Kupa e Amerikës 2019

Skualifikim dhe gjobë, merret vendimi për Leo Mesin

Sport Ekspres — Wed, 24 Jul 2019 10:55:38 +0000

Më në fund është marrë vendimi në lidhje me deklaratat e forta të Leo Mesit në Kupën e Amerikës. Ylli argjentinas nuk e përmbajti veten pas humbjes kundër Brazilit në gjysmëfinale dhe ndëshkimit me të kuqe në finalen për vendin e tretë kundër Kilit.

Kapiteni hodhi akuza kundrejt CONMEBOL (qeveria e futbollit të Amerikës së Jugut) për korrupsion dhe favorizim të pastër të kombëtares braziliane.

First Post raporton se Mesi ja ka hedhur paq. Ai është dënuar me 1 ndeshje pezullim si pasojë e kartonit të kuq të marrë kundër Kilit dhe 1500 dollarë gjobë për deklaratat e papranueshme.

Mesi do të mungojë në ndeshjen e parë për eliminatoret e Botërorit 2022. Flitet se ylli i futbollit botëror ka kërkuar falje në mënyrë private përpara drejtuesve të CONMEBOL, duke pretenduar se deklaratat e tij kishin lidhje me arbitrat dhe zyrtarët e ndeshjeve dhe jo organizatorët.

Modelja nuk ndalet, Volanski u arrestua në Brazil-Peru

Sport Ekspres — Tue, 09 Jul 2019 10:42:38 +0000

Kinsej Volanski nuk mjaftohet me hyrjen në fushë gjatë finales së Champions League. Siç e ka treguar vetë nëpërmjet “Instagramit”, ajo bashkë me të dashurin e saj, Vitali janë arrestuar përpara se të fillonte ndeshja mes Perusë dhe Brazilit, e vlefshme për finalen e Kupës së Amerikës.

Volanski dhe Vitali ishin veshur si tifozë të seleçaos dhe ishin “maskuar”, duke bërë ndryshime në lukun e tyre. Kinsej kishte ndryshuar ngjyrën e vetullave dhe kishte vënë një paruke. Ndërkohë, i dashuri i saj kishte mustaqe dhe flokë të zinj.

Megjithatë, e gjithë kjo nuk ja ka vlejtur sepse rojet braziliane të sigurisë kanë arritur t’i dallojnë dhe siç thotë modelja rreth tyre janë afruar rreth 20 policë. Ata janë marrë nga forcat e sigurisë, për t’u lënë të lirë pas disa orësh.

View this post on Instagram

I’ll admit Copa America you definitely won but we had one hell of an adventure trying ? flew to brazil, dressed up in disguise, made it to our seats and it ended in Vitalys bad ass getting tackled by 20 security guards. We are out of jail and now enjoying our time in Brazil! ?? @vitalyzdtv

A post shared by Kinsey Wolanski (@kinsey_sue) on Jul 8, 2019 at 2:06pm PDT

Alvesh i kthehet Mesit: Je miku im, por ki respekt

Sport Ekspres — Tue, 09 Jul 2019 08:57:26 +0000

Në momentin që flet një njeri si Lionel Mesi aq ashpër e gjithë bota gumëzhin nga diskutimet. Mesi lëshoi akuza për korrupsion ndaj Brazilit dhe CONMEBOL, pas atij kartoni të kuq që mori në ndeshjen e vlefshme për vendet tre dhe katër të Kupës së Amerikës ndaj Kilit.
Pas kësaj deklarate, mes shumë personaliteteve të sportit, ka reaguar edhe Dani Alvesh. Ndryshe nga rasti i parë, këtë herë mbrojtësi është shfaqur mjaft kritik ndaj Mesit. Ai shprehet se përtej shoqërisë së madhe me yllin argjentinas, ky i fundit ka fyer kombëtaren e Brazilit, CONMEBOL dhe shumë njerëz që kanë dhënë shumë për të qenë aty në ato momente.

“Një mik nuk ka gjithmonë të drejtë vetëm për shkak se është një i tillë. Mesi mund ta ketë thënë atë në moment nxehtësie, por unë përsëri nuk pajtohem me fjalët e tij. Së pari, sipas mendimit tim ai ka treguar mungesë respekti ndaj një institucioni si Seleçao.”

“Së dyti, ai nuk ka respektuar ato profesionistë, që lënë gjithë ato gjëra pas për të qenë aty, duke luftuar për ëndrrën e tyre. Unë nuk jam ai shok që tregon gjithmonë të vërtetën kur është e duhur për të. Mendoj se Mesi gaboi kur foli në këtë mënyrë”, deklaroi Dani Alvesh.

“Respekto rezultatin”, CONMEBOL përgjigjet ndaj “shpërthimit” të Mesit

Sport Ekspres — Sun, 07 Jul 2019 09:33:07 +0000

Leo Mesi shpërtheu në akuza mbrëmjen e djeshme ndaj arbitrimit dhe jo vëtëm, pas atij kartoni të kuq në finalen për vendin e tretë të Kupës së Amerikës ndaj Kilit. Ndeshja u fitua 2-1 nga Argjentina, por ajo që kishte rëndësinë më të madhe ishte ai vendim diletant i arbitrit për të ndëshkuar Mesin me karton të kuq.
“Pleshti” pati një zënkë më Geri Medel, ku mbrojtësi e sulmoi fizikisht, duke e shtyrë forcërisht, me Leon që nuk bëri asnjë veprim. Egjithë kjo për arbitrin ishte jo e rregullt dhe i ndëshkoi të dy lojtarët me karton të kuq.

