Presidenti Gjici mori dhe kreun e bashkisë së Kukësit dhe stadiumi është premtuar për 15 muaj. Javën e shkuar, Kukësi kreu disa seanca stërvitore në Shqipëri, ku u pa dhe një fytyrë e re. Ai ishte mesfushori Armend Çajani.

Flitej se 21-vjeçari ishte në ditë prove te nënkampionët e Shqipërisë, por siç raporton “infosport.mk”, ai ka nënshkruar sot kontratë me Kukësin, duke u bërë zyrtarisht lojtar i bluve.

Por nuk ka vetëm lajme të mira në kampin kuksian, pasi dy nga lojtarët kryesorë të skuadrës nuk i janë bashkuar ekipit. Bëhet fjale për Valdet Ramën dhe Ardian Cuculin, e ardhmja e të cilëve është ende një dilemë.

Nënkampionët i ftojnë të gjithë të marrin pjesë në ceremoni. Fusha do të jetë me bar natyral, stadiumi do të ketë një kapacitet prej 8 mijë vendesh dhe do të kushtojë 5 milionë euro.

Njoftim i Klubit!

Ditën e hënë, me datë 5 Gusht 2019, nisin punimet për ndërtimin e stadiumit të ri të qytetit të Kukësit. Presidenti i Futboll Klub Kukësit, njëkohësisht dhe kreu i sapozgjedhur i bashkisë Kukës, Safet Gjici do të inagurojë fillimin e ndërtimit të impantit të ri sportiv, fusha e të cilit do të jetë me bar natyral, standarte europiane si dhe kapacitet deri në 8 mijë shikues, duke plotësuar kështu elementët për të zhvilluar në këtë stadium ndeshjet ndërkombëtare.

Një fond prej 5 mln eurosh në një bashkëpunim mes Qeverisë shqiptare dhe FSHF-së, do të mundësojë ndërtimin e këtij impianti brenda një viti. Ftojmë Median, ish-sportistë, tifozët dhe dashamirësit e Fk Kukësit të marrin pjesë në ceremoninë e inagurimit të kësaj vepre mjaft të rëndësishme sportive! Klubi ynë e ka vuajtur mungesën e një stadiumi të tillë, sidomos këtë sezon futbollistik, gjë që ndikoi dhe në rezultate, pasi loja në prani të tifozërisë është më rezultative.

Parashikohet që të punohet me ritme të larta dhe pas një viti ekipi t’i rikthehet qytetit dhe tifozërisë që e ka ndjerë mungesën e tij. Gjatë 7 sezoneve futbollistike në Kategorinë Superiore, skuadra jonë ka arritur të sigurojë pjesëmmarjen në kupat e Europës. Në arenën kombëtare ka arritur të fitojë një herë titullin Kampion dhe dy herë Kupën e Shqipërisë.

30-vjeçari ka patur shumë pak hapësira gjatë këtyre sezoneve. Përpara tij ka qenë një emër si Alban Hoxha, por kjo gjë nuk e ka penguar Xhikën të japë maksimumin sa herë që është thirrur në detyrë, duke e bërë atë një ndër lojtarët më të respektuar të tifozërisë së kuqe.

Xhika do të transferohet tek ekipi i Kukësit, ndërsa ka mbetur vetëm zyrtarizimi i marrëveshjes finale. Afrimi i tij është një kërkesë e trajnerit Duro, i cili ishte personi që e riktheu edhe në vitin 2014 te “demat”. Lojtari i lindur në Tiranë do të luftojë fort me Ilir Avdylin, ish-portierin e Kamzës, për një vend titullari te nënkampionët e Shqipërisë.

“Klubi i Futbollit Partizani 16-të herë kampion i Shqipërisë, falenderon portierin Dashamir Xhika, për kontributin e dhënë me fanelën e kuqe. Gardiani 30 vjeçar përgjatë 5 viteve ishte pjesë e ekipit, me të cilin sezonin e fundit u shpall edhe kampion i vendit. Klubi informon se portieri dhe drejtuesit kanë vendosur të ndërpresin bashkëpunimin mes tyre. Klubi dëshiron të falënderoj Dashamir Xhikën për kontributin që ka dhënë ndër vite me fanelën e kuqe dhe i uron njëkohësisht suksese të mëtejshme në karrierën e tij sportive“, shkruan klubi i Partizanit në faqen zyrtare.

Trajneri Shpëtim Duro po plotëson stafin e tij. Andi Kulli është përgatitësi atletik që do të jetë pjesë e Kukësit. Më parë ai ka qenë edhe te Partizani dhe Duro e njeh mirë atë. Veç Kullit pritet që të ketë edhe një afrim tjetër në staf.

MUSOLLI – Mesfushori është bashkuar me skuadrën, edhe pse ende nuk ka një njoftim në lidhje me rinovimin e kontratës. Në seancën stërvitore të ditës së mërkurë, Musolli është përplasur me Oumar Kamara dhe e ka lënë stërvitjen para kohe.

Fillimisht ka pasur panik, pasi vjet Musolli qëndroi për muaj të tërë jashtë fushave të blerta për shkak të një dëmtimi në gju, që u shoqërua me një ndërhyrje në ligament. Fatmirësisht për mesfushorin nuk ka diçka shqetësuese dhe gjithçka është në rregull.

Në një intervistë për “Supersport”, 24-vjeçari u shpreh optimist për të ardhmen me klubin verilindor dhe  zbuloi arsyet që e shtynë që të rikthehej në Shqipëri.

“Më bindi projekti i klubit. Kukësi është ekip që synon trofe dhe kjo më bindi që të rikthehem në Superiore. Disa prej djemve i njoh, besoj se do krijojmë një grup të mirë e do kemi sukses, pasi për këtë kemi ardhur të gjithë këtu. Besoj se do ia dalim të arrijmë objektivat e klubit”.

Në sezonin e fundit, Frashëri ishte  numri 1 i portës së verilindorëve, duke luajtur në 32 ndeshje të Kategorisë Superiore dhe në tetë të takime të Kupës së Shqipërisë.

