Pas golit të parë të shënuar me kokë, Guri realizon një perlë në minutën e 87-të të sfidës. Brenda zonës, sulmuesi kuqezi e merr mirë topin, driblon kundërshtarin brenda zonës dhe mposht portierin me një diagonale me të djathtën. Thjesht i shkëlqyer…

Në javën e parë, Guri mungoi për shkak dëmtimi, por sot e nisi si titullar takimin dhe iu deshën vetëm 32 minuta për të shënuar. Pasi gjeti rrjetën me një gjuajtje me kokë, Guri i dedikoi golin bashkëshortes së tij, që pret të vijë në jetë fëmija i tyre.

Lacio triumfoi 4-2 në fund përballë Paderbornit, ekip me të cilin u aktivizua edhe mesfushori Jurgen Gjasula. Milot Rashica u aktivizua 90 minuta në takimin miqësor mes Verder Bremenit dhe Evertonit, duke bërë një paraqitje shumë të mirë.

Ndërsa në Angli, sot startoi liga e dytë angleze, Championship dhe Celina zbriti në fushë për ekipin e Suonsit. Fantazisti i Kosovës luajti titullar përgjatë gjithë takimit dhe ndihmoi ekipin e tij të fitojë me përmbysje 2-1.

“Kemi marrë dy-tre oferta për Grezdës, por asnjëra nuk i përmbush pritshmëritë tona nga ana financiare. Ka pasur dhe kërkesa huazimi, por asnjë nga këto opsione nuk janë opsione që ne po i studiojmë”.

Nga Franca, transferimin e Grezdës te Brest e bëjnë të kryer, por futbollisti kuqezi është ende në kontratë me Rejnxhërs dhe deri më tani, është ende në “Ibrox Stadium”. Situata e sulmuesit të kombëtares, shumë e paqartë…

Në takimin kundër Beitar Jerusalem, ish-mesfushori i Skënderbeut gjeti rrjetën në mënyrë të përkryer, duke shënuar një “perlë” në hyrje të zonës me të majtën. Nes Tziona u mposht 2-1 nga Beitar Jerusalem në ndeshjen e parë të Toto Cup.

Sulmuesi kryeqytetas gjeti rrjetën në Toto Cup, ku në minutën e 80-të të takimit, i dha avantazhin skuadrës së tij përballë Hapoel Hafifa. Takimi përfundoi 2-0 në favor të Netanias, që pas raundit të parë të kësaj Kupe, merr kryesimin e grupit.

Toto Cup, Izrael

Netania – H. Hafifa  2-0
Hyka 80’, Melamed 90+5’

“Mesfushori anësor, Suad Sahiti, është lojtari më i ri i Uisla Plok. 24-vjeçari, i cili do të mbajë numrin 44, ka nënshkruar kontratë 1-vjeçare me klubin tonë, me opsionin për ta rinovuar edhe me një vit tjetër. Mirëseerdhe, Suad!”

24-vjeçari ka luajtur me ekipin e Skënderbeun në Superiore, në sezonin 2017/18. Pas aventurës me skuadrën korçare, mesfushori i transferua te Larisa në Greqi.

 

View this post on Instagram

 

?? Skrzyd?owy Suad Sahiti zosta? nowym pi?karzem Wis?y P?ock. 24-letni zawodnik, który b?dzie wyst?powa? z numerem 44, zwi?za? si? z naszym klubem rocznym kontraktem z opcj? przed?u?enia o kolejny sezon. Witamy na pok?adzie @suadsahiti7! ??? #wislaplock #wis?ap?ock #nafciarze #sahiti #transfer #welcome #witamy #goodluck #powodzenia

A post shared by Wis?a P?ock (@wislaplocksa) on Jul 24, 2019 at 9:10am PDT

Një ofertë ka mbërritur në klubin skocez. Ekipi i sapongjitur në Ligue 1, Brest, është interesuar për shërbimet e shqiptarit dhe ka pyetur për çmimin e tij. Rejnxhërs kërkon të paktën 1.5 milionë stërlina, në mënyrë që të mos humbasë shumë nga shuma që pagoi një vit më parë, 2 milionë sterlina.

500 mijë sterlinat që do të humbasin, Rejnxhërsi i ka përfituar nga aktivizimi dhe imazhi i sulmuesit shqiptar, në një kontratë e parashikuar që kur Grezda nënshkroi verën e shkuar nga skuadra e Osijekut. Një situatë shumë e komplikuar kjo e sulmuesit shqiptar, por që me shumë gjasa do të qartësohet ditët e ardhshme.

