Në Zvicër, Kololli bëri një ndeshje për t’u harruar me Zyrihun dhe ekipi i tij u mposht 0-4 në shtëpi nga skuadra e Luganos. Ndërsa në ligën e dytë zvicerane, u përplasën kundër njëra-tjetrës skuadrat e Kriens e Vaduzit, ku në fushë ishin plot pesë shqiptarë. Kukeli luajti si titullar për Kriensin, ndërsa sulmuesi i talentuar, Rezart Hoxha, gjeti dhe golin, duke i dhënë fitoren 1-0 ekipit të tij.

Në Suedi, Anel Rashkaj udhëhoqi si gjithmonë ekipin e Eskiltunës në fushë me shiritin e kapitenit. Futbollisti i Kosovës luajti 90 minuta, së bashku me talentin Lushaku, në sfidën përballë Goteborgut.

Në një intervistë për “zentralplus.ch”, ish-futbollisti i kombëtares shqiptare zbuloi se po punon me kohë të pjesshme si trajner në një akademi fëmijësh në Zvicër, ndërsa në të ardhmen afërt do të ketë në duart e tij certifikatën UEFA B.

Gjatë intervistës Kukeli foli dhe për përvojën e re me Kriensin: “Dua të jap më të mirën dhe të nxis konkurrencën në ekip. Besoj se skuadra ka nivelin e duhur për të qenë e barabartë me ekipet e tjera. Tani ndihem mirë, megjithëse viti i kaluar nuk ishte aspak i lehtë. Pësova dy dëmtime të rënda gjatë  vitit tim të fundit te Sioni. Gjithsesi, nuk mund të kërkoj më shumë, jam shumë krenar për ato që kam arritur në futboll”, tha Kukeli.

Futbollisti 35-vjeçar rikthehet në “Challenge League” pas dy vitesh në SuperLigën zvicerane me Sionin. Kriens ëshë një klub modest, ku objektivi i vetëm është mbijetesa në divizion e dytë për nga rëndësia të futbollit zviceran.

Te Sioni ndodhet një numër i konsiderueshëm lojtarësh shqiptarë, më konkretisht katër të tillë: Burim Kukeli, Pajtim Kasami, Bastien Toma dhe Ermir Lenjani. Emri i këtij të fundit nuk u përmend nga numri një i klubit, ndërsa për tre të parët Konstantin foli hapur pa mbajtur sekrete.

KUKELI – “Është një profesionist shumë i rrallë. Megjithatë, them së një ndryshim ambienti do të ishte më e mira për të. Nuk do t’i ofroj zgjatje kontrate”.

KASAMI – “Është një ndër lojtarët që vlerësoj më shumë. Nëse kërkon të largohet jam i hapur për oferta, por duhet të jenë serioze. Nëse kjo ndodh, nuk do t’i bëhem pengesë”.

TOMA – “Në janar kishte interes të madh për të, në pranverë pak më pak. Gjithsesi, nuk kam ndërmend ta ul çmimin e tij, sepse nëse zhvillon sërish një sezon të mirë dhe do të ketë sërish interes, pse të mos ketë përsëri interes nga  Bundesliga”.

Ndërkohë, po 1-1 barazoi Bazeli në shtëpi ndaj Luganos, por Taulant Xhaka nuk ishte i grumbulluar, pasi ishte i sëmurë.

Në Zyrih më në fund erdhi fitorja e parë e Grasshopersit, 2-0 ndaj Sant Gallenit.

Mesfushori 18-vjeçar Nedim Bajrami ishte titullar te Grasshopers, ashtu si Albian Ajeti për miqtë, ndërsa në stol ishin Albion Avdijaj e Valon Fazliu për vendasit dhe Gjelbrim Taipi për Sant Gallenin.

Kukeli i jep fund kështu aventurës me Zyrihun dhe për dy sezonet e ardhshme do të jetë pjesë e Sionit. Tramexani i njeh mirë vlerat e mesfushorit kuqezi dhe ka këmbëngulur për shërbimet e tij. Klubi i ka plotësuar dëshirën teknikut 47-vjeçar, i cili tashmë shton koloninë e shqiptarëve, pasi më herët ka afruar dhe Ermir Lenjanin.

Për 33-vjeçarin nga Gjakova vjen një aventurë e re në karrierë, pas 9 vitesh mes Lucernës e Zyrihut. Te Zyrihu prej vitit 2012, Kukeli luajti thuajse 100 ndeshje, duke shënuar edhe 2 gola.

