Avioni me të cilin po fluturonte ekipi, stafi teknik dhe drejtues të klubit ka hasur probleme gjatë udhëtimit për në Mendoza. Momente paniku dhe tmerri, ndërkohë që të gjithëve ju është kujtuar tragjedia e ndodhur me ekipin e Shapekoenses në vitin 2016.

Ekipi brazilian po fluturonte drejt Kolumbisë për të luajtur finalen e Kupës Sudamerikana, por avioni u përplas dhe 71 persona humbën jetën.

Për t’u rikthyer te Palmeiras. Kampionët e Brazilit kanë parë vdekjen me sy. Avioni nuk ka mundur të ulet në pistën e Mendozës. Dy herë ka provuar piloti, por pa sukses. I detyruar është ngritur përsëri në qiell për t’u ulur në pistën e Rosarios.

Disa nga anëtarët e klubit janë ndjerë keq dhe kanë marrë mjekimet e nevojshme. Ndeshja nuk dihet ende se ku do të luhet, ndërsa nuk përjashtohet një shtyrje e saj.

Dario Benedeto humbi një penallti në minutën e 32-të, por Reinoso zhbllokoi shifrat katër minuta më vonë. Benedeto gjeti golin në pjesën e dytë, sërish nga pika e penalltisë, ndërsa në fund erdhën golat e Zarates dhe autogoli i Aleks Silvës.

Protagonisti i ndeshjes u bë arbitri kryesor. Peruani Diego Haro i befasoi të gjithë në fund të takimit me gjestin e tij të bukur. Ai mbeti i mahnitur nga pasioni i madh i tifozëve vendas pavarësisht motit të keq. Haro shkoi drejt një tifozi të Bokës, i cili gjendej në rreshtin e parë afër fushës, dhe i dhuroi kartonët e verdhë.

Siç raporton argjentinasja “Ole”, Matiasi i vogël, përveçse një tifoz i thekur, luan me moshat e Bokës. Ai iku i lumtur në shtëpi për fitoren e ekipit të zemrës dhe dhuratën e marrë nga arbitri. Tashmë i mbetet të punojë fort për të realizuar ëndrrën që një ditë të zbresë në “La Bombonera” me ngjyrat e Bokës së tij të dashur mbi supe.

Protagonist i mbrëmjes u bë Felipe Melo. Mesfushori 35-vjeçar, i cili u zbulua nga Fiorentina e Prandelit, nuk shënoi gol, madje nuk dhuroi ndonjë shkelm për kundërshtarët, ashtu siç e ka zakon. Ai zgjodhi një mënyrë të çuditshme për të festuar fitoren.

Shenja e pistoletës në kokë dhe të gjithë menduan se ky ishte provokimi i radhës për tifozët miq. Megjithatë, lojtari ka shpjeguar gjithçka pas ndeshjes.

“E gjitha ka të bëjë me një lojë (Call of Duty) dhe mënyra e festimit ishte për djalin tim”, theksoi Felipe Melo për “Sport TV”. Të dy bashkë janë të fiksuar pas lojës së famshme dhe Melo hodhi poshtë hodhi poshtë çdo akuzë, duke zbuluar të vërtetën e festimit “vetëvrasës”

O @andrehernan conversou com Felipe Melo após o jogo e ele afirmou que o gesto de arma foi de uma brincadeira com o filho, que estava nas tribunas do estádio. Uma referência a um jogo de videogame. #LibertadoresNoSporTV pic.twitter.com/TiMdcvHSdB

— SporTV (@SporTV) April 11, 2019

Në këtë sfidë u aktivizuan rezervat, ndërsa titullarët ishin ruajtur për ndeshjen e radhës. Pas 5 orë e gjysmë, Lara zbriti përsëri në fushë. Federata i druhej trazirave që kanë prekur vendin dhe vendosi të nxitonte me kalendarin.

Një gjë e tillë do i ndodhë edhe ekipit të Zamorës, që do i duhet të luajë brenda pak orësh kundër Karakas (kampionat) dhe Atletiko Mineiros (Libertadores). Më parë kjo gjë u ka ndodhur ekipeve argjentinase të Rasingut dhe Velezit në vitin 1997, San Paolos (Brazil) në vitin 1994, ndërsa rekordi absolut i përket Nacionalit. Ekipi nga Uruguai zhvilloi tre ndeshje brenda një dite në vitin e largët 1925.

