Kupa

Shehi: Eksperienca dhe kualiteti bëjnë diferencën

Sport Ekspres — Wed, 08 May 2019 17:25:11 +0000

Skënderbeu e mbyll zyrtarisht këtë sezon pa trofe. Trajneri i skuadrës korçare, Orges Shehi, foli për emisionin “Gol pas Goli” në “Supersport” në përfundim të ndeshjes ndaj Kukësit, ku preku temën e dëmtimeve dhe lojës së skuadrës.

NDESHJA – “Ekuilibrat na u prishën që mbrëmë. U gjetëm të papërgatitur nga sëmundja e Vangjelit. Menduam Muzakën mbrojtës të djathtë, por dhe ai u dëmtua para ndeshjes. Që në minutat e para, u dëmtua dhe Oto Xhon. Pësuam golin e parë dhe u munduam të reagonin, por pas golit të dytë, çunat u goditën shumë dhe besoj se aty mbaroi çdo gjë”.

GOLI I BREGUT – “Në dhomat e zhveshjes i pashë të gjithë me kokën poshtë. Iu thashë që do të shënonim dhe kur shënuam, kisha realisht shpresa, por pësuam sërish dhe aty u goditëm për herë të fundit”.

GOLAT E PËSUAR – “Është e vërtetë, pësojmë gola nga mos eksperienca. Kemi një portier 21-vjeç, qendërmbrojtës 18-vjeç. Dita ishte i improvizuar. Golat i marrim nga mungesa e eksperiencës. Na vjen keq sepse prodhojmë shumë, na vjen keq për djersën e lojtarëve, por sigurisht që në momente të caktuara, diferencën e bëjnë kualitetet”.

RASTET – “Gjënë më të thjeshtë, lojtarët e bëjnë të vështirë dhe nga ajo ndëshkohemi. Unë jam i rreptë sa i takon punës, por jam i butë kur vjen puna te goditja e lojtarëve. Nuk është në filozofinë time, por ndonjëherë duhet. Gjithsesi, atyre duhet t’iu vijë keq për djersën e vetë”.

EUROPA – “Na presin ndeshje të vështira, që këtë të diel. Puna ime është të ngre moralisht lojtarët, pasi janë të dërrmuar. Lojtarët janë mësuar të fitojnë trofe. Ngarkesa është e madhe, detyra jonë është të punojmë nga ana psikologjike. Po morëm maksimumin, do të arrijmë Europën”, tha Shehi.

Gjoka: Në finale me meritë, Rexhinaldo i ka problemet me veten

Sport Ekspres — Wed, 08 May 2019 17:07:19 +0000

Kukësi i Ernest Gjokës është në finalen e Kupës së Shqipërisë. Trajneri u intervistua në emisionin “Gol pas Goli” në “Supersport”, ku foli në lidhje me këtë ndeshje. “Unë mendoj që e kemi merituar finalen. Kemi bërë dy ndeshje të mira, kemi bërë gola, me shumë se kaq nuk mund të bënim. Jemi të lumtur sot që kaluam këtë ndeshje dhe arritëm finalen, gjërat tjera do të vijnë gradualisht”.

SKEMA – “Unë mendoj se nuk është e rëndësishme skema apo ndryshimet që do të bëhen. Shameti është një lojtar që mezi po e presim. Sa më shumë lojtarë të kemi, aq më mirë do të jemi. Për momentin, jemi mirë kështu dhe e merituam finalen”.

OBJEKTIVAT – “Kukësi është një ekip që kërkon trofe dhe të gjithë e dimë situatën. Edhe kalimi në finale nuk është pak, por tani të përgatitemi maksimalisht që ta mbyllim sezonin sa më mirë, si në kampionat, ashtu dhe në finalen. Kukësi do trofe!”

REXHINALDO – “Unë jam shumë i kënaqur me Rexhinaldon. Personalisht mendoj se është një vlerë e shtuar e skuadrës sonë. Çdo njeri ka disa probleme dhe mund të nxjerrim diçka në momente tensioni, por Rexhinaldo më shumë i ka për vete. Deri sot, ne kemi krijuar një harmoni në grup dhe Rexhinaldo po bën shumë mirë punën e tij, po bën gjithçka për skuadrën”, u shpreh Gjoka.

DIREKT | Kapitullon Luftëtari, Tirana shënon të pestin (VIDEO)

Sport Ekspres — Wed, 08 May 2019 16:42:15 +0000

Tirana dhe Luftëtari ndeshen në “Selman Stërmasi” për të përcaktuar skuadrën finaliste të Kupës së Shqipërisë.

