Kupa e Afrikës

VIDEO | Çfarë pritje nga tifozët, Senegali ndihet “fitues”!

Sport Ekspres — Mon, 22 Jul 2019 14:55:37 +0000

Senegali zhvilloi një Kupë Afrike fantastike, por dështoi në finalen e madhe. Djemtë e drejtuar nga Ali Cise u mposhtën nga Algjeria, që iu fal një gol me fat të shënuar në minutën e tretë.

Luanët afrikanë luftuan deri në fund, dominuan, mbyllën Algjerinë në zonën e saj, por goli i barazimit nuk erdhi. Trishtim i madh te lojtarët dhe stafi teknik, por jo te tifozët. Ata ndihen krenar për paraqitjen e heronjve të tyre, të cilëve ju kanë dhuruar një pritje fantastike.

Kjo ishte hera e dytë që Senegali dilte në finalen e Kupës së Afrikës. Në vitin 2002 u rrëzuan në finale përballë Kamerunit, ndërsa tani nuk ia dolën përballë Algjerisë.

??-?? ¡IMÁGENES ESPECTACULARES! Locura en ARGELIA y SENEGAL tras la COPA ÁFRICA. pic.twitter.com/LWOflFPIPV

— El Chiringuito TV (@elchiringuitotv) July 22, 2019

Pasaportë në vend të biletës, Algjeria do me çdo kusht trofeun

Sport Ekspres — Thu, 18 Jul 2019 10:52:30 +0000

Algjeria ka shansin t’i japë fund pritjes 29-vjeçare për trofeun e Kupës së Kombeve të Afrikës. Ditën e nesërme kombëtarja magrebase do të ndeshet në finale me Senegalin, një kundështar me futbollistë elitare si Sadio Mane dhe Idrisa Gueje.

Shteti dhe Federata algjeriane po bëjnë të tyren për t’i ardhur në ndihmë tifozëve të skuadrës që duan të mbështesin kombëtaren në finalen e zhvilluar në stadiumin ndërkombëtar të Kairos në Egjipt.

Së fundmi është bërë i ditur lajmi që çdo fans algjerian që kërkon të shohë finalen nuk përse të blejë biletë. Hyrja do të jetë falas për të gjithë personat që tregojnë autoriteteve egjiptiane pasaportën algjeriane.

Fitimi i trofeut është kthyer në një detyre kombëtare për shtetin algjerian. Në gjysmëfinalen ndaj Nigerisë, vetë qeveria transportoi pa kërkuar asnjë qindarkë me qindra tifozë drejt Egjiptit duke përdorur pesë avionë të ushtrisë.

VIDEO | Çmenduri, magjia e Mahrez çon në finale Algjerinë

Sport Ekspres — Sun, 14 Jul 2019 20:57:17 +0000

E pabesueshme ajo që ka ndodhur mes Algjerisë dhe Nigerisë në gjysmëfinalen e dytë të Kupës së Afrikës. Algjeria ia doli të triumfojë në sekondat e fundit të takimit, falë një supergoli të Riad Mahrez në minutën e 90+4’.

Fillimisht, në minutën e 40-të, Algjeria do të gjente avantazhin falë një autogoli të mbrojtësit nigerian, Ekong. Edhe pse në disavantazh në pjesën e parë, Nigeria barazoi gjithçka në të dytën. Sulmuesi Ighalo shënon falë një penalltie në minutën e 72-të dhe dukej se ndeshja do të shkonte në shtesa, por një “perlë” e Mahrez nga goditja e dënimit i jep fitoren 2-1 Algjerisë dhe i çon ata në finale, ku do të ndeshen përballë Senegalit të Sadio Mane.

