Kumbulla

VIDEO | Verona zbavitet me ekipin amator, shënon dhe talenti shqiptar

Sport Ekspres — Sun, 14 Jul 2019 21:26:43 +0000

Futbollisti shqiptar Marash Kumbulla ka qenë një ndër autorët e golave në fitoren 12 – 0 të Hellas Veronës ndaj amatorëve të US Primieros. Qendërmbrojtësi 19-vjeçar tundi rrjetën pas një harkimi në nga një goditje këndi.

Kumbulla është një ndër talentet më të vlerësuar nga stafi i Veronës dhe pritet që të vazhdojë të jetë pjesë e skuadrës gjatë sezonit të ardhshëm, ku Verona ka për objektiv të sigurojë mbijetesën në Serie A.

Talenti i Shqipërisë U-19, gol të shtunën dhe grumbullim me ekipin e parë të Veronës

Sport Ekspres — Sun, 13 May 2018 13:20:04 +0000

Verona ka disa javë që ka rënë nga kategoria në Itali dhe duket se po mendon për rindërtimin e skuadrës në Serinë B.

Sot skuadra verdheblu pret Udinezen dhe po luan me disa të rinj në formacion, ndërkohë që edhe stoli është i mbushur me të rinj.

Mes tyre është edhe talenti i Shqipërisë U-19 Marash Kumbulla.

Mbrojtësi i talentuar është lojtar kyç te Verona U-19 dhe dje shënoi golin e barazimit 2-2 në fitoren 3-2 arritur ndaj Xhenoas, sukses që afron ndjeshëm mbijetesën në Serinë A për të rinj.

Paraqitjet e mira tek të rinjtë kanë bërë që Kumbulla të grumbullohet disa herë me ekipin e parë, edhe pse nuk ka debutuar ende në Serinë A.

Shtohet edhe një shqiptar në Serinë A, Verona prezanton talentin e Shqipërisë U-17

Sport Ekspres — Fri, 07 Jul 2017 09:59:41 +0000

Hellas Verona bëhet klubi i fundit i Serisë A që përfshin në organikën e vet një futbollist shqiptar. Bëhet fjalë për mbrojtësin Marash Kumbulla, i cili është vetëm 17 vjeç, por që tani Verona i ka firmosur një kontratë profesioniste.

Deri sezonin e fundit te të rinjtë e Veronës, Kumbulla vjen nga një vit mjaft pozitiv, me 21 ndeshje e 2 gola me skuadrën Primavera, ndërkohë që është edhe pjesë e Shqipërisë U-17.

I lindur në Verona, Kumbulla ka zgjedhur të përfaqësojë Shqipërinë dhe duhet ndjekur me kujdes, pasi rritja e tij po ecën me ritëm perfekt, siç tregon edhe kontrata që ka firmosur dje me Veronën. Klubi italian ka publikuar firmën deri në verën e vitit 2020, si dhe ka njoftuar se Kumbulla do të jetë pjesë e ekipit të parë në grumbullimin që do të nisë pas pak ditësh në Primiero.

Ufficiale: primo contratto da professionista per il difensore classe 2000 Marash #Kumbulla, in gialloblù fin dai Pulcini.#HVFC pic.twitter.com/4g0zy1C7ZR

— Hellas Verona FC (@HellasVeronaFC) July 6, 2017