Kroacia e nisi mjaft mirë ndeshjen, teksa vetëm pas 13 minutash kaloi në avantazh me anë të Ante Rebiç, i cili shfrytëzoi mjaft mirë një rrëmujë në zonën e vendasve.

Gjithsesi, Hungaria arriti të reagonte në minutën e 34-të, ku Adam Szalai mposhti portierin Subashiç me një diagonale të bukur.

Në pjesën e dytë, ishin përsëri vendasit, të cilët shtangën ballkanasit, duke përmbysur gjithçka me anë të mesfushorit Patkai në minutën e 76-të.

KUALIFIKUESE EURO 2020
GRUPI E

Hungari – Kroaci      2-1
Shënues: Szalai 34’, Patkai 76’ / Rebiç 13’

Ndërkohë në Grupin G, Izraeli ka befasuar Austrinë në shtëpi, teksa e ka mposhtur me shifrat 4-2, ku Eran Zahavi dhuroi spektakël me një tripletë.

Austria e nisi mirë takimin, pasi në minutën e tetë gjeti avantazhin me anë të Marko Arnautoviç, i cili shrytëzoi në maksimum një pasim të Zulj, duke u treguar i saktë përballë portierit.

Vendasit arritën të reagonin në minutën e 34-të, me sulmuesin Eran Zahavi, i cili “dogji” mbrojtësit austriak pasi kërceu mbi ata, duke goditur me kokë dhe baraspeshuar shifrat.

Në fundin e pjesës së parë, Izraeli përmbysi gjithçka dhe autor i golit ishte përsëri Zahavi, i cili shënoi në zhvillimet e një goditje dënimi.

Në fraksionin e dytë, Zahavi e vijoi spektaklin e tij, pasi shënoi një supergol, duke i dhënë qetësi kombëtares së tij dhe duke plotësuar tripletën personale.

Në minutën e 66-të ishte radha e Munes Dabur, i cili fundosi akoma më tej Austrinë, duke e thelluar rezultatin në 4-1.

Nëntë minuta më vonë, ishte Austria që shënoi golin e dytë, me autor përsëri Marko Arnautoviç.

KUALIFIKUESE EURO 2020
GRUPI G

Izrael – Austri      4-2
Shënues: Zahavi 34’, 45’, 55’, Dabur 66’ / Arnautoviç 8’, 75’

KUALIFIKUESE EURO 2020
GRUPI I

San Marino – Skoci      0-2
Shënues: MekLin 4’, Rasëll 74’

Ndeshja nisi mjaft mirë për belgët, të cilët kaluan në avantazh në minutën e 14-të me anë të mesfushorin Juri Tilemans.

Reagimi i Rusisë ishte i menjëhershëm, me Denis Çerishev, i cili shfrytëzoi në maksimum një gafë të rëndë të Tibo Kurtua, me këtë të fundit që nuk po kalon një moment të mirë.

Gjithsesi, vendasit arritën të gjenin avantazhin përsëri në fundin e pjesës së parë. Eden Hazard arriti të shndërrojë në gol një 11-metërsh, duke mbyllur pjesën e parë me shifrat 2-1.

Më pas në fundin e takimit, konkretisht në minutën e 88-të, ishte përsëri Hazard, i cili shënoi golin e dytë personal dhe të tretin për ekipin e tij, duke mbyllur takimin me shifrat 3-1.

Ndërkohë, në ndeshjet e tjera Kroacia përmbysi me vështirësi Azerbajxhanin, teksa u gjend fillimisht në disavantazh në minutën e 19-të. Gjithsesi, Barisiç në fundin e pjesës së parë dhe Kramariç në minutën e 79-të përmbysën gjithçka, duke i dhënë fitoren ballkanasve.

Triumf edhe për Sllovakinë ndaj Hungarisë në shtëpi me shifrat 2-0. Ishte Ondrej Duda në minutën e 42-të, i cili zhbllokoi sfidën, ndërsa për të hipotekuar fitoren, mendoi Rusnak pesë minuta përpara fundit, duke mbyllur gjithçka në 2-0.

