https://twitter.com/SjorsvVeen/status/1153233932596498433

Goli është krahasuar me “perlën” e Zllatan Ibrahimoviç në vitin 2004, ku suedezi asokohe pjesë e Ajaks shënoi një gol fantastik ndaj NAC Bredës. Muriç më pas shënoi një tjetër gol në këtë takim, duke ekzekutuar perfekt një goditje dënimi.

Maltezët pësuan golin e parë që në minutën e 7’, por në të dytën ndodhi e pabesueshmja. Gzira shënoi plot tri gola dhe mbajti portën e vetë të paprekur. Protagonisti i ndeshjes ishte padyshim mesfushori nga Bregu i Filidishtë, Hamed Kone, i cili realizoi dy gola fantastik.

Fillimisht një gol i shkëlqyer akrobatik në minutën e 69’ për të çuar në rezultatin në 2 – 1, më pas në sekondat e fundit të takimit një goditje nga largësia shtangu kroatët që e panë veten të eliminuar nga një ekip me një buxhet shumë herë të më vogël.

Kone ishte pjesë e Feronikelit gjatë sezonit të shkuar. Afrikani u prezantua si një ndër afrimet më të bujshme të IPKO Superligës pasi u transferua nga Ksamaks, klub i Superligës zvicerane. Megjithatë, Kone nuk ia doli të përmbushte pritshmëritë në Kosovë duke u aktivizuar në pak raste me skuadrën nga Drenasi.

Menaxheri i cili ndërmjetësoi transferimin e 21-vjeçarit është ish-lojtari i kombëtares shqiptare Ardian Aliaj. Alidema i shtohet listës së shumë shqiptarëve nga Kosova të cilët vitet e fundit janë transferuar në kampionatin Kroat.

21-vjeçari aktivizohet si sulmues krahu dhe njihet për aftësitë në driblim dhe goditjen e saktë me të dyja këmbët. Krahas Alidemës në Kroaci ndodhen dhe tre talente të tjerë nga Kosova si Mirlind Daku i Osijek, Lumbardh Dellova i Hajduk Split dhe Lirim Kastrati i Lokomotivës së Zagrebit.

Krahas ndeshjes me Kroacinë, Shqipëria u ndesh me Bosnje-Hercegovinën dhe Hungarinë, dy ekipe këto që konsiderohen ndër përfaqësueset elitare në këtë sport. Takimi me Bosnjën u mbyll me fitoren 1-0 të boshnjakëve, ndërsa ndeshja ndaj u hungarezëve u mbyll me rezultatin 1-1.

Lojtarët e përzgjedhur për të përfaqësuar Shqipërinë në këtë turne kanë qenë pjesëmarrrës në edicionin e dytë të kampionatin të minifutbollit amator, garë kjo ku morën pjesë 14 ekipe dhe mbi 130 lojtarë.

Shqipëri 3 – 1 Kroaci
Shënues: Leci 9’, Matraxhi 25’, Biba 41’

Shqipëri 1 – 1 Hungari
Shënues: Shima

Shqipëri 0 – 1 Bosnje-Hercegovinë

Në miqësoren e zhvilluar ditën e sotme formacioni i parë i Lokomotivës kishte në të katër shqiptarë. Indrit Tuci, Jon Mersinaj, Enis Cokaj dhe Albion Marku ishin kuqezinjtë që veshën ditën e sotme fanellën e klubit kroat.

Krahas katërshes së lart përmendu,  pjesë e Lokomotivës janë dhe dy futbollistë me emër si Lirim Kastrati dhe Myrto Uzuni, ndërsa pjesë e akademisë së klubit është edhe sulmuesi Arbër Mehmetllari. Pra, plot 7 shqiptarë në kontigjentin e klubit, shifër kjo që s’ka të dytë në rajon.

“Futbolli kështu e ka, një trajner të beson më pak, dikush tjetër më shumë. Gjëja më e rëndësishme ka qenë që s’kam humbur vetëbesimin dhe shpresën. Nuk jam një njeri i dobët. Gjithmonë flas me dy shokët e mi Emir Sahitin dhe Lumbardh Dellovën, ata janë nga Kosova. U them gjithmonë që të mos dorëzohen deri në fund. Sahiti është nga Prishtina, po ashtu si dhe unë, ndërsa Devolla nga Prizreni. Në ekip kemi dhe Tahirajn, ai është nga Shqipëria, por i rritur në Itali”.