Rikthehemi te Lara. Ndeshja e dytë luhej në shtëpi përballë Hurakanit të Argjentinës për Kupën Libertadores. Vendasit fituan 2-1, duke siguruar një trepikësh shumë të rëndësishëm për avancimin më tej në kompeticionin më të rëndësishëm për klube në Amerikën Latine.

Gjatë ndeshjes së dytë u vendos edhe një rekord në Libertadores. Bernaldo Manzano është 28 vjeç, luan në rolin e mesfushorit dhe aktivizohet me Larën prej janarit të vitit 2017. Manzano bëri gjithçka në këtë ndeshje.

Në minutën e nëntë u tregua i saktë nga pika e penalltisë dhe kaloi ekipin e tij në avantazh. Në fundin e pjesës së parë dhuroi asistin për Centenon, me këtë të fundit që dyfishoi shifrat.

Qendërmesfushori ishte i pafat rreth mesit të pjesës së dytë dhe shënoi në portën e tij, duke rihapur takimin. Kjo ishte ndeshja e tij dhe në minutën e 68-të, ai u ndëshkua me karton të verdhë.

Një të tillë e kishte marrë më parë në pjesën e parë dhe ky ishte i dyti. Automatikisht karton i kuq dhe Lara me një lojtar më pak. Vendasit arritën ta ruanin deri në fund avantazhin, duke siguruar fitoren e dytë brenda pak orësh, ndërsa Manzano ishte personazhi kryesor i kësaj përballje.

Bernaldo Manzano ya es LEYENDA VIVA de la Copa Libertadores: primer jugador con gol, autogol, asistencia y expulsión en un mismo partido. pic.twitter.com/sQqbp0jgfS

— MisterChip (Alexis) (@2010MisterChip) April 4, 2019

Betejat mes dy ekipeve nga Buenos Aires u shijuan në maksimum nga miliona tifozë të futbollit dhe dukej sikur nuk do të përfundonin kurrë, por Riveri ia doli të fitonte me rezultatin 3-1 finalen e dytë (e para përfundoi në barazim 2-2) dhe dërgoi tifozët në delir.

Rodolfo D’Onofrio, presidenti i klubit, ka treguar emocionet e papërshkrueshme, ndërsa nuk e harron akoma faktin që Riveri i tij nuk luajti në mitikun “Monumental”. Sulmi i tifozëve ndaj autobusit të lojtarëve të Bokës rezultoi fatal dhe derbi më i çmendur në botë përfundoi në “Santiago Bernabeu” të Madridit.

Kampionët në fuqi të Amerikës së Jugut nuk kanë kohë për të pushuar, pasi në prag është Botërori për klube. 71-vjeçari zbulon objektivat e tij, si dhe tregon situatën për dy nga lojtarët e ekipit.

STADIUMI – “Ishte e tmerrshme të luanim finalen në Europë. Bokës iu lejua të luante në stadiumin e saj, ndërsa neve jo. Ishte një vendim i marrë për shkak të masave jo të përshtatshme të sigurisë.”

FITORJA – “Të fitosh finalen përballë rivalëve është e jashtëzakonshme dhe mbetet në histori. Është pak a shumë si një finale Champions-i midis Milanit dhe Interit: një emocion unik.”

BOTËRORI PËR KLUBE – “Për momentin ndodhem në Dubai. Të martën do të zbresim në fushë për gjysmëfinalen e kompeticionit. Jemi të përqendruar te kjo ndeshje dhe duam të dalim në finale, ku me shumë mundësi do të ndesheshim me Realin e Madridit.”

MERKATO – “El Piti Martinez do të shkojë në MLS (kampionati amerikan i futbollit) në fund të Botërorit për klube, pasi kemi një akord me Atlantën. Kuintero nuk do të lëvizë. Sapo kemi ushtruar të drejtën e blerjes dhe do të qëndrojë me ne.”

Në një njoftim të institucioni qeverisës të futbollit amerikano-jugor u tha se të martën do të kryhet një takim midis drejtuesve të dy skuadrave finaliste, ku do të përcaktohet data e re e zhvillimi të finales. Por, këto shtyrje të njëpasnjëshme kanë sjellë një problem të papritur.