Irlanda e Veriut nga ana tjetër bëri detyrën në shtëpi ndaj Estonisë, duke fituar pastër me shifrat 2-0. MekGin dhe Dejvis shënuan në pjesën e dytë për të siguruar fitoren e britanikëve.

Belgjikë – Rusi 3-1
Shënues: Tilemans 14’, E.Hazard 45’(pen.), 88′ / Çerishev 16’

Kroaci – Azerbajxhan 2-1
Shënues: Barisiç 44’, Kramariç 79’ / Shejdajev 19’

Sllovaki – Hungari 2-0
Shënues: Duda 42’, Rusnak 85′

Irlandë Veriu – Estoni 2-0
Shënues: MekGin 56’, Dejvis 75’(pen.)

Kampionët në fuqi të Kroacisë ishin dukshëm skuadra që luajti më mirë, por goli i futbollistit beratas në minutën e 79-të i mohoi atyre tri pikët. Pika e sotme vlen shumë për Lokomotivën pasi klubi nga kryeqyteti i Kroacisë po lufton për të siguruar një vend në kualifikueset e ardhshme të Europa League.

Ky është goli i shtatë i Uzunit në kampionatin kroat. Tani 23-vjeçari ndan vendin e golashënuesit të skuadrës së bashku me shqiptarin tjetër Lirim Kastrati.

Kroacia mposhti Spanjën me rezultatin 3-2 për Ligën e Kombeve, ndërsa në fund të ndeshjes Lovren “shpërtheu” në rrjet sociale kundër kapitenit të Realit dhe kombëtares iberike. ““I dhashë një goditje të bukur, hahaha 3-2! Fol tani mik, Jeni një tufë femrash të llastuara”, shkruante qendërmbrojtësi në faqen e tij në rrjete sociale.

Qeveria europiane e futbollit ka marrë vendimin për lojtarin, duke e pezulluar me një ndeshje. Lovren do të mungojë në ndeshjen hapëse kundër Azerbajxhanit për eliminatoret e Euro 2020. “Lojtari ka shkelur rregullat themelore të sjelljes sportive”, shpjegon UEFA skualifikimin e lojtarit, ndërsa një vendim i tillë mund të krijojë precedent, pasi është hera e parë që një lojtar dënohet nga… rrjetet sociale.

Shumë njerëz u bënë tifozë me ekipin ballkanas, ndërkohë që djemtë e Daliç u pritën si heronj të vërtetë në Zagreb. Mes mijëra njerëzve që festonin ishte dhe Piter. Djaloshi vuan nga sindroma “Down”, ndërsa kapiteni i Kroacisë dhe fituesi i çmimit lojtari më i mirë sipas FIFA-s dhe UEFA-s ishte idhulli i tij.

Gjatë festimeve të paharrueshëm, Modriç e ftoi Piterin në skenë, duke i plotësuar ëndrrën djaloshit, një gjë që do e mbajë mend gjithmonë.

Familja e tij ka përgatitur një video emocionuese dhe ka dashur t’ia tregojë një gjë të tillë dhe Lukës. Ky i fundit ka qenë i grumbulluar me Kroacinë, ndërsa dikush e ka thirrur të ndalojë. Pasi heziton një moment, Modriç ndalon dhe nga afër i shpjegojnë se Piteri dëshiron ta përshëndesë me anë të kësaj video.

Luka “humbet” duke parë videon dhe emocionohet pa masë. Një skenë fantastike, ndërkohë që nga ana tjerr shihen Piter dhe nëna e tij, e cila nuk rresht së falënderuari të madhin, Luka Modriç.