Fillimisht, Seferi ndëshkohet me karton të verdhë në minutën e 56-të të takimit, ndërsa në minutën e 73-të, ndëshkohet sërish me të verdhë dhe i tregohet kartoni i kuq, duke e lënë skuadrën e tij me një lojtar më pak. Sulmuesi kuqezi godet topin, por mbrojtësi kundërshtar e bllokon dhe e largon sferën nga zona e rrezikshme.

Seferi, në tentativë për ta rifituar topin, ndërhyn në kohë vonesë dhe shkel këmbën e mbrojtësit që është i shtrirë në tokë. Gjyqtari ndalon menjëherë lojën dhe i tregon kartonin e kuq sulmuesit shqiptar. Takimi mes Tunit dhe Ksamaksit u mbyll i barabartë 2-2.

Ndeshja mes AZ Alkmar dhe Ostendes u luajt në kushte shumë të vështira atmosferike, pasi kishte reshje të dendura dhe të pandërprera shiu. Megjithatë, kjo gjë nuk e pengoi ish-sulmuesin e Kukësit të gjente rrjetën, në minutën e  43′. Takimi mes ekipit holandez dhe atij belg u mbyll në minutën e 44’, pasi ishte e pamundur të luhej në kushtet e krijuara atmosferike.

Uzuni kishte mundësinë të barazonte takimin për skuadrën e tij në takimin e parë të kampionatit kroat përballë Dinamos, por në minutën e 39-të u tregua i pasaktë nga pika e bardhë e penalltisë. Më pas, Dinamo do të shënonte dhe dy herë të tjera, për ta fituar takimin bindshëm 3-0.

Ndeshja mbaroi në minutën e 82-të për Uzunin, që u zëvendësua nga shqiptari tjetër Tuci, ndërsa Kastrati, i cili e fitoi penalltinë, luajti 90 minuta.

Kroaci, HNL League

Dinamo Zagreb – Lokomotiva e Zagrebit  3-0
Kadzior 17’, Orsiç 45+1’, Petkoviç 85’

Ndeshja nuk nisi mirë për Prengën, i cili u ndëshkua me karton të verdhë që në minutën e 7-të të takimit dhe duke luajtur për pjesën e mbetur me kujdes të tepërt. Por 24-vjeçari kuqezi nuk mundi t’i shpëtonte kartonit të kuq në minutën e 111-të, duke lënë skuadrën e tij me një futbollist më pak.

Pas 210 minutave pa gol në të dyja sfidat, Riga dhe Dundalk iu drejtuan penalltive, aty ku irlandezët u treguan më të saktë dhe kalojnë në raundin tjetër, ku përballë do të kenë Karabakun.

Sulmuesi kuqezi i dha barazimin skuadrës e tij në minutën e 56-të të takimit, gol që vendosi dhe rezultatin final të sfidës 1-1. Sezoni i shkuar, ishte me shumë ulje-ngritje për bomberin shkodran, që synon të bëjë një edicion më pozitiv në 2019/20.

Miqësore, 16 korrik 2019 (19:00)

Zulte – Ostende  1-1
Bjordal 45’ / Guri 56’

17-vjeçari luajti sezonin e shkuar për moshat e Kievos, por paraqitjet e mira i dhanë mundësinë të kalojë te skuadra A, ku u grumbullua në 7 ndeshje dhe luajti njërën nga to titullar për 90 minuta. Ndreçka shihet si një mbrojtës me të ardhme dhe jo më kot Tare i ka besuar.

Mbrojtësi i majtë ka luajtur për dy kombëtaret e moshave të Shqipërisë, me atë U-19 dhe me Shpresat U-21. Në Instagramin e tij zyrtare, Ndreçka ka postuar një video, ku shikohet se është në ambientet e klubit të Lacios.

Në takimin mes Akhmat Groznit dhe Krasnodarit, i vlefshëm për javën e parë të kampionatit rus, Berishës iu deshën vetëm 28 minuta për të shënuar, me anë të një kthese shumë të bukur. Edhe pse nuk bëri goditjen perfekte, sulmuesi u ndihmua dhe nga një pasiguri e portierit, duke i dhënë avantazhin ekipit të tij.

Trajneri e aktivizoi si mbrojtës i djathtë, aty ku Xhaka dukej i pakalueshëm. Pas ndeshjes, tekniku Marsel Koller vlerësoi në maksimum paraqitjen e lojtarit kuqezi, si dhe pranoi se po e konsideron seriozisht spostimin e mesfushorit kuqezi në të djathtë të mbrojtjes.

Përveç rolit të ri dhe paraqitjes shumë të mirë, Xhaka pati dhe një tifoz speciale në stadium. Një djalosh i vogël mbajti gjatë gjithë 90 minutave në dorë një banderolë për Xhakën, ku i kërkonte fanellën. Mesfushori kuqezi mbetet një nga lojtarët më të dashur në Bazel, si dhe me fillimin e sezonit të ri, do të ketë rolin e zëvendës kapitenit.