Bëhet fjalë për samitin e G20, që do të zhvillohet në Buenos Aires në ditët e para të muajit dhjetor. Liderë botërorë si Donald Tramp, Emanuel Makron, Xi Jingping etj. do të zhvillojnë takime midis tyre në kryeqytetin argjentinas. Sigurisht, që këto vizita do të shoqërohen me kushte sigurie ekstreme dhe zhvillimi i finales do të bëhet i pamundur.

Stërvitja e fundit e Bokës në “Bombonera” është ndjekur nga rreth 50 mijë tifozë. Atmosferë e shkëlqyer dhe fantastike, ndërsa një tifoz ia ka dalë të futet në fushë. Për një moment të vetëm, pasi forcat e sigurisë e kanë bllokuar.

Ishin bërë gati ta godisnin dhe ta flaknin jashtë, kur një lojtar i del në mbrojtje. E kush tjetër përveçse Karlos Tevez? Sulmuesi, i njohur si “futbollisti i popullit”, është idhulli i tifozëve të Bokës dhe veprimi i tij merr duartrokitjet e stadiumit dhe një përqafim të ngrohtë nga ana e tifozit kurajoz.

Tevez i kërkon forcave të sigurisë ta lënë të lirë, ndërsa tifozi përfiton për të takuar dhe Abilen dhe Nandez. Më pas ndarja me Tevez. 34-vjeçari i dhuron tifozit bluzën e tij, ndërsa ky i fundit i dhuron kapelën e vet. Qëllimi i tij u arrit, tifozi ndihet në qiellin e shtatë dhe largohet nga fusha mes ovacioneve të turmës, me shpresën se lojtarët e Bokës do t’iu dhurojnë kupën e shumëpritur.

Atmosfera në kryeqytetin argjentinas është në kulm dhe të gjithë mezi presin nisjen e betejës shekullore. Fatlumët do e shohin në stadium, ndërsa të tjerët nëpër sheshe, lokale, shtëpi dhe gjithkund ku të jetë e mundur.

Një nismë unike është marrë për dy sfidat spektakolare nga “Radio Colonia” dhe Shoqata Argjentinase e Kardiologjisë. Për të gjithë tifozët që kanë probleme zemre, apo çekuilibrim emocionesh është gjetur zgjidhja. Muzikë me Moxart në sfond dhe një komentim totalisht i qetë i klasikes së famshme.

Finalja do të komentohet në radio nga dy radiokronistë të qetë dhe pa zhurmë akute, ndërsa në sfond do të shoqërojë Moxarti i talentuar për të krijuar një atmosferë relaksi.

Fazat më të nxehta të ndeshjes do të transmetohen nga Gonzalo Diaz Balbo, një kardiolog i vërtetë. Dikush mund të mendojë se kjo gjë është ekzagjerim, ose një mashtrim marketingu. Si mund të shijohet një përballje aq e nxehtë në qetësi absolute?

Në Argjentinë e dinë mirë rëndësinë e kësaj sfidë, çfarë kënaqësie provojnë fituesit dhe çfarë dhimbje e zhgënjimi provojnë humbësit. Tifozllëku në vendet amerikano-latine është një gjë tjetër dhe në Argjentinë duan të shmangin episodet e “Marakanazos” së famshëm, kur Brazili humbi finalen e Kupës së Botës përballë Uruguait në vitin 1950. Pasojat? 34 vetëvrasje dhe 56 të vdekur si pasoje e atakëve kardiakë në gjithë Brazilin.

Në Argjentinë duan ta shmangin një gjë të tillë, edhe pse do të jetë e çuditshme të dëgjosh në radio shënimin e një goli me Moxartin në sfond…

Boka Zhuniors kishte fituar ndeshjen e parë në shtëpi me rezultatin 2-0 falë dy golave të shënuar nga Dario Benedeto, ndaj edhe ishin favoritë për t’u kualifikuar në finale. Një betejë në fushë, teksa që në fillim brazilianët kërkuan golin e avantazhit.

Në minutën e 10-të Bruno Henrike shënoi, por pas ndërhyrjes së Var goli u anulua për pozicion jashtë loje. Tre minuta më pas argjentinasit patën pretendime për një gol në favorin e tyre, por për arbitrin topi nuk e kishte kaluar plotësisht vijën fatale.

