Kupa e Afrikës 2019

VIDEO | Një algjerian kopjon Nejmar, simulimi i tij “pushton” rrjetet sociale

Sport Ekspres — Sat, 20 Jul 2019 11:30:32 +0000

Algjerisë i mjaftoi një gol i shpejtë i Bunexhah (2’) për të mposhtur Senegalin në finalen e madhe të Kupës së Afrikës, duke e fituar këtë trofe për herë të dytë në histori.

Mahrez me shokë e mbrojtjen me fanatizëm avantazhin e artë, duke përdorur çdo mënyrë për të arritur te kupa. Ndërkohë që Algjeria udhëhiqte 1-0 dhe Senegali po përgatitej për një goditje këndi në favor, Sofian Feguli i befasoi të gjithë.

29-vjeçari i Gallatasarajit mori një goditje të lehtë me bërryl nga Sadio Mane, qëndroi pak në këmbë dhe më pas u shtri në fushën e blertë sikur të ishte goditur me plumb. Një episod i turpshëm që të kujton brazilianin Nejmar.

Ironitë e tifozëve në rrjetet sociale nuk munguan, por Feguli dhe Algjeria e tij arritën të siguronin një fitore të madhe dhe festuan gjatë me tifozët e tyre kurorëzimin si “mbretërit e rinj të Afrikës”.

???#AFCON2019 pic.twitter.com/rlwymU4SyB

— Eurosport UK (@Eurosport_UK) July 19, 2019

#ALGSEN #CAN2019 #Feghouli c'est le cousin de Neymar ou bien?? pic.twitter.com/FLV50yxaMq

— Tête d'ampoule (@NoahBnt) July 19, 2019

Kulibali humbet finalen: E dhimbshme, vëllezërit shkruajnë historinë

Sport Ekspres — Mon, 15 Jul 2019 11:45:04 +0000

Tifozët e Senegalit dhe Tunizisë përjetuan emocione të forta në gjysmëfinalen e Kupës së Afrikës. Të dy ekipet humbën nga një penallti në minutat e fundit të ndeshjes, ndërsa Senegali avancoi në finalen e madhe falë një autogoli të mbrojtësit Bron në shtesa.

Luanët afrikanë do të ndeshen përballë Algjerisë në finalen e 19 korrikut, ndërsa do të vuajnë mungesën e madhe të Kalidu Kulibali. Kartoni i verdhë që mori në rastin e penalltisë së shkaktuar i kushtoi finalen e madhe mbrojtësit të Napolit.

28-vjeçari ka shprehur në rrjetet sociale kënaqësinë e kualifikimit, por edhe mërzitjen për humbjen e mundësisë për të luajtur në finale.

“Një finale që i jep gëzim gjithë popullit dhe ndihemi krenarë për këtë arritje. Do të jetë e dhimbshme të mos luaj, por do të jem përkrah vëllezërve të mi për të shkruar historinë”, shkruan Kulibali në faqen e tij në Twitter.

È una finale che dà gioia a un intero popolo e noi ne siamo orgogliosi. Sarà doloroso non giocarla. Ma sarò ugualmente al fianco dei miei fratelli per scrivere la storia: allez lions ????

?? #SENTUN 1-0 ??#AFCON2019 #KK ??

? @caf_online pic.twitter.com/WIYFwTScNH

— Koulibaly Kalidou (@kkoulibaly26) July 14, 2019

“Goli ishte për ty”, Mahrez dedikim për politikanin “kundërshtar”!

Sport Ekspres — Mon, 15 Jul 2019 11:30:27 +0000

Riad Mahrez shënoi një gol fantastik në minutën e katërt shtesë kundër Nigerisë dhe i dhuroi kombit të tij një kualifikim emocionues për në finalen e Kupës së Afrikës.

2-1 fitoi Algjeria dhe tani do të tentojë fitimin e trofeut të madh me datë 19 korrik kundër Senegalit. Anësori ofensiv i Mançester Sitit ia ka dedikuar fitoren një politikani francez të ekstremit të djathtë!

Fitoret e Algjerisë shoqërohen nga një festë e madhe e tifozëve, sidomos në Francë, aty ku ka një komunitet të madh algjerianësh. Triumfi ndaj Bregut të Fildishtë në çerekfinale solli kaos, rrëmujë, persona të arrestuar, policë të plagosur dhe një viktimë.

Diçka e tillë e ka shtyrë Julien Odoul që të bënte tifozllëk për Nigerinë ditën e djeshme. Qëllimi ishte që të evitohej festa e çmendur e tifozëve algjerianë. Fusha dhe perla e Mahrez nuk ia plotësuan dëshirën Odoul, i cili ka krijuar polemika të mëdha me komentin e tij.

“Ajo goditje dënimi ishte për ty, ne jemi së bashku”, ka komentuar shkurt Mahrez, duke iu përgjigjur me stil politikanit të acaruar nga festa e popullit algjerian.