Takimi i parë në Gjirokastër u mbyll me shifrat 0 – 0, rezultat ky që lë gjithçka të hapur për 90 minutëshin e sotëm.

86′ – Sentamu shënon sërish. Goli i pestë për Tiranën.

79 – Oshafi shënon për Luftëtarin.

77′ – 11-metërsh për Tiranën. Kobina i pasaktë në ekzekutim, topi përfundon jashtë!

?74′ – Goool ! Sentamu shënon një gol me kokë pas një harkimi nga një goditje këndi!

63′ – Kobina pason për Ngo anglezi brenda zonës e dërgon topin jashtë kuadratit. Rast i mirë shënimi

52′ – Goool ! Ngo bën gjithçka i vetëm dhe shënon golin e tretë për Tiranën.

47′ – Tirana në avantazh me një 11-metërsh. Kobina autor i golit.

EPISODET –

MBYLLET PJESA E PARË –

41 – Gooool! Një gafë e mbrojtësve të Tiranës shfrytëzohet nga Luftëtari që barazon me anë të Filit.

21′ Gooool ! – Një supergol i Asion Dajës. Mesfushori kryeqytetas ndalon topin dhe e dërgon në rrjetë me një veprim akrobatik.

8′ – Daja provon nga largësia me një goditje të fuqishme, por topi përfundon disa metra mbi tra.

KUPA E SHQIPËRISË – GJYSMËFINALET
E mërkurë, 8 maj 2019, ora 17:00

TIRANA-LUFTËTARI 5 – 2 (0-0)
Shënues: Daja 21′, Kobina 47′(pen), Ngo 52′, Sentamu 74′, 86′ / Fili 41′, Oshafi 79′
TIRANA: Abibi, Doka, Turtulli, Imami, Hoxhallari, Mauexhe, Kobina, Hasani, Greca, Halili, Ngo. Trajner: Ardian Mema
LUFTËTARI: Ruçi, Demo, Kukaj, Koconis, Xhekson, Aleksi, Rapo, Hyseni, Hanti, Fili, Dunga. Trajner: Julian Ahmataj

Kartonë të verdhë: Halili 10′, Greca 30′ / Dunga 40′

Ahmataj “kundravajtje”: Kualifikimi në Kupë na ka prishur punë!

Sport Ekspres — Thu, 04 Apr 2019 20:49:30 +0000

Luftëtari mori një kualifikim historik në Kupën e Shqipërisë, pasi duke mposhtur Partizanin në dy sfida, arritën në gjysmëfinale pas shumë vitesh. Megjithatë, trajneri Ahmataj tha sot për “RTSH Sport” se ky kualifikim i ka prishur shumë punë skuadrës së tij, për shkak të kalendarit të ngjeshur:

“Kupa do të na vërë në vështirësi, pasi kemi shumë pak lojtarë. Me kontigjentin që kemi, nuk mund ta përballojmë dot edhe kampionatin, edhe Kupën. Përveç Ramadanit, kishim dhe 2-3 lojtarë tjerë të dëmtuar. Nuk është e logjikshme që do të jenë kaq shumë ndeshje në pak javë, pasi kështu vetëm na dëmtohen lojtarët

Nuk ka ndeshje të lehtë, të gjitha ndeshjet janë të vështira. Sa më shumë vjen fundi i kampionatit, ndeshjen vështirësohen edhe më shumë. Do të jetë një ndeshje shumë ndryshe në kampionat, pasi Partizani po kërkon titullin kampion”, tha Ahmataj.

Kriteret bëhen sërish problem, Federeta s’bën lëshime për stadiumin e Kukësit

Sport Ekspres — Mon, 04 Feb 2019 12:13:33 +0000

Klubi i Kukësit i bëri një kërkesë FSHF-së për ta luajtur ndeshjen e kthimit ndaj Apolonisë në stadiumin Zeqir Ymeri, ku Kukësi nuk luan që prej fundit të sezonit të kaluar. Megjithatë, kjo kërkesë e klubit nuk është pranuar nga ana e federatës, që përsëri ka vënë gishtin te mospërmbushja e kritereve të impiantit.

Në reagimin e bërë nga faqja zyrtare e klubit në “Facebook”, klubi sqaron se takimi i së mërkurës do të zhvillohet në orën 13:00 në kompleksin sportiv “Internacional” , kompleks ky ku Kukësi zhvillon stërvitjen prej disa vitesh.