Pavon më pas nuk arriti të shfrytëzonte një mundësi të mirë, duke e dërguar jashtë. Gjithsesi ishte Abila që nuk gaboi në minutën e 18-të dhe tifozët e Boka Zhuniors shpërthyen në festë. Iniciativa më pas i takoi djemve të Palmeiras, që iu afruan golit. Gjithsesi pjesa e parë u mbyll 0-1.

Edhe e dyta nisi me dominimin e brazilianëve. Portieri Rosi u bë shpëtimtar fillimisht, por në minutën e 54-t nuk e ndaloi goditjen e Luan dhe rezultati u barazua në 1-1. Palmeiras vijoi të sulmonte dhe pas pesë minutash fitoi një 11-metërsh.

Gomez u tregua i ftohtë para portës dhe kaloi në avantazh Palmeirasin, ndërkohë që epërsia mund të ishte rritur pak minuta më pas. Gjithsesi Benedeto ishte ai që u dha fund shpresave të braziliane, pasi me një goditje nga jashtë zone arriti të shënonte golin e barazimit për Boka Zhuniors. Në fund të 90 minutave argjentinasit festuan kalimin në finale dhe do të kërkojnë triumfin në derbin e çmendur kundër River Plejt.

Vendasit gjetën të parët avantazhin në minutën e parë me anë të Leo Gomesh, me gjuajtje perfekte nga distanca. Megjithatë, River dominoi gjatë gjithë ndeshjes dhe kolumbiani Rafael Santos Borre barazoi shifrat në minutën e 81-të.

5 minuta më vonë kaos total: penallti për River, VAR, ndërprerje e gjatë dhe karton i kuq për mbrojtësin Bressan, i cili tentoi të sulmonte arbitrin. Mes protestave e tensionit, në minutën e pestë të kohës shtesë erdhi goli i përmbysjes nga Piti Martinez.

Gjyqtari i takimit lejoi 14 minuta shtesë, por skuadra braziliane nuk ia doli për të barazuar rezultatin. Pas ndeshjes u desh ndërhyrja e policisë për të larguar arbitrat nga stadiumi, pasi tensioni ishte i jashtëzakonshëm.

Finalja e “Copa Libertadores” zhvillohet me dy takime dhe kundërshtari më i mundshëm për Riverin janë rivalët e përjetshëm të Boka Xhuniors, të cilët kanë fituar 2-0 takimin e parë ndaj Palmeiras. Në 58 edicionet e mëparshme të “Copa Libertadores”, nuk ka ndodhur asnjëherë që River dhe Boka të vihen përballë në ndeshjet finale, ndoshta ky është viti i duhur. Real Madrid-Barcelona nuk ka ndodhur kurrë në finalen e Champions League, por një River-Boca është më emocionuese.

https://www.youtube.com/watch?v=58V23ARqNwU

Vendosi Dario Benedeto, sulmuesi 28-vjeçar i argjentinasve. Palmeiras arriti t’i bllokonte mjaft mirë vendasit, që u detyruan shpesh ta gjenin zgjidhjen nga distanca. Gjithsesi zëvendësimi i bërë solli rezultat.

Një goditje këndi solli ndryshimin, teksa me kokë Benedeto arriti të mposhtë portierin e Palmeiras në minutën e 83-të. Zjarri mbeti i ndezur edhe për disa minuta, teksa sulmuesi i Bokës arriti të dyfishonte shifrat.

Goli i dytë ishte një perlë. Marrje e topit, lëvizje e bukur dhe krijim hapësire për të goditur. Nga jashtë zone topi i gjuajtur prej tij shkoi drejt e në rrjetë. I gjithë stadiumi në festë dhe ekipi që do të shkojë në finale do të vendoset në ndeshjen e kthimit më 31 tetor.

Palmeiras do të tentojë gjithçka në Brazil, ndërkohë që te Boka shpresojnë që të kalojnë në finale dhe aty të gjejnë River Plejtin (ka humbur në shtëpi ndeshjen e parë kundër Gremio). Një derbi, që për herë të parë do të luhet për Kupën Libertadores.

