Krkotic

Feronikeli përforcon mesfushën, afron “ish”-in e Kukësit

Sport Ekspres — Mon, 15 Jul 2019 19:14:43 +0000

Skuadra e Feronikelit bëri një sezon të shkëlqyer në IPKO Superliga, ku u shpall kampione e Kosovës. Gjithashtu, skuadra nga Drenasi ka bërë shumë mirë dhe në turin e parë kualifikues të Champions League, ku i fitoi të dyja takimet përballë Linkoln dhe Santa Koloma. Feronikeli mori dhe një barazim 2-2 përballë Saints në transfertë dhe shikohet si skuadra favoritë për të kaluar në turin tjetër kualifikues në Champions League.

Edhe pse kanë një skuadër shumë të konsoliduar, drejtuesit e klubit vazhdojnë të bëjnë afrime. Firma e radhës është ajo e mesfushorit Milos Kërkotiç. 31-vjeçari ka qenë pjesë e Kukësit në sezonit 2017/18, ku luajti 14 ndeshje në Superiore, ndërsa në dy sezonet e fundit, ka mbrojtur fanellat e Bali United dhe Bundocnost.

Kukësi prezanton përforcimin e fundit dhe mbyll merkaton

Sport Ekspres — Thu, 31 Aug 2017 12:38:44 +0000

Kukësi ka goditur në ditëne fundit të gushtit, duke kryer një lëvizje rrufe, me afrimin e mesfushorit Milosh Kërkotiç. Malazezi 29-vjeçar gjeti me shpejtësi marrëveshjen me klubin kampion, që brenda pak ditësh ka bërë shumë ndryshime në mesfushë, duke larguar izraelitin Naser dhe duke afruar fillimisht nigerianin Gilmor, ndërsa tani vjen edhe Kërkotiç.

Ish-futbollisti i kombëtares së Malit të Zi luan si mesfushor qendre dhe kompleton një repart ku në qendër ishin vetëm Musolli e Zeqiri, pas largimeve të verës. Duke parë edhe repartet e tjerë, tashmë Kukësi mund të konsiderohet i kompletuar dhe nuk priten më surpriza.

Kërkotiç e nisi sezonin e shkuar te Zeta në Malin e Zi, ndërsa prej janarit luajti te Metalac në Serbi, duke koleksionuar 25 ndeshje kampionati në total.

Këtë verë Mlladosti e federoi si një përforcim serioz për kupat e Europës, aty ku Kërkotiç luajti 4 ndeshje, duke shënuar ndaj Shturmit, ndërsa luajti edhe 4 ndeshje kampionati këtë muaj.

Tani Kërkotiç prish marrëveshjen me Mlladostin dhe vjen te kampionët e Shqipërisë, ku sot është prezantuar zyrtarisht, pas firmave të hedhura në kontratë.

Kukësi kënaq Milinkoviçin, firmos edhe një mesfushor malazez

Sport Ekspres — Thu, 31 Aug 2017 11:33:00 +0000

Trajneri Mlladen Milinkoviç kërkoi edhe një përforcim në prag të sezonit të ri dhe Kukësi menjëherë e ka kënaqur.

Mesfushori malazez Milos Kërkotiç është i Kukësit dhe do të prezantohet pas pak.

Mesfushor qendror, 29 vjeç, Kërkotiç vjen nga Mlladosti, ku luajti këtë verë, duke qenë titullar fiks dhe duke shënuar edhe një gol në fitoren 1-0 në Grac, kundër Shturmit.

Tani Kërkotiç ndryshon skuadër dhe firmos për Kukësin, ku shton rivalitetin për sidomos Musollin.