Kupa e Afrikës, gjysmëfinale

Algjeri – Nigeri 2-1
Ekong (ag) 40’, Mahrez 90+4’ / Ighalo (p) 72’

VIDEO | Algjeria në gjysmëfinale, eliminim dramatik për Bregun e Fildishtë

Sport Ekspres — Thu, 11 Jul 2019 19:08:22 +0000

Algjeria është gjysmëfinalistja e dytë e Kupës së Kombeve të Afrikës. Kombëtarja magrebase ka eliminuar Bregun e Fildishtë në një takim ku verdiktin përfundimtar e dhanë goditjet e 11-metërshave.

Minutat e rregullta të lojës u mbyllën me rezultatin 1 – 1. Feguli shënoi për algjerianët, ndërsa Koxhia riktheu baraspeshën për afrikano-lindorët. Në goditet e 11-metërshave, Algjerianët u treguan më të saktë duke realizuar katër nga pesë penalltitë, në ndryshim nga kundërshtarët që gabuan në dy raste.

Në gjysmëfinale Algjeria do të ndeshet me Nigerinë, ndërsa çifti tjetër gjysmëfinalist është i përbërë nga Senegali dhe skuadra fituese e përballjes Madagaskar – Tunizi.

Bregu i Fildishtë 1-1 Algjeri (Algeria fiton 5-4 me penallti)
Shënues: Feguli 20′ / Koxhia 62′

VIDEO | Gol “anglez”, Senegali arrin në gjysmëfinale

Sport Ekspres — Wed, 10 Jul 2019 18:52:40 +0000

Senegali ka mposhtur 1-0 kombëtaren e Beninit në çerekfinalen e Kupës së Afrikës, duke prerë e para një biletë për në gjysmëfinalet e këtij turneu. Goli është shënuar nga lojtari i Evertonit, Idrisa Gana Gueje, i cili është asistuar nga ylli i Liverpulit, Sadio Mane.

Senegalezët bënë një ndeshje shumë të mirë, dominuan takimin dhe gjetën golin në minutat e para të pjesës së dytë. Mane bën gjithçka mirë, driblon thuajse të gjithë mbrojtjen kundërshtare dhe topi mbërrin te këmbët e Gueje, i cili vrapon fuqishëm në hyrje të zonës.

Mesfushori i Evertonit arrin të mposhtë portierin kundërshtar dhe i jep fitoren Senegalit, që pret tashmë të mësojë kundërshtarin në gjysmëfinale.

Kupa e Afrikës, çerekfinale

Senegal – Benin 1-0
Gueje 69’

VIDEO | Ekuban merr në qafë Ganën, eliminohet nga Kupa e Afrikës

Sport Ekspres — Mon, 08 Jul 2019 21:47:47 +0000

Tunizia është skuadra e fundit çerekfinaliste e turneut të Kupës së Kombeve të Afrikës. Kombëtarja magrebase eliminoi Ganën në një takim ku verdiktin përfundimtar e dhanë goditjet e 11-metërsheve.

Rastësia e solli që protagonist kryesor i ndeshjes të ishte ish-sulmuesi i Partizanit Kaleb Ekuban, penalltia e të cilit u prit nga portieri i Tunizis, Ben Mustafa, veprim ky që më pas solli eliminimin e ganezëve. Në çerekfinale Tunizia do të ndeshet me ekipin surprizë të këtij edicioni Madagaskarin.

Tunizi 1 – 1 Ganë
(5 – 4, Penalltitë)
Shënues: Khenisi 73’ / Bedui (aug) 90+2’

VIDEO | Salah “out”, Afrika e Jugut eliminon Egjiptin

Sport Ekspres — Sat, 06 Jul 2019 20:55:15 +0000

Afrika e Jugut ka befasuar të gjithë duke eliminuar Egjiptin nga Kupa e Kombeve të Afrikës pas fitores 1 – 0 në fazën e 1/16-ve. “Faraonët” konsideroheshin si ekipi favorit për të fituar turneun, kjo dhe për shkak se ishin vendi organizator i evenimentit, por sot në fushën e blertë Afrika e Jugut luajti si e barabartë dhe nuk vodhi asgjë.