“Tani arrij të kuptoj kroatishten, por e kam më të lehtë të komunikoj me të tjerët në gjuhën angleze. Hysen Memolla dhe Hamza Berri më ndihmuan të mësoja kroatisht”.

Edi Reja –  “Reja dhe Febrari (përgatitësi atletik) janë njerëz fantastik. Mister Reja na prezantoi një metodë tjetër. U ndjemë shumë të qetë me të. Tani gjithçka po shkon mirë. Humbën ndaj Islandës, por luajtëm mirë, ndërsa fitorja 2 – 0 kundër Moldavisë na gëzoi të gjithëve. Bulku është gjithashtu pjesë e stafit të kombëtares, ai ka luajtur te Hajduku gjithashtu”.

Stili i i ri flokëve?

“Ishte shumë vapë, kështu që vendosa t’i shkurtoja disi flokët.

Me këtë model i ngjan pak Eminemit apo jo?

Jo aspak (qesh). Nuk është se jam fans i Eminemit. Flokët thjesht i shkurtova nga vapa. Përsa i përket këngëtarëve dëgjoj më së shumti këngë të Rita Orës dhe Dua Lipës, dy këngëtare shqiptare”.

Rita Ora do vijë këtu në Kroaci për një koncert tani afër, a do shkosh?

Me të vërtetë? Po patjetër (qesh). Bëj shaka nuk jam nga ata që i pëlqejnë koncertet. Jam këtu për të pnuar fort dhe mirë. Jeta e shkurtër dhe për ta shijuar siç duhet duhet të sakrifikosh për të ardhmen.

Tani jeni një ndër liderët e mbrojtjes së Hajdukut.  A mos ju kanë bërë padrejtësi më parë?

Nuk e mendoj fare këtë gjë. Në fillim nuk isha as në stolin e rezervave, tani jam në formacion. Thjesht dua të vazhdoj kështu e të luaj mirë. Ndoshta pyetja juaj është e drejtë, por s’ia vlen të kthejmë kokën pas.

Kundërshtari më i rrezikshëm në kampionatin kroat?

Do thosha Radonjiç (sulmuesi i Lokomotivës së Zagrebit), ai është një lojtari i fuqishëm, i rrezikshëm në lojën në ajër, pak a shumë si kolegu im Futacs. Kam marrë vesh që do largohet drejt Rusisë. Përveç atij s’di të them ndonjë emër tjetër. Lojtarët e shkurtër mund t’i bllokok pa problem, pasi jam një lojtar shumë i shpejtë. S’kam frikë askënd

Keni marrë 9 kartonë të verdhë. A mo jeni pak më shumë agresivë se ç’duhet?

“Shpesh herë jam ndëshkuar me të padrejtë. Sezonin tjetër do të kemi sistemin VAR dhe kjo do të më hyjë shumë në punë. Më parë çdokush që vinte në duel me mua simulonte dhe arbitri jepte faull”.

Një tjetër lojtar shqiptar që mund të zbarkojë së shpejti në Kroaci është ish-futbollisti i Skënderbeut, Suad Sahiti.  Sipas “novilist.hr”, klubi i interesuar për 24-vjeçarin është Rijeka. Në rast kalimi në Kroaci, Sahiti do të ketë mundësi të luajë në të njëjtin kampionat me vëllain e tij të vogël Emirin, i cili prej një viti e gjysmë është pjesë e Hajdukut të Splitit.

Pas largimit nga skuadra korçare mesfushori firmosi në kampionatin grek me Larisën dhe disa muaj më vonë në Bullgari me Septemvri Sofian, por në të dyja rastet mundur të gjejë një vend stabël në formacion.

Mesfushori Çokaj është pjesë e ekipit kroatit prej thuajse dy vitesh, ndërsa në janar u huazua te Laçi ku zuri një vend stabël në formacionin e kurbinasve. Sulmuesi 19-vjeçar Marku i është bashkuar rishtas Lokomotivës dhe për momentin ndodhet në provë.

Të dy lojtarët kanë qenë pjesë e ekipeve zinxhirë të Shkëndijës së Tiranës. Lokomotiva e Zagrebit i beson prej vitesh produkteve të shkollës së mjeshtërisë “Loro Boriçi”, ku emri që spikat më shumë është ai i Lirim Kastratit. Sulmuesi i përfaqësueses së Kosovës është tani një prej lojtarë bazë i ekipit të parë të Lokomotivës.