Grezda u transferua në verën e shkuar nga skuadra e Osijekut te Rejnxhërsi, por nuk arriti asnjëherë të fiksojë një vend titullari. Trajneri Xherrard, duket se e ka ndarë mendjen. Për mediat skoceze, tekniku anglez i Rejnxhërsit tha:

“Nuk duhet të jesh gjeni që të kuptosh se skuadra jonë është shumë e madhe. Disa lojtarë do të largohen, do t’ua komunikoj vetë. Do të jenë ditë të vështira, por kjo është detyra e trajnerit. Lojtarët ose të më urrejnë, ose të më respektojnë”, u shpreh Xherrard.

Sot, mbrojtësi i përfaqësueses së Kosovës ka zbarkuar në Itali dhe këtë gjë e ndau dhe me ndjekësit e tij në Istagram. “Bella Italia”, shkroi 25-vjeçari krahas fotos, ku shihet mbrojtësi dardan dhe Adrian Aliaj, agjenti i tij.

Rrahmani luajti për 3 sezone me skuadrën e Dinamo Zagrebit, ku shënoi 4 gola në kampionatin kroat. Në Shqipëri, Rrahmani ka mbajtur veshur fanellën e Partizanit për dy sezone (2013/14 dhe 2014/15).

Në këtë takim, rolin e protagonistit e ka marrë Benard Berisha. Sulmuesi anësor shënoi dy gola në fitoren 1-2. Fillimisht, 28-vjeçari shënoi me anë të një penalltie në minutën e 58’, ndërsa në të 84-ën, i dha fitoren skuadrës së tij.

MIQËSORE

MOL Vidi – Akhmat Grozni  1-2
Huszti 30’ / B. Berisha 58’ 84’

Mbrojtësi ka qenë duke e ndjekur këtë takim dhe nuk ngurroi të publikojë foton e sfidës me rezultatin 5-0, duke vendosur dhe disa emoji ku shpreh lumturinë e tij. Ismajli ose është tifozi më i flaktë i Gjermanisë, ose e ka lumturuar humbja e thellë e Serbisë, por sido që të jetë, ai nuk ngurooi të shprehë lumturinë e tij në rrjetet sociale.

Për më shumë se dy sezone tashmë, duket se anësori kuqezi është një nga lojtarët më të kërkuar në merkato, por në ditët e fundit, një kalim i tij te Atletiko Madrid duket më shumë se një thashethem. Sipas asaj që rapotohet nga Alfredo Pedula, Hysaj do të jetë një lojtar i Atletikos, skuadër e cila ka paguar 20 milionë euro për shërbimet e tij.

Huanfran u nda me “Colchoneros” pas 9 sezonesh, ndërsa mbrojtësi tjetër i djathtë, Arias, nuk ka bindur dhe pritet të largohet. Simeone ka mbetur pa mbrojtës të djathtë dhe si pasojë, ka vendosur të shpenzojë plot 20 milionë euro për mbrojtësin shqiptar.

Por që nga kalimi i tij nga kampionati kroat në atë skocez, Grezda nuk arriti të lërë gjurmë dhe shumicën e takimeve i ka ndjekur nga stoli. Për më tepër, sulmuesi ka vuajtur dhe nga dëmtimet e shumta, që i kanë limituar minutat në fushë.

Siç raportojnë mediat skoceze, Stiven Xherrard e ka humbur besimin te anësori i Shqipërisë dhe ka vendosur të mos e grumbullojë me skuadrën në fazën përgatitore që do të zhvillohet në Portugali, duke lënë të kuptohet se Grezda nuk është në planet e tij dhe se me shumë gjasa do të largohet.

Me ekipin rumun, Llullaku kishte dhe një vit kontratë, por ka rënë dakort me klubin për ndërprerjen e saj. Tashmë, sulmuesi 31-vjeçar është një lojtar i lirë, në pritje të ofertave. Fanellën e Astrës, Llullaku e mbrojti vetëm këtë sezon, ku në 34 ndeshje, shënoi dhe 7 gola, duke qenë një nga lojtarët më të mirë. Në Instagramin e tij, Llullaku njoftoi “divorcin” me Astrën, duke shkruar:

“Aventura ime këtu mbaroi! Dua t’i falënderoj të gjithë anëtarët e kësaj skuadre, ju uroj më të mirat. Fat të mbarë djema, fat të mbarë”.