POSTIMI I KLUBIT TË KUKËSIT

“Për të kaluar në fazën çerekfinale, Kukësit do i duhet të përmbysë fitoren 2 – 1 që Apolonia regjistroi në takimin e parë të zhvilluar në Fier.

Ndeshja e kthimit mes FK Kukësit dhe KF Apolonisë, takim i vlefshëm për 1/8 e Kupës së Shqipërisë, do të zhvillohet ditën e mërkurë ora 13:30 tek kompleksi sportiv “Internacional”, në Pezë Helmes.

Me gjithë dëshirën e madhe të presidentit Safet Gjici për zhvillimin e ndeshjes në stadiumin “Zeqir Ymeri”, kërkesa e Klubit tonë nuk u pranua nga Federata Shqiptare e Futbollit pasi, sipas institucionit më të lartë të Futbollit Shqiptar, stadiumi i Kukësit nuk plotëson kushtet dhe aktualisht po punohet për studimin e fizibilitetit.

Pas marrjes së kësaj përgjigje, drejtuesit e Klubit vendosën që kjo ndeshje të realizohet në kompleksin sportiv “Internacional” dhe hyrja do të jetë pa pagesë për tifozët“.

Lika premton impenjim maksimal ndaj Kamzës, konfirmon mungesën e titullarit

Sport Ekspres — Tue, 22 Jan 2019 19:28:21 +0000

Vllaznia do të përballet ditën e nesërme me Kamzën, në kuadër të takimit të parë të raundit të dytë të Kupës së Shqipërisë. Trajneri Hasan Lika konfirmoi para gazetarëve se skuadra e tij është impenjuar maksimalisht për këtë ndeshje, ndërsa konfirmoi dhe mungesën e qendërmbrojtës rumun Dani Ignat.

NDESHJA ME KAMZËN – “Është ndeshje kupe dhe kërkojmë të kualifikohemi e të japim maksimumin. Pavarësisht se jemi të përqendruar në kampionat duhet të japim maksimumin dhe në kupë. E njohim kundërshtarin dhe do të mundohemi të japim më të mirën. Mirë do të ishte të luanim në “Loro Boriçi”, por duke qenë se koha nuk ka qenë e mirë do të luajmë në “Reshit Rusi”.

MUNGESAT – “Përveç Dani Ignat, i cili mungon pasi nuk do të jetë pjesë e klubit. Kjo për arsyet e veta personale. Ne e kemi pritur, por ai do të jetë mungesë. Të tjerët janë të gatshëm dhe do të luajmë me formacionin më të mirë. Do ta marrim si kundërshtar të radhës dhe do të japim maksimumin në fushë”.

Kupa e Shqipërisë | Orikumi eliminon Elbasanin, Veleçiku fiton në tavolinë

Sport Ekspres — Sun, 02 Sep 2018 17:15:15 +0000

Orikumi është fituesi i ndeshjes paraeliminatore të Kupës Shqipërisë. Skuadra e drejtuar nga Artan Sakaj ka mundur Elbasanin me rezultatin 1-0 dhe ka siguruar kalimin në raundin e partë të Kupës së Shqipërisë ku shoriti i goglave ka caktuar Kukësin si kundërshtarin e radhës.

Golin e vetëm të takimit e ka shënuar Ergys Kuçi në minutën e 47-të. Elbasanasit nuk mundën të shfytëzonin faktorin fushë, pasi luanin në “Elbasan Arena”. Në takimin e raundit të parë të Kupës së Shqipërisë ndaj Kukësit, Orikumi do të luajë fillimisht si pritës më datë 12 shtator, ndërsa ndeshja e dytë zhvillohet pas dy javësh.

ELBASANI – ORIKUMI 0 – 1

GOLI: /Kuçi 48′

ELBASANI: Hasfatija, Mici, Dishani, Duka, Hoxhaj, J. Lleshi, A. Lleshi (Çangu 65′, Ferhati 75′), Ukaj, Balla (Fejzaj 65′), Brahimaj, Ezike. Trajner: E. Merxha

ORIKUMI: Halilaj, Hoxhaj, Nurçe (Sadushi 79′), Kongjini (Dhrami 64′), Qejvanaj, Azizaj, Livanaj (Çapoj 57′), Çaushaj, Gjinaj, Kuqi, Kuçi. Trajner: A. Sakaj

GJYQTARË: R. Muska, E. Morina, E. Shehu (Tiranë)

Ndeshja tjetër e raundit eliminator midis Veleçikut dhe Klosit, pasi skuadra matjane nuk u paraqit dhe fitorja iu akordua në tavolinë ekipit nga Kopliku, që do ndeshet me kampionët në fuqi të Skënderbeut në raundin tjetër.

