Në faqen e tyre zyrtare, klubi i Kukësit njoftoi se kjo festë nuk do të organizohet, si dhe ngriti disa akuza kundër Bashkisë Kukës. Mos shlyerja e detyrimeve kundrejt skuadrës, pengesa në ndërtimin e stadiumit të ri ishin dy akuza që klubi blu ngriti mbi Bashkinë dhe situata te nënkampionët e Shqipërisë nuk duket aspak e mirë.

“Festa, “Kupa rikthehet në Kukës”, nuk do të bëhet për shkak se Bashkia nuk ka miratuar lejen për zhvillimin e këtij aktiviteti në sheshin ‘Skënderbej’ apo në shëtitoren e qytetit të Kukësit.

Ky refuzim, për të festuar, është në vazhdën e pengesave që ka sjellë institicioni i Bashkisë për Futboll Klub Kukësin, duke nisur me mos shlyerjen e detyrimeve, që janë miratuar më vendim Këshilli, dhe më e fundit pengesat që po ngre Bashkia për të mosndërtuar stadiumin e ri, stadium që do bëhet do a po s’do Bashkia.

Në këto kushte, anullohet festa e parashikuar për t’u zhvilluar ditën e premte dhe sigurojmë tifozët kuksianë e të gjithë sportdashësit, se festa e fitimit të Kupës së Shqipërisë do të bëhet më e madhe.

EPISODET –

90’ – Ndeshja mbyllet mes tensionit. Dokën e tradhëtojnë nervat dhe i vërsulet brazilianit Kordeiro. Kaq ka mjaftuar që të agravojë situata mes lojtarëve të dy skuadrave.

86’ – E pabesueshme çfarë humbet Ngo. Shtatlarti i sulmit është totalisht i lirë brenda zonës dhe godet me kokë, por gjuajtja e tij shkon shumë larg kuadratit. Te stoli i Tiranës nuk i besojnë syve

77’ – Gooool Kukësi, shënon Rexhinaldo. Rama pason bukur drejt qendrës për Shkurtajn, i cili shërben menjëherë partnerin e tij të sulmit,që nuk e ka të ështirë të shënojë.

67’ – Gooool Tirana, shënon Ngo. Sulmuesi i bardhebluve merr një pasim të bukur nga Greca dhe shënon me të djathtë, duke mposhtur Frashërin dhe pas një devijimi të Cuculit.

50’ – Shpëton mrekullisht porta e Tiranës. Limaj i shpëton mirë prapavijës bardheblu dhe godet me kokë, por shkon mbi kuadrat

47’ – Greca shkëputet mirë nga e majta dhe shërben në qendër për Ngo, i cili shënon, por numri 7 i bardhebluve ishte dukshëm në pozicion të parregullt.

45’ – Mbyllet pjesa e parë në “Elbasan Arena”, vendos gol i Shkurtajt që në minutën e katërt

43’ – Tirana shfaqet më në fund te porta e Kukësit, duke krijuar një rast të mirë me anë të Ngo. Megjithatë, anglezi nuk e kontrollon mirë dhe Frashëri shkelmon

41’ – Rama jep një pasim perfekt për Shkurtajn, i cili i shpëton mbrojtjes së Tiranës. Megjithatë, Imami është i shpejtë dhe rikthehet për të mbyllur.

7’ – Një tjetër rast i shkëlqyer për Kukësin. Kordeiro jep një pasim perfekt për Shkurtajn, i cili i vetëm përballë portierit gabon.

4’ – Gooool Kukësi, shënon Shkurtaj. Rexhinaldo dhe Rama kombinojnë mirë me njëri-tjetrin, por gjuajtja e mozambikasit në fund pritet nga Lika. Megjithatë, Rama e rikuperon sërish topin dhe shërben për Shkurtajn, i cili shënon.

1′ – Fillon takimi në “Elbasan Arena”

KUPA E SHQIPËRISË, FINALE

E diel, 2 qershor ora 19:00
Stadiumi “Elbasan Arena”, Elbasan

Kukësi – Tirana  2-1
Shkurtaj 4′, Rexhinaldo 77′ / Ngo 67′

Kukësi: Frasheri, Et’hemi, Teqja, Cuculi, Rrumbullaku, Kordeiro, Musolli, Rroca (Limaj 46′), Rama (Cyrbja 90′), Rexhinaldo (Dzaria 80′), Shkurtaj. Trajner: Ernest Gjoka

Tirana: Lika, Kërçiku, Goxha (Turtulli 43′), Imami, Hoxhallari (Ismailgeci 83′), Maveje (Celhaka 46′), Hasani, Doka, Kobina, Greca, Ngo. Trajner: Ardian Mema

Kartonë të verdhë: Et’hemi 83′ / Hoxhallari 16’, Celhaka 72′, Greca 85′, Kërçiku 90′, Doka 90′

Për këtë pjesë të parë, mesfushori i Tiranës, Edon Hasani, tha shkurtimisht për Supersport: “Pjesë e parë shumë e dobët, për t’u harruar. Duhet të reagojmë patjetër, të paktën për të shënuar një gol barazimi. Pjesë e parë për t’u harruar”.

Ndërsa sulmuesi i Kukësit, Valdet Rama, u shpreh: “Duhet t’i shfrytëzojmë rastet e krijuara, pasi është një ndeshje finale dhe gabimet nuk falen”.

“Kukësi ka bërë një kampionat me shumë probleme, por të paktën arriti një nga objektivat, që ishte ta mbyllte sezonin si nënkampion i Shqipërisë. Mendoj që Kupa tashmë është një objektiv tjetër, obligim për skuadrën. Do të jetë një ndeshje e vështirë, përballë një skuadre të një niveli shumë të mirë, me një histori shumë të madhe.

Unë si trajner i Kukësit besoj dhe shpresoj ta fitojmë Kupën, pasi kjo skuadër ka bërë gjëra shumë të mira në vitet e fundit. E kanë treguar dhe renditjet e Kukësit në kampionat ndër vite, ku pozita më e keqe ka qenë vendi i tretë. Ka marrë kampionat, kupë, superkupë, një skuadër që di të fitojë trofe”.

E ARDHMJA – “Unë jam mësuar me zërat dhe nuk më shqetësojnë. Puna e trajnerit me një ekip të elitës, është gjithmonë risk. Puna jonë vlerësohet dhe matet vetëm me rezultat. Trajneri duhet të ketë çantën afër vetes gjithmonë, dhe unë e kam afër vetes. Gjithsesi, unë nuk shqetësohem dhe nëse arrijmë objektivat dhe presidenti do që të ketë bashkëpunim edhe vitin tjetër, pse jo,”, përfundoi Gjoka.

Ditën e sotme “FSHF” ka zbuluar çmimet e biletave për këtë takim. Biletat e tribunave C, D, E, F, G  kanë një çmim të arsyeshëm prej 200 lekësh (të reja), ndërsa një vend në tribunat A dhe B do t’u kushtojë 1000 lekë.

Çmimi më i lartë është ai i tribunave “VIP”, bileta e të cilave ka një kosto prej 2000 lekësh. Të gjithë të interesuarit mund të blejnë biletat në: 1.Biletarinë pranë stadiumit Selman Stërmasi 2.Dyqani zyrtar i FSHF-së te rruga e Elbasanin 3.Biletaria  e stadiumit “Elbasan Arena”.

Tirana-Shënkolli diskutojnë trofeun dhe në orën 16:00 luhet finalja e Kategorisë së Dytë, Tërbuni-Devolli. Finalja e Kategorisë së Parë ndërmjet Vllaznisë e Bylisit do të luhet ditën e enjte, datë 23 maj 2019, në orën 16:00, në stadiumin “Niko Dovana” të Durrësit.