Argjentinasit kanë barazuar 1-1 në sfidën e dytë kundër Kruzeiros në transfertë, por falë fitores së parë 2-0 arritën të kualifikoheshin me rezultatin e përgjithshëm 3-1. Në gjysmëfinale Boka Zhuniors do të përballet me brazilianët e Palmeiras, që drejtohen nga kampioni i botës Luis Felipe Skolari.

Një derbi duhet thënë, duke pasur parasysh rivalitetin mes argjentinasve dhe brazilianëve. Por nuk është vetëm derbi Boka Zhuniors-Palmeiras, pasi çifti tjetër gjysmëfinalist është River Plate-Gremio.

Sikurse shihet, ekziston mundësi që për herë të parë në histori të përballen në finalen e Kupës Libertadores River Plate dhe Boka Zhuniors, një klasike e njohur si një nga derbet më të mëdha në botë.

NDESHJA – Kruzeiro duhet të përmbyste humbjen e parë 2-0 kundër Boka Zhuniors dhe sigurisht nuk ishte aspak e lehtë. Gjithsesi u tentua diçka e tillë dhe brazilianët arritën të shënonin në pjesën e dytë me anë të Sasa (58’) vetëm një minutë pasi ai zbriti në fushën e blertë.

Duhej edhe një gol për ta çuar në shtesë, por që nuk erdhi. Gjërat u bënë edhe më të vështirë pas minutës së 81-të, kur Dede mori kartonin e dytë të verdhë dhe e la ekipin e tij me një lojtar më pak.

Më pas në shtesë ishte Pavon ai që në shtesë shënoi golin e barazimit për Boka Zhuniors dhe më pas nuk kishte kohë për asgjë. Gjithçka u mbyll 1-1 dhe ishin argjentinasit ata që festuan kualifikimin në gjysmëfinalet e Kupës Libertadores.

Formula e marrëveshjes do të jetë e veçantë, ku ndeshjet e zhvilluara të martën dhe të mërkurën, që përbëjnë 80% të ndeshjeve të kompeticionit, do të transmetohen në kanalin amerikan, ndërsa ato të së enjtes (26 ndeshje në total) do të transmetohen në rrjetin social të “Facebook”. Gjithashtu, çdo skuadër e kualifikuar duhet të transmetohet të paktën njëherë në “Facebook”.

Nëse dikush do të tentojë të shikojë në televizor ndeshjet e së enjtes, do të duhet të gjejë mënyrën për të transmetuar sinjalin e ndeshjeve në kompjuter, ose telefon. Nevojitet një regjistrim në “Facebook” dhe të klikojë në opsionin “like” në aplikacionin, që do të përdoret për transmetimin e ndeshjeve. Një iniciativë e bukur nga Zukenberg dhe të gjithë do të kenë mundësinë për të ndjekur futbollin amerikano latin kudo që të ndodhen.

“Facebook” po përgatitet në këtë mënyrë për të përvojën e parë si transmetues me Huan Pablo Sorin dhe Diego Lugano, të cilët do të jenë komentatorët e përballjeve, ndërsa spanjollët e Mediapro do të prodhojnë imazhet e takimeve.

Braziliani është 35 vjeç sot, por vazhdon të luajë futboll. Ai aktivizohet me ekipin e Pameiras dhe në ndeshjen e mbrëmshme për Kupën Libertadores, ai ka marrë kartonin e kuq të radhës në karrierën e tij. Palmeiras priste paraguaianët e Çerro Portenos dhe Melo është ndëshkuar me të kuqe që në minutën e 3’. Lojtari, i cili është aktivizuar dhe me Inter e Gallatasarin, ka goditur lojtarin kundërshtar dhe arbitri e ka ndëshkuar me të verdhë. Melo ndërhyri rëndë në këmbën e Viktor Kaseres duke e dëmtuar këtë të fundit.

Mbasi ka parë mirë dëmtimin e lojtarit që pësoi ndërhyrjen e Melos, arbitri ka ndryshuar mendje dhe i ka treguar brazilianit kartonin e kuq. Ishte minuta e tretë e ndeshjes… Palmeiras edhe pse humbi me rezultatin 0-1, u kualifikua më tej, sepse kishte fituar ndeshjen e parë me rezultatin 2-0.