 

View this post on Instagram

 

My adventure here is finished ! I want to thank everyone from this team , wish you all the best ! Good luck guys good luck @astra_giurgiuoff

A post shared by Azdren Llullaku 10?? (@llullakuazdren) on Jun 18, 2019 at 11:02am PDT

Kombëtaret e Femrave, miqësore

Maqedonia – Shqipëria   1-3
Roch 72’ / Bajraktari 8’, Krasniqi 45’, Rrahmani 73’

FORMACIONI – Shqipëria: Rexhepi, Hila, Curraj, Bajraktari (c), Maliqi, Hashani, Morina, Krasniqi, Doci, Gjini, Franja.

Fillimisht, barazuan në minutën e 32’ me anë të Gjinit, për ta mbyllur pjesën e parë në baraspeshë. Në pjesën e dytë, kombëtarja jonë dominoi, duke shënuar dhe dy herë të tjera dhe duke mos pësuar. Në minutën e 75’, do të gjenim avantazhin, falë golit të Doçit , ndërsa vetëm tre minuta më vonë, shënuam dhe golin e tretë, duke vendosur rezultatin final të sfidës, 3-1.

Miqësore, femra

Shqipëri – Maqedoni  3-1
Gjini ’36, Doçi ’75, Bajraktari ’78/ Maksuti ’12

“Përshëndetje miq, ju falënderoj të gjithëve për komentet pozitive dhe ato negative. Sa i përket çështjes së bluzës, ju kërkoj shumë ndjesë për hedhjen e saj, me të vërtetë një gjest i papranueshëm, por më besoni, ndodhi si pasojë e mos kontrollimit të emocioneve dhe unë nuk kisha ndonjë qëllim të keq. Ju kërkoj shumë ndjesë. Zoti ju bekoftë të gjithëve”.

Me Pitër Çeh që u tërhoq nga futbolli, Arsenali është në kërkim të një portieri të ri dhe Strakosha shihet si njeriu i duhur për të qenë numri 1. Por nuk janë vetëm “Topçinjtë” e Londrës ata që kërkojnë shërbimet e gardianit kuqezi.

Edhe ekipi tjetër londinez, Totenhemi është vënë në ndjekje të kartonit të 24-vjeçarit, madje thuhet se “Gjelat” janë favoritët për firmën e tij. Megjithatë, Lacio nuk ka ndërmend të privohet nga shërbimet e Strakoshës.

Drejtuesit lacialë i kanë vendosur një çmim të kripur portierit shqiptar. Në rast se skuadrat londineze duan shërbimet e tij, duhet të paguajnë minimalisht 30 milionë euro, një shumë që si Arsenali, ashtu dhe Totenhemi, e konsiderojnë të lartë.

NDESHJA – “Moldavia u rreshtua mirë në mbrojtje, nuk na lanë shumë hapësira. Megjithatë, ne ia dolëm dhe po më pëlqen loja që bëmë sot. Po mbajmë ritme të larta dhe po bëjmë një lojë të mirë.

ROLI I RI – “Po gjendem shumë mirë te roli i ri, po i afrohem sa më shumë portës”.

LOJA – “Edhe sot kemi bërë shumë lojë të mirë, kemi fituar dhe kemi shënuar, prandaj është gëzim dyfish. Kemi treguar se dimë të luajmë futboll. Trajneri i ri ka bërë punë të mirë”.

E ARDHMJA – “Skuadra ime është “pushimi”. Këtë muaj, do bëj pushime. Kam dhe dy vite kontratë me Napolin, do diskutoj me klubin dhe do të flasim. Pushimet? Do të jenë aktive”, u shpreh Hysaj.

“Të them të drejtën, më lumturon më shumë fitorja se goli, pasi ishim në situatë delikate pas humbjes me Islandës. Sot jam dyfish i lumtur, për fitoren dhe për golin. Ndihem shumë mirë dhe shpresoj të vazhdojmë kështu. E kam thënë dhe pas ndeshjes me Islandën, kemi punuar shumë mirë me trajnerin e ri. Me ardhjen e tij, kanë ndryshuar mekanizmat e lojës. Sot ia dolëm të shënonim, ishte e rëndësishme, pasi Moldavia u mbyll mbrapa.

Jam shumë i lumtur për golin, por edhe për rikthimin e Roshit, që kishte një vit pa luajtur. Sinqerisht, ndihem shumë mirë pasi në radhë të parë fituam, pastaj edhe që shënova. Është e vërtetë, unë jam gjithmonë me këmbë në tokë, nuk është se me një gol kam arritur diçka madhore, absolutisht që jo. Unë besoj në punë të palodhshme dhe gjithmonë kam punuar.