Finalja e Kupës së Shqipërisë, Kukësi-Tirana, do të luhet në “Elbasan Arena” më 2 qershor 2019, ora 19:00. Kjo finale mbyll edhe sezonin 2018-2019, ndërsa fillimi i muajit qershor i dedikohet tërësisht Kombëtares me ndeshjet kualifikuese të Euro 2020, Grupi H.

AGRON KAJA

Daja luan në mesfushë dhe Doka në krahun e djathtë të mbrojtjes. Ngo do ndihmohet nga Greca e Halili nga krahët, ndërkohë që në mbrojtje Imami ka marrë vendin e Goxhës. Ndryshime edhe te Luftëtari, me Filin që e nis nga fillimi këtë herë. Risia tjetër është Hanti.

Në Korçë Skënderbeu do të luajë me Gjergji Muzakën në krahun e djathtë të mbrojtjes. Shehi ka vendosur të luajë sërish me dy sulmues, Krasniqin e Oto Xhon. Gripshi e nis nga fillimi në krah. Te Kukësi Valdet Rama ka marrë një vend në formacion dhe është Çyrbja ai që e nis nga stoli, pasi Uilliam ëshët zhvendosur në të djathtë të mesfushës.

KUPA E SHQIPËRISË – GJYSMËFINALET
E mërkurë, 8 maj 2019, ora 17:00

TIRANA-LUFTËTARI (0-0)
TIRANA: Abibi, Doka, Turtulli, Imami, Hoxhallari, Mauexhe, Kobina, Hasani, Greca, Halili, Ngo. Trajner: Ardian Mema
LUFTËTARI: Ruçi, Demo, Kukaj, Koconis, Xhekson, Aleksi, Rapo, Hyseni, Hanti, Fili, Dunga. Trajner: Julian Ahmataj
SKËNDERBEU-KUKËSI (1-2)
SKËNDERBEU: Dajsinani, Muzaka, Radas, Pëllumbi, Abazi, Dita, Sibo, Bregu, Oto Xhon, Krasniqi. Trajner: Orges Shehi
KUKËSI: Frashëri, Ethemi, Teqja, Cuculi, Rrumbullaku, Uilliam, Musolli, Rroca, Rama, Rexhinaldo, Shkurtaj.

Ndeshja e parë ka përfunduar 2-1 në favor të Kukësit dhe gjithçka është e hapur. Trajneri Gjoka ka këtë herë edhe Valdet Ramën gati dhe ai është një “armë” plus në aspektin sulmues. Skënderbeu nga ana tjetër pret mbështetjen masive të tifozëve, për të tentuar që të mos dalë pa trofe. Nuk mungon edhe premio.

Nga ana tjetër ka klube që u intereson kalimi i Kukësit në finale dhe fitimi i trofeve prej tyre, në mënyrë që edhe vendi i katërt të shkojë në kupat e Europës. Gjysmëfinalja tjetër luhet në kryeqytet, aty ku Tirana mund të kualifikohet vetëm me fitore, ose me një 0-0 dhe me penallti.  Një ndeshje në një stadium të boshatisur, mes dy ekipeve ku mungesat i kanë të shumta. Gjithsesi nuk ka justifikime, për finalen do jepet gjithçka në fushën e blertë.

KUPA E SHQIPËRISË – GJYSMËFINALET
E mërkurë, 8 maj 2019, ora 17:00

Tirana-Luftëtari (0-0)
Skënderbeu-Kukësi (1-2)

Eksperienca dhe dëmtimet e shumta janë dy ndër faktorët në disavantazh të Luftëtarit sipas Ahmatajt. Në daljen për shtyp për këtë ndeshje, tekniku bluzinjve tha se do të jetë i  detyruar t’i besojë lojtarëve të rinj.

“Ndeshjet fitohen në fushë dhe jo me deklarata. Vijmë në këtë takim të cunguar pas na mungojnë shumë lojtarë bazë të skuadrës, por kam shumë besim te brezi i ri dhe të lojtarët që stërvit”.

“Favoriti i kësaj gjysmëfinaleje është Tirana për faktin sepse është një skuadër që ka fituar shumë trofe dhe ka luajtur shumë ndeshje të tilla në këtë nivel dhe më lartë se ky nivel, ndërsa Luftëtari është në herë të parë për këtë situatë. Gjithsesi do bëjmë maksimumin për të kapur objektivin”.

“Ndonjëherë ndeshjet pa tifozë nuk i pëlqejnë askujt pasi futbolli në fund fare luhet për tifozët, janë ata që i japin adrenalinë futbollistëve dhe rrisin nivelin e lojës të lojtarët me thirrjet e tyre, por jemi të detyruar të luajmë kështu”.

Në daljen për shtyp që i paraprin kësaj ndeshje, tekniku durrsak foli mbi gjendjen e skuadrës dhe pranoi se presidenti Takaj  ka ofruar premio për trofeun e Kupës.

“Vetëbesim kemi. Kemi përballë një skuadër që ka kualitet dhe është pretendente ashtu si neve. Do bëjmë gjithçka për të shkuar në finale”.

“Duhet përqendrim, nuk mund të kalojmë në aventurë pasi është një takim kupe që ka specifikat e veta. Po bëjmë ç’është e mundur të hedhim në fushë lojtarët më të mirë. I gjithë grupi është i plotë”.

“Për objektivat madhorë premiot nuk kanë munguar. Është një vlerësim për trofeun, pasi të çon në Europë. Presidenti kështu na ka lajmëruar se është premio vlen për Kupat e Europës”.

Një çështje tjetër për të cilën foli tekniku i Kukësit janë edhe kontratat në përfundim të lojtarëve: “Janë marrëdhënie të klubit me lojtarët, gjëra normale. Kur klubi dëshiron t’i mbajë disa lojtarë, i mban ata duke u përmirësuar kushtet financiare, ndaj më të gjithë do ketë bisedime. Për Rexhinaldon duhet të pyesni klubin, nuk më intereson pjesa pas këtij sezoni për momentin”.

Kupa është objektivi kryesor i Kukësit dhe Gjoka deklaron: “Me një president si Gjici dhe një trajner si unë, duhen vetëm trofe. Kampionati iku, ndaj kupa është detyrim për mua. Po të kishim ecur me mirë e të kishim pasur pak fat në disa ndeshje, kampionati do ishte shume më i bukur e interesant”.

VALDET RAMA – Më pas e mori fjalën sulmuesi anësor, që tregon se është mirë fizikisht dhe gati të luajë. “Jam mirë fizikisht, kam pasur 3 javë jo të mira. Lëndimet më kanë shqetësuar disa herë, por tani jam kthyer dhe nuk ndiej dhimbje. Natyrisht, nuk është e lehtë të përballesh shpesh me dëmtime, por duhet parë përpara. Lëndimet janë pjesë e lojës”, u shpreh Rama.

Më tej ai shtoi: “Kemi përpara një ndeshje shumë të rëndësishme e të vështirë, por jam optimist se do ia dalim.  Kampionati shqiptar më pëlqen, po zhvillohet gjithnjë e më shumë dhe jam duke dhënë maksimumin për të ndihmuar ekipin tim. Ka lojtarë të talentuar në Superiore, nuk veçoj dot askënd me emër”.

E ardhmja është një temë e rëndësishme për sulmuesin anësor, i cili deklaron: “Kam kontratë me Kukësin, të fitojmë Kupën një herë”. Ndërkohë ka pasur edhe një ndërhyrje të trajneri Gjoka, i cili qartazi është shprehur: “Nuk e lëshojmë Valdetin”.