Ju lajmëroj miq të dashur, që nga ky moment nuk do të jem më pjesë e FK Kukësit ! Kam qenë pjesë e një familje që më kanë respektuar dhe janë kujdesur në mënyrën më të mirë të mundshme… Një klub të cilit jam munduar ti jap gjithçka dhe njëkohësisht kam marrë shumë prej tij, një grup me çuna model që vërtet do më mungojnë. I uroj FK Kukësit suksese, çunave dhe pjesës të stafit që lash pas

https://www.instagram.com/p/B0njPDXgXb9/?utm_source=ig_web_copy_link

Ndërsa këtë sezon, Kukësi e nisi në Europa League, në turin e parë kualifikues, ku shorti i vuri përballë ekipin e Debreçenit. Me rezultatin e përgjithshëm 4-1 në favor të hungarezëve, verilindorët u eliminuan që në start.

Ky eliminim, solli shumë pasoja, në “prerje kokash” dhe në pezullim rrogash të lojtarëve. Tekniku Ernest Gjoka u largua nga ekipi, ndërsa lojtarët morën gjobë muajin qershor. Nga e dimë ne? Njoftoi vetë klubi verilindor, duke konfirmuar se të gjithë lojtarët dhe pjesëtarët e stafit nuk do të paguhen për muajin qershor.

Ky njoftim i klubit, bëri bujë në mediat sportive në vend, ku të gjithë kishin opinionin e tyre karshi vendimeve të drejtuesve blu. Kjo gjë solli dhe fshirjen e atij njoftimi, në uebsajtin dhe faqen zyrtare në Facebook të ekipit të Kukësit.

Përveç këtyre gjobave, në klub ka dhe një paqartësi shumë të madhe sa i takon së ardhmes së shumë lojtarëve. Në Kosovë po presin me padurim transferimin e Besar Musollit, Rama është ende me pushime. Shameti vazhdon të jetë një pikëpyetje e madhe, ndërsa Cuculi pret nisjen e bisedimeve për kontratën e re. Frashëri u largua, ndërsa pjesa tjetër e skuadrës vazhdon e pret.

Një situatë tepër kaotike kjo e klubit të Kukësit, që këtë sezon synon si çdo vit tjetër të fitojë të dy trofetë, si Kupën e Shqipërisë, ashtu dhe kampionatin, por me sezonin që ende nuk ka nisur, kanë disa probleme tjera për t’u shqetësuar.

NJOFTIMI – 

Skuadra ka nisur përgatitjet për sezonin e ardhshëm futbollistik 2019-2010. Për një përiudhë të pacaktuar, ekipi ynë do të zhvillojë seancat stërvitore në kompleksin sportiv “Football Republic” në periferi të Tiranës. Me datën 5 gusht 2019, skuadra do të zhvendoset në Mavrovë të Maqedonisë së Veriut për të nisur pjesën e dytë të fazës përgatitore për sezonin e ri futbollistik.

Gjatë sezonit të kaluar, ekipi arriti disa nga objektivat e vendosura, duke fituar Kupën e Shqipërisë si dhe duke u shpallur nënkampion.Edhe në ndeshjet kualifikuese për Europa Eleague, skuadra bëri paraqitje të mirë, sidomos në ndeshjen e dytë për Turin e Parë në “Elbasan Arena” ndaj skuadrës hungareze të Debrecenit, por nuk arriti të kalonte turin, i cili ishte kushti kryesor i vendosur nga Klubi.

Ky rezultat, ashtu sikurse ishte parashikuar në marrëveshjen mes Klubit tonë dhe trajnerit Ernest Gjoka, solli dhe përfundimin e bashkëpunimit me kryeqytetasin.  Rezultatet negative të arritura në kupat e Europës, kanë bërë që Klubi të marrë masa administrative ndaj ekipit. Konkretisht, eliminimi nga Turi i Parë kualifikues i Europa League ka sjellë vendosjen e gjobës për muajin qershor, për të gjithë futbollistët dhe stafin teknik.

Çyrbja ka firmosur një kontratë 2-vjeçare me Teutën. 25-vjeçari është lojtari i tretë që bëhet pjesë e Teutës gjatë ditëve të fundit. Më parë klubi durrsak zyrtarizoi firmat me Orjan Xhemalajn dhe Uendi Vecajn.

NJOFTIMI I KLUBIT

Skuadra ka nisur përgatitjet për sezonin e ardhshëm futbollistik 2019-2010. Për një përiudhë të pacaktuar, ekipi ynë do të zhvillojë seancat stërvitore në kompleksin sportiv “Football Republic” në periferi të Tiranës. Me datën 5 gusht 2019, skuadra do të zhvendoset në Mavrovë të Maqedonisë së Veriut për të nisur pjesën e dytë të fazës përgatitore për sezonin e ri futbollistik.

Gjatë sezonit të kaluar, ekipi arriti disa nga objektivat e vendosura, duke fituar Kupën e Shqipërisë si dhe duke u shpallur nënkampion.Edhe në ndeshjet kualifikuese për Europa Eleague, skuadra bëri paraqitje të mirë, sidomos në ndeshjen e dytë për Turin e Parë në “Elbasan Arena” ndaj skuadrës hungareze të Debrecenit, por nuk arriti të kalonte turin, i cili ishte kushti kryesor i vendosur nga Klubi.

Ky rezultat, ashtu sikurse ishte parashikuar në marrëveshjen mes Klubit tonë dhe trajnerit Ernest Gjoka, solli dhe përfundimin e bashkëpunimit me kryeqytetasin.  Rezultatet negative të arritura në kupat e Europës, kanë bërë që Klubi të marrë masa administrative ndaj ekipit. Konkretisht, eliminimi nga Turi i Parë kualifikues i Europa League ka sjellë vendosjen e gjobës për muajin qershor, për të gjithë futbollistët dhe stafin teknik.

Raporti i bazuar në monitorimet e sistemit “BFDS” ngre dyshime se persona të caktuar kanë pasur njohuri për rezultatin final të ndeshjes, që u mbyll me fitoren 3 – 1 të Kukësit. Të dyja klubet kanë reaguar në lidhje me këtë lajm duke kundërshtuar këto akuza.

REAGIMI I KUKËSIT

FK Kukësi hedh poshtë akuzat për trukim të ndeshjes me KS Kastriotin, luajtur më 30 Maj 2019 në stadiumin e Kamzës, ku skuadra jonë fitoi me rezultatin 3-1 duke qenë ekip pritës për shkak të mungesës së fushës.

