Kun Aguero

VIDEO | Aguero fiton një trofe dhe gjen nuse më “mblesëri”

Sport Ekspres — Mon, 05 Aug 2019 18:22:53 +0000

Mançester Siti fitoi një tjetër trofe ditën e djeshme, por duket se më i fituari ka dalë Kun Aguero. Pas ndeshjes lojtarët e Sitit po futeshin në dhomat e ndeshjes dhe reporterët e pranishëm ishin të shumtë.

Një prej tyre, në momentin kur po kalonte argjentinasi, ka dashur t’i tregojë diçka të rëndësishme. Reporterja i ka thënë sulmuesit se motra e saj e dashuron yllin e Sitit.

Aguero njihet për përgjigjet e tij me nuanca shakaje dhe e ka pranuar admirimin e motrës së reporteres, madje i ka kërkuar të dalin bashkë. Pas kësaj nuk janë ndalur të qeshurat.

Gazetarja: Aguero, motra ime të dashuron.

Aguero: Shkëlqyeshëm! Thuaji të dalim sonte.

“Aguero, my sister loves you”

“Great, tell her to come round tonight”

Probably can’t hear the last line but you’ll hear the two lads in front laughing ? pic.twitter.com/l5LJwsAKmD

— Sam Lee (@SamLee) August 4, 2019

“Mesi po vuan, dua ta fitoj trofeun për të”

Sport Ekspres — Wed, 12 Jun 2019 15:12:15 +0000

Argjentina po përgatitet për turneun më prestigjioz të futbollit në Amerikën e Jugut, “Copa America”. Përfaqësueses “albiceleste” u mungon ky trofe që prej vitit 1993, ndërsa dhimbjen bëhet akoma dhe më e madhe po të kujtojmë se dy edicionet e fundit arritën në finale, por dolën me kokën ulur ndaj kundërshtarëve kilian.

Më shumë nga të gjithë këtë e vuan Leo Mesi. Prej më shumë se një dekade “pleshti” akuzohet nga bashkëkombësit për lojë me dy standarde. Në një intervistë të dhënë së fundmi, Serxho Aguero foli në lidhje me këtë presion që shoqëron Mesin prej vitesh.

“Dua më shumë të fitoj një trofe për Mesin se sa për veten. E them për këtë pasi ai po e vuan këtë prej shumë kohësh. Shpresoj që një ditë të ndodhë. Ai e ëndërron këtë, ashtu si të gjithë ne tek Argjentina”.

VIDEO | Aguero nargjile me modelen 18-vjeçare, reagon Siti

Sport Ekspres — Mon, 27 Aug 2018 13:47:49 +0000

Serxhio Aguero vazhdon të zbavitet në fushë dhe jashtë saj. Sulmuesi i Mançester Sitit ka kaluar një natë argëtuese me modelen 18-vjeçare, Lola Manjin. Të dy kanë filluar të frekuentohen së bashku, por argjentinasi ka mohuar lidhjen mes tyre.

“Nuk jam lidhur me askënd, e njoh Lolën, por vetëm kaq. Nuk ka asgjë romatike mes nesh dhe asnjë mister, thjesht njihemi”, u shpreh Aguero duke mohuar lidhjen me modelen. Por pamjet flasin ndryshe për ish-dhëndrin e Maradonës.

Manjin ka postuar një story në “Insta”, ku lojtari dhe 18-vjeçarja shihen duke tymosur nargjile. Modelja poston dhe një video të shkurtër më vonë, ku Aguero shihet duke u argëtuar me nargjile. Një detaj i vogël dhe jo shumë i dënueshëm, por në klub mendojnë ndryshe. Siç citon “The Sun”, një zyrtar i Mançester Siti ka reaguar për pamjet e publikuara dhe veprimet e sulmuesit.

“Nuk është diçka e bukur për t’u parë. Aguero duhet të jetë një sportist i nivelit të lartë, një nga futbollistët më të mirë në botë dhe një model për t’u ndjekur. Këto gjëra nuk janë një mesazh i mirë për të rinjtë”, shprehet zyrtari i klubit, të cilit gazeta angleze nuk ia publikon emrin.

Fjalët mund të kenë dalë nga Guardiola. Raporti i trajnerit spanjoll me argjentinasin nuk është shumë i mirë, por sulmuesi është përgjigjur gjithmonë në fushë me golat e tij.

https://www.youtube.com/watch?v=WEf-Jb5Xx48