Kështu, klubi i Skënderbeut ka dalë me një njoftim në lidhje me çmimin e biletave dhe detajet e tjera: sa kushtojnë sipas sektorëve të ndryshëm dhe ku do të shiten. Përballja me Kukësin zhvillohet ditën e mërkurë prej orës 17:00. Kjo është një nga ndeshjet më të rëndësishme të bardhekuqve, që duan të sigurojnë një vend në kupat e Europës me shpresën se edhe CAS do të hedhë poshtë dënimin e UEFA-s.

PIKAT E SHITJES
20 metra poshtë dyqanit Vodafone, pranë stadiumit
Stadiumi ‘Skënderbeu’ (Të mërkurën, ditën e ndeshjes)

ÇMIMET E BILETAVE
Tribuna Gold A & B – 1000 Lekë
Tribuna A, B – 300 Lekë
Tribuna C – 200 Lekë
Tribuna E, D – 100 Lekë
Tribuna (Miqtë) – 200 Lekë

Shënuesi më i mirë i ekipit korçar iu afrua shumë golit kundër Luftëtarit, ndërsa në Laç u ndal nga një Selmani fantastik. Portieri kurbinas i priti edhe një penallti, ndërsa zhbllokimi erdhi kundër Kukësit në gjysmëfinalen e parë të Kupës.

Skënderbeu humbi 2-1, por Bregu shënoi një gol shumë të rëndësishëm. Festimi i tij ishte plot zbrazje nervash. Në prononcimin e dhënë pas ndeshjes, 23-vjeçari prek disa tema dhe tregon pengun e vetëm për këtë sezon.

HUMBJA – “Kukësi kontrolloi ndeshjen në pjesën e parë, por më shumë prej gabimeve tona. Në pjesën e dytë reaguam mirë dhe goli i shënuar na mban në lojë. Në Korçë do të jetë një tjetër histori.”

FORMA – ‘Jam ende paksa mbrapa fizikisht. Tani e kuptoj vështirësinë e kapjes së ritmit kur kthehesh pas tre muajve pushim. Po luajmë shumë ndeshje këtë periudhë dhe shpresoj të arrij formën që kisha para janarit.”

NDIKIMI I LAÇIT – ‘Ajo humbje ka ndikuar psikologjikisht edhe tek unë, sepse sedra nuk më lë t’i kaloj shpejt momente të tilla. Kam mbështetje të madhe nga të gjithë dhe kam lënë pas krahëve gjithçka. Shpresoj që t’ua shpërblej tifozëve me gola të tjera si ky kundër Kukësit.”

FESTIMI – “Golin kundër Kukësit e festova në atë mënyrë, sepse kishte ndikim edhe penalltia e humbur në Laç. Megjithatë, 90% ishte shfryrja e inatit të muajve që kam qëndruar jashtë.”

BILANCI PERSONAL – “Duke parë mungesën e gjatë, raporti minuta-gola mund të quhet pozitiv, por unë kërkoj gjithmonë nga vetja. Kanë mbetur edhe disa ndeshje për t’u zhvilluar dhe shpresoj të shënoj akoma.”

KUPA – “Nëse fitojmë Kupën sezoni do të ishte pozitiv. E nisën me Superkupën dhe fitimi i Kupës do të na siguronte daljen në Ligën e Europës. Gjithsesi, më vjen keq që nuk e fituam sërish titullin kampion, sepse në dy fazat e para ishim shumë mirë. Kishim mundësi për të luftuar për kreun, por kemi bërë shumë gabime rrugës. Ky është pengu i vetëm.”

FLAMURTARI – “Nuk kemi menduar për ndeshjen e radhës, sepse jemi marrë me Kukësin. Kthehemi në shtëpi, kemi një marsh më shumë, na nevojiten pikë dhe këtë ndeshje do të japim 200%. Na duhet për renditjen dhe moralin e të gjithëve përpara ndeshjes së kthimit kundër Kukësit.”

Sulmuesi i skuadrës korçare foli mbi rikthimin nga dëmtimin, episodin e golit dhe nuk mungoi një ngacmim për ish-kolegun e tij të Luftëtari, Eduart Rrocën, i cili ndodhej pranë tij në moment e intervistës.

“Ekipin e gjej normalisht në një moment të vështirë, pasi të vish nga një periudhë tre mujore është realisht shumë e vështirë. Goli? Që në momentin që Ethemi pasoi mbrapa, besova se mund të arrijë në këtë top. Fatmirësisht, topi u përplas në trupin tim dhe arrita të shënoj.

“Rroca bëri gabim që nuk erdhi te Skënderbeu së bashku me mua, pasi këtu do të dilnim kampion. Por unë do t’i marr Kupën e Shqipërisë Rrocës, që ta lë pa asnjë trofe (qesh). Do të isha i lumtur që Luftëtari të ecë sa më shumë, pasi është një ekip që na ka rritur dhe na ka ndihmuar shumë”, përfundoi Bregu.

Vendasit shënuan shumë shpejt me anë të Rexhinaldos. Mozambikasi i shkëputet mirë mbrojtjes së Skënderbeut dhe shënon në minutën e 21’, duke mposhtur portierin Dajsinani. Shkurtaj do t’i bashkohej Rexhinaldos në listën e golashënuesve, pasi në minutën e 55’, konkretizon me gol një aksion shumë të bukur të verilindorëve.

Por vetëm 7 minuta më vonë, Frashëri nuk largon siç duhet një top dhe Bregu përfiton, duke i rrëmbyer topin dhe duke gjetur rrjetën, për të vendosur rezultatin final të sfidës, 2-1.

KUPA E SHQIPËRISË – Faza gjysmëfinale
E mërkurë, më 24 prill, ora 16:00

KUKËSI – SKËNDERBEU                 2-1
Shënues: Rexhinaldo 21′, Shkurtaj 55′ / Bregu 62′

Kukësi: Frashëri, Teqja, Musolli, Cuculi, Rrumbullaku, Ethemi, Limaj (Joti 85′), Rroca, Çyrbja (Xhemaili 81′), Rexhinaldo, Shkurtaj. Trajner: Ernest Gjoka

Skënderbeu: Dajsinani, Vangjeli, Kaba Sambu (Pëllumbi 57′), Radas, Abazi, Dita, Sibo, Muzaka, Gripshi, Bregu (Pervan 89′), Krasniqi (Oto Xhon 61′). Trajner: Orges Shehi

Kartonë të verdhë: Çyrbja 57′ / Sambu 43’, Radas 44’, Vangjeli 58′, Pëllumbi 90’+2

EPISODET

90’ – Mbyllet takimi në Kamzë. Kukësi ia del të mposhtë Skënderbeun 2-1, por kualifikimi mbetet i hapur në ndeshjen e kthimit

62’ – Goool Skënderbeu! Dejvi Bergu përfiton mjaft mirë nga një gabim i portierit Frashëri dhe me portën e boshatisur, nuk e ka të vështirë të shënojë. Rihapet sfida në Kamzë, 2-1!

55’ – Gooool Kukësi! Shkurtaj shënon golin e dytë për verilindorët, duek i ndëshkuar “Ujqërit e Dëborës” nga një rreshtim skandaloz në mbrojtje. 2-0 Kukësi!

