Kupa e Amerikës së Jugut

Rekord për t’u harruar, Argjentina “fajëson” Mesin

Sport Ekspres — Thu, 20 Jun 2019 20:40:11 +0000

Leo Mesi është i dëshpëruar të fitojë një trofe të madh me Argjentinën e tij. Megjithatë, duke parë këtë brez që bardhekaltrit kanë, është e vështirë ta mendojmë një triumf të tillë. Mesi i ka shkuar dy herë shumë afër fitimit të Kupës së Amerikës dhe Botërorit, por vështirë se i jepet më ai rast.

Që nga kthimi i tij në vitin 2016, pas humbjes me penallti ndaj Kilit, Argjentina ka një rekord tepër dëshpërues. Në gjashtë ndeshje në kompeticione të mëdha ata kanë fituar vetëm një, ndaj Nigerisë në fazën e grupeve të Botërorit. Pesë ndeshjet e tjera ndahen në dy barazime dhe tre humbje.

Edhe në kualifikuese, ku kundërshtarët nuk kanë seriozitet tepër të madh, numërojnë tetë fitore, nëntë barazime dhe shtatë humbje. Shifra që tregojnë se Mesi nuk mjafton dhe kjo Argjentinë nuk ka fuqinë të shkojë në fund të asnjë kompeticioni.

VIDEO | Dramë në finalen e Amerikës së Jugut, festë “samba” në fund

Sport Ekspres — Thu, 13 Dec 2018 11:26:41 +0000

Atletiko PR (Atletiko Paranaense) ka fituar kupën e Amerikës së Jugut dhe tashmë do të përballet me River Plejtin (fituesin e Libertadores) në finalen e madhe të Superkupës së Amerikës Latine.

Klubi brazilian mposhti kolumbianët e Zhunior Barankuilës pas goditjeve të penalltive. Ndeshja e parë e zhvilluar në Kolumbi u mbyll në barazim 1-1, ndërsa po aq përfundoi dhe ajo e kthimit. Atletiko Paranaense kaloi në avantazh në minutën e 27 me anë të Pablos, ndërsa Zhunior barazoi ndeshjen në minutën e 58 me anë të Gutierrez.

Miqtë kishin një mundësi të artë për të marrë kupën me vete në Kolumbi, por Jarlan Barrera dështoi të shënonte nga pika e penalltisë në minutën e 111. Një gjë e tillë nuk ndodhi dhe kësaj radhe u drejtuan të gjithë drejt pikës së penalltisë.

Vendasit u treguan më të saktë, duke humbur vetëm një nga 5 goditje, ndërsa Zhunior humbi dy penallti. Atletiko Paranaense festoi gjatë me tifozët e saj dhe tashmë do të përballen me River Plejt në finalen e Superkupës së Amerikës së Jugut.

?? ¡La celebración del nuevo campeón!

Parabéns @atleticopr! ???? pic.twitter.com/IojY5kvlSw

— CONMEBOL.com (@CONMEBOL) December 13, 2018

VIDEO | Futbolli latin s’ndryshon kurrë, San Lorenco kualifikohet mes dhunës

Sport Ekspres — Thu, 16 Aug 2018 16:57:15 +0000

Rikthehen problemet në futbollin latin. Kilianët e Deportes Temuko fituan ndeshjen e kthimit të Kupës së Amerikës së Jugut, me rezultatin 1-0 përballë San Lorencos. Argjentinasit kishin fituar sfidën e parë në shtëpi me tris golash (3-0) dhe avancuan më tej, ku do të përballen me Nacionalin e Uruguait.

Sfida është shoqëruar me probleme, ku tifozët kilianë kanë goditur portierin e San Lorencos, ndërsa në fund është goditur dhe përgatitësi fizik i ekipit argjentinas, i cili u largua i gjakosur në fund të ndeshjes.

Në fund të ndeshjes, Nikolas Navarro, i cili ishte heroi i ekipit argjentinas, shpërtheu për trajtimin e marrë në Kili. “E turpshme, nuk kemi qenë në gjendje as të bëjmë dush në fund të ndeshjes”, foli portieri 33-vjeçar, i cili u godit me monedhë nga tifozët e Deportes Temukos.

https://www.youtube.com/watch?v=LIGUag6LFAc

https://www.youtube.com/watch?v=nSOoUzY8eVQ