Deklarojmë me përgjegjësi se nuk ka asnjë element që të vërtetojë këtë akuzë. Ekypi ynë e ka pasur jetike këtë ndeshje, për të siguruar vendin e dytë në Kategorinë Superiore dhe për të qenë i sigurt në pjesëmarrjen e kupave të Europës. Ndaj, impenjimi ka qenë maksimal nga skuadra dhe stafi.Ne sigurojmë Uefa-n, institucionet e futbollit në Shqipëri, gjithë opinionin sportiv dhe tifozerinë se jemi të hapur ndaj çdo hetimi dhe se FK Kukësi kurrë nuk është përfshirë në ngjarje të tilla që shëmtojnë futbollin dhe imazhin e Klubit.

Nuk është hera e parë që nga tregu i basteve vijnë akuza për Ekipin tonë. Në një rast në Austri, pati një hetim të gjerë dhe të shtrirë në kohë nga prokuroria vjeneze. Pas hetimit 2-mujor, Ekipit  iu kërkua falje, pasi nuk u vërtetua asnjë element i trukimit apo paravendosjes së rezultateve.

FK Kukësi ka luajtur me dinjitet në rreth 100 ndeshje miqësore dhe zyrtare me ekipe të huaja dhe kurrë nuk e ka prishur imazhin e Shqipërisë dhe futbollit shqiptar. Përkundrazi, e ka ngritur lart në shumë stadium të Europës flamurin tonë kombëtar dhe atë të klubit, duke marrë vlerësime maksimale nga institucione, emra të shquar dhe ekipe futbolli elitë në Europë dhe më gjerë.

FK Kukësi, stafi dhe skuadra, nuk do të shpërqendrohen nga insinuate të tilla, por po vijojmë punën për nisjen e sezonit të ri futbollistik, ku synim mbetet titulli Kampion dhe përmirësimi i infrastrukturës, ku përfshihet ndërtimi i stadiumit të ri të futbollit, ku ndeshjet për kupat e Europës do të luhen në qytetin tonë.

REAGIMI I KASTRIOTIT

Reagim kundër gazetës “Panorama Sport” dhe dashakeqësve që duan të prishin imazhin e Klubit tonë.

KS Kastrioti u njoh mëngjesin e sotëm me një tjetër shpifje të ndyrë dhe dashakeqëse ndaj nesh, nga gazeta “Panorama Sport” dhe palë të “dyta”. Siç tashmë është bërë zakon, kjo gazetë vazhdon të sulmojë vazhdimisht ekipin tonë, për interesa të saja, dhe palëve të dyta që i shërben kjo si gazetë. KS Kastrioti është i hapur të ballafaqohet me çdo fakt që i përket çështjes në fjale, dhe nëse kjo gazetë është aq serioze t’i publikojë të gjitha, dhe ne mbajmë përgjegjësi për gjithçka, po mesa duket kjo   gazetë është e kapur, dhe e vënë në shërbim të dikujt. Ne si klub do i drejtohemi organeve kompetente për prishje imazhi dhe do kërkojmë dëmshpërblim për trillime të tilla. Dhe i themi boll, s’lejojmë askënd të hedhë baltë mbi ne dhe ekipin tonë, në të kundërt do përballet ligjërisht me ne.

T’i vijë turp kësaj gazete që në vend të flasë për garë të rregull sportive që i dhuruam kampionatit vitin e shkuar merret me lajme boshe, ishim pikërisht ne që e zbukuruam Superligën sezonin që u mbyll dhe përfundimin e saj e pranuam me sportivitet, këto janë lajmet që duhet të pasqyrojë kjo gazetë.

Përveç problemeve me kontratat e futbollistëve, të cilët nuk janë ulur ende për të biseduar për rinovim ose ndërprerje, Duro shqetësohet edhe për faktin se nuk ka ende një portier cilësor në ekip. Avdyli, i ardhur këtë merkato, nuk ka besimin e trajnerit, ndërsa i riu Basha, ka mungesë eksperience.

Flitej për një akord me ish-portierin e Flamurtarit, Ena Koliçit, por 33-vjeçari duket më pranë firmës me Dinamon. Porta mbetet ende “bosh” në këtë fazë të merkatos dhe me shumë gjasa, drejtuesit verilindorë do të studiojnë disa alternativa nga IPKO Superliga.

Pas 59 ditësh, 20-vjeçari është rikthyer në fushat e blerta dhe ka kryer seancën e parë stërvitore me ekipin, edhe pse i diferencuar. Xhemaili ka ende disa probleme në krah dhe duhen edhe disa ditë kohë rikuperimi.

Xhemaili është një lojtar që i mbulon thuajse të gjithë rolet e mbrojtjes dhe vetëm 20-vjeç, mund të jetë një lojtar që Duro do ta përdorë shpesh këtë sezon, si në kampionat, ashtu dhe në Kupën e Shqipërisë.

“sportekspres.com”, mëson se Duro kërkon të marrë te Kukësi portierin e Partizanit Dashamir Xhika. 30-vjeçari është pjesë e kryeqytetasve prej pesë sezonesh, madje është pikërisht Duro ai që riktheu Xhikën te Partizani në verën e vitit 2014.

Pas pesë vitesh me aktivizime të pakta te Partizani, Xhika mund të gjejë të Kukësi një mundësi për një vend titullar, çka nëse ndodh do rriste ndjeshëm vlerën e tij në tregun e portierëve shqiptarë.

“Kukësi e kaloi një fazë përgatitore. Futbollistët aktual nuk janë pa përgatitje. Stërvitjet tani s’do të jenë si ato të fazës së parë, por pak më të lehta. Skuadra nuk është akoma e plohtë. Presim 2 ose 3 vetë si Musolli, Cuculi dhe Valdet Rama. Shpresojmë që deri në fund të javës të rikthehen. Me Ramën kam komunikuar vetë. Më kërkoi leje deri më datë dy. Cuculi dhe Musolli po flasin bisedime me presidentin”.

I KËNAQUR ME SKUADRËN  ? “Nëse skuadrat i bashkohen 3 emrat e lartpërmendur atëherë skuadra do të jetë e mbipopulluar s’do të kemi nevojë për shumë merkato. Kemi afruar dhe lojtarë si Gavazaj, Daku dhe Kamara. Ndoshta mund të bëjmë një lëvizja për krahun e majtë, ku pas ikjes së Rrumbullakut kemi vetëm Mustën. Pjesa tjetër është e kompletuar”.