46’ – Pjesa e dytë ka nisur me një detaj shumë të veçantë. Portieri Dajsinani ka ndërruar fanellën, pasi i është kërkuar nga gjyqtari kryesor Hamiti. Pas disa minutash vonesë, fillon takimi

45’ – Mbyllet fraksioni i parë i lojës. Kukësi është në epërsi falë golit të Rexhinaldos, Skënderbeu duhet të zgjohet në pjesën e dytë

40’ – Kukësi më dominues, Skënderbeu po has vështirësi me duelet një kundra një. Rexhinaldo dhe Rroca duken në një ditë shumë të mirë

21’ – Goool Kukësi! Rexhinaldo i vjedh kohën mbrojtësit Sambu dhe i vetëm përballë portierit Dajsinani, nuk e ka të vështirë të shnëojë. Kukësi në avantazh

5’ – E pabesueshme çfarë humbet Çyrbja. Pas një kombinimi perfekt me Rrocën, mesfushori ndodhet i vetëm përballë portierit Dajsinani, por gjuajtja e tij pritet nga gardiani i Skënderbeut

1′ – Fillon takimi në Kamzë

Tirana e filloi vrullshëm lojën duke rrezikuar me Kobinën në minutat e para të takimit. Luftëtari u kundërpërgjigj me disa aksione të njëpasnjëshme duke testuar portierin Abibin. Në minutat e fundit të lojës kapitenët Rapa dhe Karabeci dëmtohen dhe detyrohen të lënë fushën pas pak minutash.

Në pjesën e dytë Tirana rikthehet sulmuese. Disa aksione personale të Ngo krijojnë shqetësime te vendasit. Minutat e fundit të takimit loja e të dyja skuadrave u qetësua me barazimin që u duk sikur kënaqte të dyja ekipet.

KUPA E SHQIPËRISË – Faza gjysmëfinale

E mërkurë, më 24 prill, ora 16:00

LUFTËTARI – TIRANA              0 – 0

Luftëtari: E.Bakaj, Rapa (Neziri 42′), R.Hoxha, Kotsionis, Xhekson, Aleksi, Rrapo, Fili, Ymeraj (Çelaj 83′), Demo, Oshafi (Hanti 68′). Trajner: Julian Ahmataj. Në dispozicion: Ruçi, Kukaj, Angelos Hanti, Açka, Çelaj, Neziri, Hyseni.

Tirana: Abibi, Doka, Goxha, Imami, Hoxhallari, Karabeci (Greca 46′), Mauexhe, Hasani, Oduamadi (Halili 81′ ), Kobina, Ngo (Sentamu 76′). Trajner: Ardian Mema. Në dispozicion: Lika, Daja, Greca, Halili, Sentamu, Turtulli, Muça

Gjyqtarë: Enea Jorgji, Rejdi Avdo, Nertil Bregasi

EPISODET

85’ –  Depërtim i bukur i Çelajt, i cili fiton një goditje dënimi shumë pranë portës së Tiranës.

77 – Kundërsulm i shpejtë i Tiranës me Oduamadin. Nigeriani pason për Grecën, por Xhekson ndërhyn në kohë dhe largon topin.

62’ – Hoxhallari ndërhyn ndaj Ymerajt. Vendasit pretendojnë për penallti, por arbitri Jorgji e konsideron lojën të rregullt.

54′ – Tirana shfaqet ekipi më i rrezikshëm. Luftëtari vendoset mbrapa dhe përpiqet të kapë bardheblutë në kundërsulm.

46′ – Mema zëvendëson Karabecin e dëmtuar, në lojë futet Greca.

45′ – Mbyllet pjesa  e parë!

40′ – Kontakt i fortë midis Rapës dhe Karabecit. Mbrojtësi i Luftëtarit e ka të pamundur të vazhdojë.

30’ – Sprint i shkëlqyer i Oshafi, i cili driblon Hoxhallarin dhe futet në zonën e rreptësisë. Pasimi final nuk ishte i duhuri dhe Karabeci largon rrezikun.

18’ – Raste të njëpasnjëshme të Luftëtarit. Rapo i afrohet golit, ndërsa pak sekonda më vonë një gabim i Abibit nuk shfrytëzohet nga i riu Oshafi.

10′ – Oduamadi pason për Kobinën. Ganezi gjuan pak metra larg portës së portës së Luftëtarit, por goditja e ganezit gjen mbrojtësin Xhekson, i cili largon rrezikun.

]]> https://sportekspres.com/video-ska-fitues-ne-gjirokaster-tirana-dhe-luftetari-lene-gjithcka-pezull/feed/ 0 https://sportekspres.com/kupa-e-shqiperise-ja-si-rreshtohen-kater-gjysmefinalistet/ https://sportekspres.com/kupa-e-shqiperise-ja-si-rreshtohen-kater-gjysmefinalistet/#respond Wed, 24 Apr 2019 13:26:27 +0000 http://sportekspres.com/?p=258766 Sot luhen dy ndeshjet gjysmëfinale të Kupës së Shqipërisë dhe për të katërta skuadrat që janë ende në këtë kompeticion, synim është një biletë në finale. Kukësi përplaset me Skënderbeun në Kamzë, në ndeshjen e parë gjysmëfinale mes skuadrave.

Si Gjoka, ashtu dhe Shehi, kanë aktivizuar formacione shumë të forta, por gjithsesi eksperimentet nuk kanë munguar. Edhe në takimin tjetër mes Luftëtarit dhe Tiranës, pritet të jetë një sfidë shumë e luftuar.

KUPA E SHQIPËRISË – Faza gjysmëfinale
E mërkurë, më 24 prill, ora 16:00

KUKËSI-SKËNDERBEU
Kukësi: Frashëri, Teqja, Musolli, Cuculi, Rrumbullaku, Ethemi, Limaj, Rroca, Çyrbja, Rexhinaldo, Shkurtaj. Trajner: Ernest Gjoka
Skënderbeu: Dajsinani, Vangjeli, Kaba Sambu, Radas, Abazi, Dita, Sibo, Muzaka, Gripshi, Bregu, Krasniqi. Trajner: Orges Shehi Në dispozicion (Teqja, Pëllumbi, Toskiç, Zani, Mara, Pervan, Oto Xhon).

LUFTËTARI-TIRANA
Tirana: Abibi, Doka, Goxha, Imami, Hoxhallari, Karabeci, Mauexhe, Hasani, Oduamadi, Kobina, Ngo. Trajner: Ardian Mema Në dispozicion (Lika, Daja, Greca, Halili, Sentamu, Turtulli, Muça)

Luftëtari: E.Bakaj, Rrapa R.Hoxha, Kotsionis, Jackson, Aleksi, Rrapo, Fili, Ymeraj, Demo, Oshafi. Trajner: Julian Ahmataj

Gjysmëfinalet e para janë të rëndësishme, por me gjasa kalimi në finale do të vendoset në përballjet e dyta. FSHF i ka vlerësuar këto sfida, ndaj edhe ka përzgjedhur arbitra të FIFA-s. Kështu, rikthehet në Kamzë Eldorian Hamiti. Lezhjani, do të gjykojë Kukësi-Skënderbeu në stadiumin ku u dhuna.

Ridiger Çokaj dhe Denis Rexha, i goditur me boçe pishe në Kukësi-Laçin, nuk mungon as këtë herë. Në Gjirokastër do të jetë Enea Jorgji ai që do të vërë drejtësi. Rejdi Avdo dhe Nertil Bregasi janë dy arbitrat anësorë në Luftëtari-Tirana.

KUPA E SHQIPËRISË – Faza gjysmëfinale
E mërkurë, më 24 prill, ora 16:00

Kukësi-Skënderbeu
Luftëtari-Tirana

Gjoka ka disa dilema para përballjes me “Ujqërit e Dëborës” dhe sot ka bërë disa eksperimente në stërvitje. Në mungesë të Shametit dhe Krasniqit, është provuar kapiteni Musolli si qendërmbrojtës, ndërsa Teqja pritet të aktivizohet mbrojtës i djathtë.