Jam munduar gjithmonë të ndihmoj ekipin dhe bëj gjithmonë atë që me kërkohet. Sigurisht që duhet të shënoj më shumë, por ajo që është më e rëndësishme është që ekipi të arrijë rezultatet. Sot prandaj jam shumë i lumtur, pasi ekipi arriti te fitorja. Doja me gjithë zemër që ne 4 sulmuesit të gjenim golin. Ndihemi shumë mirë, kemi ndihmuar njëri-tjetrin.

Dedikimi i golit? Sigurisht që pas shënimin të golit, pata një festim që ishte për Kornelian, gruan time, por dhe për familjen time. Ia dedikoj dhe të gjithë tifozëve. Ne ndihemi mirë, e ndjejmë mbështetjen tuaj si media”, përfundoi Cikalleshi.

Ndeshja nisi shumë më mirë për Shqipërinë, që e dominoi të gjithë pjesën e parë. Hysaj dhe Sadiku kishin raste të mira, si dhe një penallti që nuk u akordua në favor tanëve. Pjesa e parë u mbyll pa gola.

Pjesa e dytë nisi me të njëjtin ritëm, me Shqipërinë që kërkoi në çdo sekondë golin. Edi Reja bëri zëvendësimet e duhura, duke aktivizuar Cikalleshin dhe Roshin. Ishin pikërisht këto dy futbollistë që kombinuan me njëri-tjetrin, duke shënuar golin e pare të sfidës.

Në minutat e fundit, Ramadani do të shënonte golin e dytë për kuqezinjtë tanë, pasi mposht portierin moldav me një goditje nga jashtë zone, duke hipotekuar fitoren e Shqipërisë.

EURO 2020, kualifikuese
“Elbasan Arena”, Elbasan

Shqipëri – Moldavi 2-0
Cikalleshi 66′, Ramadani 90+2′

Shqipëri: Berisha, Hysaj, Ismajli, Mavraj, Veseli, Lenjani (Roshi 58′), Ramadani, Kaçe (Qose 83′), Abrashi, Sadiku (Cikalleshi 58′, Uzuni. Trajner: Edi Reja

Moldavi: Koshele, Jardan (Graur 76′), Efros, Armash, Cebotaru, Carp, Antoniuc, Reabciuk, Suvorov (Cociuc 74′), Damashcan (Boiciuc 70′), Ginsari. Trajner: Aleksandru Spiridon

Kartonë të verdhë: Ramadani 90+3′ / Armash 56’, Karp 76′

EPISODET –

90+’ – Mbyllet sfida në “Elbasan Arena”, Shqipëria mposht pastër Moldavinë 2-0.

90+2’ – Goooool!! Shënojnë sërish kuqezinjtë tanë, kësaj radhe me anë të Ramadanit. Mesfushori bën gjithçka mirë dhe shënon një supergol, duke mbyllur historinë e takimit.

83’ – Reja kryen dhe zëvendësimin e fundit. Kaçe largohet nga fusha e blertë, në vend të tij Kristi Qose

79’ – Kërcënojnë moldavët, por tentativa e sulmuesit Ginsari me kokë shkon mbi tra

66’ – Goooool!! Shënon Shqipëria. Sokol Cikalleshi merr një pasim të shkëlqyer nga Odise Roshi dhe gjen rrjetën, duke kaluar kuqezinjtë në avantazh. Zëvendësimet e Rejës janë të arta

58’ – Dy ndryshime nga Edi Reja. Sadiku i bën vend Cikalleshit, ndërsa Roshi aktivizohet në vend të Lenjanit

53’ – Një aksion i gjatë i Shqipërisë përfundon te këmbët e Sadikut në hyrje të zonës, por gjuajtja e numrit 10 bllokohet

46’ – Fillon pjesa e dytë, Shqipëria në kërkim të golit

45’ – Mbyllet pjesa e parë në “Elbasan Arena”. Kuqezinjtë tanë dominuan gjithë fraksionin e parë të lojës, por goli mungoi.

31’ – Shqipëria pretendon për penallti. Gjuajtja e Armando Sadikut me kokë ndalet nga mbrojtësi moldav me dorë, por gjyqtari nuk akordon penallti. Rast i dyshimtë

23’ – Armando Sadiku godet befasishëm nga jashtë zone dhe topi po i drejtohej cepit të portës. Portieri moldav arrin të grushtojë, duke i mohuar golin kuqezinjve tanë

9’ – Shans ideal për Elseid Hysaj. Mbrojtësi gjen mirë hapësirë brenda zonës dhe mundohet të shënojë nga një krosim i Lenjanit, por tregohet i pasaktë.

