46:32 +0000

Shqipëria do të udhëtojë drejt Islandës me datë 8 qershor, ndërsa tre ditë më vonë, me datë 11 qershor, do të përballet në “Elbasan Arena” kundër Moldavisë, sfidë e vlefshme për kualifikueset e Euro 2020. Kuqezinjtë tanë vijnë në këtë takim pas një fitoreje të pastër 0-3 kundër Andorrës në transfertë.

Për sfidën kundër Moldavisë, janë publikuar dhe çmimet e biletave. Çmimet janë më të ulëta se në dy takimet e fundit. Në çdo tribunë, çmimet janë 1 mijë lekë (të reja) më lirë. Një biletë në tribunat G2 dhe C2, kushton 500 lekë.

Në tribunat G1, G3, C1 dhe C3, një biletë kushton 1000 lekë, ndërsa në tribunat F dhe D, 1500 lekë. Në tribunat kryesore, atë VIP dhe VIP2, biletat kushtojnë 12000 lekë dhe 10000 lekë respektivisht. Më poshtë, do të mësoni dhe çmimet e plota të tribunave:

Projekti dhe e ardhmja e Shqipëri U-15, flet trajneri Dama

Sport Ekspres — Mon, 04 Feb 2019 16:59:41 +0000

Shqipëria U-15 është grumbulluar sot në ambientet e kompleksit “Tropikal”, ku trajneri Armand Dama ka grumbulluar plot 25 lojtarë. Kuqezinjtë do të luajnë dy miqësore deri ditën e shtunë, e cila do të jetë dita e fundit e grumbullimit. Pas seancës së parë stërvitore, ka folur trajneri Dama, i cili për faqen zyrtare të FSHF-së u shpreh:

“Kemi një grup me element goxha të mirë, duke punuar bashkë do njihen më shumë dhe do mësojnë shumë. Do kuptojnë filozofinë tonë dhe se çfarë kërkojmë ne për ekipin Kombëtar. Gjatë këtij grumbullimi do të zhvillojmë seanca stërvitore dhe ndeshje miqësore me ekipin rajonal të Durrësit dhe Elbasanit.

Qëllimi është që ti bëjmë bashkë të gjithë lojtarët me cilësi, të punojmë shumë dhe të ndjenjë peshën e Kombëtares. Këto grumbullime do ti rrisin gradualisht dhe besoj se është një grup i mirë me perspektivë për të furnizuar dhe grupmoshat e mëvonshme. Kemi element shumë cilësorë, kuptohen që janë të vegjël dhe në fazë zhvillimi, me lojtarë që mund të rriten dhe të përmirësohen më tej, por duhet ta theksoj se kemi element me shumë cilësi.

Gjatë këtij viti do të zhvillojmë disa grumbullime, do të luajmë ndeshje miqësore me Maqedoninë dhe Kosovën. Do të marrim pjesë në një turne të UEFA-s për datëlindjet 2005. Mendojmë se do të ecim shumë mirë, është grup i mirë, po punuan mirë do të kenë sukses”, u shpreh trajneri Dama.

Milani gjen sulmues, synon një 22-vjeçar

Sport Ekspres — Fri, 11 Jan 2019 20:02:06 +0000

Milani udhëton nesër drejt Xhenovës për t’u përballur me Sampdorian për kuadër të Kupës së Italisë. Xhenaro Gatuzo ka vendosur t’i dhurojë grumbullimin e parë Lukas Paketës, ndërsa pritet të shihet nëse blerja e re do ta nisë ndeshjen nga minuta e parë.

Trajneri ka vendosur të mos grumbullojë Suson për ndeshjen, që zhvillohet të shtunën në orën 18:00, duke e ruajtur spanjollin për finalen e Superkupës kundër Juventusit. Nga ana tjetër ka dalë në pah një emër i ri për merkaton e kuqezinjve.

“L’Equipe” raporton se Leonardo ka nisur kontaktet me agjentin e Maksuell Kornet, sulmuesin 22-vjeçar të Lionit. Lojtari nga Bregu i Fildishtë pëlqehet shumë nga Milani, por duhet mposhtur konkurrenca e Uotfordit, që ka gati 20 milionë euro për të bindur Lionin.

Kornet ka shënuar një gol në kampionat gjatë këtij sezoni në nëntë ndeshje të zhvilluara, ka gjetur tre herë rrugën e rrjetës në Champions (të tri golat ia ka shënuar Mançester Sitit) dhe numëron dy gola të shënuar në tetë ndeshje me kombëtaren.

Maksuel Kornet, 22-vjeç