Gjatë ditëve të fundit, mediet skoceze kanë folur gjithnjë e më shumë për një interes të kroatëve të Osijek për 24-vjeçarin. Në një prononcim për “The Scottish Sun”, traneri i Hibernian Pol Hekinbotom shpjegoi situatën e sulmuesit: “Çdo lojtar e ka një çmim, kjo dihet. Megjithatë, Floriani është pjesë e skuadrës sonë dhe ne s’jemi të detyruar të shesim lojtarë. Klubi ndodhet në një situatë të mirë financiare. Nuk kemi në plan të shesim ndokënd”.

Kontrata e Kamberit me Hibernian është e vlefshme për dy sezone të tjera. Sipas “The Scottish Sun”, drejtuesit e klubit skocez do të pranonin ta shisnin 24-vjeçarin nëse në zyrat e tyre vjen një çek që e kalon vlerën e 1 milionë paundëve.

Kampionët e Skocisë dhe klubi francez e pëlqejnë shumë 25-vjeçarin e lindur në Prishtinë, i cili bën mirë çdo rol të repartit defensiv, por për ta mund të jetë tepër vonë. Sipas raportimeve të mediave belge, Standardi është një hap përpara dy klubeve të tjera, pasi ka nisur negociatat me homologët kroatë.

Rrahmani numëron 22 ndeshje të zhvilluara me Kosovën (ka luajtur edhe dy ndeshje me Shqipërinë) dhe është kthyer në një pikë fikse të kampionëve kroatë. Ai është gati për të hedhur një tjetër hap cilësor në karrierën e tij dhe Belgjika duket se do të jetë stacioni i radhës.

Vetë lojtari e pëlqen një transferim te Standardi, edhe pse nuk mund të përjashtohen oferta surprizuese nga Sëlltiku dhe Amiens në momentet e fundit.

Në fillimin e pjesës së dytë, Perisiç shënon golin e dytë për Kroacinë, duke zhvlerësuar golin e shënuar nga Bruks në minutën e 77’. Uellsi bëri një ndeshje shumë të mirë, por nuk ia doli që të marrë të paktën një pikë. Blerja e re e Junajtid, Xhejms, bëri një paraqitje dinjitoze.

Por ajo që ra më shumë në sy në këtë takim, ishte një aksion i çmendur i Gareth Bejl. Ylli i Realit të Madridit merr një top nga rivënia anësore dhe jep një pasim me duar plot 40 metra për shokun e tij të skuadrës, që e sheh veten përballë portierit, por nuk arrin të godasë.

Shqipëria ndodhet në Grupin B së bashku me NK Interblock, Slaven Belupo dhe NK Hask 1903, ndërsa në Grupin A bëjnë pjesë Dinamo Zagreb, NK Zagreb, NK Sesvete dhe Hrvatski Dragovoljac. Kuqezinjtë e vegjël e fillojnë rrugëtimin e tyre në këtë turne në datë 8 qershor me ndeshjen ndaj NK Interblock, që do të zhvillohet në orën 12:00.

Po në të njëjtën ditë do të zhvillohet dhe ndeshja e dytë, në orën 16:30 ndaj Slaven Belupo, ndërsa në datën 9 qershor do të luajnë ndeshjen e fundit në grup kundër NK Hask 1903, në orën 10:00. Pasdite do të zhvillohen edhe ndeshjet finale për vendin e 7-të, vendin e 5-të, vendin e 3-të, si dhe finalja e madhe që do të shpallë ekipin fitues të turneut.

Ditën e nesërme kuqezinjtë ndeshen në çerekfinale me boshnjakët e Zheljezniçar. Finalja e turneut “Kvarnerska Riviera” do të zhvillohet më datë 2 qershor.

Në këtë turne marrin ekipe të klubeve të njohura si Dinamo Zagreb, Rijeka, Udineze dhe Maribor.

ISMAJLI (22 vjeç) – “Në Kroaci është prej vitit 2016, por vetëm këtë sezon spikatur”. Në vlerësimin e bërë për mbrojtësin, theksohet potenciali i madh që ai ka dhe fakti që fizikisht është perfekt, ndërkohë që nuk fal në duelet një kundër një. ka edhe një minus, kartonët e verdhë, pasi këtë sezon është ndëshkuar nëntë herë dhe për këtë pjesë duhet bërë kujdes. Në analizën e bërë flitet edhe për interesimin e Atalantës, ndërkohë që pritshmëritë janë të mëdha që të ketë oferta të shumta. Mes të tjerash përmendet edhe grumbullimi dhe aktivizimi më kombëtaren shqiptar, gjë që i rrit edhe çmimin e kartonit.

