24-vjeçari ishte zbulimi dhe surpriza e bukur e sezonit të kaluar. 19 gola shënoi fazën e parë me Xhenoan dhe 11 gola me kuqezinjtë. Piatek debutoi në shtator të vitit të kaluar me kombëtaren e tij dhe që prej asaj periudhe ka shënuar 4 gola në 6 ndeshje.

Shifrat janë në favor të tij, por tani duhet thyer një ters. Filipo Inzagi është një emër që i emocionon tifozët e “djallit”. Ish-bomberi unik u tërhoq nga futbolli dhe Milani në 13 majin e hidhur të vitit 2012.

Pas Superpipos, numrin 9 e kanë mbajtur mbi supe edhe shtatë futbollistë të tjerë, por performanca dhe numri i golave të shënuar i kanë zhgënjyer të gjithë. Emra si Pato, Matri, Torres, Destro, Luiz Adriano, Lapadula dhe Gonzalo Higuain kanë dështuar dhe nuk kanë qenë në lartësinë e duhur.

Piatek nuk e njeh fjalën frikë dhe ka vendosur të mbajë mbi shpinë numrin e rëndë për sezonin e ardhshëm. Polaku ka lënë numrin 19 dhe do tentojë të shënojë sa më shumë; për të lumturuar tifozët kuqezinj dhe për të thyer tabunë e numrit nëntë.

Ky ishte goli i 21-të në kampionat për Piatek, i cili barazon Kualjarelën e Sampdorias në krye të renditjes së golashënuesve. Humbja kundër bardhezinjve ka sjellë trishtim në kampin milanist, aq shumë në nevojë për pikë dhe rezultatet pozitive.

Leonardo, administratori i deleguar i klubit, ndalet te gjykimi. Milanit i mungon një penallti e paakorduar. Aleks Sandro e preku topin me dorë dhe braziliani është i xhindosur me arbitrin Fabri.

“Jemi të mërzitur për rezultatin. Ekipi dhuroi paraqitje, e kishim kërkuar një gjë të tillë dhe morëm përgjigjen e duhur. Është e dhimbshme të largohesh nga kjo ndeshje me zero pikë, na vjen shumë keq.

“Komplimente ekipit, por humbëm për shkak të gabimeve sade të arbitrave. Sjellja e kryesorit ishte e papranueshme dhe ai ndodhet poshtë nivelit të duhur. Gaboi me penalltinë që nuk na dha dhe ndëshkimet me të verdhë. Arbitri kishte nevojë të qetësohej, por ndikoi në ndeshje. Nuk dua të polemizoj, por janë situata që të bëjnë të ndihesh keq”, përfundon Leonardo.

Pak minuta më parë u pretendua një penallti, por pas ndërhyrjes së Var u vendos që ishte këndore. Pjesa e parë është mbyllur me avantazhin e kuqezinjve, ndërsa ky ishte golin e 21-të në kampionat për 23-vjeçarin e kuqezinjve.

Në një prononcim për “Gazzetta dello Sport”, ish-bomberi i “Djallit” vlerëson shumë dy sulmuesit e ekipit aktual, Piatek-Kutrone. Ai shpreson që kjo dyshe të arrijë të bëjë gjëra që kanë bërë më parë një dyshe e paharrueshme si ajo Inzagi-Shevçenko.

Inzagi ka një këshillë për Kutronen, ndërsa vlerëson dhe trajnerin Gatuzo. Shoku i qindrave betejave dhe fitoreve po bën një punë të mirë, ndërsa rikthimi i dyshes Leonardo-Maldini do të rikthejë Milanin në vendin ku i takon.

KRAHASIMI – “Shpresoj që Piatek dhe Kutrone mund të realizojnë me Milanin atë që kemi realizuar unë dhe Shevçenko. Jam i sigurt që do të jenë e ardhmja e klubit dhe skuadrës që po ndërton Gatuzo. Nevojitet kohë, por shkëndijat dallohen. Kam një këshillë për Kutronen: qëndro te Milani. Nuk ka asgjë më të mirë se kuqezinjtë.