??? le coup franc était pour toi. On est ensemble ???? https://t.co/nQrkYIrUU0

— Riyad Mahrez (@Mahrez22) July 14, 2019

Arrestime, të plagosur dhe një viktimë: Festa algjeriane “bllokon” Francën

Sport Ekspres — Fri, 12 Jul 2019 11:40:05 +0000

Algjeria ia doli të eliminonte Bregun e Fildishtë dhe u kualifikua në gjysmëfinalet e Kupës së Afrikës. 1-1 u mbyll koha e rregullt dhe 30 minutat shtesë dhe gjithçka u zgjidh nga goditjet e penalltive.

Algjerianët u treguan më të saktë dhe festa e madhe nisi. Sidomos në Francë, aty ku ka një komunitet të madh algjerianësh. Festimet e çmendura sollën kaos, rrëmujë, persona të arrestuar, policë të plagosur dhe një viktimë.

Të gjithë nxituan të dilnin rrugëve me makina ose në këmbë, duke bllokuar trafikun. Në Montpelje, një tifoz humbi kontrollin e mjetit dhe shtypi një familje. Nëna vdiq, ndërsa dy fëmijët e vegjël janë shtruar në spital.

Probleme pati edhe në Paris, sidomos në zonën Barbes. Nuk munguan as vjedhjet e dyqaneve dhe përplasja me policinë. Bilanci përfundimtar flet për 74 persona të arrestuar, 20 policë të plagosur dhe një viktimë.

Algjeria do të luajë me datë 14 korrik gjysmëfinalen kundër Nigerisë. Tani luhet për një vend në finalen e madhe dhe adrenalina e emocionet janë akoma më të mëdha.

Ylli i Liverpulit: Kombëtarja ime do njihet në të gjithë botën!

Sport Ekspres — Thu, 20 Jun 2019 18:18:19 +0000

Ditën e nesërme fillon Kupa e Afrikës dhe nuk është e paktë prania e yjeve, që aktivizohen në Evropë. Nabi Keita, mesfushori i Liverpulit është një nga ata dhe do përpiqet të shkojë sa më larg me Guinenë e tij.

Shteti i vogël përballet me një grup të vështirë, ku është pjesë Nigeria, Madagaskari dhe Burundi. Kompeticioni do të zhvillohet në Egjipt. Në vitin 2015, Guinea arriti në çerekfinalet e këtij kompeticioni.

Synimet e 24-vjeçarit tani janë më të mëdha. Ai dëshiron të shkojë sa më larg dhe pas kësaj vendin e tij ta njohë e gjithë bota. Megjithëse ai pranon se ka shumë vështirësi para, është i bindur se bashkë me shokët e tij mund të arrijë ëndrrën.

“Futbolli afrikan është plot me surpriza. Nuk mund të nënvlerësosh asnjë ekip. Ne përballemi me tre skuadra të forta dhe shkojmë për të bërë më të mirën, në mënyrë që ta kalojmë grupin. Ne duam t’i tregojmë Botës se mund të shkojmë larg.”

“Futbolli në Guinea ka përparuar shumë. Kemi lojtarë në klube të mëdha. Shpresoj të arrij të jap më të mirën dhe bashkë me shokët e mi, ta bëj këtë kombëtare të njihet nga e gjithë bota”, përfundoi Keita.

Vendimi befasues, ndryshon vendi organizator i Kupës së Afrikës 2019!

Sport Ekspres — Sat, 01 Dec 2018 12:16:25 +0000

Një lajm i bujshëm na vjen nga Afrika. Ishte vendosur që Kupa e Afrikës 2019 do të zhvillohej në Kamerun, por kjo nuk do të ndodhë. Kompeticioni do të zhvillohet në verë, nga data 15 qershor deri më 13 korrik, ndërsa tashmë po punohet për të gjetur një tjetër vend pritës.

Ahmad Ahmad, presidenti i CAF (Konfederata Afrikane e Futbollit) ka deklaruar se Kamerunit i është hequr e drejta e organizimit të kupës, për shkak të vonesave serioze në punime dhe organizim. CAF ka kryer një mbledhje prej 10 orësh në Arka, kryeqytetin e Ganës, dhe ka vendosur të ndryshojë vendin e zhvillimit të Kupës së Afrikës 2019.

Ahmad ka deklaruar se ky ishte një vendim i vështirë, por një grup unë do të ngrihet për të caktuar vendin organizues të këtij evenimenti. Afrika e Jugut ndodhet në “pole” për pritjen e Kupës së Afrikës, që do të kthehej të priste një eveniment të madh pas 9 vitesh (vendi afrikan organizoi Kupën e Botës 2010.

Një tjetër problem për t’u zgjidhur është dhe kombëtarja e Kamerunit. Djemtë e Sedorfit ishin kualifikuar si pritës të evenimentit, por një gjë e tillë nuk do të ndodhë, pasi vend pritës do të jetë Afrika e Jugut.