UZUNI (23 vjeç) – “Garanci e dhënë nga Besnik Prenga dhe rreth 350 mijë euro të paguara për kartonin e tij te skuadra e Laçit në Superiore. Një goditje e vërtetë”. Vlerësim pozitiv për beratasin, i cili në sezonin e tij të parë në Kroaci ka arritur të shënojë 7 gola dhe të japë 8 asiste. Shifra mjaft të mira. Mes të tjerash vihet në dukje kombinimi perfekt me Dejan Radonjiç, i cili i krijon mjaft hapësira Uzunit si sulmues i dytë. 29 ndeshje në kampionat për anësorin, ndërkohë që u bë edhe pjesë e kombëtares së Shqipërisë dhe ka luajtur 5 sfida me fanellën kuqezi.

Në ndeshjen e Lokomotivës pati një risi në grumbullim. Mesfushori shqiptar Indrit Tuci debutoi në të parin grumbullim me ekipin e parë. Talenti 18-vjeçar u fut në fushë në minutën e 77-të. Lojtari i ekipeve të moshave të Shqipërisë u bë pjesë e akademisë së Lokomotivës gjatë muajit janar. Ecuria e mirë në kampionatin e moshave ka sjellë që i riu shqiptar të marrë vëmendjen e ekipit të parë.

https://www.instagram.com/p/Bx7_zLfAEm4/?utm_source=ig_web_copy_link

Abazaj u aktivizua me të filluar pjesa e dytë kur rezultati ishte 1-1. Kjo ishte ndeshje e parë e Osijekut nën drejtimin e trajnerit Dino Skender, i cili u gradua në këtë rol tri ditë më parë, duke lënë detyrën si trajneri i ekipit rezervë.

Qëndrojmë te shqiptarët e futbollit kroat, por kësaj radhe me një lajm jashtë fushës së blertë. Myrto Uzuni ka firmosur një marrëveshje sponsorizimi me kompaninë e veshjeve sportive “NIKE”. Lajmë është bërë i ditur nga menaxheri i tij Franci Bode me anë të një postimi në rrjetet sociale.

https://www.instagram.com/p/BvzTvudnFTm/?utm_source=ig_web_copy_link

Abazaj e nisi titullar për Osijekun, ndërsa Uzuni dhe Kastrati për Lokomotivën. Ndeshja ishte shumë e luftuar dhe me gola, por në fund skuadrat ndanë nga një pikë, pas barazimit 1-1.

Abazaj u zëvendësua në minutën e 74’, ndërsa Kastrati dhjetë minuta para 21-vjeçarit të Osijekut. I vetëm që e mbylli takimin deri në fund ishte numri 7 i Lokomotivës, Myrto Uzuni, të cilit në këtë takim i mungoi vetëm goli.

U duk se tre pikët ishte siguruar, por festën e Osijekut e ndërpreu ish-sulmuesi i Kukësit Mateus Lima, që me golin e tij që çoi shifrat përfundimtare në 1 – 1.

Pavarësisht, zhgënjimit që vjen nga mungesa e fitores, Abazaj spikati me lojën e tij nga krahu i majtë,  ku arriti t’i afrohej dy herë golit, por në të dyja rastet shtylla u bë dy herë pengesë.

https://www.youtube.com/watch?v=X_3x61aZp58

Kampionët në fuqi të Kroacisë ishin dukshëm skuadra që luajti më mirë, por goli i futbollistit beratas në minutën e 79-të i mohoi atyre tri pikët. Pika e sotme vlen shumë për Lokomotivën pasi klubi nga kryeqyteti i Kroacisë po lufton për të siguruar një vend në kualifikueset e ardhshme të Europa League.

Ky është goli i shtatë i Uzunit në kampionatin kroat. Tani 23-vjeçari ndan vendin e golashënuesit të skuadrës së bashku me shqiptarin tjetër Lirim Kastrati.

Megjithatë, sulmuesi 20-vjeçar hasi vështirësi për të mbajtur formën e shkëlqyer majde mund të thuhet se ka ngecur në vend. Kastrati nuk ka shënuar që prej pesë tetorit të vitit të kaluar, pra më shumë se katër muaj pa provuar shijen e golit.