Que crack Modric
pic.twitter.com/dEOVQgrRgG

— Reporte Fútbol (@Reporte_Futbol) November 17, 2018

Mbrojtësi i majtë është larguar nga fusha në minutën e 27, duke i lënë vendin Antonio Miliç. 26-vjeçari është përplasur me Markus Rashford dhe atij i është dashur të largohet.

Nuk bëhet akoma e ditur shkalla e dëmtimit të mbrojtësit të djathtë, por një gjë e tillë e ka bërë me dhimbje koke trajnerin Spaleti. Mungesa e tij është e rëndësishme, pasi ndeshjet e radhës janë kundër Frozinones, Totenhemit, Romës dhe Juventusit.

Lingard barazoi ndeshjen në minutën e 78 pas një pasimi të Kejn, duke çuar në festë tifozët e pranishëm dhe… Spanjën! Një barazim në këtë sfidë kualifikonte më tej kombëtaren iberike, por Herri Kejn nuk e kishte thënë akoma fjalën e fundit.

Sulmuesi i Totenhemit shënoi në minutën e 85, duke kthyer rezultatin dhe dërguar Anglinë në krye të grupit. Krosim i Çiluell nga e majta, pasiguri e mbrojtjes kroate dhe Kejn nuk fal nga brenda zonës.

Një hakmarrje e vogël për djemtë e Southgejt, të cilët u eliminuan nga kroatët në gjysmëfinalen e kupës së botës. Kombëtarja e “Tre Luanëve” e mbyll grupin në vendin e parë me 7 pikë, ndjekur nga Spanja me 6 pikë, ndërsa nënkampionët e botës e mbyllin në vend të tretë dhe të fundit me 4 pikë.

Angli-Kroaci 2-1
(Lingard 78′, Kejn 85′ / Kramariç 57′)

Goli i fitores u shënua në minutat shtesë nga Tin Jedvaj, i cili shënoi një dopietë. Fitorja e mbrëmshme i gëzoi të gjithë në kampin kroat, sidomos Dejan Lovren. Mbrojtësi i Liverpulit ishte pjesë e thumbimeve në distancë me Sergio Ramosin, duke e akuzuar për dëmtimet e qëllimshme ndaj Salah dhe Karius në finalen e Champions-it. Spanjolli reagoi duke thënë që “disa më kritikojnë nga inati”, diçka që nuk është harruar nga kroati.

Lovren mezi ka pritur fundin e ndeshjes për t’u futur dhe komentuar në rrjetet sociale, duke “thumbuar” Sergio Ramosin. “I dhashë një goditje të bukur, hahaha 3-2! Fol tani mik, Jeni një tufë femrash të llastuara”. Video e postuar është përhapur shpejt në internet, duke ndarë tifozët në dy kahe.

Ata të Liverpulit dhe kundër Ramosit i kanë dalë në krah kroatit, ndërsa të tjerë kanë kritikuar mbrojtësin për fjalët e rënda, duke pretenduar që do të ishte më mirë që lojtari të festonte fitoren e Kroacisë, pa vazhduar me polemika. Një gjë është e sigurt, polemika Lovren-Ramos do të vazhdojë akoma. Thjeshtë sapo ka rinisur dhe sapo është “egërsuar”…

Dejan Lovren sending Sergio Ramos a special message after Croatia’s 3-2 win over Spain. We won’t translate ? pic.twitter.com/LTEu72J6wq

— ONSIDEVIEW.COM (@theonsideview) November 16, 2018

Të dy ekipet i kualifikon fitorja, ndërsa barazimi i mundshëm në “Wembley”, i eliminon në të dyja dhe lumturon Spanjën. Brozoviç ka marrë urime të shumta, ndërsa në drejtim të tij ka ardhur dhe një urim i veçantë nga UEFA.