GATUZO – “Rino ka grintë dhe kompetencë. Besoj se ai mund të realizojë te Milani, atë që bëri Konte me Juventusin. Sinjalet janë të dukshme. Leonardo dhe Maldini i kanë idetë e qarta. Tashmë ekziston gjithçka që nevojitet për rilindjen e Milanit.”

Së fundmi, për 23-vjeçarin ka folur presidenti i Xhenoas, ish-ekipit të Piatek. Enriko Preciozi ka thënë për mediat se nuk është fare i habitur për formën e “pistoletës” dhe u shpreh se sipas tij, polaku do të shënojë të paktën 35 gola këtë sezon.

“Mendoj se do të arrijë të paktën kuotën e 35 golave këtë sezon në të gjitha kompeticionet. Nuk jam i befasuar. Morëm goxha para nga shitja e tij. Ndoshta për disa nuk janë shumë, por për ne janë në rregull. Jemi të lumtur që e finalizuam atë operacion. I uroj Milanit dhe Piatek suksesin që meritojnë.”

Në një prononcim për “RMC Sport France”, mesfushori flet për ditët e vështira të fillimit të sezonit dhe madhështinë e klubit kuqezi. Të ardhmen nuk e ka në dorë, por Bakajoko shpreson që të vazhdojë të jetë përsëri pjesë e “Djallit” në sezonin e ri. Rikthimi në Champions Ligë është objektivi i madh dhe në fund bën një koment për Kristof Piatek, njeriun e momentit.

MOMENTI – “Fillimi i sezonit nuk ishte aspak i thjeshtë për shkak të gjuhës, por tani gjithçka po shkon mirë në fushë dhe në jetën time private. Jam shumë i lumtur për atë që po përjetoj. Dua që të mbërrijmë në një nga katër vendet e para dhe të merrja një surprizë: grumbullimin në kombëtare.”

E ARDHMJA – “Nuk mund të jap sot një përgjigje, kështu që le të presim fundin e sezonit. Unë kam një kontratë me Çelsin, por ndihem shumë mirë në Milano dhe dua të vazhdoj të luaj me Milanin.”

MILANI – “Kush thotë që Milani nuk është më një klub i madh e ka shumë gabim. Nuk është e nevojshme të flasësh për trofetë dhe historinë e kuqezinjve, sepse të gjithë e njohin. Kur erdha këtu pashë të gjithë fotot dhe trofetë, ishte diçka impresionuese. Është i trishtueshëm fakti që ky klub nuk ka marrë pjesë në Champions në vitet e fundit. Shpresoj që këtë vit t’ia dalim ta rikthejmë Milanin në Champions Ligë.”

PIATEK – “Shpesh më pyesin se çfarë mendimi kam për të dhe po ju përgjigjem: në aspektin futbollistik jam totalisht i dashuruar me të.”

Pikërisht, në ndeshjen e luajtur në Bergamo, Piatek gjithashtu arriti dhe një rekord, duke e shkruar emrin e tij me germa të arta në librat e Milanit. Sulmuesi shënoi gjashtë golat e tij të parë për “djallin” në vetëm 310 minuta të luajtura. Një rekor që askush më parë te Milani nuk e kishte arritur.

23-vjeçari theu rekordin, që mbahej deri në ato momente nga suedezi, Gunar Nordahl, i cili shënoi gjashtë golat e parë me fanellën e Milanit për 410 minuta. Piatek, me sa duket nuk po di të ndalet…

#Piatek has set a new #ACMilan record, scoring his first six goals for the club after just 310 minutes, with 18 attempts. The previous record was set by Nordahl, who took 410 minutes.

??? pic.twitter.com/Mph8AWShTd

— MilanData? (@acmilandata) February 16, 2019

“Gjithmonë kam besim në vete dhe mendoj se do të shënoj shumë gola, por më duhet ta pranoj se të shënoja gjashtë në pesë ndeshjet e mia të para ishte diçka që nuk e prisja.

Po markohesha shumë afër, por e dija se, herët apo vonë, topi do vinte në zonë, kështu që isha i përgatitur për të shkuar atje i pari.

Jam i lumtur me dy golat e shënuar dhe dua që të vazhdoj kështu. Jam sulmues, kështu që dua të shënoj në çdo ndeshje”, përfundoi Piatek.