3’ – Mundësi e mirë për kuqezinjtë tanë. Hysaj del i lirë nga e djathta dhe kroson në qendër, aty ku kërcen Uzuni, por tentativa e sulmuesit me kokë shkon mbi tra

1’ – Fillon takimi në “Elbasan Arena”

Xherrard nuk duket i bindur nga aftësitë e ish-lojtarit të Osijekut dhe me shumë gjasa, Grezda do të përfundojë në listën e transferimeve. Futbollisti i kombëtares kuqezi u transferua te Rejnxhërs vitin e shkuar nga skuadra e Osijekut. Kartoni i 24-vjeçarit i kushtoi 2.5 milionë euro ekipit skocez.

RIKTHIMI – “Shiko, sot më ka mërzitur rezultati, pasi me lojën që zhvilluam, mund të arrinim diçka më të mirë. Për mua, që të rikthehem në kombëtare dhe të jap kontributin tim, është nder. Me sistemin e ri, me partner në sulm (Balajn), bëjmë shumë mirë. Më vjen keq që nuk shënuam as unë as Balaj. Jemi të mërzitur nga rezultati”.

LOJA – “I kisha si detyrë rikthimet në mbrojtje, pasi kundështari i përdor shumë mirë rivëniet anësore. Ia dola në pjesën e parë, por harxhuam shumë energji. I patëm rastet për të shënuar, kishte dhe një episod për penalltinë që pretenduam. Në pjesën e dytë, nuk kishim shumë forca për të dalë në sulm. Pjesën e parë, kishim erën në favor, por nuk e shfrytëzuam. Në pjesën e dytë, ishte më vështirë. Edhe goli që pësuam, na uli disi vetëbesimin, moralin. Gjithsesi, nuk dorëzohemi, vazhdojmë. Me trajnerin e ri dhe me skemën që përdorëm, treguam që dimë të luajmë. Nuk është më ajo Shqipëria që vetëm mbrohet. Nuk e pranoj dot këtë rezultat.

MOLDAVIA – “Me Moldavinë, do të jetë ndeshje ndryshe, pasi kundërshtarët nuk janë të njëjtë. Islanda ishte shumë e fortë fizikisht. Luftuam me ta për çdo top, nuk pësuam nga goditjet standarte. Me Moldavinë, duhet të arrijmë me doemos fitoren, por nuk duhet të flasim këtu, por të bëjmë një ndeshje shumë të mirë në fushën e lojës”, përfundoi sulmuesi kavajas.

“Ne kemi detyra që i kemi punuar gjithë javën dhe duhet të jemi rigorozë. Një goditje në fund të pjesës së p arë mund ta gjuanim ose Bekimi, por donte ta godiste Lenjani. Nëse shënonim gjërat do ishin ndryshe. Jam i mendimit, që edhe pse bëmë një pjesë të parë të mirë, më vjen keq për rezultatin”, shtoi Cikalleshi per Supersport.

NDESHJA – “Është për të ardhur keq, pasi e nisëm mirë. 20 minutat e para krijuam shumë raste. Pastaj rendimenti fizik filloi të bjerë. Megjithatë, mund të shënonim, pasi na u mohua një penallti. Ajo që prisnim ne nga goditjet e këndit, nuk sollën atë që ne mendonim. Krijuam shumë raste dhe është për të ardhur keq. Disa episode mund të ishin konsideruar penallti”.

GOLI – “Pavarësisht aftësive të dukshme të lojtarit që dribloi, ne nuk duhet ta lejonim. I iku të parit, të dytit, i treti duhet ta ndalte me doemos. Megjithatë, ishin aftësitë e tij”.

ZËVENDËSIMET – “Ajo që tentova me ndryshimet ishte që të bënim një lojë më të shpejtë. Kaçe është një nga lojtarët më të shpejtë që kemi. Patëm nga fundi dhe disa raste që mund t’i shfrytëzonim më mirë, por nuk ia dolëm”, u shpreh Reja për RTSH Sport.

“Bëmë një ndeshje të mirë, patëm raste por nuk i konkretizuam. Nëse nuk e bën diçka të tillë, atëherë është problem. U munduam të krijojmë raste, sikurse edhe ata me goditje standarde. Loja do merrte rrjedhë tjetër po të finalizonim. Shënuan ata dhe ia dolën. Na vjen keq”.

“Do analizoj ndeshjen, do shoh ata që janë lodhur. Do mundohem të bëj një grup që të jenë gati. Do ketë ndryshime. Më vjen keq që nuk morëm rezultat. Punuam mirë nga krahët. Gjithashtu ishte edhe një penallti për ne, të paktën kështu m’u krijua opinioni im. Nuk isha i kënaqur nga arbitrimi, penalltia ishte e dukshme.