Qeveria europiane e futbollit ka postuar në faqen e saj në rrjetet sociale një urim për kroatin, me mbishkrimin “Shumë urime, epiku Brozo. Mesfushori i Interit feston sot 26-vjetorin e lindjes”, duke iu rikthyer episodit kundër Barcelonës në Champions. Mesfushori i Interit “shpiku” një lëvizje fantastike, duke u shtrirë pas murit dhe duke bllokuar goditjen e sulmuesit uruguaian. Një gjë e tillë u bë virale dhe të gjithë nuk nguruan të përgëzonin Brozoviç për veprimin e bërë.

Tani është radha e UEFA-s, që i rikthehet atij episodi, duke i uruar 26 vjetorin e lindjes njeriut thelbësor të mesfushës së Spaletit.

Tanti auguri, #EpicBrozo ??

Il centrocampista dell’@Inter festeggia oggi 26 anni ?? #UCL pic.twitter.com/Ffs9oxDpg6

— La UEFA (@UEFAcom_it) November 16, 2018

Ndërkohë i vetmi përfaqësues i kampionatit kroat në listën e Daliçç është portieri i Dinamos së Zagrebit, Dominik Livakoviç. Në repartin e sulmit bie në sy mungesa e një sulmuesi pykë. Dorëheqja e Mario Mandzukiçç dhe përjashtimi i Nikola Kaliniçç kanë sjellë jo pak probleme në atë repart.

Portierë: Lovre Kaliniç, Dominik Livakoviç, Karlo Letica;

 Mbrojtës: Domagoj Vida, Dejan Lovren, Sime Vrsaljko, Josip Pivariç, Tin Jedvaj, Matej Mitroviç, Duje Kaleta-Çar, Antonio Miliç;

Mesfushorë: Luka Modriç, Ivan Rakitiç, Mateo Kovaçiç, Milan Badelj, Marcelo Brozoviç, Marko Rog, Mario Pasaliç, Filip Bradariç;

Sulmues: Ivan Perisiç, Andrej Kramariç, Ante Rebiç, Marko Pjaca, Nikola Vlasiç, Josip Brekalo

??#Croatia squad for #NationsLeague encounters with ??@SeFutbol (15/11, Zagreb) and ???????@England (18/11, London)! ?#BeProud #Vatreni pic.twitter.com/OzilYD7lwL

— HNS (@HNS_CFF) November 2, 2018

33-vjeçari kroat zbulon tre futbollistët me të cilët do ëndërronte të luante, thur elozhe për Kristiano Ronaldon dhe Kilian Mbape. Në fund Topi i Artë, me Modriç kandidat favorit, por lojtari i Real Madrid është i përulur dhe nga goja e tij nuk do të dalë kurrë një kompliment për veten e vet.

FUTBOLLI SIPAS MODRIÇ – “Ekzistojnë disa skuadra që dëshmojnë se, në të njëjtën kohë, mund të fitosh dhe të ofrosh një shfaqje të mirë. Ka shuma mënyra për të kuptuar futbollin, por mendoj se është e mundur të kombinosh rezultatin me lojën e bukur. Edhe sot, kur përgatitja fizike e futbollistëve është më  mirë se kurrë, ka akoma vend për talentin dhe teknikën për kërkimin e së bukurës. Gjithmonë do të jetë kështu, sepse futbolli është një lojë që luhet me tru. Ti mund të vendosësh të gjithë forcën fizike që zotëron, por është diçka që quhet inteligjenca futbollistike, inteligjenca e ndeshjes, që do të jetë gjithmonë thelbësore. Fiziku nuk do e zëvendësojë kurrë inteligjencën.”

ËNDRRA – “Do të dëshiroja të kisha luajtur me Zvonimir Boban, idhullin e kombëtares kroate. Pastaj zgjedh Zinedin Zidan, të cilin kam patur fatin ta kem trajner. Ndonjëherë ai luante me ne dhe ishte mbresëlënëse të shihje elegancën e tij dhe lëvizjet që bënte. I treti është Ronaldo Nazario.”