Edhe Çyrbja është në dyshim për këtë sfidë, pasi ka një problem në gju. Në rast se numri 7 nuk ia del të jetë i gatshëm, Xhemaili është gati për të mbuluar hapësirat.

Formacioni i mundshëm i Kukësit:

Frashëri, Teqja, Musolli, Cuculi, Rrumbullaku, Rroca, Limaj, Et’hemi, Çyrbja/Xhemaili, Rexhinaldo, Shkurtaj

MUNGESAT – “Problem shumë i madh, Shameti, Uilliam Kordeiro, Valdet Rama, Dzaria, Maliqi, Musolli. Jemi të penalizuar, kaq shumë mungesa do i krijonin probleme kujtdo. Gjithsesi, kam besim, sepse këto ndeshje janë përmbledhja e një viti më sakrifica. Janë të gjithë lojtarë titullarë, janë shumë mungesa dhe e pranoj që na prishin shumë punë. Kam shpresë të madhe se nëse do jemi kompaktë pas, duke pasur lojtarët që kemi përpara mund të shënojmë gjithnjë.”

GJICI – “E dini që ai kërkon gjithnjë sukses dhe na kërkon të kualifikohemi. Ai priste të luftonim për titull, është i bindur se duhet të luftojmë deri në fund edhe në kampionat. Pak zhgënjim ka pasur, por nëse fitojmë Kupën kjo skuadër ka të ardhme të rëndësishme dhe pak përforcime do i duhen.”

KUPA – “Duhet kujdes, për të mos pësuar gol në radhë të parë, sepse janë ndeshje specifike, duhet të mendojmë edhe për kthimin.

NDRYSHIMET NË SKEMË – “Do të bëjmë, jemi të detyruar, por kam besim tek të gjithë lojtarët.

SKËNDERBEU – “Klub i madh, me skuadër cilësore dhe eksperiencë e mentalitet fituesi, por edhe ne nuk mbetemi pas në këtë drejtim. Skënderbeu me i dobët? E vërtetë, por ka ende disa lojtarë me eksperiencë e shumë cilësi. Këto janë ndeshje ku vendos përvoja, ndaj duhet vlerësim maksimal.”

LUHET NË KAMZË – “Sigurisht kam folur me ekipin dhe skuadrën. Na duhet shtëpi, Kamza është zgjedhja ideale. Tifozët nuk vijnë dot në Elbasan e Shkodër, Kamza është e vetmja alternativë ku kemi tifozët më vete. Natyrisht, fusha nuk është super, por do ta kompensojnë tifozët.

PRESIONI MBI EKIPIN – “Trajneri këtë detyrë ka, të bëjë urën lidhëse mes ekipit e presidentit. Unë e kam për detyrë të ul presionin mbi ekipin, sepse jo gjithnjë mund të fitohet në futboll. Unë jam i hapur të përballem me presidentin për çdo diskutim, pa lënë që skuadra të përballet me kritikat. Te Kukësi luhet për titull, këtë e di unë dhe e dinë mirë edhe lojtarët, që nuk kanë qetë të qetë, por janë përshtatur shumë shpejt me atë që dua.”

REXHINALDO E SHKURTAJ, ÇFARË KA NDRYSHUAR – “Unë kërkoj të luaj me 2 sulmues. Është fat i madh që kam gjetur këtu Rexhinaldon, që e doja që kur isha herën e fundit të Kukësi, dhe Shkurtaj, dy sulmuesit më të mirë në Shqipëri. Janë lojtarë me tipare të ndryshme, dinë të përshtaten dhe do mundohem t’u marr maksimumin, duke luajtur bashkë. Janë dy shënuesit më të mirë, janë sulmuesit më të mirë, me thoni kush janë mbi ta. Do ta shihni që shumë shpejt do kemi një sulm edhe më të fortë.

GARANCIA PËR TË ARDHMEN? – “Vetëm suksesi, çdo trajner është me çantën gati dhe varet nga rezultatet.”

Fillimisht foli drejtori sportiv i verilindorëve, Nderim Nexhipi, i cili tha: “Jemi në gjysmëfinale të Kupës dhe besoj çdo ekip që është në këtë fazë ka ambiciet e veta. Ndeshjen e parë e luajmë në shtëpi dhe do të bëjmë maksimumin, pasi dihet që pretendojmë për të paktën një titull këtë sezon. Shpresoj të bëjmë maksimumin dhe ta kalojmë ekipin e Skënderbeut.”

STADIUMI KU KUKËSI DO LUAJË SI PRITËS – “Besoj se ndeshja e parë me shumë mundësi do të luhet në Elbasan.”

SKËNDERBEU – “Patjetër që për Skënderbeun nuk ka nevojë të flitet, pasi dihet çfarë ekipi është dhe sa kualitet dhe përvojë që kanë. Janë dy ndeshje gjysmëfinale dhe duhet bërë maksimumi që të kalohet në finale.”

Oldi Lulja, përfaqësues i klubit korçar u shpreh: “Ndeshja me Kukësin do të jetë ndeshje e fortë dhe e bukur të jeni të sigurt. Por ajo që është me e sigurt akoma është se Skënderbeu është akoma në vendin e parë në Kupë dhe këtë vit Kupa do të jetë përsëri në Korçë, është e sigurt. Ky është edhe objektivi kryesor.”

ÇËSHTJA NË CAS – “Presidentët janë në seancën dëgjimore në CAS dhe shpresoj që të dalim fitmtarë. Për momentin akoma nuk është ndarë kur del vendimi, por një afat ekziston që është një muaj pas seancës.”

Arbi Laçi u shpreh: “Personalisht më pëlqeu shorti.  Duke qenë se me Luftëtarin kemi të bëjmë dhe në kampionat, do ishte mirë që të bënim dhe në Kupë, kështu që besoj ishte një short i mirë.”

Trofeu i Kupës – “Objektiv është Europa, objektiv është Kupa, por paraprakisht duhet të sigurojmë shkëputjen nga zona e ftohtë, pasi nuk na pëlqen fakti që jemi aty.”

Ndërkohë nga ana tjetër, Artur Dadaj deklaroi: “Do të jetë një gjysmëfinale e bukur. Në të dyja kemi shpresa që të kalojmë. E kemi forcën dhe fuqinë, pasi ekipi është në formën e duhur. U gëzova pasi ekipeve të kryeqytetit thuajse ua kemi marrë dorë. Mposhtëm Partizanin që është pothuajse kampion, shpresoj që me Tiranën të ndodhi e njëjta gjë.”

Trofeu – “Pse jo. Ekipi është në formë. Kemi një trajner që di ta vendosë mirë ekipin dhe ka bërë shumë mirë. Shpresat janë shumë të mëdha.”

Licensimi për kupat e Evropës – “Sigurisht që jemi gati të licensohemi për Europën.”

KAMPIONATI – Ndeshjet e javës së 30-të zhvillohen ditën e shtunë të gjitha. Luftë për mbijetesën dhe për kupat e Europës, me titullin që duket një çështje e mbyllur. Gjithsesi mund të jetë Kastrioti klubi që mund të rikthejë ekuacionet në Superiore.

Krutanët presin Partizanin kryesues dhe vetëm fitorja u bën punë. Skuadra e Devollit shpreson në një humbje të Tiranës me Kukësin, çka do ta çonte sërish në tre pikë diferencën mes skuadrave. Në Laç vendasit luajnë me Skënderbeun dhe do kërkojnë t’i parakalojnë korçarët në renditje. Flamurtari-Luftëtari është një tjetër takim i rëndësishëm i kësaj jave, ndërkohë që merr tre pikët në tavolinë Teutë, që në program ka sfidën me Kamzën e përjashtuar.

