“Nuk ishte e thënë fillimisht. Fillimisht më duhet të uroj Valencian, dolën kampion me meritë. Në pjesën e dytë tentuan medoemos të shënonim, por pavarësisht përpjekjeve të djemve goli nuk erdhi”.

“Ky sezon nuk është një dështim. Nuk kemi bërë shkëlqyeshëm, por kemi bërë shumë mirë. Luftuam deri në fund dhe për Kupën e Champions-in. Çdo vit synojmë që të arrijmë objektivat më madhorë”.

MERKATO – “Çdo vit do të vijnë lojtarë të rinj në klubin tonë. Për momentin De Jong është një blerje e zyrtarizuar. Duke filluar nga nesër do punojmë për blerjet dhe shitjet që do bëjmë. Nuk është momenti për të thënë kush do qëndrojë e kush jo”.

VALVERDE – “Ka kontratë edhe për një sezon. Sot skuadra punoi fortë dhe krijoi shumë mundësi”.

Përballja e kthimit pritet të jetë e zjarrtë si gjithmonë dhe spektakolare. Barcelona luajti dje në kampionat përballë Seviljes, aty ku Mesi zhvilloi një ndeshje fenomenale, duke shënuar tri gola e duke i dhuruar fitoren ekipit të tij.

Nga ana tjetër, Reali do të luajë sonte në mbrëmje kundër Levantes në transfertë. Kjo gjë e ka acaruar Santiago Solarin, i cili nuk i ka kursyer “thumbat” për Federatën spanjolle.

“Një kalendar kurioz, madje do të thosha qesharak. Meqë nuk jemi ne që zgjedhim se kur të luajmë, ne duhet ta përballojmë këtë si një sfidë.” Fakti që ekipi i tij do të ketë një ditë më pak pushim (saktësisht 28 orë) e ka mërzitur trajnerin argjentinas të Realit.

Replika nga kampi tjetër nuk ka munguar dhe ka ardhur nëpërmjet të zakonshmit Zherard Pike. Mbrojtësi i Barçës është i njohur për raportin e tij të keq kundër “Los Blancos”.

“Sa keq që para ndeshjes së fazës së parë në kampionat, ata pushuan një ditë më shumë. Më pas ne fituam 5-1”, komenton shkurt Pike, duke iu kujtuar “armiqve” humbjen poshtëruese, që solli dhe shkarkimin e Julen Lopeteguit.

Dy ekipet e mëdha do të ndeshen dy herë brenda pak ditëve me njëri-tjetrin. Të mërkurën është ndeshja e kthimit të gjysmëfinaleve të Kupës së Mbretit, ndërsa të shtunën e 2 marsit, Reali do të presë përsëri në fushën e tij Barcelonën, kësaj radhe për llogari të kampionatit.

Shorti është hedhur në stadiumin “Benito Villamerin” të Betisit, aty ku do të zhvillohet dhe finalja e madhe e datës 25 maj. Sfidat gjysmëfinale zhvillohen me dy ndeshje vajtje ardhje. “El Classico” e parë do të luhet me datë 6 shkurt në “Camp Nou”, ndërsa ajo e kthimit me datë 27 shkurt në “Santiago Bernabeu”. Të dy përballjet priten të jenë të zjarrta dhe të gjithë mezi po i presin këto dy ndeshje.

Luftë të fortë për një vend në finalen e madhe do të ketë dhe mes Betisit dhe Valencias. Ndeshja e parë zhvillohet në Andaluzi të enjtën e 7 shkurtit, aty ku luhet dhe finalja e madhe, ndërsa sfida e kthimit do të luhet në stadiumin “Mestalla” të Valencias me datë 28 shkurt.

Protagonisti i takimit ishte sulmuesi Karim Benzema, i cili shënoi dopietën e dytë radhazi pasi në fundjavë i bëri të njëjtin “trajtim” Espanjolit.

Në katërshen e fundit të turneut Reali i bashkohet Barcelonës, Real Betis dhe Valencias. 

Në 90 minutëshin e sotëm shkëlqyen të gjithë lojtarët e Barcelonës. Felipe Kutinjo u rikthye të shënojë pas thuajse tre muajsh, ndërsa rrugën e rrjetës e gjetën dhe Rakitiç e Sergi Roberto. Në limite të takimit, nuk munguan as golat e  Luis Suarez dhe Lionel Mesit.

“Pleshti” shënoi golin e gjashtë të takimit në limitet e kohës shtesë dhe mban në jetë ecurinë e golave radhazi, duke regjistruar ndeshjen e tetë rresht që tund rrejtën e kundërshtarëve.

Barcelona 6 – 1
Kutinjo 13’ 53’, Rakitiç 31’, Roberto 54’, Suarez 87’, Mesi 92 / Arana 67′

Klubi i Levantes kërkoi që Barcelona të eliminohej automatikisht nga turneu, por federata spanjolle dhe komisioni i apelit i konsideruan si pavlefshme ankesat e klubit nga qyteti i Valencias.

Duke qenë se në Spanjë nuk gjetën drejtësi, Levante i është drejtuar institucioneve ndërkombëtare, më konkretisht, Tribunalit të Arbitrazhit Sportiv, njohur ndryshe si “CAS”.  Kjo lëvizje e Levantes ka vënë në pikëpyetje organizimin e Kupës së Mbretit, ditën e nesërme, Barcelona do të luajë ndeshjet e parë të fazës çerekfinale ndaj Sevijës.

Megjithatë në fund federata spanjolle ka vendosur në favor të klubit katalanas, pasi ankesa e depozituar nga Levante e kishte kaluar afatin prej 48 orësh, që ekziston për të tilla çështja, e si rrjedhojë ankimi i klubit nga qyteti i Valencias u shpall i pavlefshëm.