RINOVIMI I SHAMETIT – “Nuk kam dijeni. Di që është i dëmtuar. Do të na duhet të presim, për momentin s’mund të flas për të”.

FRASHËRI – “Me aq sa di unë, kontrata e tij me Kukësin ka mbaruar. Do marr dhe një portier tjetër për të konkurruar me Avdylin”.

OBJEKTIVAT – “Objektiva e Kukësit dihen. Edhe vitin e kaluar ishte skuadër pretendente. Bënë disa gabime në kampionat, por u shpallën fitues të Kupës”.

RIVALËT – “Partizanin patjetër. Është ekipi kampion. Ka krijuar atë fizionominë e saj. Ka fituar autoritetin e skuadrës kampione, ata janë kryesorët. Të shohim si do zhvillohen dhe skuadrat e tjera, Tirana ka bërë shumë lëvizje”.

SHTYRJA E KAMPIONATIT   –  “Jo për mua nuk është problem. Ja mund ta shtyjnë një javë ose ndoshta dy, nuk është problem. Megjithatë, nuk duhet të zgjatet më shumë se kaq”.

Frashëri iu ka komunikuar shokëve të skuadrës largimin e tij nga Kukësi, skuadër me të cilën i ka mbaruar kontrata. Flitej dhe për një rinovim të Frashërit, por dyja palët vendosën të mos e vazhdonin bashkëpunimin.

28-vjeçari ka luajtur 2 sezone me Kukësin në Superiore, ku është aktivizuar në 41 ndeshje. Ndërsa në Kupën e Shqipërisë, gardiani numëron 14 ndeshje me fanellën e verilindorëve.

Rama, Musolli, Frashëri, Shameti, Cuculi dhe Kitanovski janë lojtarët që nuk kanë preferuar të paraqiten në seancën e parë stërvitore dhe me shumë gjasa, do të jenë të larguar nga blutë. Përveç mungesave, ka pasur dhe një lojtar të ri në stërvitje. Bëhet fjalë për mesfushorin nga Maqedonia, Armend Çajani, i cili ka luajtur më parë me Shkupin dhe Genc Kalemler.

Duke filluar nga sot “baza” e kampionëve të Kupës së Shqipërisë është kompleksi stërvitor “Football Republic”, një investim ky i bërë nga ish-futbollisti i kombëtares shqiptare, Redi Jupi.

Kukësi bëhet skuadra e dytë që zhvillon stërvitje në këtë kompleks pas Partizanit që  shfrytëzoi ambjentet e këtij kompleksi gjatë sezonit të kaluar. Në tre vitet e fundit verilindorët janë stërvitur në kompleksin “Internacional”.

Shumë pak skuadra në Superligë i besojnë produktit vendas dhe i japin mundësinë talenteve kuqezi që të aktivizohen në Superiore. Flamurtari po kalon një moment shumë të vështirë dhe ndoshta e shohin si detyrim të mos shpenzojnë, duke iu besuar produkteve të U-17 dhe U-19. Skuadra vlonjate është e vetmja që nuk ka asnjë të huaj në përbërje.

Edhe Vllaznia i ka besuar shumë futbollistëve shqiptarë, pasi ka vetëm një të huaj në ekip. Bëhet fjalë për lojtarin e transferuar sot, maqedonasin Gligorov. Luftëtari ka tre të huaj, ndërsa Laçi 5 të tillë.

Te Tirana kanë kontratë 6 futbollistë të huaj, ndërsa Bylisi, Skënderbeu dhe Kukësi kanë nga 8 futbollistë në ekip. Në krye, është Partizani, me plot 12 futbollistë që vijnë nga jashtë Shqipërisë.

Nënkampionët po synojnë shumë lojtarë për të sjellë në kampin blu, por ka dhe nga ata që e shohin të ardhmen larg Kukësit. Një nga këta lojtarë, është Stivi Frashëri. Portieri mësohet se ka pasur bisedime me klubin e Teutës, që zyrtarizoi largimin e Isli Hidit disa orë më parë.

Bisedimet mes dy palëve kanë shkuar mirë dhe flitet se ka një akord mes tyre, por deri më tani, asgjë nuk është “kopsitur”. Mbetet për t’u parë nëse ky transferim do të zyrtarizohet orët e ardhshme.

TRAJNERI I RI – “Faleminderit që jeni këtu, në prezantimin e trajnerit të ri. Të gjithë e njihni Shpëtim Duron dhe eksperiencën e tij në futboll. I urojmë mirëseardhjen, urojmë të bëjmë me të mirën, në klubin që synon titullin dhe kupën. Kontrata është 1-vjeçare”.

RAMA – “Valdet Rama është më pushime. Është ende nën kontratë, ka ikur përkohësisht dhe e presim të kthehet. Jemi duke biseduar.

KONTRATAT – “Musolli ka pasur opsion rinovimi, nuk largohet. Shameti ka munguar gjatë për dëmtim dhe sapo është kthyer. Deri në fund të javës do të vendosen shumë gjëra për kontrata në skadencë. Ikonat e këtij klubi do të qëndrojnë”.

LEONIT ABAZI – “Këto dy ditë kemi humbur Rrumbullakut. E donim në ekip, por ai kërkon të provojë diçka të re jashtë vendit. Për emrat e tjerë në ditët e ardhshme do të shohim. Rolet dihen pak a shumë, nuk do ketë shumë ndërhyrje. Me trajnerin e ri do ulemi e diskutojmë për të ardhmen, pasi është ende herët që ta pyesni për skuadrën.

KORDEIRO – “Çdo lojtar që përforcon një rival është një asist, në thonjëza. Nuk arritëm të rinovonim, por kemi marrë Gavazaj dhe pastaj Dakun në sulm. Me 2-3 afrime do jemi gati të rivalizojmë për titull”.

PORTA – “Për momentin kemi 3 portierë. Me Frashërin do ulemi të flasim për rinovimin e mundshëm”.

NDRYSHIMET E SHUMTA NË STOL – “Asnjëherë nuk është e lehtë, as për presidentin, por shpresojmë të kemi sukses”.