Gjithsesi, lojtari i përfaqësues së Kosovës ende nuk e ka humbur besimin e trajnerit të Lokomotivës dhe vazhdon të jetë pjesë e padiskutueshme e formacionit titullar.

“Fillimisht isha shumë i lumtur, pasi është e rrallë që një lojtar nga Superliga shqiptare të transferohet në një klub të famshëm si Anderlehti. U ndjeva i kënaqur dhe e dija që duhet të luftoja shumë për një vend në ekip. Pata fatin e keq që isha i dëmtuar në fillim. Gjithsesi, jam i lumtur që pata mundësinë të isha në një mjedis të tillë, të njohur dhe të vlerësuar në Europë. Ishte një eksperiencë pozitive për mua dhe mësova shumë atje”.

“Tek Anderlehti kishte shumë konkurrencë për çdo pozicion në ekip, po ashtu edhe në sulm. Anderlehti gjithnjë ka qenë kështu, pasi është një ekip që synon titullin ose të paktën renditjen në pjesën e sipërme të tabelës. Gjithsesi konkurrenca të bën të punosh më fortë, që të sigurosh një shans për të treguar veten”.

“Të them të drejtën nuk dija shumë për Osijekun. Gjithsesi kur doli si opsion fillova të pyes për këtë klub që po shfaqte interes për mua. Fola me kolegun tim te Anderlehti, Ivan Santini, i cili më informoi për shumë gjëra. Fola dhe me Eros Grezdën. Ai më tha gjithçka rreth Osijekin. Këto ndikuan në vendimin tim për të pranuar këtë ofertë nga Kroacia”.

“Ndihem mirë. Me aq sa kam parë në stërvitje skuadra është shumë e mirë. Muzafer Ejupi më ka ndihmuar që të përshtatem sa më shpejt dhe të njoh lojtarët. Dua që të luaj sa më shpejt që të jetë mundur. Besoj se kjo do të jetë një lëvizje pozitive për mua dhe për klubin”, përfundoi Abazaj.

https://www.youtube.com/watch?v=bfmheig-BJE

Goli ka ardhur në momentin e duhur, pasi në zonën “VIP” të stadiumit të Hajdukut kanë qenë të pranishëm disa skautë. Mediet kroate aludojnë se vëzhguesit ishin nga “gjiganti” i futbollit ukrainas Shaktar Doneck.

Një detaj tjetër që mbështet këtë lajm është dhe fakti që dy ekipet zhvilluan një miqësore gjatë fazës përgatitore në Turqi, ku Hajduku mundi kampionët e Ukrainës me rezultatin e thellë 4-1.

Qendërmbrojtësi Ardian Ismajli zhbllokoi takimin, duke gjetur kështu golin e parë në kampionatin kroat, ndërsa sulmuesi anësor Françesko Tahiraj iu besua për herë të parë një vend në formacionin titullar.

“I mbytëm ata që nga minuta e parë deri në minutën e fundit. Ishte një fitore e merituar. Duhet të vazhdojmë kështu dhe do ta kapim Europën  (Hajduk ndodhet pesë pikë larg Lokomotivës së vendit të katërt). Kishim rreth 17 mijë tifozë që po na mbështetin, mendoj se ua shpërblyem me këtë fitore”, përfundoi Ismajli.

https://www.youtube.com/watch?v=bfmheig-BJE

“Nuk e prisja që trajneri të më vendoste në formacionin titullar.  Tifozët ishin lojtari jonë i 12-të. Ata më duartrokitën të gjithë kur u zëvendësova. Tani do të festojmë pak. Shpresoj që të vazhdojmë kështu. Ishte ndeshja ime e parë si titullar dhe them se nuk bëra keq”, tha Tahiraj.

Lokomotiva, që renditet në vendin e dytë me 34 pikë bashkë me Osijekun dhe Rijekën, është gati për transfertën e Splitit dhe lojtari i kombëtares shqiptare ka folur për faqen e klubit përpara ndeshjes që zhvillohet të dielën në orën 17:30, duke vlerësuar ekipin e Hajdukut. Dinamo kryesuese është larg, ndërsa gara për një vend në Europë është shumë e fortë.

23-vjeçari i shënoi në fazën e parë Hajdukut, është gati të zhvillojë një tjetër ndeshje të madhe kundër tyre dhe ka besim se Lokomotiva do të kthehet në kryeqytet me fitore.