Ndërkaq, në shortin e orës 6 të pasdites, Barcelona mësoi se kundërshtari në çerek finales e Kupës së Mbretit do të jetë Sevija. Duhet përmendur se ishte pikërisht skuadra andaluziane ajo që i priti katalanasit në finalen e edicionet të kaluar, që u fitua nga Barcelona me rezultatin e thellë 5 – 0.

NDESHJET E FAZËS ÇEREKFINALE TË “COPA DEL REY”

Real Madrid – Zhirona

Getafe – Valencia

Sevija – Barcelona

Espanjol  – Real Betis

Valverde aktivizoi në ndeshjen e parë mbrojtësin Çumi, por ky i fundit ishte i skualifikuar me Barcelonën B dhe nuk mund të luante. “El Mundo Deportivo” citon se klubi katalanas ka shkelur nenin 76 të Federatës dhe rrezikon përjashtimin nga kompeticioni.

Por, në ndihmë të ekipit të Mesit mund të vijë… Reali i Madridit! Siç raporton “Marca”, para dy vitesh ka ndodhur e njëjta gjë me “Los Blancos”. Në ndeshjen e Kupës së Mbretit kundër Kultural Leonesës, Reali aktivizoi Alvaro Tejeron, pavarësisht skualifikimit të lojtarit me ekipin e dytë. Polemikat shpërthyen, por gjithçka u mbyll shpejt dhe Reali kaloi një tur më tej, për t’u eliminuar më pas nga Selta Vigo.

Barcelona pret të ndodhë e njëjta gjë dhe të vazhdojë më tej në Kupë. “Nuk kam dyshime në rastin e Çumit. Mendoj se kemi bërë gjënë e duhur dhe meritojmë të jemi në turin tjetër. E përsëris, nuk kemi asnjë dyshim për veprimin tonë”, thekson Ernesto Varlverde, trajneri i Barcelonës.

Siç raporton “elmundos.es”, Barcelona mund të përjashtohet nga Kupa e Mbretit. Klubi ka bërë një gabim të pafalshëm, duke aktivizuar në lojë Huan Brandariz Movija, i njohur me emrin Çumi. Ai luan në mbrojtje dhe Valverde e aktivizoi si titullar në ndeshjen kundër Levantes.

19-vjeçari është pjesë e ekipit B, ekip me të cilin ishte i skualifikuar për ndeshjen e radhës. Një tjetër media spanjolle mendon ndryshe dhe tregon versionin e saj. “El Mundo Deportivo” thekson se rregullorja e RFEF (Federata Spanjolle e Futbollit) ka ndryshuar në muajin dhjetor dhe aktivizimi i Çumit nuk është një problem.

Pavarësisht rrjedhjes së ngjarjeve, fusha do të përcaktojë ekipin e kualifikuar sonte në mbrëmje, ndërsa më pas do të mësohet nëse Barcelona nuk ka gabuar me aktivizimin e lojtarit, apo do të përjashtohet nga kompeticioni.

Trajneri i Atletikos, Diego Simeone, u tregua i butë para medieve, duke mos u marr me kritika për skuadrën e tij, megjithëse u shpreh se do të preferonte nëse skuadra e tij do të luante pak më shëmutar e të kalonte më tej. Ndoshta duke iu referuar golit të fundit të Dumbias, ku skuadra e tij u kap në kundërsulm si rrallë herë dhe e pagoi shumë shtrenjtë këtë gjë.

“Ishte një ndeshje e bukur, një klasike kupe. Kishim si synim ta fitonim dhe bëmë një pjesë të parë të mirë. Ata bënë një ndeshje të pabesueshme, i përgëzoj për fitoren, pasi ne dhamë gjithçka në këtë takim”

“Nuk është asnjëherë pozitive kur eliminohesh, na mbetet të shikojmë ndeshjen e radhës. Zhirona bëri një ndeshje të mirë dhe s’mund t’u heq meritat atyre. Por, padyshim do preferoja të luaja e keq të kaloja më tej”, përfundoi Simeone.

Siç raporton “AS”, Kupa e Mbretit do të zhvillohet me ndeshje teke deri në fazën çerekfinale, ndërsa më pas do të aplikohet sistemi “Final Four” mes katër ekipeve, i përdorur në Ligën e Kombeve.

Gjysmëfinalistet do të luajnë midis tyre në një qytet që nuk është zgjedhur akoma, por që do të zhvillohet në Madrid, Barcelonë, Sevilje, ose Valencia. Ky model mbështetet dhe nga presidenti i Ligës, Hoze Tebas, por një gjë e tillë duhet të marrë aprovimin e klubeve, sidomos klubeve të mëdha.

Ata duhet të nisin të luajnë në të gjitha raundet me eliminim dhe duhet të bien dakord për faktin që ndeshjet do të luhen në fushën e ekipit më të dobët. Nga ana tjetër, formati i ri iu siguron klubeve më shumë të ardhura nga të drejtat televizive, ndërsa pritet dhe një riorganizim i kalendarit.

Melija është një qytet portual i ndodhur në brigjet e Marokut. Spanja ka dy territore autonome në Marok, Melija dhe Seuta, të dy këto qytete portuale me një territor prej më pak se 20 kilometrash katrorë.

Një short tepër i lehtë dhe për Barcelonën, që do të ketë përballë Kultural Leonesën, ekip i kategorisë së tretë. Ndeshjet do të zhvillohen me format vajtje-ardhje më datë 31 tetor dhe pesë dhjetor.