KATEGORIA SUPERIORE – JAVA 30
E diel, më 20 prill 2019

Ora 16:00 | Kastrioti-Partizani
Ora 16:00| Laçi-Skënderbeu
Ora 19:00 | Tirana-Kukësi
Ora 19:00| Flamurtari-Luftëtari

Sulmuesi ka postuar një foto në Instagramin e tij zyrtar, ku ka qenë duke ndjekur takimin mes Laçit dhe Tiranës, fituar nga kurbinasit 2-0. Përveç fotos, Ngo shkroi: “Kjo skuadër më rrit ndjeshëm presionin e gjakut”, duke treguar se ka qenë i nervozuar për fatet e kualifikimit.

Përveç komentit të tij për kualifikimin në Kupë, Ngo dha dhe një lajm të mirë për tifozët e Tiranës, pasi konfirmoi që rikuperimi po shkon me sukses dhe do të rikthehet shumë shpejt në fushat e lojës: “Javën tjetër rikthehem të vrapoj. Koha e Zotit”.

Ish-sulmuesi i Partizanit dhe i Kombëtares deklaron për SportEkspres.com se të kuqve u kanë humbur sulmuesit. “Nuk e quaj ndonjë gjë të madhe eliminimin e Partizanit në Kupë. Në botën e futbollit ka skuadra të mëdha që luftojnë në të gjitha frontet për trofe dhe ndodh të eliminohen nga inferiorë. Në këtë rast, te Partizani mendoj se lojtarët e kanë marrë lehtë përballjen me Luftëtarin. Ata nuk janë kukulla, por brenda realitetit që jetojmë.

Kjo ‘gomë’ që bënë në Gjirokastër, mund t’i kishte ndodhur në kampionat”, theksoi Kushta. Më tej ai flet edhe për çështjen e titullit kampion dhe ka një porosi për drejtuesit. “Kështu siç po ndodh me golashënuesit te Partizani, ku mesfushorët kanë shënuar më shumë gola se sulmuesit, këta të fundit duken të humbur. Partizani nuk duhet ta diskutojë titullin. Madje duhet të mendojnë që tani për sulmin kur të përfaqësohen në Ligën e Kampioneve”, përfundoi Sokol Kushta.

AGRON KAJA

MËKATARËT – Kukësi në Europë njeh ecuri të mirë, që i ka sjellë klubit verilindor edhe të ardhura të rëndësishme. Ndryshe qëndron situata për tre klubet e tjera gjysmëfinaliste të Kupës së Shqipërisë. Skënderbeu është klubi që është bërë shembull nga UEFA.

Akuza të shumta dhe në fund 10 vite përjashtim nga kupat e Europës dhe 1 milion euro gjobë. Shumë pikëpyetje nëse korçarët do të mund të garojnë këtë sezon në arenën ndërkombëtare. Te Skënderbeu janë të bindur se në CAS do triumfojnë ndaj UEFA dhe dënimi do të bjerë poshtë. Mesi i prillit është periudha kur pritet të merret edhe vendimi.

Ekipi tjetër në shënjestrën e UEFA-s është Luftëtari. Gjirokastritët mund ta pësojnë si korçarët, të konsiderohen fillimisht klub i padëshirueshëm për të marrë pjesë në kompeticionet që ajo garon. Njëjtë siç ndodhi me Skënderbeun herën e parë. Është fakt që ka një hetim për bluzinjtë në lidhje me ndeshjen e luajtur kundër Ventspils në “Elbasan Arena”, sikurse është fakt bllokimi i parave që UEFA kishte akorduar për ta për pjesëmarrjen në kualifikueset e Europa League.

“Mëkatari” tjetër është Tirana. Bardheblutë, dy vite më parë morën pjesë në kupat e Europës dhe u dënuan më pas nga UEFA, për shkak të parregullsive me dokumentacionin që kishin dorëzuar për licencimin. Klubi kryeqytetas ka pasur probleme të shumta borxhesh dhe pretendohet se i është dhënë një zgjidhje dhe këtë herë licencimi do të merret. Gjithçka mbahet sekret për të mos prishur garën, ndaj do të jetë e vështirë të zbulohet para kohe nëse janë licencuar apo jo.

SHKURTAJ – “Të them të vërtetën më erdhi keq për Shkurtajn. Jam shumë i kënaqur nga çfarë bëri sidomos në fazën mbrojtjes ku i kreu porositë që unë i kisha dhënë. Gjithashtu krijoi shumë raste për shënim, por i mungoi fati. Shkurtaj akoma nuk është përshtatur me ekipin tonë, por jam i sigurt se në përfundim të kampionatit ai do jetë sulmuesi më i mirë në Shqipëri”.

TEQJA NË MESFUSHË – “Ngaqë ne na interesonte dhe barazimi, prandaj u fokusova për të qenë më të fortë në fazën mbrojtëse. Limaj dhe Rroca janë lojtarë që dinë të nxjerrin topa, por skuadra sot bëri një lojë shumë të mirë në fazën mbrojtëse me Teqen dhe Dzarian”.

RIVALËT E KUPËS – “Punuam shumë në aspektin psikologjik për këtë ndeshje, pasi rezultati të duket sikur të ndihmon, por edhe mund të na ndihmonte. Kupa kërkon përqendrim maksimal, nuk është si në kampionat, që kur gabon mund ta rikuperosh. Të tre kundërshtarët meritojnë respekt maksimal”.

NDESHJA – “Bëmë një pjesë të parë të mirë, në pjesën e dytë ishim shumë dobët. Pas pësimit të golit, luajtëm shumë dobët, u shpërfytyruam. Më vjen shumë keq, nuk dukeshim ekip. Shpresoj që kjo të jetë hera e fundit”.

ZËVENDËSIMET – “Nuk është vetëm problem rreshtimi. Mendoj që e para ishte që pas pësimit të golit, u shuan të gjithë. Humbëm shumë duele, po bënim gabime në pasimet e para. Ekipi nuk ishte gati psikologjikisht për të fituar”.

SENATORËT – “Unë mendoj që futbolli fillon me çështje individi dhe pastaj kalon në grup. Të gjithë kemi gabimet tona, nuk ishim gati psikologjikisht. Kur ndeshja shkoi 1-0, më dukej sikur lojtarët kërkonin vërshëllimën e fundit. Duhen ca individë brenda grupit që të rrisin optimizmin brenda skuadrës, të ndezin një shkëndijë”.

EUROPA – “Ne nuk jemi ajo Teutë që kemi qenë. Kjo duket qartë dhe unë nuk kam pse ta fsheh. Vuajmë shumë, pësojmë gola naivë, siç ai i sotmi. Por nuk duhet të merremi me gjëra që kanë kaluar, kemi një ndeshje kundër Laçit shumë të rëndësishme. Në përgjithësi, kemi bërë mirë, por nëse vazhdojmë kështu, do të kemi problem të arrijmë Europën”.

PROBLEMET – “Pa hequr për asnjë moment përgjegjësitë nga vetja, në ndeshjet jashtë na ndodh që pas pësimit të golit, nuk reagojmë. Duhet që disa lojtarë të luftojnë, të marrin ekipin përsipër, të ndezin diçka, të marrin ekipin përpara. Sot reaguam shumë keq, u duk shëmtuar. Pjesa e dytë ishte shumë e shëmtuar”.

RASTI I BUSHIÇ – “Në pjesën e parë i patëm mundësitë tona. Bushiç nuk shënoi një gol thuajse të sigurt dhe ndeshja mund të ishte ndryshe”, përfundoi Shkëmbi.