Gabimi fatal i Egjiptit u bë në minutën e 85-të, teksa një kundërsulm i Afrikës së Jugut kapi të papërgatitur mbrojtjen e vendasve. Në çerekfinale Afrika e Jugut do të përballlet me Nigerinë.

Egjipt 0 – 1 Afrika e Jugut
Shënues: Lorç 85’

“Thriller” afrikan, Nigeria eliminon kampionët e Afrikës

Sport Ekspres — Sat, 06 Jul 2019 18:10:56 +0000

Faza e 1/16-ve të Kupës së Kombeve të Afrikës vuri përballë Nigerinë dhe Kamerunin. Të dy ekipet ishin ndër favoritët për ta fituar turneun. Ndeshja rezultoi spektakolare me të dyja skuadrat që përmbysën rezultatin gjatë 90 minutëshin. Në fund festa u takoi nigerianëve, ndërsa lotët kamerunasve .

Nigeria doli i para në avantazh me anë të Odion Igalo, i cili zhbllokoi shifrat në minutën 19-të. Skuadra e Klarenc Sedorf nuk dorëzohet duke përmbysur rezultatin me dy gola të shpejtë në fund të pjesës së parë. Në të dytën Nigeria ishte dukshëm ekipi më i mirë. Igalo shënon sërish, ndërsa Aleks Iuobi kompleton përmbysjen duke çuar shifrat në 3 – 2, rezultat që do të mbetej i pandryshuar deri në fund të ndeshjes.

Në çerekfinale Nigeria do të përballet me fituesin e ndeshjes midis Egjiptit dhe Afrikës së Jugut.

Nigeri 3-2 Kamerun
Shënues: Ighalo 19′, 63′, Iuobi 66′ / Bahoken 41′, N’Jie 44′

VIDEO | Mane i papërmbajtshëm, Senegali prek çerekfinalen

Sport Ekspres — Fri, 05 Jul 2019 20:55:56 +0000

Senegali vazhdon marshimin drejt trofeut të Kupës së Kombeve të Afrikës. Kombëtarja senegaleze siguroi biletën në finale duke mundur Ugandën me rezultatin 1 – 0. Golin e vetëm të takimit e shënoi sulmuesi i njohur Sadio Mane.

Në ccerekfinale Senegali do të ndeshet me Benin, skuadër kjo që befasoi të gjithë duke eliminuar Marokun që ishte një ndër skuadrat favorite për të fituar turneun.

Krahas Mane kombëtarja e Senegalit është e përbërë nga futbollistë të njohur si qendërmbrojtësi i Napolit, Kalidu Kulibali, sulmuesi Mbaje Niang dhe mesfushori i Everton, Idriza Gueje.

Senegal 1 – 0 Uganda
Shënues: Mane 15’

Trukimet “helmojnë” Kupën e Afrikës, zbulohet ndeshja e dyshimtë

Sport Ekspres — Thu, 04 Jul 2019 11:37:01 +0000

Trukimi i ndeshjeve po helmon sportin e bukur të futbollit. Rasti i fundit ku dyshohet për diçka të tillë ka ndodhur në Kupën e Afrikës. Republika Demokratike e Kongos përballje me kombëtaren e Zimbabves.

Të dy kombëtaret po hetohen pas lajmit të publikuar fillimisht në mediat e Madagaskarit (do të përballet në turin e dytë me RD Kongon) e më pas konfirmimit te The Herald, e përditshme në Zimbabve.

RD e Kongos ka tentuar të influencojë në rezultat dhe mund të gjobitet dhe të përjashtohet nga kompeticioni për tre vite. Kreu i klubit kongolez të TP Mazembe, i cili është një politikan dhe miliarder i njohur, ka tentuar të korruptojë portierin e Zimbabves, Elvis Çipezeze.

“Një shumë e madhe parash duhet të transferohej në llogarinë e portierit në Zimbabve, por transaksioni nuk u kompletua. Një bankë në Egjipt sinjalizoi shumën e madhe dhe bllokoi transferimin e shumës”, thuhet në mediat që kanë raportuar skandalin.