“Nuk më pëlqen të luajmë me topa të gjatë. Kam tentuar të luaj poshtë, ia kemi dalë në disa raste ta bënim diçka të tillë. Era ishte kundër nesh pjesën e dytë. Kishte disa faktorë që na kushtëzuan skemën e lojës.”

“Balaj bëri ndeshje të mirë, kthehej edhe në mesfushë. Të dy janë sulmues të fortë fizikisht, ata bënë presing te mbrojtësit. Nuk u shfrytëzuan hapësirat që u morën nga krahët. Në përgjithësi kanë bërë një punë të mirë”, shtoi Reja per Supersport.

Megjithatë, ky transferim nuk ka shkuar ashtu siç mendohej në fillim. Gazetari i MailSport për klubin e Rejnxhërs, Skot MekDermont, nuk i kurseu kritikat për menaxhimin e klubit skocez, si dhe për sulmuesin shqiptar, Eros Grezda:

“Kur flet me drejtorët teknikë, skautët, njerëzit përgjegjës për rekrutimet e reja te Rejnxhërs, kupton se ata nuk e njohin aspak lojtarin, por shikojnë CV-në e tij. Kjo gjë ka ndodhur dhe me Grezdën, që për mua është transferimi i dështuar i vitit në kampionatin skocez”.

SUPERIORJA – “Liga I ka një nivel të mirë dhe lojtarë cilësorë, si rumunët ashtu edhe të huajt. Edhe në Shqipëri ka lojtarë të mirë, por niveli nuk është si këtu. Gjithashtu edhe kushtet e stërvitjes nuk janë më të mirat atje. Megjithatë Shqipëria ka pasur ekipe si Skënderbeu, Kukësi e Tirana që kanë marrë pjesë në garat ndërkombëtare. Nga viti në vit futbolli në Shqipëri po rritet”.

PROBLEMET – “Pata probleme në janar. Para se të ndryshohej trajneri, kisha arritur të shënoja ndaj FCSB. Kur ndryshoi trajneri donin të më dërgonin te Petrolul në ligën e dytë. Nuk pranova, doja të qëndroja dhe të luftoja për një vend titullari. Tani gjithçka është në rregull. Kam luajtur dhe kemi marrë rezultate. Si ia dola? Jap gjithçka për vendin tim të punës, në stërvitje dhe në ndeshje. Kur t’i bën gjithçka, Zoti të ndihmon. Nuk donin të më merrnin në fazë, por fola me presidentin dhe i kërkova që vetëm të stërvitesha. Nuk pranoja të huazohesha. Gjithçka ndryshoi pas një miqësoreje me Ludogorets, ku ne bëmë një ndeshje të mirë. Që atëherë gjërat ndryshuan”.

QAKA DHE LLULLAKU – “Nuk i kam takuar personalisht para se të vija këtu. Thjesht i kisha dëgjuar emrat e tyre, pasi kanë luajtur për Kombëtaren e Shqipërisë. Më pas i takova këtu si rivalë, shumë lojtarë cilësorë”.

KAMPIONATI DHE LOJTARI I PREFERUAR – “Premier Liga, padiskutim. Atje luhet një futboll shumë i bukur. Edhe lojtari im i preferuar, luan në Premier Ligë. Ai është Ngolo Kante, një futbollist që marr shembull. Nuk besoj se ka futbollist që nuk e pëlqen Kanten”.

MESI APO KRISTIANO – “Mesi, sepse ai është nga një planet tjetër. Ai është Zoti i futbollit. Ronaldo është një lojtar i mirë, punon shumë, por Mesi është unikal. Idhulli im është Ronaldo, por jo Kristiano, fenomeni. Më kujtohet kur e pashë në Kupën e Botës në vitin 2002, isha fëmijë”.

OBJEKTIVI PERSONAL – “Shpresoj që paraqitjet e mia me këtë skuadër të më çojnë te Kombëtarja e Shqipërisë. Po pres me padurim që të luaj për Shqipërinë. Kjo është gjëja e vetme që kam për momentin në mendje dhe nuk do të ndalem”.

PSEUDONIMI -“Shokët e skuadrës bëjnë shaka në dhomat e zhveshjes me emrin tim. Më kanë vënë një pseudonim. Soiledis, Pataçe dhe Rodrigez më thërrasin Papu. Në greqisht do të thotë gjysh. Doktori i ekipit më thërret Papa nga Vatikani”.

TAKIMI ME PAPËN – “Nuk jam takuar me Papa Françeskun. Çfarë do i kërkoja? Mendimi i parë që do t’i thoja është që të ndihmojnë popullin në Siri dhe në Afrikë. Ka fëmijë që nuk kanë as për të ngrënë. E di që Kisha ka para dhe nëse është e mundur do doja t’i ndihmonte, pasi jemi të gjithë njerëz. Kjo pavarësisht besimit fetar”.