“Eliminimi? Së pari më kënaq loja dhe rendimenti i lojtarëve. Besuan që mund të përmbysnin dhe dalim krenarë nga Kupa. Shtohet morali për të përballuar me sukses pjesën tjetër të kampionatit. Edhe pse kishim disa lojtarë që na mungonin, por u zëvendësuan mirë. Edhe Xhixha sakrifikoi, pasi ishte me temperaturë. Ishte i pafat te shtylla. Meritojnë komplimente, bënë një ndeshje të mrekullueshme. Luajtëm me dinjitetet”.

“E dinim që ata do mbroheshin. Sistemi jonë u ndihmua edhe nga mënyra  e lojës së tyre. Duhet të luftonim për topin e parë dhe të dytë. Ekipi bëri mirë dhe kjo më kënaq. Besimi në skuadër erdhi edhe pas ndeshjes në Tiranë. Incidenti ndikon që të mos gjykohet ndeshja, s’i lamë të afroheshin për 45 minuta. Janë me kronometër në dorë, çdo lloj dëmtimi kishte shumë vonesa. 2 minuta e 20 sekonda ishte më i madhi kur portieri hoqi dorezat”.

Çfarë i mungoi skuadrës që nuk e shënuat golin e tretë? “Kam unë qimen e derrit”, thotë me shaka Starova, i cili analizon edhe rastet e dyshimta. “Penalltia? E kam parë që Hoxhallari gaboi dhe pengoi Domgjonin. Ai nuk e ka mendjen të bëjë faull, por të kapë topin. Topi me dorë? Topi po shkonte te lojtari jonë, Çokaj. Ndikoi”.

Një ndeshje që u vendos nga një penallti. Braziliani Lukas Kardozo ndali në mënyrë të parregullt Rapon dhe Hamitaj drejtoi dorën nga pika e bardhë e 11-metërshit. Sulmuesi Dunga u tregua i saktë dhe shënoi golin e avantazhit. Me shifrat 1-0 u mbyllja 45-minutëshi i parë.

Partizani në pjesën e dytë kishte epërsi territoriale, por mungonte pasi i fundit. Në këto kushte Luftëtari mbrohej mirë dhe herë pas here kundërsulmonte. Nga mënyra se si loja po shkonte, ishte e vështirë t kishte gol tjetër dhe ashtu ndodhi. Bluzinjtë fituan 1-0 dhe për të tretën herë në histori kalojnë në gjysmëfinale të Kupës së Shqipërisë.

KUPA E SHQIPËRISË – Faza çerekfinale
E mërkurë, më 3 prill 2019, ora 14:00

LUFTËTARI-PARTIZANI 1-0 (2-1)
Dunga (pen.) 37′

Luftëtari:  Bakaj, Rapa, Hoxha, Koconis, Xhekson, Aleksi, Rapo, Hanti, Demo, Fili, Dunga. Trajner: Julian Ahmataj.

Partizani: Hoxha, Ibrahimi, Belica, Rexhepi, Kalari, Trashi, Atanda, Kardozo (Kodra 71′), Asani (Kote 58′), Çinari, Mensah. Trajner: Skënder Gega

Kartonë të verdhë: Demo 45’, Açka 92′ / Asani 56′

EPISODET –

77′ – Eneid Kodra provon të befasojë me një gjuajtje nga disantanca, ballore gjuajtja e mesfushorit.

68′ – Ahmataj kërkon ekuilibër në skuadrën e tij dhe aktivizon mesfushorin Donald Açka

63′ – krosim në zonën e Luftëtarit nga Ibrahimi, topi në zonë, aty ku Çinari e devijon lehtë dhe topi shkon në duart e Bakajt.

37’ – Goool Luftëtari. Dunga tregohet i saktë nga pika e bardhë e 11-metërshit dhe ndëshkon portierin Hoxha, duke i dhënë avantazhin vendasve

36’ – Kardozo është i pafat brenda zonës dhe në mënyrë të paqëllimshme, pengon Rrapon e Luftëtarit. Për gjyqtarin nuk ka dyshime dhe penallti. Topin në duar e merr sulmuesi Dunga

29’ – Çinari nuk shqetësohet nga mbrojtja e Luftëtarit në hyrje të zonës dhe numri 7 i Partizanit gjuan menjëherë. E djathta e tij shkon shumë pak lart kuadratit

24’ – Asani dhe Kardozo mundohen të krijojnë diçka, Luftëtari nuk lë hapësira në hyrje të zonës

20’ – Luftëtari nuk nxiton, bluzinjtë vendas qarkullojnë topin në mesfushë

12’ – Partizani e nis në sulm. Mensah kontrollon mjaft mirë një top në hyrje të zonës, gjuan në diagonal, por topi shkon jashtë.

1′ – Fillon takimi

KUPA E SHQIPËRISË – Faza çerekfinale
E mërkurë, më 3 prill 2019, ora 14:00

LUFTËTARI-PARTIZANI (2-1)

Luftëtari:  Bakaj, Rapa, Hoxha, Koconis, Xhekson, Aleksi, Rapo, Hanti, Demo, Fili, Dunga. Trajner: Julian Ahmataj.

Partizani: Hoxha, Ibrahimi, Belica, Rexhepi, Kalari, Trashi, Atanda, Kardozo, Asani, CCinari, Mensah. Trajner: Skënder Gega

Tirana është ekipi i vetëm me një këmbë në gjysmëfinale, pasi e ka fituar ndeshjen e parë me Laçin me shifrat 3-0. Përmbysja duket një mision i pamundur. Pra, duhet një mrekulli sot. Sigurisht kurbinasit do ta provojnë. 45 minutat e para do të jenë shumë të rëndësishme, më pas mund të mendohet edhe për kampionatin. Kjo sfidë luhet prej orës 14:00.

Njëkohësisht përballen edhe Luftëtari e Partizani. Favoritë janë gjirokastritët, që triumfuan në sfidën e parë më rezultatin 1-2. Dy golat e shënuar në fushën e të kuqve janë një plus i madh për kalimin në gjysmëfinale. Nga ana tjetër trajneri Skënder Gega ka mungesa të rëndësishme në skuadër.

Gjysmëfinalistja e fundit mësohet pas ndeshjes Kukësi-Teuta, që zhvillohet në “Elbasan Arena” prej orës 17:00. Barazimi 2-2 në Durrës i shkon për shtat skuadrës së drejtuar nga Ramadan Ndreu, që edhe me një barazim pa gola apo 1-1 kalon në gjysmëfinale. Durrsakët besojnë se mund të fitojnë dhe dëshira është e madhe t’i shkojnë deri në fund Kupës së Shqipërisë.

KUPA E SHQIPËRISË – Faza çerekfinale

E mërkurë, më 3 prill 2019
Ora 14:00 | Laçi-Tirana (0-3)
Ora 14:00 | Luftëtari-Partizani (2-1)
Ora 17:00 | Kukësi-Teuta (2-2)

Veç këtyre tre lojtarëve, nuk ia kanë dalë të rikuperohen edhe Esat Mala e Rubin Hebaj. Mungesa të shumta dhe të rëndësishme për Partizanin, që gjithsesi kërkon të marrë maksimumin. Nuk do të jetë e lehtë, duke pasur parasysh ndeshjen e parë.

Në stadiumin “Elbasan Arena” Luftëtari fitoi me rezultatin 1-2 dhe i mjafton të mos humbasë në takimin me të kuqtë për të kaluar në fazën gjysmëfinale të Kupës së Shqipërisë. Ndeshja do të zhvillohet nesër dhe nis prej orës 14:00.

Trajneri i verilindorëve, Ramazan Ndreu, foli për “RTSH Sport” në prag të këtij takimi, të cilin e ai cilësoi tejet delikat për shkak të rezultatit të ndeshjes së parë që u mbyll me shifrat 2–2.