FJALËT E PARA – “Puna e trajnerit është përgjegjësi në çdo skuadër. Edhe marrja e drejtimit të Kukësit është përgjegjësi, edhe më e madhe, sepse Kukësi ka qenë protagonist me Skënderbeun dhe Partizanin në dekadën e fundit, duke fituar edhe trofe. Është një kënaqësi të marr drejtimin dhe falënderoj drejtuesit dhe presidentin për besimin. Pozitive është që është fillimi i sezonit, ndaj kemi kohë”.

ZGJEDHJA – “Janë disa skuadra që nuk refuzohen. Projekti dhe objektivat, skuadra cilësorë që ka, këto më binden të pranoj”.

GJICI – “Puna e trajnerit e tillë është. Është hera e  parë që bashkëpunoj me Gjicin, është president ambicioz, që ka fituar shumë. Nga jashtë e kam parë që skuadrat e ndërtuara këtu kanë qenë gjithnjë të forta, shpresojmë të bëjmë më të mirën”.

SKUADRA – “Nuk ka arsye për të ndërhyrë fuqimisht në ekip. Do ketë ndonjë largim që do zëvendësohet. Skuadra është cilësore, unë kam mendimet e mia ku mund të përforcohemi, në bashkëpunim me Nexhipin, të cilin e kam pasur edhe futbollist, tani e kam drejtues”.

NEXHIPI – “Sot po tregoj një sekret: ofertën e parë që Gjici i ka bërë një trajneri shqiptar në Superiore ma ka bërë mua, por zgjodha rrugë tjetër në atë kohë, pas periudhës që drejtova Skënderbeun. Ishte Kukës tjetër në atë kohë, natyrisht. Me Nexhipin me bashkëpunuar mirë, te Partizani e Shkëndija, ka eksperiencë të madhe në futboll dhe ndihem i vlerësuar nëse ai ka ndikuar në zgjedhjen time”.

TITULLI, PARTIZANI – “Kam punuar te Partizani, por jemi profesionistë. Nuk e mohoj të shkuarën, por tani do të bëj të pamundurën për të ndihmuar Kukësin të fitojë”.

E ARDHMJA – “Nuk i kam qejf termat mbrojtës, sulmues, janë përkufizime të dala mode. Unë kam pasur gjithnjë ekipe të ekuilibruara, elastike, në varësi të kundërshtarit. Rëndësi ka që skuadra të funksionojë”.

MERKATO – “Kukësi e Partizani kanë qenë dhe mbeten skuadra kryesore. Ashtu siç mendojmë ta përballojmë ne, edhe ata mendojnë si të na përballojnë. Tani nis puna jonë për kompletimin e ekipit në rast largimesh, të shohim si do përshtaten në fushë lojtarë të veçantë”.

SUPERIORJA – “Për Skënderbeun më ka ardhur shumë keq, sepse kam qenë aty. Partizani është përforcuar, të shohim më tej ekipet e tjera.

LOJTARËT PA KONTRATË – “Dje arrita marrëveshjen me klubin, do ulemi të bisedojmë. Kontratat i sheh klubi, pastaj unë vendos në aspektin teknik”.

GAVAZAJ DHE DAKU – “Unë dje e mbylla marrëveshjen. Gavazaj e njohim, është përforcim shumë cilësor. Daku është cilësor, i ri, por me shumë të ardhme”.

VALDET RAMA – “Është shumë cilësor, me eksperiencë, që vlen edhe për kombëtaren. Klubi po flet me të, të shohim”.

Me anë të një postimi në faqen e tyre zyrtare në Facebook, Kukësi konfirmoi Duron si trajnerin më të ri të skuadrës. Pak momente më vonë, do të publikojmë dhe fjalët e para të trajnerit të Kukësit…

“Pas dy edicionesh e gjysmë mjaft të suksesshme dhe plot emocione, aventura me Kukësin përfundon këtu. Klubi më bëri një ofertë shumë të mirë dhe me shumë vlerë për mua, por dëshira ime është që të luaj diku jashtë vendit dhe kjo gjë u mirëkuptua nga drejtuesit e klubit.

Dua t’i falënderoj, duke nisur nga presidenti Safet Gjici, drejtorin Nderim Nexhipi, të gjithë trajnerët dhe stafet që kemi bashkëpunuar,  të gjithë lojtarët dhe padiskutim tifozët e mrekullueshëm, të cilët na kanë mbështetur në çdo ndeshje.

Së bashku arritëm të fitonim çdo trofe të mundshëm dhe për këtë jam mjaft krenar. Ka qenë një periudhë fantastike, pasi kam pasur mundësinë të bashkëpunoj me një nga klubet më të mirë në Shqipëri.

Me respekt Simo Rrumbullaku.”

 

View this post on Instagram

 

• ??? ?? ?????????? ? ?????ë ????? ?ë ?????????? ??? ???? ????????, ???????? ?? ???ë??? ?ë??????? ?ë??. ????? ?ë ?ë?? ??ë ?????ë ????ë ?ë ???ë ??? ?? ????ë ????ë ?ë? ???, ??? ?ë????? ??? ë???ë ?ë ?ë ???? ???? ?????ë ?????? ??? ??? ??ë ? ???ë?????? ??? ?????????? ? ??????. ??? ?’? ???ë??????, ???? ????? ??? ?????????? ????? ?????, ????????? ?????? ???????, ?ë ?????ë ???????ë? ??? ?????? ?ë ???? ?????ë??????, ?ë ?????ë ??????ë? ??? ?? ???????? ?????ë? ? ???????????ë?, ?ë ???ë? ?? ???ë ??ë??????? ?ë ç?? ???????. ?ë ?????? ?????ë? ?ë ??????? ç?? ????? ?ë ??????ë? ??? ?ë? ?ë?ë ??? ????? ??????. ?? ???ë ??ë ???????ë ??????????, ???? ??? ????? ????ë???ë ?ë ?????ë????? ?? ??ë ??? ?????? ?ë ?ë ???? ?ë ?????ë??. ?? ??????? ???? ???????????…… ????? ??? ?????????? ???????? ??? ? ???? ???? ?? ????????, ????????? ???? ????? ???? ????. ??? ???? ???? ?? ? ???? ???? ????? ??? ???? ???????? ?? ??, ??? ?? ?????? ?? ?? ???? ????????? ?????? ??? ???? ??? ?????????? ?? ??? ????’? ???????. ? ???? ?? ?????, ???????? ???? ????????? ????? ?????, ???????? ?????? ???????, ??? ??? ??????? ??? ?????? ?? ???? ????????????, ??? ??? ??????? ??? ??????????? ??? ????????? ???? ??? ???? ????????? ?? ?? ????? ?????. ???????? ?? ??????? ?? ??? ????? ???????? ?????? ??? ??? ???? ? ?? ???? ????? ??. ?? ??? ???? ? ????????? ???? ????? ? ??? ??? ??????????? ?? ??????????? ???? ??? ?? ??? ???? ????? ?? ???????. ???? ??????? ???? ?????????? #SR20 @fkkukesialbania @kf.kukesi @fk.kukesii