Futbollisti i kurbinasve ka bërë një sezon shumë të mirë në Superiore, ka startuar 31 sfida si titullar dhe ka shënuar 5 gola, statistika tepër pozitive për 20-vjeçarin, që tashmë do të jetë dhe pjesë e kombëtares.

PORTIERË: Mario Dajsinani (Skënderbeu), Andrea Hoxha (Vintertur), Romeo Harizaj (Apolonia)

MBROJTËS: Jon Mersinaj (Laçi), Shaqir Tafa (Kuneo), Drilon Kryeziu (Triglav), Leonard Maloku (Fermana), Serxho Kalaj (Lacio), Anxhelo Ndrecka (Kievo), Blerton Sheji (Struga), Jorgo Pëllumbi (Skënderbeu)

MESFUSHORË: Omar Imeri (Shkëndija Tetovë), Sherif Kallaku (Teuta), Aristidi Kolaj (Sasuolo), Kleandro Lleshi (Leganes), Esat Mala (Partizani), Julian Shehu (Kastrioti), Arbin Zejnullai (Shkëndija Tetovë), Shefit Shefiti (Shkëndija Tetovë), Lindon Selahi (Standard Liezh), Patrik Bardhi (Kastrioti),

SULMUES: Din Sula (Vasland Beveren), Agim Zeka (Fortuna Sitard), Emiljano Bullari (Olimpiakos), Redon Xhixha (Laçi)

“Rikthim te Skënderbeu? Tani jam lojtar i lirë, pres oferta. Kam pasur oferta por ende nuk janë të duhurat.Kurrë mos thuaj kurrë, nëse do jenë të njëjta çmime dhe kushte. Kam biseduar me Takajn më ka thënë se jam i mirëpritur, ku ka mirë, pranë familjes. Por, në radhë të parë duhet të fitojnë në KAS.

Titulli i Partizanit? I merituar “E kanë merituar, nuk e di pse ka çaluar Kukësi, ndoshta sepse ka ndërruar shumë trajnerë, Skënderbeu ka pasur problemet e veta dhe mendoj se Partizani e ka merituar”, tha Lilaj.

Cikalleshi nuk ia doli të triumfonte në finalen e Kupës së Turqisë. As sulmuesi tjetër kuqezi, Jahmir Hyka, nuk ia doli të ishte i suksesshëm në finalen e Kupës së Izraelit. As Llullaku nuk ia doli të triumfojë në finalen e Kupës së Rumanisë dhe dukej sikur Kupa ishte kthyer në një makth për futbollistët shqiptarë.

Por me skuadrën e Shaktjor Soligorskit, Elis Bakaj ka qenë i suksesshëm. Sulmuesi shqiptar nuk ishte i gatshëm për skuadrën e tij në finalen e luajtur sot kundër Vitebsk, por ekipi i Soligorskit ia doli të triumfojë me rezultatin 2-0 dhe të ngrejë trofeun e Kupës, si dhe t’i bëjë një “dhuratë” Bakajt, duke i dhënë medaljen e fituesit.

Megjithatë, ekipi i Vitorul Konstata, i drejtuar nga legjenda rumune, Xhorxh Haxhi arriti të përmbysë gjithçka. Në minutën e 76’, Gita shënon golin e barazimit, duke çuar takimin në shtesë. Llullaku, luajti 86’ minuta, për të dalë më pas nga fusha e lojës.

Në kohën shtesë, Vitorul e dominoi takimin, madje gjeti dhe golin e fitores. Erik në minutën e 105’, do t’i jepte triumfin skuadrës së tij dhe trofeun e Kupës së Rumanisë, një arritje shumë e rëndësishme për skuadrën e Vitorul dhe trajnerin Haxhi.

Kupa e Rumanisë, finale

Astra – Vitorul Konstata  1-2
Alibek 41’ / Gita 67’, Erik 105’

Në minutën e 41’, Qose merr përsipër ekzekutimin e një 11-metërshi. Edhe pse skuadra e tij ishte në disavantazh, 23-vjeçari ka kurajon të “tallet” me portierin kundështar, duke e ndëshkuar me një Panenka. KY ishte goli i dytë me penallti për Qosen, ndërsa 7 të tjerët kanë ardhur nga loja e hapur.

Një sezon i shkëlqyer deri më tani për mesfushorin kuqezi, i cili në 28 ndeshje në kampionat, 27 i ka nisur nga minuta e parë dhe vetë, një nga stoli. Në total, Qose numëron 2400 minuta. Ruzemberok ndodhet në vendin e tretë me 56 pikë në kampionatin sllovak.