CR7 – “Ronaldo i përket një niveli tjetër futbollistësh. Unë jam një person i turpshëm dhe i rezervuar. Nuk e preferoj ekspozimin në media. Unë preferoj thjeshtësinë. Nuk mendoja se Zidan do të largohej nga Reali dhe të njëjtën gjë mendoja dhe në rastin e Kristianos. Kur mediat po flisnin për largimin e tij, filluam të vinin baste në dhomat e zhveshjes. Ishim të bindur që do të qëndronte, por të gjithë bëjnë zgjedhjet e tyre në jete.”

MBAPE – “Jam i sigurt që Kilian do të vazhdojë të përmirësohet. Ai është një talent i jashtëzakonshëm, një premtim i madh për të ardhmen, por që e ka treguar potencialin e tij që tani. Ai është i veçantë. Më kujtohet kur shoku im te kombëtarja, Daniel Subashiç më tha një ditë: ‘Është një lojtar i ri te Monako, do e shohësh, është i pabesueshëm dhe një ditë do të jetë një nga më të mirët në botë’. Po më fliste për Mbape, kur nuk e njihte akoma askush.”

TOPI I ARTË – “Në të vërtetë nuk më pëlqen të flas në këtë mënyrë dhe të them: ‘Po, unë jam ai që meriton të fitojë Topin e Artë’. Gjëja më e rëndësishme për mua është të zbres në fushë dhe të luaj siç kam bërë këto muaj. Ky ka qenë padyshim viti më i mirë i karrierës time dhe qëllimi im i vetëm është të vazhdoj me këtë ritëm. Ju nuk do arrini kurrë të dëgjoni nga goja ime: ‘Unë jam ai që duhet të fitoj këtë’.”

Skuadra që ka befasuar më shumë është gjermania, që deri më tani ende nuk ka fituar ndeshjen e parë. Jo vetëm kaq, por “pancerat” akoma nuk kanë mundur që ta gjejnë rrugën e rrjetës si ndaj Holandës ashtu dhe ndaj Francës.

Befasuese, por e vërtetë që Gjermani ndodhet përkrah San Marinos, Estonisë, Islandës, por dhe Kroacisë, që po ashtu ka befasuar. Kroatët janë me statusin e nënkampionëve të botës, por deri më tani kanë dështuar që të shënojnë.

Mbrëmë u luajt për Nations League dhe sfida përfundoi në barazim pa gola. Ndeshja u zhvillua në stadiumin e Rijekës, por pa praninë e tifozëve, të cilët vazhdojnë të jenë të dënuar, çka thjeshtësonte dëgjimin e fjalëve që qarkullonin në fushë.

Në një moment, topi ka përfunduar në dorën e anglezit Xhordan Henderson, kapitenit të Liverpulit. Zllatko Daliç, trajneri i Kroacisë, tërheq vëmendjen e arbitrit kryesor, i cili sinjalizon për një faull në favor të kroatëve.

Henderson ka lëshuar disa fjalë në drejtim të trajnerit kroat, duke i thënë me zë të lartë: “A je arbitër, a çfarë dreqin je?” Diçka e tillë është dëgjuar dhe në televizor, si pasojë e heshtjes që mbizotëronte në stadium siç citon “The Mirror”. Nerva t dhe adrenalina e lojës e bëjnë të pranueshme deri diku, pavarësisht se Henderson e ka tepruar me Daliç, i cili qëndroi pasiv dhe nuk replikoi me mesfushorin.

Motor në mesfushë dhe në çdo cep të fushës. Të gjitha topat e kroateve përpunoheshin nga mesfushori i Realit, i cili u shpall lojtari më i mirë i Botërorit të Rusisë. Shumë punë, sakrificë dhe energji, për të mos harruar tre ndeshjet me shtesa të kroatëve, të cilët luajtën më shumë minuta se çdo skuadër tjetër në Rusi. Diçka e tillë ka lënë pasojat e saj dhe 32-vjeçari ka folur për ketë temë pas fitores kundër Romës në Champions.