A post shared by ???? ?????????? (@rumbu20) on Jul 24, 2019 at 8:04am PDT

Strategu kryeqytetas pritet të zëvendësojë të larguarin Ernest Gjoka, i cili u “divorcua” me verilindorët pas eliminimit me dy ndeshje përballë Debreçenit në turin e parë kualifikues të Europa League.

Në Superiore, Duro ka drejtuar ekipet e Partizanit, Besës, Skënderbeut, Vllaznisë dhe Flamurtarit. Një trajner me shumë eksperiencë në futbollin shqiptar dhe Gjici e sheh këtë të fundit si trajnerin e duhur për t’i besuar stolin.

Daku luajti sezonin e shkuar për Osijek II në kategorinë e dytë kroate, ku u aktivizua 15 herë dhe shënoi dy gola. Po ashtu, 21-vjeçari është një titullar fiks edhe te moshat e Kosovës. Në fund të sezonit, Kukësi ka dhe të drejtën e blerjes përfundimisht të kartonit të tij.

Njoftimi i Kukësit:

Klubi njofton arritjen e marrëveshjes me ekipin kroat të Osijek për futbollistin Mirlind Daku.

Shtatlarti vjen në formë huazimi te skuadra jonë, me të drejtë blerjen e kartonit të tij.

21-vjeçari, i cili mbron ngjyrat e “Dardanëve” U-21, ka luajtur me skuadrën e Hajvalia dhe Llapit në Kosovë.

Gjithashtu, Daku është aktivizuar në shtatë ndeshje me Kosovën U-21,  ku është dhe autor i dy golave.

Futbollisti i datëlindjes 1998, luan si sulmues qendre dhe sezonin e shkuar u aktivizua 15 herë për Osijekun në Kroaci, duke shënuar dy gola.

27-vjeçari i lindur në Greqi ishte pjesë e nënkampionëve të Shqipërisë që prej janarit të vitit 2017. Mbrojtësi i majtë ishte një “piston” në krah dhe një ndër pikat më të forta të skuadrës që fitoi titullin kampion para dy vitesh.

Zyrtarizimi i ndarjes ka ardhur edhe nga vetë klubi i Kukësit me anë të një postimi në faqen zyrtare. Verilindorët pretendojnë se insistuan për rinovimin, por Rrumbullaku dëshironte të provonte një aventurë të re, ku me shumë mundësi do të rikthehet në Greqi.

“Marrëveshja mes klubit tonë dhe mbrojtësit të majtë ka përfunduar.

Pas disa negociatave mes drejtuesve të FK Kukësit dhe futbollistit për të zgjatur bashkëpunimin, ka qenë dëshira e mëngjarashit për të provuar një eksperiencë të re jashtë Shqipërisë.

27-vjeçari, i cili iu bashkua skuadrës sonë në merkaton e dimrit të sezonit futbollistik 2016 – 2017, arriti të fitonte titullin Kampion, Kupën e Shqipërisë si dhe Superkupën.

FK Kukësi falënderon Simo Rumbullakun për kontributin e dhënë me skuadrën tonë dhe i uron suksese në karrierë!”, përfundon reagimi i klubit kuksian.

27-vjeçari i lindur në Greqi ishte pjesë e nënkampionëve të Shqipërisë që prej janarit të vitit 2017. Mbrojtësi i majtë ishte një “piston” në krah dhe një ndër pikat më të forta të skuadrës që fitoi titullin kampion para dy vitesh.

Kontrata e tij përfundonte me eliminimin e Kukësit nga Kupat e Europës dhe palët janë ndarë me njëri-tjetrin. Rrumbullaku pritet të rikthehet në Greqi, aty ku do të vazhdojë edhe karrierën.

Lojtari ka tërhequr dokumentacionin nga zyrat e klubit dhe tani është zyrtarisht një lojtar i lirë.

“Unë personalisht nuk prisja shumë nga ekipet shqiptare në këto kualifikuese. Duhet të themi se futbolli shqiptar është në një moment udhëkryqi. Klubet shqiptare duhet të sigurohen të kenë baza të sigurta për të ardhmen dhe jo të mbështeten në kala letre”, tha fillimisht Jupi.

Shembulli i Skënderbeut –  “Është një skuadër që u bë disa vite. U deshën 3, 4 vite që të fillojnë të luajnë një futbollit të një cilësie të mirë. Kjo gjë ka ndodhur me të gjitha ekipet, duhet pasur durim dhe një projekt serioz. Duhet t’i dimë limitet tona, por më vjen inat që ekipet shqiptare i mbivlerësuan kundërshtarët”.

SHKARKIMET  E TRAJNERËVE –“Kushdo president që shkarkon një trajner, duhet të kuptojë që ka shkarkuar zgjedhjen e vet. Ai duhet ta marrë këtë si gabim në zgjedhjen e tij. Unë nuk besoj se presidentët tanë janë kaq të paaftë dhe të paditur. Nuk mund të jetë i gjithi faji i trajnerit në një dështim, ose sikundër nuk është e gjithë merita e tij në një sukses”.

Mesfushorit anësor nuk iu rinovua kontrata dhe menjëherë pas ndeshjes me Debreçenin, kaloi si lojtar i lirë. Interesimi për të është i madh, sidomos nga Kosova, me dy skuadra të IPKO Superligës që duan firmën e tij.

Drita dhe Gjilani ishin garueset e vetme për të siguruar firmën e Çyrbjes, por një ofertë e tretë surprizë ka ardhur orët e fundit. Siç raporton “Ora News”, Partizani synon ta transferojë mesfushorin anësor në “Selman Stermasi”. Drita dhe Gjilani i kanë ofruar një pagë 50 mijë euro në sezon, por një ofertë më e mirë e “Demave të Kuq”, mund ta shohin 25-vjeçarin të qëndrojë në Superiore.

