Kruja

Shënkolli përforcohet në orët e fundit, tre afrime “blindojnë” skuadrën

Sport Ekspres — Thu, 31 Jan 2019 19:29:40 +0000

Sot ne mbrëmje skuadra e Shënkollit ka shfrytëzuar momentet e fundit në merkaton e janarit, duke afruar tre futbollistë të rinj. Spikatin mesfushorët: ganezi Franci Olemba dhe Rubin Met’hasani, por edhe sulmuesi lezhjan Jurgen Kulli.

Për SportEkspres.com, trajneri i Shënkollit, Alket Kruja deklaron se tashmë skuadra është e kompletuar per te realizuar objektivat e gjysmës së dytë të Kampionatit. “Falënderoj presidentin Djala që mundësoi këtë merkato në limitet e fundit të saj. Sot janë bërë pjesë e skuadrës sonë dy mesfushorë: ganezi Franci dhe mesfushori Rubin Met’hasani, si dhe sumuesi Jurgen Kulli.

Janë përforcime cilësore që do ti shërbejnë synimit tonë për renditje në pesë skuadrat e para të Grupit A”, kështu deklaroi trajneri Kruja, i cili përforcime i quan edhe dy futbollistët e falur dje nga Komisioni i Disiplinës në FSHF.

“Unë i quaj përforcime edhe faljet futbollistëve të dënuar, portierin Rinëv Danaj dhe sulmuesin Ruben Danaj. Duke shtuar këtu edhe dy të afruarit në ditët e para të janarit, afrikanët Vitor dhe Idris, unë i quaj shtatë përforcime që Shënkollin do ta bëjnë pretendent serioz në Grupin A. Me Besëlidhjen të shtunën do luajmë vetëm për fitore”.

Teë shtunën në 2 shkurt, Shënkolli pret në fushën e tij Besëlidhjen, një “derbi” i Prefekturës që tekniku Kruja e quan edhe hapin e parë drejt suksesit të sezonit. Shënkolli renditet në vendin e 7-të në Grupin A me 17 pikë, ndërsa Besëlidhja mban vendin e 5-të me 20 pikë.

AGRON KAJA

Buzëqesh Lika, Vllaznia përforcon krahët e sulmit

Sport Ekspres — Mon, 14 Jan 2019 11:07:38 +0000

Rikthimi në Superiore është objektivi i vetëm i Vllaznisë dhe drejtuesit e ekipit shkodran po bëjnë maksimumin për të përforcuar kontingjentin e lojtarëve të Hasan Likës. Diçka e tillë ka ndodhur dhe Vllaznia ka rikthyer në ekip Arsid Krujën, siç lajmëron klubi verior në rrjetet sociale.

25-vjeçari, i cili aktivizohet në rolin e mesfushorit të krahut, ishte pjesë e Teutës në pjesën e parë të sezonit, aty ku e nisi mirë, por më pas minutat e lojës munguan. Suad Lici, administratori i deleguar i kuqebluve, ka arritur akordin me lojtarin, i cili nuk është hera e parë që rikthehet në Shkodër.

Kruja ka firmosur për 1 vit e gjysmë me Vllazninë, pjesë e së cilës do të jetë deri në verën e vitit 2020. Lojtari nuk ka humbur kohë dhe ka dalë ditën e sotme në stërvitje me ekipin, ndërsa klubi i Vllaznisë i uron mirëseardhjen në ekip.

Zyrtare/ Vllaznia firmos me Likën, rinovon edhe Kruja

Sport Ekspres — Thu, 03 Aug 2017 13:16:20 +0000

Pak nga pak Vllaznia po kompletohet, sepse sot është zyrtarizuar Gilman Liks.

Mesfushori shkodran kishte mbyllur gjithçka më parë, por sot ka hedhur edhe firmën në kontratë.

Anësori i majtë kërkon të ringjallet në shtëpi, pas një viti të errët te Tirana.

Ndërkaq, Arsid Kruja është futbollisti u radhës që rinovon me kuqeblutë.

Talenti shkodran nuk ka ndërmend të lëvizë më nga Shkodra, pas telasheve që kaloi kur u sorollat nga Azia deri në Vlorë, ndaj tani kërkon të kthehet në nivel të lartë te Vllaznia e tij.