Gjermani lançoi dokumentarin e jetës së tij, karrierës dhe vështirësive që ka kaluar. Gjatë prezantimit të këtij projekti, Kros është ndalur të flasë për tifozët spanjollë dhe mënyrën sesi e shohin futbollin ata.
Ai shprehet se atje kthehesh nga hero në idiot brenda javës. Më pas Kros është përqëndruar te dokumentari. Ka falenderuar familjarët për mënyrën sesi e rritën dhe gruan e tij që e mban me këmbë në tokë.

“Ndonjëherë ndjen se shumica e gjërave në jetën tënde varen nga futbolli. Në Spanjë çështja është mjaft ekstreme. Një javë mund të jesh heroi i madh dhe javën e ardhshme shndërrohesh në idiot i madh. Gjithsesi, kam mbajtur një linjë të mesme, në këtë pjesë jam i suksesshëm.”

“Falenderoj prindërit e mi për mënyrën sesi më kanë rritur dhe arsimuar. Familja është gjëja më e rëndësishme. Kam një grua të mirë që kujdeset të jem gjithmonë me këmbë në tokë”, u shpreh Toni Kros.

“Askush nuk mundet të vërë në diskutim stilin tim të lojës. Ndihem mirë dhe kur shikoj sezonin aktual të Realit të Madridit, mund të thuhet që nuk kemi qenë në nivelin ku pritej, por kemi pasur dhe momente shumë pozitive. Besoj se pas tri sezonesh në majën e futbollit, na duhej kjo “goditje”, por tani le të vazhdojmë përpara dhe të përmirësohemi”, përfundoi Kros.

Këtë sezon për Realin, Kros ka luajtur 21 ndeshje si titullar në La Liga, por goli i ka munguar. Kjo gjë acaron jo pak tifozët e Realit, që presin më shumë nga futbollisti gjerman.

Sikur të mos mjaftonte problemet e mësipërme, trajnerit Santiago Solarit i duhet të bëjë pa mesfushorin gjerman Toni Kros, i cili ka pësuar një tërheqje muskulore që do ta mbajë në infermieri deri në fund të janarit.

Kros i bashkohet Gareth Bejlit dhe Marko Asensios në infermierinë luksoze të Real Madridit.  Kros do humbasë tre ndeshje shumë të rëndësishme, si transfertat ndaj Betisit dhe Espanjolit dhe ndeshjen në “Bernabeu” ndaj Sevijës.

“Humbja më e madhe për lojtarët është kur trajnerit i duhet të ikë. Sidomos në këtë rast, pasi ai është një trajner dhe person i madh. Faleminderit Julen”, shkroi Kros. Në tri muajt që punoi me Lopeteguin, vendi i Kros në formacionin titullar nuk u vu asnjëherë në dyshim.

The biggest defeat for players is when the coach has to go. Especially in this case because he is a great coach and great person. Thanks Julen! pic.twitter.com/VRhWVcfpKa

— Toni Kroos (@ToniKroos) October 30, 2018

Balak ishte një prej atyre që mendonte se koha e Lëv në krye të Gjermanisë kishte ardhur në fund, por Toni kros i ka dalë në mbrojtje trajnerit të tij, madje duke aluduar se ish-futbollisti i Kombëtares ka pasur një dëshirë për ta pasuar timonierin aktual në krye të skuadër. Një sulm i hapu dhe i papritur nga ana e mesfushorit të Realit të Madridit.

“Secili ka mendimin e tij të ndryshëm. Ka nga ata që thonë se pas një suksesi të madh ja vlen më shumë të largohesh, por ka dhe nga ta që nuk duhet të vazhdosh kur kalon një moment të vështirë. Balak besoj se e ka menduar një ndryshim, pasi ai ndoshta donte vendin e Lëvit. Jam i bindur se do të rikthehemi në rrugën e mbarë me Lëvin. Ai ka treguar gjithnjë se mund të bëjë mirë dhe kemi pësuar një rritje progresive nën drejtimin e tij”.

Duket se kjo luftë në distancë nuk ka fund, kjo për faktin e këtë radhë ishte menaxheri i Ozil i cili ka reaguar, duke sulmuar disa nga lojtarët e Kombëtares gjermane, në lidhje me deklaratat e tyre sa i përket çështjes së Ozil.

Erkut Sogyt tregon se si i ka kuptuar deklaratat e lojtarëve të sipërpërmendur pasi klienti i tij kishte marrë vendimin për të lënë Kombëtaren e Gjermanisë: “ Nojer në mënyrë indirekte tha se Ozil nuk e ka mbajtur me krenari fanellën e Gjermanisë. Myler nuk e kupton fare se çfarë po ndodh. Kros, duhet të jetë më i qartë me fjalën ‘marrëzi’. Ata janë ose naivë ose intrigues”.

Po ashtu menaxheri i turko-gjermanit e ka mbrojtur me forcë edhe veprimin e lojtarit të tij për të pozuar me Taip Erdogan.