“Po presim një kundërshtar të fortë, Hajduku është rritur në krahasim me pjesën e parë të sezonit. Jemi stërvitur mirë dhe jemi përgatitur për këtë ndeshje. Duhet të jemi të përqendruar, në mënyrë që të përfitojmë nga kundërshtarët tanë. Gjithashtu duhet të kërkojmë shanset tona. Do të jenë një ndeshje e vështirë, por në fund do të shkojmë te fitorja“, përfundon Myrto Uzuni.

Buriç dyfishoi shifrat për bardheblutë, ndërsa Belupo gjeti golin në minutën e fundit të ndeshjes.

Kastrati dhe Uzuni ishin pjesë e formacionit të Lokomotivës, ndërsa ky ishte goli i parë në miqësore për sulmuesin e përfaqësueses së Kosovës.

BASTI –  “Por, si ka qenë basti midis agjentit dhe lojtarit. Midis palëve u ra dakord se nëse Uzuni do të shënonte 10 gola dhe do të luante me kombëtaren shqiptare brenda vitit 2018, ai do përfitonte një automjetin.

Me kalimin e muajve Uzuni i realizoi të dyja kushtet e bastit dhe agjenti i lojtarit nuk iu shmang bastit, duke i dorëzuar sot çelësat e automjetit të markës “Porsche”.

https://www.instagram.com/p/Briq30uAxY5/?utm_source=ig_web_copy_link

Tapetet e fushave nëpër ballkan janë mbushur me tonelata bore dhe “shpëtimtarët” kanë qenë vetë tifozët e klubeve të cilët kanë marrë në duar lopatat dhe i janë futur punës për të pastruar fushën në mënyrë që të shijojnë momentin më të veçantë të fundjavës, ndeshjen e skuadrës së zemrës.

Bukuresht, Rumani (sipër) dhe Osijek, Kroaci

Voluntari, Rumani

Asokohe ishte një ndër talentet më premtues të akademisë së Barcelonës dhe nuk ishin të pakët personat që e cilësuan si një çmenduri vendimin e sulmuesit anësor. Katër vite më vonë, situata për futbollistin tashmë 20-vjeç, nuk mund të kishte shkuar më mirë.

via GIPHY / Driblimi fantastik i Olmos kundër 6 lojtarëve të Rijekës

Për Olmon janë të interesuara shumë klube nëpër Europë, dhe sipas medieve kroati, shitja e talentit spanjoll mund të vendosë një rekord të ri për futbollin kroat, duke kaluar shumën që Juventusi pagoi për Marko Pjacën dy vite më parë. Një ndër klubet e interesuara për të është pikërisht, Barcelona, klubi me të cilin u nda katër vite më parë.

Beratasi u mundua të rikuperonte një top të humbur nga Lirim Kastrati, por ndërhyrja ka qenë tejet e rrezikshme dhe gjyqtari i takimit nuk ka hezituar të nxjerrë të kuqin.

Në momentin e daljes nga fusha 23-vjeçari nuk i ka mbajtur dot lotët. Në momentin e ndëshkimit të Uzunit ndeshje ishte me rezultatin 1 –  0. Ndërsa në pjesën e dytë mbas Rijeka përmbysi rezultatin.

Ndeshja me Anglinë ka një rëndësi të madhe për ekipin ballkanas, pasi një fitore mund ta çojë në vendin e parë në grup, por me një humbje do të zbriste në Ligën B. Në anën tjetër një barazim pa gola do i çonte kroatët në vendin e fundit, ndërsa një barazim me gola do bënte që Anglia të zbresë poshtë tyre në renditje. Trajneri kroat e pranon se skuadra e tij është e lodhur, pasi është e vështirë që të luash ndaj Spanjës, ndaj do e kënaqte dhe një barazim në ndeshjen me skuadrën e Southgejt.

“Është hera e tretë që ndeshemi me Anglinë në pak kohë dhe skuadrat e njohin njëra-tjetrën. Do të jetë një ndeshje e fortë, por duhet ta pranoj se jemi paksa të lodhur, kjo për faktin se kemi vetëm pak kohë në dispozicion pas ndeshjes me Spanjën. Do më kënaqte dhe një barazim. Anglia ka lojtarë të rinj dhe të shpejtë”.

Natyrshëm, që vendasit vijnë si favoritë, por në një intervistë për “The Guardian” mesfushori kroat Ivan Rakitiç u kujton të gjithëve se situata ishte e njëjtë edhe para gjysmëfinales së Botërorit të kaluar, ku ballkanasit eliminuan “tre luanët”  në një ndeshje ku djemtë e Gareth Sauthgejt erdhën me doza të mëdha euforie.