Kontrata e tij përfundonte në verën e vitit 2018, por Sioni ka arritur ta blejë, ndonëse nuk ka shifra zyrtare për operacionin dhe nuk pritet ndonje pagesë e madhe, duke parë moshën e mesfushorit, i cili nuk ishte në planet e Zyrihut, edhe pse luajti si titullar në mbrojtje në dy ndeshjet e para sezonale.

Në Sion Kukeli ka firmosur kontratë 2-vjeçare dhe klubi e ka zyrtarizuar lajmin. Në këtë mënyrë, te Sioni bëhen dy lojtarë të kombëtares sonë, pas firmës së Lenjanit.

[News] Le FC Sion engage l’international albanais Burim Kukeli en provenance du @fc_zuerich ! https://t.co/gThrf761i3#FCSion #BK #HopSion pic.twitter.com/fq9E2cknyv

— FC Sion (@FCSion) August 9, 2017

Bazeli po provon skema të reja dhe duket se pikërisht shqiptari është i sakrifikuari. Dje Bazeli fitoi lehtësisht 3-0 në Tun, me Xhakën që luajti vetëm 7 minuta. Duke njohur karakterin e Xhakës, zor se kjo situatë do të pranohet qetësisht prej tij.

Ndërkaq, Zyrihu barazoi 0-0 në Lugano dhe Burim Kukeli e bëri pushim këtë radhë, duke qëndruar në stol, pas fillimit mjaft pozitiv të sezonit.

Fitore e rëndësishme për Sionin, që është me pikë të plota pas dy ndeshjeve të para të kampionatit, ndërkohë që në minutën e 69-të trajneri Tramexani hodhi në fushë edhe Ermir Lenjanin, i cili duket se është që tani gati fizikisht, edhe pse ka firmosur vetëm pak ditë më parë.

Një fitore e bukur për Tramexanin, jo thjesht se fshiu humbjen europiane, por edhe sepse ishte ditëlindja e tij e 47-të.

Ndërkaq, Bazeli fitoi 3-1 ndaj Lucernës, me Taulant Xhakën që qëndroi 90 minuta në stol. Ishte fitorja e parë në kampionat për Bazelin, që u mund javën e shkuar.

Fiton sërish edhe FC Zyrihu, 2-1 ndaj Tunit, me përmbysje. Skuadra e Burim Kukelit është me pikë të plota pas dy ndeshjesh dhe Kukeli ishte sërish titullar, duke luajtur mjaft mirë dhe duke marrë edhe një karton të verdhë në pjesën e parë.

Mesfushori, tashmë 33-vjeçar, e ka nisur sezonin e ri në mënyrë fantastike, sepse është përfshirë në formacionin e javës në kampionatin zviceran, nga gazeta e njohur Blick.

Që në javën e parë Kukeli pati një rendiment mbresëlënës, mbi të gjitha duket luajtur në një pozicion jo natyral për të, në mbrojtje, me skemë 3-4-3.

Me këtë nivel, zor se Zyrihu e lëshon, edhe pse e kërkon Paolo Tramexani te Sioni, ndërsa për Panuçin është një lajm i mirë, sepse Kukeli garanton eksperiencë dhe qëndrueshmëri, përveçse një alternativë shtesë në mbrojtje, nëse nevojitet.

Sot Zyrihu nisi kampionatin dhe në rikthimin në Superligë fitoi 2-0 derbin kundër Grasshopersit.

Kukeli luajti 90 minuta si mbrojtës, në një skemë 3-4-3, duke luajtur shumë mirë, ndërsa u ndëshkua edhe me karton të verdhë në minutën e 71-të.

Ndërkaq, te Grasshopers u aktivizua prej minutës së 68-të sulmuesi Albion Avdijaj, i transferuar këtë verë në Zyrih.

Fitore edhe për Sionin e drejtuar nga Paolo Tramexani, 1-0 në Tun, një fillim perfekt për ish-zëvendëstrajnerin e kombëtares shqiptare, i transferuar me polemika këtë verë nga Lugano në Sion.

Tani Lugano kërkon mesfushorin ekspert të kombëtares sonë dhe “Blick” raporton se Kukeli mun të largohet falas nga Zyrihu, duke qenë se nuk bën më pjesë në planet e klubit të sapongjitur në Superligë.

