kupa e greqise

VIDEO | Durmishaj i pandalshëm, ndëshkon edhe gjigantët e PAOK

Sport Ekspres — Wed, 27 Feb 2019 18:10:39 +0000

Sulmuesi shqiptar, Florin Durmishaj po kalon sezonin e tij më të mirë në karrierë. 22-vjeçari vazhdon të shënojë dhe të jetë i rëndësishëm për skuadrën e Panionios. Në takimin e sotëm në Kupën e Greqisë përballë PAOK-ut, skuadër që është favorite për t’i shkuar deri në fund këtij kompeticioni, Durmishaj ka shënuar.

Futbollisti kuqezi barazoi shifrat për skuadrën e tij, vetëm 2 minuta pasi e panë veten në disavantazh. Në minutën e 34’, Durmishaj ndëshkon PAOK-un dhe bën që i gjithë stadiumi i vendasve të heshtë. Ky gol është shumë i rëndësishëm sa i takon kualifikimit, pasi në ndeshjen e parë, Panionios ka triumfuar 1-0.

Kupa e Greqisë

PAOK – Panionios 1-1
Bisevar 32’ / Durmishaj 34’

VIDEO | Kaçe “dridhet” dhe humbet penallti, ekipi i tij skualifikohet

Sport Ekspres — Thu, 24 Jan 2019 20:24:38 +0000

Mesfushori i Shqipërisë, Ergys Kaçe vazhdon të jetë titullar i padiskutueshëm te ekipi i Panathinaikos, si në ndeshjet e kampionatit, edhe në ato të Kupës. Shtatshkurtri kuqezi luajti plot 120 minuta në ndeshjen e Panathinaikosit kundër Lamias, sfidë e vlefshme për Kupën e Greqisë.

Ky takim u mbyll me rezultatin 1-0 në favor të Panathinaikosit, por duke parë që në takimin e parë Lamia kishte fituar me të njëjtin rezultat, sfida shkoi në shtesë, e më pas drejt penalltive.

Kaçe mori përsipër ekzekutimin e penalltisë së tretë te skuadra e tij, por nuk arriti ta çojë topin drejt rrjetës, duke gabuar. Kjo penallti e humbur nga Kaçe ndikoi te skuadra e tij, pasi Panathinaikosi u skualifikua nga Kupa e Greqisë.