Dëmtimi i portierit titullar i dha mundësinë Çipezezes të luante titullar, ndërkohë që RD e Kongos fitoi ndeshjen me rezultatin 4-0. Për më shumë ndiqini vetë golat e shënuar…

U përjashtua për ngacmim seksual, Salah e rikthen në kombëtare

Sport Ekspres — Fri, 28 Jun 2019 20:04:13 +0000

Mohamed Salah ka një ndikim të madh te kombëtarja e Egjiptit. Ylli i Liverpulit është idhulli i të gjithë egjiptianëve, të cilët e shohin si një mbret. Salah ka marrë dhe nofkën “Egjiptian King”, gjë që tregon sa vlerësohet nga populli afrikan.

Në kombëtaren e Egjiptit, pati një polemikë të madhe disa ditë në parë, pasi mesfushori Uarda u përjashtua nga ekipi, pasi në internet dolën disa fotografi të një bisede të tij me një modele, të cilën e kishte ngacmuar seksualisht me fjalë të papërshtatshme.

Megjithatë, mesfushori është rikthyer në kombëtare pasi presidenti i Federatës së Futbollit të Egjiptit është konsultuar me lojtarët në përgjithësi dhe me vetë Mo Salah, me këtë të fundit që i ka kërkuar rikthimin e futbollistit të përjashtuar. Presidenti i ka komunikuar Uardës se do të rikthehet në kombëtare dhe se duhet të falënderojë shokët e ekipit, në veçanti Salah për këtë mundësi të dytë.

VIDEO | Faraonët zhbllokojnë sfidën, kualifikimi një hap larg

Sport Ekspres — Wed, 26 Jun 2019 20:32:55 +0000

Egjipti është shumë pranë kualifikimit për në fazën me eliminim direkt të Kupës së Afrikës, pasi ka kaluar në avantazh përballë Kongos. Faraonët shfrytëzojnë mjaft mirë një goditje këndi dhe ndërtojnë një aksion të rrezikshëm.

Salah luan shkurt, merr sërish topin pas një kombinimi dhe kroson në zonë. Mbrojtja e Kongos nuk arrin të largojë siç duhet topin dhe nga rrëmuja, përfiton mbrojtësi i Aston Vilës, Elmohamadi, i cili i jep avantazhin Egjiptit pas 25 minutash lojë.

Kupa e Afrikës

Egjipt – Kongo 1-0
Elmohamadi 25’

Ahmed Elmohamady scores for Egypt against DR Congo. Get in ELMO!!!!!!#AVFC #AFCON2019 #EGYPT pic.twitter.com/5l3pN3ZQPD

— avfchistory (@avfchistory) June 26, 2019

VIDEO: Tre minuta furi, Sedorf e nis shkëlqyeshëm Kupën e Afrikës

Sport Ekspres — Tue, 25 Jun 2019 18:35:28 +0000

Kameruni nisi sot rrugëtimin në Kupën e Afrikës në mënyrën më të mirë të mundshme, duke triumfuar 2-0 përballë Guinea Bisau. Të besuarit e Klarens Sedorf shënuan në minutën e 66’ dhe të 69’, me anë të Banana dhe Bahoken.

Kampionët në fuqi të Kupës së Afrikës e nisin kështu me sukses këtë edicion, duke marrë tri pikët e para në grupin F. Ky është dhe triumfi i parë i Klarens Sedord në krye të Kamerunit dhe duket se trajneri holandez do t’i udhëheqë sërish kamerunasit drejt trofeut të Kupës së Afrikës.

Kupa e Afrikës

Kamerun – Guinea Bisau 2-0
Banana 66’, Bahoken 69’

Napoli, ofertat dhe Senegali: Rrëfehet Kalidu Kulibali

Sport Ekspres — Mon, 24 Jun 2019 12:53:21 +0000

E ardhmja e Kalidu Kulibali te Napoli nuk është e sigurt. Aurelio De Laurentis po reziston, por ofertat për “murin” e mbrojtjes janë të shumta. Flasim për shifra mbi 100 milionë euro, ndërsa presidenti kërkon të paktën 130 milionë.