KUPA E SHQIPËRISË/ Zbulohen çiftet dhe datat

Sport Ekspres — Wed, 29 Aug 2018 09:41:02 +0000

Pak minuta më parë ka qenë Federata Shqiptare e Futbollit që përmes një postimi në sajtin e saj ka bërë publike skemën e Kupës së Shqipërisë dhe njëkohësisht kalendarin e plotë deri në raundin gjysmëfinaleve ku do të hidhet shorti më pas.

Vetëm Skënderbeu dhe Kukësi ende nuk e njohin rivalin tyre, pasi skuadra kundërshtare duhet të kalojë një tur paraeliminator, që do të zhvillohet këtë fundjavë.

POSTIMI I PLOTË I FSHF-SË

Përcaktohet skema, datat dhe çiftet e Kupës së Shqipërisë për edicionin 2018-2019. Sektori i garave ka publikuar sot të gjitha turet përkatëse, deri në finale e këtij edicioni të Kupës së Shqipërisë. Takimet e turit të parë do të luhen në datat 12 dhe 26 shtator. Ekipet e kualifikuara në fazën e dytë eliminatore, do të luajnë ndeshjet me sistem vajtje-ardhje, sipas skemës përkatëse. Për përcaktimin e çifteve gjysmëfinaliste do të hidhet short i lirë ndërmjet 4 ekipeve të kualifikuara në këtë tur, ndeshjet e të cilit do të zhvillohen respektivisht në datat 24.04.2019 dhe 08.05.2019. Finalja e Kupës së Shqipërisë do të luhet në datë 30.05.2019. Më poshtë do të gjeni të plotë e të detajuar skemën përkatëse.

Turi Paraeliminator (Data 02.09.2018)

Grupi A Grupi B

A1 (Veleçiku-Klosi) B1 (Elbasani-Oriku)

Turi i Parë (1/16) Data 12.09.2018 dhe 26.09.2018

Grupi A Grupi B

Fit. çifti A1-Skënderbeu (A1) Fit. çifti B1-Kukësi (B1)

Vora-Luftëtari (A2) Naftëtari-Laçi (B2)

Tërbuni-Partizani (A3) Shkumbini-Flamurtari (B3)

Besa-Kamza (A4) Turbina-Teuta (B4)

Burreli-Vllaznia (A5) Shënkolli-Lushnja (B5)

Korabi-Kastrioti (A6) Iliria-Tirana (B6)

Dinamo-Egnatia (A7) Tomori-Bylis (B7)

Besëlidhja-Erzeni (A8) Pogradeci-Apolonia (B8)

Turi i Dytë Eliminator (1/8) Data 23.01.2019 dhe 06.02.2019

Ekipet e kualifikuara në fazën e dytë eliminatore, do të luajnë ndeshjet me sistem vajtje-ardhje sipas

skemës së mëposhtme:

Grupi A Grupi B

A8 – A1 (C1) B8 – B1 (T1)

A7 – A2 (C2) B7 – B2 (T2)

A6 – A3 (C3) B6 – B3 (T3)

A5 – A4 (C4) B5 – B4 (T4)

Turi i Tretë Eliminator (1/4) Data 13.03.2019 dhe 27.03.2019

Ekipet e kualifikuara në fazen e tretë eliminatore, do të luajnë ndeshjet me sistem vajtje-ardhje sipas

skemës së mëposhtme:

Grupi A Grupi B

C4 – C1 T4 – T1

C3 – C2 T3 – T2

Turi i katërt Eliminator (1/2 Finale) Data 24.04.2019 dhe 08.05.2019

Për përcaktimin e çifteve gjysmëfinaliste hidhet short i lirë ndërmjet 4 ekipeve të kualifikuara në këtë

tur.

Finalja do të zhvillohet në datën 30 maj 2019.

VIDEO: Reali rikthehet te fitorja, shkëndija e parë është Asensio

Sport Ekspres — Thu, 18 Jan 2018 23:08:53 +0000

Më në fund, po! Reali fitoi! Sa fjali e çuditshme, thënë me kaq bujë, për një klub të madh. Epo, nuk ka fare ekzagjerim, sepse madrilenët kanë harruar si fitohen pikët.