“Botërori më rraskapiti fizikisht dhe mendërisht. Tani ndihem më mirë dhe po e marr veten nga dita në ditë. Topi i Artë? Nuk është një obsesion për mua. Nëse do e fitoja, do të isha shumë i lumtur, por nëse nuk do e fitoja, jeta vazhdon gjithsesi”, përfundon Luka Modriç, i cili fitoi dhe çmimin e lojtarit më të mirë të vitit të FIFA-s.

Në ndeshjen tjetër të Ligës A, Belgjika ka mundur 3-0 në transfertën Islandën falë dopietës të golave të Lukakut dhe golit të Hazard. Mungesa e Kevin De Brujn nuk po ndihet aspak, kjo dhe falë paraqitjeve të mirë të mesfushorit të Monakos, Juri Tielemans.

Në Ligën B, Bosnja pragmatike mundi në shtypi 1-0 Austrinë edhe pse vizituesit dominuan për 90 minuta.  Suprizë ishte dhe humbja e Greqisë në transfertën ndaj Hungarisë. Vendasit mundën 2-1 skuadrën ballkanase, duke i dhënë shpresa vetes për një fillim të ri pas dy vitesh të zhytur në një krizë të frikshme

Rezultatet e ndeshjeve të “Nations League”

Liga A, Grupi 2
Islandë – Belgjikë 0 – 3
Liga A, Grupi 4
Spanjë – Kroaci 6 – 0
Liga B, Grupi 3
Bosnjë – Austri 1 – 0
Liga C, Grupi 2
Finlandë – Estoni 1 – 0
Hungari – Greqi 2 – 1
Liga D, Grupi 2
Moldavi – Bjellorusi 0 – 0
San Marino – Luksemburg 0 – 3

Por, Subasiç ka marrë duartrokitjet dhe brohorërimat e popullit të tij edhe për një gjest tjetër. Gjatë pritjes madhështore në Zagreb, 33-vjeçari ka përdorur reflekset e tij të shkëlqyera për të shmangur rënien nga autobusi të kolegut të tij Domagoj Vida, i cili humbi ekuilibrin, duke qenë i hutuar nga atmosfera festive në kryeqytetin e kroatëve.

ovo je valjda bio 5. put kad je simpati?ni Vida tresnuo. Subaši? ga je odmah ulovio, a Modri? jednom rukom ?uvao, drugom snimao za story Sjajni naši de?ki #worldcup2018 #vatreni #croatiafulloflife @ana.jo_

A post shared by *Style Zagreb* (@stylezagreb) on Jul 17, 2018 at 4:23am PDT

“Të dielën, do të jem neutral. Në të dyja skuadrat, ndodhet një lojtar, me të cilin kam një lidhje të veçantë. Kurrë nuk kam humbur kontaktet me Ivan Rakitiçin, që prej kohës kur luanim së bashku te Shalke, si dhe në krahun tjetër kam kolegun te Bajerni, Korentin Toliso. Uroj që të dy të zhvillojnë një ndeshje të shkëlqyer”, shkruhej në postimin e gardianit gjerman.

Që prej shpalljes së pavarësisë në vitin 1991, përfaqësuesja kroate i luan ndeshjet si pritës në stadiumin Maksimir  të Zabrebit, një impiant ky që sot nuk i shkon përshtat edhe vetë klubit të Dinamos së Zagrebit e jo më kombëtares kroate.

Ditën e sotme kryetari i bashkisë së Zagrebit Milan Bandiç, prezantoi projektin e shumëpritur të stadiumit të ri. “Nuk do të jetë një si stadiumet që kemi parë në Rusi, pasi nuk e kemi luksin të shpenzojmë 400-500 milionë € si Putin, por do të jetë një stadium i bukur me 35.000 vende dhe kosto totale prej 120 milionë eurosh, që do të financohet në pjesën 70% nga fondet e bashkisë, pjesa tjetër nga shteti dhe federata e futbollit”.