Lojtari po luan Kupën e Afrikës me kombëtaren e tij, aty ku Senegali e nisi me një fitore kundër Tanzanisë kompeticionin. Kulibali ka folur pas fitores së parë, duke u përgjigjur edhe në lidhje me të ardhmen e tij.

“Të gjithë flasin për të ardhmen time, por unë e kam mendjen vetëm te Senegali. Objektivi im është që të arrij diçka të madhe me kombëtaren time. A do të qëndroj te Napoli? Nuk e di, por besoj se do të qëndroj. Nuk dua të flas për të ardhmen time, dua të flas për Senegalin tim. Jam 200% i përqendruar te Kupa e Afrikës, bashkë me 15 milionë senegalezët“, përfundon mbrojtësi afrikan.

Kameruni e bën rrugë, rrezikohet Kupa e Afrikës

Sport Ekspres — Thu, 20 Jun 2019 14:10:49 +0000

Të premten nis edicioni i 32-të i Kupës së Afrikës. Kompeticioni do të zhvillohet në Egjipt, por një prej kombëtareve nuk është nisur akoma drejt vendit të faraonëve. Lojtarët e Kamerunit kanë vendosur të bojkotojnë Kupën e Afrikës për momentin.

Shkaku? Federata e vendit afrikan nuk ju ka paguar akoma lojtarëve bonuset e kualifikimit. Trajneri Sedorf i ka bërë thirrje legjendës Samuel Eto që të bëjë ndërmjetësin dhe t’i bindë lojtarët të nisen drejt Egjiptit.

Të martën është ndeshja e parë kundër Guinea Bisaut, ndërsa sekretari i CAF (Konfederata Afrikane e Futbollit), Antoni Bafoe, ja u ka bërë të qartë të gjithë kombëtareve faktin që duhet të jenë në Egjipt pesë ditë përpara ndeshjes së parë.

Lojtarët pretendojnë nga 30 mijë euro bonuse, ndërsa Samuel Eto po tenton të bëjë ndërmjetësin dhe t’i bindë ata që të marrin pjesë në Kupën e Afrikës.

Një episod i përsëritur me kombëtaren e luanëve. Pak para fillimit të Botërorit Brazil 2014, lojtarët refuzuan nisjen drejt vendit të sambës. Ata kërkonin garancinë e bonuseve dhe kapiten ishte Samuel Eto. Situata u zgjidh atëherë dhe tifozët kamerunas shpresojnë të ndodhë e njëjta gjë.

VIDEO | Më shumë respekt për himnin, në Libi e “bëjnë baltë”!

Sport Ekspres — Mon, 25 Mar 2019 19:44:48 +0000

Një episod i veçantë ka ndodhur ditën e djeshme gjatë ndeshjes Libi-Afrikë e Jugut. Ndeshja luhej për llogari të Kupës së Afrikës, miqtë fituan 2-1, por një surprizë e hidhur ndodhi në fillim të ndeshjes.

Himnet kombëtare janë ndër emocionet më të bukura, ndërsa gjithmonë e më rrallë shohim bandat duke i ekzekutuar ato live. Kështu ka ndodhur në Libi, aty ku për të shijuar himnin e miqve është përdorur një telefon!

Një moment himni është ndalur! Shkaku? Një mesazh ka ardhur në telefon, ndërsa pas pak sekondash ka filluar të bjerë zilja. Amatorizëm i vërtetë dhe një situatë vërtetë komike me videon që është bërë “hit” në rrjetet sociale.

?? En el encuentro entre #Libia y #Sudáfrica usaron un celular para la música del himno visitante pero en el medio llegó un mensaje… pic.twitter.com/QEoZgAtwPN

— Futbolistas AXEM (@FutbolistasAXEM) March 25, 2019