Ndërkaq, sot nën urdhrat e trajnerit të Zyrihut Uli Forte do të jetë edhe Armando Sadiku. Sulmuesi ka mbyllur një gjysmë sezoni të shkëlqyer në Lugano dhe “qershia mbi tortë” ishin golat në Izrael, ndërsa tani pret të mësojë të ardhmen e vet.

Presidenti i Zyrihut, Ançilo Kanepa, konfirmon se Sadiku është në listën e lojtarëve që mund të shiten, por ka një problem: “Sadiku do të lërë Zyrihun, por nevojitet një ofertë konkrete dhe deri tani nuk na ka ardhur asnjë e tillë”.

Në këtë mënyrë, Sadiku mbetet në udhëkryq, sepse ndonëse është përfolur për interesim që nga Seria A italiane e deri në Izrael, çmimi i vendosur nga Zyrihu, prej disa milionë eurosh, tremb të gjithë.

Burim, çfarë po ndodh, moment shumë i vështirë.

Po, është moment shumë i vështirë, kemi humbur ndaj Luksemburgut dhe nuk e prisnim. Ne mundohemi të japim gjithnjë maksimumin, por ndeshjet me Spanjën e Italisë mund t’i humbasësh, sepse janë një nivel më të lartë, por humbjet e tjera kanë qenë të dhimbshme, pasi kanë ardhur ndaj rivalëve të rangut tonë, ose më dobët.

Gati për finalen e sezonit në Izrael?

Mendoj se tashmë duhet të flasim në fushë. Shansi ynë i vetëm për t’u afruar me vendin e tretë është fitorja në Izrael. Mendoj se duhet të jemi gati dhe të japim gjithçka për të marrë 3 pikët.

Uria e fitoreve, mos ka rënë pas Europianit? Arritët kulmin me përfaqësuesen, mos jemi ngopur?

Jo, nuk do të thosha ashtu. Normalisht, kualifikimi në Europian është një sukses shumë i madh, një nder dhe përgjegjësi për të gjithë ne. Do të mundohemi të kapim vendin e tretë, që vlen jo pak për ne.

Edhe vendi i tretë duket shumë i vështirë.

Edhe fitorja në Portugali ishte shumë e vështirë. Nuk duhet të mendojmë se ka gjëra të pamundura. Jemi në vendin e katërt, nëse fitojmë ndaj Izraelit shkojmë aty ku duam.

Qendërmbrojtës, sa komod ndihesh në 3-5-2?

Mendoj se edhe në Europian ka ndodhur që kam luajtur në qendër, për pezullime apo dëmtime. Është një pozicion ku mundem të luaj, nuk ka dallim të madh, edhe pse unë jam mesfushor dhe një ndryshim ka. Është një pozicion interesant për mua, sepse nuk është kurrë vonë për të mësuar të luaj në pozicione të ndryshme.

Mos ndoshta duhet ndryshuar skema, për të qenë më të sigurt?

Mendoj se nuk është çështja te skema, nuk duhet të përqendrohemi aty. Duhet të përqendrohemi te vetja, të japim gjithçka dhe të jemi në dispozicion të trajnerit, duke bërë maksimumin.

Pesë humbje rresht, nuk ishim mësuar kështu, pasi ka thuajse 15 vjet që nuk ndodhte. Çfarë duhet bërë për të rigjetur buzëqeshjen?

Normalisht humbjet të mërzitin, jemi të gjithë të dëshpëruar, sidomos pas humbjes ndaj Luksembugut, një kundërshtar ku mund dhe duhej të fitonim. Për fat, ishte vetëm një miqësore dhe duhet të nxjerrim mësimet e duhura, duke e analizuar ndeshjen. Edhe kundër Luksemburgut nuk është e lehtë, ata u mbrojtën me të gjitha forcat dhe është një mësim për të ardhmen.

Skuadra sidomos në mesfushë duket se ka lojtarë me shumicë, por nuk po arrijmë të bëjmë atë që bënim deri në Europian.

Në fakt, lojtarë cilësorë e me eksperiencë në mesfushë ka plot, por nuk ka rëndësi sa jemi, secilia ka vlerat e veta dhe nuk ka rëndësi kush luan. Ata që luajnë duhet të jenë gati, edhe ata që futen nga stoli ose nuk futen duhet të jenë gati.

E ardhmja te Zyrihu?

Kam edhe një vit kontratë, në futboll nuk i dihet, ndaj jam i hapur për gjithçka. Të shohim, nuk e di ende.

Sadiku, do kthehet te Zyrihu?

Tani do ta lidhim, nuk e lëshojmë më.