Sulmuesi është një nga lojtarët më të mirë në Superiore, por sezonin e shkuar u penalizua nga nëj dëmtim në shpatull. Megjithatë, u rikthye në javët e fundit të kampionatit dhe ishte shumë i rëndësishëm për ekipin korçar.

Dënimi nga CAS ka bërë që shumë lojtarë të “Ujqërve” të jenë në pikëpyetje për të ardhmen dhe një ndër ta është dhe Bregu. Vlonjati me shumë gjasa do të largohet dhe Kukësi ka nisur sulmin për firmën e tij.

Pas një muaji negociatash, mesfushori i kombëtares kuqezi ka firmosur për klubin nënkampion të Shqipërisë. Në Superiore, Gavazaj ka luajtur 2 sezone për ekipin e Skënderbeut, ku shënoi 3 gola. Ndërsa sezonin e fundit, 24-vjeçari luajti me Dinamo Minks në Bjellorusi.

Në sezonin e tij të fundit me ekipin lezhjan, Kamara luajti në 24 ndeshje ku shënoi 9 gola. Futbollisti afrikan është afrimi i e gjashtë i Kukësit për këtë sezon dhe lojtari i dytë që vjen te verilindorët nga një skuadër e Kategorisë së Parë, pas Marko Çemës, i cili iu bashkua Kukësit pasi mbylli bashkëpunimin me Dinamon.

NJOFTIMI I KLUBIT

Klubi njofton arritjen e marrëveshjes me ekipin e Besëlidhjes, për futbollistin Umar Turad Kamara.

Mesfushori vjen në formë huazimi për një sezon futbollistik te skuadra jonë, nga ekipi i cili militon në Kategorinë e Parë.

Afrikani është afrimi i gjashtë i merkatos së verës, pas ardhjes së Ilir Avdylit, Emiljano Mustës, Bruno Lulajt, Marko Çemës dhe Tome Kitanovskit.

Çyrbja u ble një vit më parë nga skuadra e Teutës, por investimi nuk rezultoi i frytshëm me lojtarin që nuk arriti të siguronte një vend fiks në formacionin e skuadrës verilindore. Në 49 ndeshje me Kukësin, Çyrbja nuk arriti të vinte emrin në listën e golashënuesve.

NJOFTIMI I KLUBIT

Futboll Klub Kukësi zyrtarizon mbylljen e bashkëpunimit me Arbër Çyrbja.

Mesfushori ka ndërprerë me mirëkuptim marrëveshjen me Kukësin.

25-vjeçari, i cili i’u bashka skuadrës sonë sezonin e kaluar, është aktivizuar në 49 ndeshje në gjitha kompeticionet.

FK Kukësi falenderon Arbër Çyrbjen për kontributin e dhënë me skuadrën tonë dhe i uron suksese në karrierë!

SPORTEKSPRES.COM mëson se drejtuesit e klubit verilindor janë pranë marrëveshjes me Blerim Krasniqin. Sulmuesi kavajas ka qenë pjesë e Skënderbeut gjatë dy sezoneve të shkuara, ndërsa më parë ka luajtur për Apoloninë dhe Besën e Kavajës.

23-vjeçari mbylli sezonin e kaluar me 6 gola në 23 ndeshje. Kontrata e Krasniqit me Skënderbeut zgjat edhe për dy sezonet e ardhshme, prandaj mbetet për t’u parë se si palët do ta zgjidhin këtë problematikë.

Me ardhjen e Krasniqit te Kukësi, verilindorët do të kenë tre alternativa me kavajasin që i bashkohet në këtë repart Vasil Shkurtajt dhe të riut Markovanbasten Çema.

Mesfushori anësor iu bashkua Kukësit një vit më parë nga Teuta. Kartoni i 25-vjeçarit i kushtoi jo pak presidentit Safet Gjici, që iu desh të gjente një akord financiar me drejtuesit e skuadrës durrsake për të blerë përfundimisht kartonin e futbollistit.

Përvoja te Kukësi rezultoi një zhgënjim për të dyja palët. Çyrbja u aktivizua në 42 takime me fanellën e Kukësit, ku në asnjë prej tyre nuk arriti të vinte emrin në listën e shënuesve.

Numri një i klubit, së bashku me drejtorin sportin Nderim Nexhipi, do të duhet të bindin një pjesë të mirë të titullarëve të qëndrojnë. Valdet Rama është ai që do të linte një gropë të madhe te Kukësi. Ofertat nuk i mungojnë dhe dëshira e tij është që të luajë në Gjermani dhe të jetë pranë familjes.

Për ta bindur do të jetë shumë e vështirë. Veç sulmuesit anësor, janë edhe të tjerë lojtarë të cilëve u kanë mbaruar kontrata me eliminimin nga Europa League. Rinovimet me disa prej titullarëve nuk do të jenë të lehta, ndaj edhe presidenti Gjici do të duhet të nisë sa më parë nga puna.

Rikthimi i Gjokës në stolin e Kukësit zgjati pak më shumë se tre muaj. 49-vjeçari u emërua trajneri i verilindorëve në fillim të muajit prill, duke zëvendësuar Ramazan Ndreun. Nën drejtimin e Gjokës, Kukësi mbylli kampionatin në vendin e dytë të tabelës dhe siguroi trofeun e Kupës së Shqipërisë për herë të dytë në historinë e klubit.

Njoftim i Klubit!

Trajneri Ernest Gjoka nuk do të jetë më në krye të skuadrës së Kukësit.

Vendimi është marrë pas rezultateve zhgënjyese të ndeshjeve kualifikuese të Europa League.

Klubi ynë trajnerit Gjoka i ka dhënë gjithë mbështetjen e mundshme, sidomos pas rikthimit të tij në krye të pankinës së skuadrës nënkampione të Shqipërisë. FK Kukësi falenderon trajnerin Gjoka për punën e bërë në krye të ekipit.

Shumë shpejt, klubi do të njoftojë për emrin e trajnerit të ri, i cili objektiv kryesor do të vijojë të ketë fitimin e titullit Kampion, Kupës së Shqipërisë si dhe përfaqësim sa më dinjitoz në Kupat e Europës!!