REZULTATI – “Është një rezultat që kërkon shumë kujdes. Është një rezultat që mund të të lërë në gjumë, pasi mund të duket sikur je duke fituar, por në fakt nuk ke arritur asgjë”.

LOJA – “Jemi në një fazë të mirë. Edhe në ndeshjen ndaj Partizanit bëmë një lojë të mirë. Kur ekipi bën volum loje, kjo të bën të ndihesh më i sigurt. Shametin nuk do e kemi të gatshëm për këtë sfidë.”

NDËRRIMI I STADIUMEVE –“Ne jemi mësuar nga një fushë në tjetrën, si në Elbasan, si në Shkodër. E keqja e kësaj është te tifozët, të cilët i kemi pasur shumë të pakët”, përfundoi Ndreu.

Trajneri i Teutës e pranon se rezultati favorizon ekipin e Ndreut, por fakti që ndeshja do të zhvillohet në “Elbasan Arena” (të mërkurën, ora 17:00) mund të ndikojë për mirë. Shkëmbi komenton dhe ecurinë e ekipit bregdetar, që renditet në vendin e tretë me 43 pikë.

NDESHJA E KTHIMIT – “Vijmë pas një barazimi 2–2. Ky rezultat patjetër që favorizon skuadrën kundërshtare, por ne do të mundohemi të luajmë në mënyrën tonë për të fituar ndeshjen. Shpresoj që të kemi dhe pak fat, pasi në ndeshjet e Kupës të duhen dhe pak fat.”

STADIUMI – “Duke parë që ndeshja luhet në stadium asnjanës mendoj se shanset për kualifikim mbeten 50 me 50”.

ECURIA – “Të them të vërtetën të gjithë nuk jemi të kënaqur. Prisnim të bënim pak më shumë. Në futboll nuk ka rëndësi që të mendosh për atë që ka ndodhur. Shpresojmë të rikthehemi si në dy fazat e para. Kjo ndodh duke luajtur një futboll akoma më të mirë. Personalisht nuk kemi pasur vetëm probleme te sulmuesit kryesor, por edhe probleme në tërësi në të dyja fazat e ekipit, si në atë mbrojtëse dhe në sulm.”

Stafi teknik nuk do të ketë në dispozicion sulmuesin Majkëll Ngo, i cili u pezullua me pesë ndeshje nga Komisioni i Disiplinës pas incidenteve të ndodhura pas sfidës me Laçin në kampionat. Nga ai takim i dëmtuar ka dalë edhe mbrojtësi Marvin Turtulli.

Ky i fundit  ditën e djeshme ka kryer stërvitje i diferencuar dhe do të mungojë nesër në Laç. Ndryshe nga ndeshja e parë më kurbinasit, këtë herë do të jetë i gatshëm edhe sulmuesi Grent Halili, i ndëshkuar me karton të kuq kundër Flamurtarit në ndeshjen e dytë në Kupë.

Trajneri Julian Ahmataj nuk kërkon të nxitohet, sepse sipas tij mbijetesa në Kategorinë Superiore është objektivi final deri në mbyllje të këtij sezoni. Për SportEkspres.com ai thekson se takimi i kthimit me Partizanin do të jetë i vështirë, edhe pse Luftëtari e fitoi minimalisht takimin e parë 2-1.

“Nesër presim një Partizan të vështirë, edhe pse e kemi fituar takimin e parë. Kjo nuk do të thotë se jemi dorëzuar në Kupë, sepse jemi të vetëdijshëm që na duhet sakrificë për ta kaluar këtë tur. Nuk është mbyllur asgjë për kualifikimin”, u shpreh Ahmataj për sfidën me të kuqtë dhe më pas kalon te kampionatit.

“E kemi bërë një shkëputje të vogël, por ende nuk jemi të qetë. Për ne janë edhe 11 beteja të mbetura dhe këtu janë përqendruar të gjitha bateritë tona, në mënyrë  që Luftëtari ta kalojë situatën për mbijetesë. Jemi të bindur se do ta arrijmë, sepse kemi një skuadër që meriton më shumë në renditjen e këtij sezoni”.

AGRON KAJA

Gjithsesi kurbinasit do mundohen dhe shpresojnë të bëjnë mrekullinë. Për këtë klubi ka vendosur që t’u vijë në ndihmë futbollistëve duke hapur dyert e stadiumit, veç tribunës kryesore ku një biletë do të kushtojë 500 lekë.

POSTIMI I KURBINASVE – “Luajmë sërish kundër Tiranës, askush të mos mungojë! Klubi ka vendosur që hyrja në stadium tonë për këtë ndeshje të jetë e lirë për tifozët, në tribunën përballë dhe atë pas porte. Ju ftojmë të jeni pranë skuadrës në këtë ndeshje të rëndësishme. Ekipi do të japë maksimumin në fushë dhe për këtë duhet ndihma e çdokujt prej jush. Asgjë nuk duhet t’ju mbajë larg stadiumit, ndaj ftoni miq, shokë e të afërm të jenë pranë ekipit të mërkurën! Para Laçi! Mos mungoni!”, thuhet në ftesën që kurbinasit bëjnë për tifozët e tyre.

Veç ndryshimit të fushës, drejtuesit e verilindorëve habisin edhe me diçka tjetër: hyrja në stadium do të jetë falas. Vetëm pak ditë u janë dashur për të kuptuar se tifozët nuk kanë mundësi të paguajnë 1000 dhe 2000 lekë për të ndjekur një ndeshje të Superiores. Ose ndoshta këtë herë Kukësi nuk do të paguajë për stadiumin.

Përballja me Teutën është shumë e rëndësishme, pasi luhet çerekfinalja e kthimit në Kupën e Shqipërisë. Barazimi 2-2 në stadiumin “Niko Dovana” favorizon ekipin e drejtuar nga Ramadan Ndreu dhe sportivisht kjo përballje tërheq. Fati i tifozëve të Teutës, që ndryshe nga ata të Partizanit, do e shohin ndeshjen falas. Urojmë të mos jetë gënjeshtër për 1 prill, si ajo e kolegëve tanë në Supersport, që raportonin për largimin e presidentit Safet Gjici nga klubi i Kukësit.

Faza çerekfinale mbyllet me sfidën Kukësi-Teuta. Në Durrës këto dy skuadra kanë barazuar 2-2 dhe tashmë verilindorët do kërkojnë të kalojnë në gjysmëfinale. Ndryshe nga se ndodhi me Partizanin, kuksianët këtë herë do të luajnë në Elbasan dhe jo në Shkodër. Sa duket dielli i ditëve të fundit ka përmirësuar kushtet e fushës në “Elbasan Arena”.

KUPA E SHQIPËRISË – Faza çerekfinale

E mërkurë, më 3 prill 2019
Ora 14:00 | Laçi-Tirana (0-3)
Ora 14:00 | Luftëtari-Partizani (2-1)
Ora 17:00 | Kukësi-Teuta (2-2)

Pas Kupës është radha e sfidave të kampionatit, që zhvillohen të gjitha të shtunën. Oraret do të jenë ndryshe, tani do të luhet në 16:00 dhe 19:00. Sfidat e para të javës së 27-të janë Lacci-Teuta e Kastrioti-Kukësi. Më pas në program janë Partizani-Luftëtari dhe Flamurtari-Tirana, që “i japin dorën” fazës së tretë të Kategorisë Superiore.

KATEGORIA SUPERIORE – JAVA 27
E shtunë, më 6 prill 2019

Ora 16:00 | Laçi-Teuta
Ora 16:00 | Kastrioti-Kukësi
Ora 19:00 | Partizani-Luftëtari
Ora 19:00 | Flamurtari-Tirana