Video | Bavarezët për faqe të zezë, forma e kampionëve lë për të dëshiruar

Sport Ekspres — Sat, 18 Aug 2018 15:35:49 +0000

Përballja ndaj skuadrës gjysmë-profesioniste të Drohtersenti mendohej si një “shëtitje” për djemtë e Niko Kovaç. Por, në mënyrë thuajse surreale, vendasit u bënë një makth për kampionët e Gjermanisë, madje mund të thuhet se në pjesën e parë ata luajtën si të barabartë ndaj milionerëve që sundojnë lehtësisht në Bundesligë. Levandovski shënoi golin e vetëm të takimit, por edhe polaku merr notë ngelëse në fund të takimit.

Një Bajern i mbushur me yje, nuk shkëlqeu aspak, ndoshta faji i takon mungesës së motivimit, gjithsesi nëse diferenca midis dy klubeve është tmerrësisht e madhe dhe kjo performancë ngre shumë pikëpyetje.

Goli i Levandovskit (1) – 0, Min 81’

Festë në qytezën gjermane, Bajerni luan në stadiumin “liliput”

Sport Ekspres — Sat, 18 Aug 2018 09:48:53 +0000

Qyteza me 11000 banorë e Drohtersenit sot po përjeton një ditë të veçantë dhe gjithçka falë futbollit. Bajerni i Mynihut do të luajë sot ndeshjen e parë të kupës së Gjermanisë përballë skuadrës modeste të Drohtersenit.

Bëhet fjalë për një ekip gjysmë-profesionist që militon në kategorinë e katër gjermane. Stadiumi i qytezës së vogël në veri të Gjermanisë, ka vetëm 2500 vende, sa 1/24 e “Allianz Arena”-s, normalisht vende bosh nuk do të ketë, pasi zor se Drohtersenit mund t’i vijë shansi që lë luajë sërish me kampionët e Gjermanisë.

Trajneri i bavarezëve Niko Kovaç, deklaroi se ai nuk do bënte lëshime, pavarësisht diferencës kolosale të kualitetit midis skuadrave. Mos u çudisni sikur 90-minutëshi të përfundojë në një goleadë dyshifrore. Ndeshja fillon në orën 15:30.

Kupë

Video | Bavarezët për faqe të zezë, forma e kampionëve lë për të dëshiruar

Festë në qytezën gjermane, Bajerni luan në stadiumin “liliput”