“Para gjysmëfinales të gjithë po përdornin shprehjen ‘Football’s Coming Home’, nuk ishte diçka ofenduese për ne, por as diçka e këndshme. E kuptoj që i gjithë vendi kishte dëshirën për të fituar trofeun, por akoma nuk kishin luajtur me ne”, tha kroati.

Kroati i Liverpulit e cilësoi Ramosin si një mbrojtës, i cili gabon pafund, por askush nuk ia vë re, ndërsa ai zgjodhi francezin Varan si më të mirë se Ramos. Ky i fundit ka reaguar dhe e ka bërë para sfidës së sotme për Ligën e Kombeve, Kroaci-Spanjë.

“Ka njerëz që nga dëshpërimi të kritikojnë dhe ofendojnë, por unë nuk e bëj diçka të tillë. Koha vendos gjithçka në vendin e vet në fund. Do të ishte e përshtatshme, që këto njerëz të ndërtonin reputacionin dhe emrin e tyre pa patur nevojë të flasin për mua. Çdokush ka mendimin e tij, kam patur trajnerë të ndryshëm nga njëri-tjetri, por të gjithë kanë thënë fjalë të mira për mua. Gjithmonë kam sakrifikuar, jam gjithmonë i pari, i cili hidhet në baltë dhe që jap gjithçka. Pastaj, çdokush mund të thotë atë që dëshiron”, përfundon mbrojtësi i Realit të Madridit.

Në formacionin titullar të Lokomotivës nuk mund të mungonin Lirim Kastrati dhe Myrto Uzuni, të cilët luajtën mbuluan krahët e sulmit për vendasit. Beratasi luajti për 90 minuta, ndërsa Kastrati u zëvendësua në minutën e 67-të.

Në stadium ishin rreth 2400 mijë tifozë, ku 300 kishin ardhur nga Spliti. Hajduku njihet për tifozërinë e tij të zjarrtë dhe të dhunshme dhe mbështeten nga tifogrupi “Torcida”. Gjatë ndeshjes së djeshme, këta të fundit kanë lëshuar kore ofenduese kundrejt serbëve. Armiqësia mes palëve njihet, ndërsa “Tocida” ka filluar të këndojë gjatë ndeshjes: “Ne kroatët nuk pimë verë, por gjakun e çetnikëve nga Knini”. Knini është qytet i lashtë mbretëror kroat dhe shtrihet në pjesën qendrore të Kroacisë jugore, ndërsa aty u krijua Republika e vetëshpallur e krahinës serbe nga viti 1991-1995.

Në pjesën e dytë ultrasit e Hajdukut hapën dhe një pankartë drejtuar klubit të tyre. “Zgjedhje të reja, vende të reja, njerëz të rinj dhe me vizion. Ndershmëria dhe transparenca para interesave personale.“ Klubi ka probleme dhe tifozët janë kundër drejtuesve aktualë, duke vazhduar protestat e tyre. Para sfidës, “Torcida” krijoi disa probleme në qendër të Karlovacit, ku u dëmtuan dhe disa lokale.

Në mënyrë të pabesueshme, ky fakt nuk i ka ndaluar tifozët anglezë të zbarkojnë nëpër rrugët e Rijekës për të shijuar ndeshjen në lokalet dhe sheshet e qytetit kroat. Diçka e rrallë kjo që zor se mund të përsëritet nga ndonjë tifozeri tjetër.

Menjëherë pas shënimit të golit, Uzuni zgjodhi të festonte me shqiponjë një sinjal i qartë ky se objektivi i radhës për të është kombëtarja dhe të mendosh se para një viti e gjysmë luante në Kategorinë e Parë me Apoloninë.

Në një prononcim të shkurtër pas përfundimit të ndeshjes Uzuni tha se golin ia dedikonte familjes dhe se ëndrra e tij është një ftesë në kombëtaren shqiptare. “U ndjeva një çlirim i madh për mua, pasi në ndeshjet e kaluar kam qenë i pafat. Golin ia dedikoj familjes sime. Do të punoj fort dhe do jap 100% për skuadrën. Objektivi im është të marr një ftesë nga kombëtarja e Shqipërisë, besoj se nëse vazhdoj të luaj mirë do ta realizoj këtë ëndërr timen”

https://www.youtube.com/watch?v=nRJ7cjkvB6w&feature=youtu.be

Ekipi i tij po humbte me rezultatin 2-0 në transfertën ndaj skuadrës së NK Tomislavit dhe me të mbaruar pjesa e parë, Uzelac vendosi që të futej vetë në fushë, më pas u realizua një skenar i denjë për një produksion  hollivudian.

