“Bëra çmos për të përmirësuar ekipin dhe besoj se kam ndërtuar diçka në disa aspekte. Dua t’i falënderoj të gjithë këtu dhe kjo ndeshje mbyll aventurën time me Kinën. Ka qenë një nder i madh për mua fakti që kam qenë trajner i një skuadre të rëndësishme i një vendi të rëndësishme si Kina. Sigurisht që shpresoja ta mbyllja në një mënyrë më të mirë këtë aventurë”, shprehet trajneri që udhëhoqi Italinë drejt fitimit të kupës së botës në vitin 2006.

Elozhet për Lipin nuk kanë munguar nga Karlos Kueiroz, trajneri portugez i Iranit. “Lipi është një ndër trajnerët më të mirë të historisë së futbollit. Është për të ardhur keq fakti që nuk është më trajneri i Kinës. Jam përballur dy herë më të në eliminatoret e Botërorit para dy vitesh dhe pas atyre ndeshjeve, Kina është përmirësuar shumë”, përfundon trajneri i kombëtares perse, që do të përballet me Japoninë për një vend në finalen e madhe.

Ishte minuta e ’80 dhe Australia po fitonte 2-1. Një sulm i Sirisë sjell përplasjen e dy lojtarëve arabë midis tyre. Vendimi? Penallti për Sirinë! VAR-i nuk mund të përdoret, pasi teknologjia do të nisë të zbatohet vetëm në fazën e çerekfinaleve.

Australianët nuk i besojnë syve dhe nisin protestat, por arbitri as që do t’ia dijë. Al Soma nuk gabon duke barazuar shifrat, por zoti ekziston dhe në futboll. Tom Rogiç gjen golin e fitores në minutën e ’93 dhe Australia siguron kualifikimin më tej.

TRIPPED OVER HIS OWN PLAYER.

An incredible error to hand Syria a massive equaliser.

VAR anyone….? #AUSvSYR #AsianCup2019 pic.twitter.com/YCvNhB5zzw

— FOX Sports Football (@FOXFOOTBALL) January 15, 2019