“Është për të ardhur keq për hir të së vërtetës. Skuadra duhet përgëzuar, bëri një ndeshje të mirë. Kundërshtari ishte shumë i rrezikshëm, shumë i shpejtë. Ky është futbolli, po nuk shënove, nuk mund të fitosh.

Goli i pësuar? Këto janë diferencat. Detajet e vogla vendosin. Ne kemi nevojë për më shumë eksperiencë për të luajtur në kompeticione europiane. Ndeshjen e nisëm mirë, por nuk shënuam dot një gol të dytë. Gjithsesi, unë mendoj se skuadra ka bërë më të mirën e mundshme.

Skuadra? Iku kjo situatë, të shohim çfarë do të ndodhë me të ardhmen. Mendoj se kjo skuadër ka nevojë të mbahet e gjitha dhe të përforcohet. E ardhmja ime? Çfarë lidhje ka kjo? Stoli im në rrezik apo jo, rëndësi ka që skuadra bëri maksimumin ndaj një ekipi si Debreçeni. Kjo skuadër e ka bërë punën e vetë. Gjithsesi, ne trajnerët me çantë në dorë jemi”, tha Gjoka.

Verilindorët e nisën takimin e kthimit në mënyrë të shkëlqyer, duke gjetur rrjetën në minutën e 17-të. Ishte Et’hemi ai që shënon një gol shumë të bukur, por dhe pasimi i Rrocës ishte fantastik. Mendohej se verilindorët do të hidheshin të gjithë në sulm për të përmbysur humbjen e parë 3-0 në Hungari, por pjesa e parë u mbyll me vetëm këtë gol të numrit 11.

E dyta nisi sërish me dëshirën e Kukësit për të gjetur rrjetën, por Debreçeni u mbrojt shumë mirë dhe luajti me qetësi të admirueshme. Madje, ekipi mik arriti edhe të shënojë në minutën e 58’, dol që vendosi dhe rezultatin final të sfidës, 1-1.

UEFA Europa League, kualifikuese

Kukësi – Debreçeni  1-1  (0-3)
Et’hemi 17’ / Szatmari 58′

Kartonë të verdhë: Teqja 19′, Shkurtaj 31′, Kitanovski 42′ / Tozer 45+1′

EPISODET – 

90’ – Mbyllet takimi në Elbasan Arena, Kukësi eliminohet nga Europa League

80’ – Et’hemi bën mirë nga e djathta, shërben në qendër për Valdet Ramën, i cili pasi driblon një kundërshtar, godet me të majtën, por portieri i Debreçenit nuk e ka të vështirë të ndalojë.

58’ – Shënon Debreceni. Një vendosje jo e mirë e mbrojtjes së Kukësit shfrytëzohet nga mbrojtësi Szatmari, që barazon shifrat dhe i jep një goditje të rëndë Kukësit

17’ – Gooool Kukësi, shënon Et’hemi. Verilindorët në avantazh, falë një supergoli të sulmuesit të talentuar

1’ – Nis takimi mes Kukësit e Debreçenit

Kukësi: Frashëri, Kitanovski, Teqja, Cuculi (Lulaj 61′), Rrumbullaku, Et’hemi (Cyrbja 84′), Musolli, Limaj (Musta 73′), Rroca, Rama, Shkurtaj. Trajner: E. Gjoka

Debreçen: Nagi, Kusnir, Satmari, Pavkovics, Ferenci, Tozer, Sesi, Haris, Varga (Damazdi 86′), Trujiç (Soz 83′), Zsori (Garba 66′). Trajner: A. Herceg

KULIFIKIMI – “Arsyet janë të shumta. Arsyeja kryesore është që nëse arrijmë të kualifikohemi, nuk i japim të mira vetëm ekipit të Kukësit, por të gjithë futbollit shqiptar. Por nuk do të jetë e lehtë, pasi përballë kemi ekipin e Debreçenit. Ne bëmë një ndeshje shumë të mirë atje në fazën sulmuese, si asnjëherë tjetër, por nuk patëm fatin me vete. Jemi përballë realitetit që duhet ta pranojmë, është 0-3. Do të duhet një sakrificë të madhe dhe pak fat që të shkojmë te goli”.

KEQARDHJE – “Keqardhja është shumë e madhe, pasi ekipi zhvilloi një ndeshje shumë të mirë. Ishte një nga ato ndeshjet në Kupat e Europës që ekipet shqiptare bëjnë paraqitje dinjitoze. Por futbollit është i pamëshirshëm. E kemi studiuar sërish kundërshtarin, do ta kërkojmë deri në fund kualifikimin. Duhet të kemi shumë kujdes, pasi kundërshtari është i rrezikshëm”.

RAMA – “E dimë kush është Valdet Rama, është një lojtar me cilësi të mëdha. I kemi ndryshuar rolin, e kemi kaluar sulmues. Nëse në Debreçen nuk pati fatin para porte, shpresojmë që ta ketë nesër. Jemi me shumë fat që e kemi në skuadër, një lojtar që i jep shumë futbollit shqiptar”.

SFIDA E KTHIMIT – “Nuk kemi çfarë kursejmë më, do të luajmë gjithçka për gjithçka. I kam kërkuar skuadrës që ta fitojë me patjetër këtë ndeshje, qoftë edhe për moral. E kam parë te skuadra dëshirën për të fituar, mendoj se do t’ia dalim nesër”.

SYNIMI – “Një nga egot e mia personale është që të shkoj drejt një grupi të Europa League, siç kanë shkuar 2 kolegë të nderuar të mitë. Kam kaluar ture, por më duket se jam i pafat. Edhe me Flamurtarin, edhe ky vit. Nga ekipet që kishim në short, na ra Debreçeni. U munduam të merrnim maksimumin në ndeshjen e parë, nuk ia dolëm. Shpresoj që fati i munguar gjatë gjithë këtyre viteve të na vijë nesër”.

PRESIDENTI – “Unë nuk jam në presion për kualifikim. Kukësi ndërtohet gjithmonë për të ecur përpara. Gjici është egoist dhe do që të arrijë gjithçka, por jo gjithmonë çfarë synon, e arrin. Nëse në futboll ecin gjërat me presion, asgjë nuk rregullohet, vetëm prishet. Presidenti do gjithçka, unë jam më i balancuar, mundohem ta mbështes skuadrën”, përfundoi Gjoka.