Kupa e Kombeve të Afrikës

Pasaportë në vend të biletës, Algjeria do me çdo kusht trofeun

Sport Ekspres — Thu, 18 Jul 2019 10:52:30 +0000

Algjeria ka shansin t’i japë fund pritjes 29-vjeçare për trofeun e Kupës së Kombeve të Afrikës. Ditën e nesërme kombëtarja magrebase do të ndeshet në finale me Senegalin, një kundështar me futbollistë elitare si Sadio Mane dhe Idrisa Gueje.

Shteti dhe Federata algjeriane po bëjnë të tyren për t’i ardhur në ndihmë tifozëve të skuadrës që duan të mbështesin kombëtaren në finalen e zhvilluar në stadiumin ndërkombëtar të Kairos në Egjipt.

Së fundmi është bërë i ditur lajmi që çdo fans algjerian që kërkon të shohë finalen nuk përse të blejë biletë. Hyrja do të jetë falas për të gjithë personat që tregojnë autoriteteve egjiptiane pasaportën algjeriane.

Fitimi i trofeut është kthyer në një detyre kombëtare për shtetin algjerian. Në gjysmëfinalen ndaj Nigerisë, vetë qeveria transportoi pa kërkuar asnjë qindarkë me qindra tifozë drejt Egjiptit duke përdorur pesë avionë të ushtrisë.

VIDEO | Salah “out”, Afrika e Jugut eliminon Egjiptin

Sport Ekspres — Sat, 06 Jul 2019 20:55:15 +0000

Afrika e Jugut ka befasuar të gjithë duke eliminuar Egjiptin nga Kupa e Kombeve të Afrikës pas fitores 1 – 0 në fazën e 1/16-ve. “Faraonët” konsideroheshin si ekipi favorit për të fituar turneun, kjo dhe për shkak se ishin vendi organizator i evenimentit, por sot në fushën e blertë Afrika e Jugut luajti si e barabartë dhe nuk vodhi asgjë.

Gabimi fatal i Egjiptit u bë në minutën e 85-të, teksa një kundërsulm i Afrikës së Jugut kapi të papërgatitur mbrojtjen e vendasve. Në çerekfinale Afrika e Jugut do të përballlet me Nigerinë.

Egjipt 0 – 1 Afrika e Jugut
Shënues: Lorç 85’

VIDEO | Mane i papërmbajtshëm, Senegali prek çerekfinalen

Sport Ekspres — Fri, 05 Jul 2019 20:55:56 +0000

Senegali vazhdon marshimin drejt trofeut të Kupës së Kombeve të Afrikës. Kombëtarja senegaleze siguroi biletën në finale duke mundur Ugandën me rezultatin 1 – 0. Golin e vetëm të takimit e shënoi sulmuesi i njohur Sadio Mane.

Në ccerekfinale Senegali do të ndeshet me Benin, skuadër kjo që befasoi të gjithë duke eliminuar Marokun që ishte një ndër skuadrat favorite për të fituar turneun.

Krahas Mane kombëtarja e Senegalit është e përbërë nga futbollistë të njohur si qendërmbrojtësi i Napolit, Kalidu Kulibali, sulmuesi Mbaje Niang dhe mesfushori i Everton, Idriza Gueje.

Senegal 1 – 0 Uganda
Shënues: Mane 15’

VIDEO | Rasti i humbur, tifozët kundër dhe shpërthimi në lot: Mane nuk përmbahet!

Sport Ekspres — Sun, 18 Nov 2018 17:22:36 +0000

Senegali arriti një fitore të rëndësishme përballë Guinesë Ekuatoriale me rezultatin 0-1 në Kupën e Kombeve të Afrikës. Një autogol i Mese në minutën e 52 i dhuroi tre pikët Senegalit, që vazhdon të kryesojë grupin A me 13 pikë, 3 më shumë se Madagaskarit.

Një episod i rëndë i ka ndodhur sulmuesit të Senegalit, Sadio Mane. Lojtari i Liverpulit ka humbur një rast të pastër për të dërguar ndeshjen në 0-2 dhe një gjë e tillë ka sjellë shpërthimin e tifozëve senegalezë kundrejt tij.

26-vjeçari e ka përjetuar keq një gjë të tillë dhe në fundin e ndeshjes ka shpërthyer në lot. Duart në fytyrë dhe bluza sipër kokës, por nuk ka mjaftuar. Mane ka qenë në një gjendje emocionale të rënduar dhe është dashur ndërhyrja e shokëve të ekipit dhe stafit teknik për ta nxjerrë nga fusha e blertë.