kupa e kosoves

Dominim absolut, Feronikeli fiton edhe Kupën e Kosovës

Sport Ekspres — Fri, 24 May 2019 20:41:53 +0000

Skuadra e Feronikelit i ka fituar të dy trofetë në Kosovë. Pasi u shpallën kampionë në IPKO Superliga javën e shkuar, skuadra nga Drenasi triumfoi edhe në finalen e Kupës, përballë Trepça ’89, me rezultatin bindës 1-5.

Ndeshja nisi shumë mirë për kampionët e Kosovës, që shënuan 2 herë brenda 27 minutash lojë. Fillimisht, ishte Fazliu ai që shënonte në minutën e 16’, ndërsa Hoti në të 27-ën do të dyfishonte shifrat. Me avantazhin 2-0 të Feronikelit, u mbyll pjesa e parë.

Në të dytën, starti ishte i njëjtë me atë të pjesës së parë, pasi Feronikeli do të shënonte sërish 2 gola të shpejtë. Morina në minutën e 66’ dhe Rexha në të 70-ën, do të çonin rezultatin në 0-4, para se Muja në të 73-ën të dërgonte shifrat në 1-4, duke shënuar kështu një gol nderi për Trepçën. Në sekondat e fundit të takimit, Feronikeli do të shënonte sërish, për të triumfuar bindhsëm 1-5 në finalen e Kupës, si dhe duke i bërë një “nder” Prishtinës, pasi dhe kryeqytetasit do të jenë në Europë sezonin e ardhshëm. Trepça mbetet duarbosh.

Kupa e Kosovës, finale

Trepça ’89 – Feronikeli 1-5
Shënues: Muja 73’ / Fazliu 16’, Hoti 27’, Morina 66’, Rexha 70’ 90+1′

S’ka surpriza, Feronikeli dhe Trepça 89 në finalen e Kupës së Kosovës

Sport Ekspres — Wed, 01 May 2019 15:48:13 +0000

Feronikeli dhe Trepça 89 janë dy skuadrat finaliste të Kupës së Kosovës. Përballjet e kthimit nuk dhuruan surpriza me Feronikelin që mposhti 2 – 0 Ballkanin, ndërsa Trepça u mund 1 – 0 nga Vëllaznimi rezultat ky që nuk i prishi punë skuadrës nga Mitrovica që kishte fituar takimin e parë në Gjakovë me rezultatin e thellë 4 – 0.

Përveç trofeut, fitues i Kupës së Kosovës merr një biletë për në raundet kualifikuese të “Europa League”, një mundësi kjo që nuk u jepet asnjë prej skuadrave në kampionat, me përjashtim të fituesit që shkon në raundin e parë kualifikues të Champions League.

Feronikeli 2 – 0 Ballkani (Rezultati i përgjithshëm 4 – 1)
Shënues: Lladrovci 17’, Magani 82’

Trepça 89 0 – 1 Vëllaznimi (Rezultati i përgjithshëm 4 – 1)
Shënues: Gashi 25’

Trepça prek finalen e Kupës së Kosovës, triumfon edhe Feronikeli

Sport Ekspres — Wed, 17 Apr 2019 16:41:51 +0000

Janë luajtur dy sfidat e para gjysmëfinaleve të Kupës së Kosovës dhe si Trepça, ashtu dhe Feronikeli, kanë triumfuar në transfertë. Trepça shkatërroi 0-4 skuadrën e Vëllazënimit. Golat nga Hoti dhe Manaj në pjesën e parë i hapën udhë këtij suksesi, që u kompletua nga golat e Kaçiut dhe Traores në shtatë minutat e fundit.

Ndërsa ndeshja mes Ballkanit dhe Feronikelit, ishte më e luftuar. Miqëtë ishin në avantazh të dyfishtë për pjesën më të madhe të lojës, pasi Hoti dhe Zeka gjetën rrjetën, por goli i Berishës në minutën e 88’ e mban ende të hapur ndeshjen e kthimit, që do të luhen me datë 1 maj.

Kupa e Kosovës, rezultatet e gjysmëfinaleve të para

Vëllaznimi – Trepça ‘89 0-4
E. Hoti 23’, Manaj 45’, Kaçiu 83’, Traore 90’

Ballkani – Feronikeli 0-2
V. Berisha 88’ / Hoti 30’, Zeka 49’

Kupa e Kosovës dhuron spektakël, Prishtina “dridhet” te penalltitë

Sport Ekspres — Sun, 10 Feb 2019 17:11:48 +0000

Janë luajtur sot sfidat çerekfinale te Kupës së Kosovës, ku nuk munguan golat, emocionet dhe rezultatet surprizë. Pas eliminimit të kampionëve të Dritës, skuadër që është në krizë totale këtë sezon, në fushë zbritën kryeqytetasit e Prishtinës.

Përballë Trepçës, djemtë e drejtuar nga Mirel Josa vuajtën të gjenin golin gjatë kohës së rregullt dhe iu drejtuan penalltive. U gjuajtën plot 12 penallti dhe në fund, triumfoi Trepça. Miqtw u treguan tw saktw dhe triumfuan 4-5 me anw tw penalltive dhe vazhdojnë rrugëtimin e tyre drejt gjysmëfinaleve.

Kupa e Kosovës, çerekfinalet

KF Kika – KF Ballkani 0-1
Maksutaj 115’

Vëllznimi – Drita 1-0
Bardhoku 42’

Prishtina – Trepça 0-0 (4-5)