Slavonia arriti t’i përmbyste të zotët e shtëpisë me një tripletë nga vetë trajneri. Në përfundim të ndeshjes Uzelac u tregua modest duke vlerësuar gjithë punën e skuadrës, duke mos përmendur në asnjë moment faktin se ishte ai heroi i skuadrës që ai drejton.

Deri më tani te Vllaznia ka vetëm largime. Pas futbollistëve jabanxhinj, shqiptarë dhe të huaj, sepse asnjëri prej tyre nuk pritet të kthehet, tërheq më tepër vëmendjen largimi për në kampionate të huaja i dy shkodranëve Hebaj dhe Çinari. Të dy po përgatiten t’i japin lamtumirën skuadrës së tyre. Rubin Hebaj ka mbyllur gjithçka me klubin slloven Domzhale dhe largimi i tij është formalitet. Por edhe Erald Çinari është në të njëjtën rrugë. Kur talenti shkodran lëshonte sinjalin e largimit nga Vllaznia, në opinionin sportiv nuk është se e morën shumë seriozisht. Pak ditë pas ndeshjes Vllaznia-Tirana, gjatë prononcimit për “Sport Ekspres”, Çinari bënte të ditur se kishte marrë oferta nga skuadra të huaja, por edhe nga kampionati shqiptar. Për interesimin e Partizanit gjithçka është bërë publike më parë, pasi drejtuesit e kuq e kishin vënë në shënjestër. Tani gjërat janë më ndryshe, sepse në lojë janë futur edhe skuadra të huaja. Erald Çinari ka bërë një sezon mjaft cilësor dhe tashmë ëndërron një kampionat të huaj.

MESAZH DREJTUESVE – Që largimi i Çinarit nga Vllaznia është diçka shumë serioze, vërehet në atë që vetë futbollisti thotë: “Jam duke pritur një telefonatë të drejtuesve, për të biseduar për këtë problem”, – shprehet Çinari për “Sport Ekspres”, duke bërë të ditur se telefonatën e pret nga administratori Astrit Gjyrezi. “Drejtuesit e klubit janë vënë në dijeni se jam në largim e sipër nga skuadra kuqeblu. Kam pasur një kontakt spontan me drejtorin sportiv Eugent Zeka dhe i kam bërë të ditur situatën, por takimin e pres me administratorin Gjyrezi. Ky takim është në interes të dy palëve të kryhet në një kohë sa më të shpejtë. Dua t’i shpreh dëshirën time administratorit Gjyrezi dhe shpresoj që ai të më mirëkuptojë në vendimin që kam marrë”, – vijon Çinari.

KROACIA – Në vijim të prononcimit të tij për “Sport Ekspres”, Çinari pohon se për të interesohen disa menaxherë, kryesisht të huaj, të cilët i kanë vënë në tavolinë disa alternativa. Për ofertat nga Superliga, Çinari thotë se nuk e tradhton Vllazninë. Për pistat jashtë ai ndalet vetëm te kampionati kroat dhe pohon se është destinacioni i tij. Për momentin, menaxherët e kanë  rekomanduar të mos e bëjë publik emrin e ekipit të ri.

KONTRATA ME VLLAZNINË – Edhe pse për Çinarin po bëhen gjithë këto interesime, transferimi i tij në kampionatin kroat nuk do të jetë shumë i lehtë. Ai ka një kontratë me Vllazninë deri në vitin 2019. Për lënien të lirë të lojtarit në fjalë, klubi që kërkon Çinarin duhet të derdhë një shumë të caktuar në arkat e klubit kuqeblu. Një gjë të tillë e pranon edhe vete Çinari, kur shprehet: ”Kontrata ime me Vllazninë është deri në mbyllje të sezonit 2018-2019. Gjithsesi, kjo nuk më pengon mua të lëviz, sepse në bisedimet që menaxherët kanë pasur me drejtuesit e klubit kroat, këta të fundit janë shprehur të gatshëm të shlyejnë kartonin tim”. Si do të vazhdojnë ngjarjet për çështjen “Çinari” duhen pritur ditët në vazhdim, më saktë takimi me administratorin Gjyrezi.