Tomas Tuhel ka përfituar për të bërë pak gallatë me lojtarin e tij. Trajneri i PSG-së flet për golin e fundit të Verratit, stilin e tij të lojës dhe ka një kërkesë për italianin.

“Nuk e di se çfarë i ka ndodhur. Normalisht ai nuk shënon, e patë që nuk dinte të festonte?! Edhe në stërvitje, Marko është gjithmonë në kërkim të një shoku për t’i pasuar topin, edhe pse mund të gjendet dy metra larg portës. Ai dëshiron që t’i bëjë të tjerët të lumtur, por duhet të mësojë të jetë më shumë egoist. Bëjmë shumë shaka në këtë aspekt, por ndodhsha tani ka fituar më shumë besim te vetja”, përfundon trajneri gjerman i PSG.

Megjithatë, djemtë e Tomas Tuhel vuajtën dhe arritën të kualifikoheshin në raundin tjetër të “Coupe de France” vetëm në kohën shtesë. 90 minutat u mbyllën në barazim pa gola dhe skuadra modeste e Vilefransh po befasonte të gjithë.

Gjithsesi, PSG-ja bëri detyrën në 30 minutat shtesë, duke shënuar tre herë. Draksler, Diabi dhe Kavani i dhanë fitoren dhe kualifikimin kampionëve të Francës, të cilët vazhdojnë më tej ecurinë e tyre në Kupën e Francës.

Coupe de France

Vilefransh – PSG  0-3
Draksler 103’, diabi 113’, Kavani 119’