Marko Asensio kishte dhjetë ndeshje që nuk shënonte me fanellën e bardhë, por ia arriti dhe i dha fitoren skuadrës së tij (1-0) në ndeshjen e Kupës së Mbretit kundër Leganesit, e vlefshme për fazën çerekfinale. Më në fund, madrilenët u rikthyen te fitorja, edhe pse jo në kampionat, aty ku sivjet kanë vuajtur shumë.

Prej tre vitesh nuk ndodhte që “Los Blancos” të mos pësonin asnjë faull në 45 minutat e para të takimit dhe kjo ndodhi pikërisht në transfertën e Leganesit, aty ku mjaftoi një gol për të arritur një fitore të madhe (psikologjikisht ka efekt më shumë se kurrë këtë sezon).

Asensio e gjeti rrugën e rrjetës në të 89’, kur mendohej se gjithçka do të mbyllej në barazim pa gola dhe ky do të ishte makthi i radhës për trajnerin Zinedin Zidan. Leganesi, faktikisht, pati shanset më të mira për të shënuar, veçanërisht në pjesën e dytë. Madrilenët ishin të lodhur dhe nuk u angazhuan aq sa duhej, plus që mungonin disa yje, me në krye Kristiano Ronaldon.

Vendësit iu afruan shumë golit sidomos kur një top shkoi në traversë. Fati i mirë, megjithatë, qe me kampionët e botës, të cilët fituan, ndryshe nga Barcelona, e cila u mposht një ditë para rivalëve të përbetuar në derbin e Katalonjës përballë Espanjolit. Trajneri Zidan tani mund të ndihet i qetë, por vetëm përkohësisht.

Vlen të theksohet një rast i mirë i mesfushorit Kovaçiç, i cili nuk u tregua i ftohtë në momentin e tij më të mirë. 45 minutat e para nuk patën asnjë rast ideal për gol dhe shumë pak pati edhe në të dytën, që tregon se Reali i Madridit ka probleme serioze në sulm. Zidan duhet të gjejë një zgjidhje, ose sezoni do të mbyllet vetëm me dështime.

Barcelona e pamëshirshme, me Seltën prodhon një “manita”

Sport Ekspres — Thu, 11 Jan 2018 22:55:28 +0000

Përbindësh në La Liga, përbindësh edhe në Kupën e Mbretit. Barcelona sot e pati krejtësisht të lehtë të fitonte ndaj Selta Vigos në shtëpi (5-0) dhe madje duke u dëfryer me gola spektakolarë.

Goleada e katalanasve nisi me dopietën e Mesit (13′ dhe 15′), i cili tregoi edhe një herë se veprimet magjike i ka si bukë e djathë, sidomos kur asistohet në secilin rast nga Alba.

“Pleshti” mendoi t’ia kthente nderin dhe këtë e bëri shpejt, në të 28′, duke shërbyer për mbrojtësin spanjoll në episodin e golit të tretë. Pas tre minutash shënoi edhe Luis Suarez dhe kështu u mbyll pjesa e parë.

E dyta ishte po aq e bukur sa e para, ndonëse me një ulje të ritmit nga vendësit, të cilët praktikisht nuk kishin asnjë arsye për të lodhur veten me atë rezultat. Rakitiç, gjithsesi, në të 87′ e shkeli gazin dhe plotësoi një “manita” për kartolinë, edhe pse pas festave.
?

Rojs: Sivjet do fitojmë titullin dhe Kupën

Sport Ekspres — Fri, 22 Sep 2017 22:08:49 +0000

“Borusia do ta mbyllë kampionatin në vendin e parë dhe e duam gjithashtu që trofeun e Kupës ta mbajmë në Dortmund”. Kështu është shprehur Marko Rojs në një intervistë të fundit. Edhe pse është i dëmtuar, ai e ndjek skuadrën dhe i duket mirë.

“Po luajmë futboll shumë të mirë. Kështu duhet të vazhdojmë”, – ka shtuar ai. 28-vjeçari po punon fort për të kaluar dëmtimin e gjatë, por nuk nxitohet. “Po ec mirë. Gjithçka po shkon sipas planit, por më duhet edhe pak kohë. Gjëja më e keqe është se duhet të punoj vetëm, por ia vlen. Rikthimi im do të jetë shumë emocional. Po e pres me padurim”.