Mesi pas ndeshjes u shfaq më shumë se i zemëruar. Ai akuzoi direkt CONMEBOL për favore ndaj Brazilit. Nuk u paraqit për të marrë medaljen me argumentin se nuk dëshiron të jetë pjesë e korrupsionit të qeverisë latine të futbollit.

Ka ardhur edhe përgjigja e CONMEBOL ndaj Mesit. Ata shprehen se akuzat e tij janë të pabaza dhe ta papranueshme. Në lidhje me arbitrat shprehen se gabimet janë të pranishme dhe asnjëherë nuk do të jenë perfekte.

“Në futboll ndonjëherë fiton dhe ndonjëherë humbet. Një shtyllë themelore e lojës së drejtë është pranimi i rezultateve me besnikëri dhe respekt. E njëjta gjë vlen për vendimet e arbitrazhit, të cilat janë njerëzore dhe kurrë s’do të jenë të përsosura”, shkruhet në deklaratë.

Ankesë zyrtare, Argjentina nuk e mbyll me kaq me arbitrin

Sport Ekspres — Wed, 03 Jul 2019 20:15:43 +0000

Argjentina i dha lamtumirën Kupës së Amerikës mëngjesin e sotëm, duke u mundur 2-0 nga Brazili vendas. Ndeshja nuk ishte aq e pastër sa rezultati. Ekipi bardhekaltër pati disa raste të pastra për shënim, por fati nuk e ndihmoi aspak. Përveç fatit, edhe gjyqtari pati një ndikim të madh në rezultatin e kësaj ndeshje.

Argjentina pretendon për dy penallti të padhëna nga gjyqtari. Aksioni i golit të dytë të Brazilitt nisi nga një penallti ndaj Agueros. Madje arbitri ekuadorian Rody Zambrano nuk preferoi as të konsultohej me sistemin “VAR”. E gjithë kjo e ka acaruar federatën argjentinase të futbollit. Ata kanë bërë një postim në “Twitter” me mbishkrimin, “Ne pamë të njëjtën gjë si ju”, ku i drejtohet tifozëve.

Të shumtë ishin komentuesit që këshillonin një ankesë në rrugë zyrtare te qeveria e futbolit amerikano jugor, “CONMEBOL”. Dhe kështu do të ndodhë. Zyra ligjore e kësaj federate do të hartojë një ankesë zyrtre për gjykimin tepër të njëanshëm të kësaj ndeshje, sipas tyre.

Mesi s’po luan mirë? Di Maria ka versionin e tij

Sport Ekspres — Mon, 01 Jul 2019 20:53:49 +0000

Argjentina po paraqitet relativisht mirë në Kupën e Amerikës. Bardhekaltrit kanë arritur të shkojnë në gjysmëfinalet e këtij kompeticioni. Më interesantja, është ekipi i vetëm që është kualifikuar në kohën e rregullt, por edhe që ka shënuar të paktën një gol në çerekfinale.
Përtej gjithë kësaj, ajo që krijon më shumë debat është loja e Leo Mesit. Argjentinasi nuk është ai, që merr të gjithë manovrën sulmuese të skuadrës përsipër, por është shndërruar në një lojtar më difensiv. Qëndron pas sulmuesve dhe nuk heziton të bëjë detyra mbrojtëse.

Kjo e ka kushtëzuar në efikasitetin e tij para portës, çka e bën ta marrë kritika për formë të dobët. Angel Di Maria merr në mbrojtje yllin e Barcelonës. Mesfushori shprehet se Mesi është shumë i rëndësishëm për ekipin edhe pse golat nuk po vijnë.

“Për mendimin tim ai po luan shumë mirë edhe pse golat nuk po vijnë. Vrapon shumë dhe po jep gjithçka për ekipin. Mesi është shumë i rëndësishëm për ne. E njeh më mirë se çdokush këtë kompeticion. Puna e tij për skuadrën është thelbësore”, deklaroi ylli i PSG.

VIDEO | Bëri gabimin fatal, Suarez nuk e përmban veten!

Sport Ekspres — Sun, 30 Jun 2019 09:05:21 +0000

Uruguai nuk ia doli që të kualifikohej në gjysmëfinalen e Kupës së Amerikës përballë Perusë. Ndeshja e rregullt përfundoi në barazim pa gola, ndërsa goditjet e penalltive i buzëqeshën ekipit peruan.

Luis Suarez ishte i pari që goditi dhe i vetmi që gaboi. 29-vjeçari Pedro Galese e priti goditjen e sulmuesit të Barcelonës, ndërkohë që të gjithë nëntë goditjet e tjera përfunduan në rrjetë.

Edison Flores shënoi penalltinë deçizive, duke dërguar shokët dhe tifozët e tij në festë dhe Suarez në lot. 32-vjeçari e përjetoi shumë keq këtë situatë dhe ishte pothuajse e pamundur për ta qetësuar.

Ky është futbolli, para një muaji e gjysmë ai qeshte përpara fytyrës së Endi Robertson, skocezit të Liverpulit, pas golit të tretë të Mesit në fitoren e parë në ndeshjen gjysmëfinale të Champions Ligës.

Më pas ndodhi përmbysja e madhe e djemve të Klopit në Anfield, Barça humbi edhe finalen e Kupës së Mbretit, ndërsa tani vjen eliminimi prej Kupës së Amerikës.

Luis Suarez crying after missing a pen to send Uruguay out of Copa America….. Remember when he laughed at Andy Robertson. You love to see it! pic.twitter.com/juvET7vXlL

— Stanley House ??6?? (@StanleyHouseLFC) June 29, 2019

This is exactly what I was thinking about last night. He pays for this epic disrespectful behavior. pic.twitter.com/c7vjABbJDq

— Alexandros Morellas (@A_Morellas) June 30, 2019