FSHF publikon çiftet e Kupës së Shqipërisë

Sport Ekspres — Wed, 30 Aug 2017 10:57:06 +0000

Sot janë përcaktuar dhe çiftet e turit të parë të Kupës së Shqipërisë. FSHF ka publikuar në sajtin zyrtar përballjet e raundit të parë të kompeticionit të dytë për nga rëndësia në vend, ndërsa ka publikuar edhe skemën deri në finalen e kupës, që do të luhet më 24 maj të vitit të ardhshëm.

Kupa do të nisë më 6 shtator, me sfidat e turit të parë paraeliminator, ndërsa një javë më pas do të nisë turi i parë, ku futen në garë edhe klubet e Superiores. Deri në gjysmëfinale, skuadrat do të jenë të ndara në dy grupe, ndërsa më pas shorti do të jetë i lirë.

Për sa i përket orarit të ndeshjeve, FSHF do ta publikojë më vonë.

FAZA PARAELIMINATORE

Turi I Paraeliminator (Data 06.09.2017)

Në ndeshjet paraeleminatore marrin pjesë 2 skuadra nga secili grup i Kategorisë së Dytë. Ndeshjet zhvillohen me eleminim me një takim direkt në fushën e skuadrës së renditur më mirë në kampionatin 2016-2017.

Grupi A Grupi B

A1 (Egnatia -Vora ) B1 (Naftetari -Oriku)

FAZA ELEMINATORE

Faza e ndeshjeve eliminatore do të zhvillohet me katër ture.

Në ndeshjet e fazës eliminatore marrin pjesë ekipet e Kategorisë Superiore, të Parë dhe 2 ekipet e kualifikuara nga turi paraeleminator.

Ndeshjet e para luhen në fushën e skuadrave me klasifikim më të dobët.

Faza e ndeshjeve eliminatore do të zhvillohet me katër ture.

Grupi A Grupi B

1.Kukesi 2.Partizani

3.Skenderbeu 4.Luftetari

5.Teuta 6.Laci

7.Vllaznia 8.Flamurtari

9.Tirana 10.Korabi

11.Kamza 12.Lushnje

13.Beslidhja 14.Bylis

15.Erzeni 16.Pogradeci

17.Burreli 18. Shkumbini

19.Shenkolli 20.Tomori

21.Iliria 22.Apolonia

23.Besa 24.Turbina

25.Kastrioti 26.Dinamo

27.Terbuni 28.Sopoti

Adriatik Mamuraras 30. Elbasani

31.A 1 (Egnatia -Vora) 32. B 1 (Naftetari -Oriku)

Turi i Parë (1/16)

Data 13.09.2017 27.09.2017

Grupi A Grupi B

Fit. çifti A1-Kukesi (A1) Fit. çifti B1-Partizani (B1)

Adriatik Mamurras-Skenderbeu (A2) Elbasani-Luftetari (B2)

Tërbuni-Teuta (A3) Sopoti-Laci (B3)

Kastrioti-Vllaznia (A4) Dinamo-Flamurtari (B4)

Besa-Tirana (A5) Turbina-Korabi (B5)

Iliria-Kamza (A6) Apolonia-Lushnja (B6)

Shenkolli-Beslidhja (A7) Tomori-Bylis (B7)

Burreli-Erzeni (A8) Shkumbini-Pogradeci (B8)

Turi i Dytë (1/8)

Data 18.10.2017 01.11.2017

Ekipet e kualifikuara në fazën e dytë eliminatore, do të luajnë ndeshjet me sistem vajtje-ardhje sipas skemës së mëposhtme:

Grupi A Grupi B

A8 – A1 (C1) B8 – B1 (T1)

A7 – A2 (C2) B7 – B2 (T2)

A6 – A3 (C3) B6 – B3 (T3)

A5 – A4 (C4) B5 – B4 (T4)

Turi i Tretë (1/4)

Data 31.01.2018 14.02.2018

Ekipet e kualifikuara në fazen e tretë eliminatore, do të luajnë ndeshjet me sistem vajtje-ardhje sipas skemës së mëposhtme:

Grupi A Grupi B

C4 – C1 T4 – T1

C3 – C2 T3 – T2

Turi i katërt (1/2 Finale)

Data 04.04.2018 18.04.2018

Për përcaktimin e çifteve gjysmëfinaliste hidhet short i lirë ndërmjet 4 ekipeve të kualifikuara në këtë tur.

FINALJA

Data 24.05.2018