“Jam i përqendruar në sfidën time, gjithmonë dua të shënoj dhe shpresoj se këtë sezon do të jetë situatë e njëjtë. Për mua, tifozët e Milanit janë të shkëlqyer dhe tani ndihem më mirë. Kam më shumë besim në stadium dhe dua të kem një vit të madh për ta. Kur isha i ri, i pashë shumë sulmues. Një nga më të mirët është Kristiano Ronaldo, i dyti ishte Tieri Henri”, përfundoi bomberi.

Në rolin e numrit 10 mbrapa dy Kristof Piatek dhe Andre Silva u vendos spanjolli Suso, i cili nuk ka luajtur më parë në këtë pozicion. Kjo skemë nuk i favorizon aspak sulmuesit anësor si mëngjarashi, pasi në dyshen e sulmit kërkohen lojtarë të fuqishëm të cilët janë të aftë të fitojën duele me mbrojtësit kundërshtar.

Mbetet për t’u parë se çfarë trajte do të marrë Milani i Xhampaolos. Krahas Susos një tjetër kandidat për numrin 10 është braziliani Paketa, i cili është aktivizuar në këtë rol kur ishte pjesë e Flamengos në Brazil.

Przerywamy ten mecz, by przedstawi? nasz? dru?yn? napastników. pic.twitter.com/JLopNzDn0K

— Netflix Polska (@NetflixPL) June 1, 2019

Më pas debutimi në formacion në Kupën e Italisë. Përsëri Napoli kundër, ndërsa Piatek shënoi një dygolësh të bukur dhe djemtë e Gatuzos fluturuan drejt gjysmëfinaleve. E fundit ndeshja me Romën. Milani mori një pikë të rëndësishme për garën për Champions, ndërsa Piatek nuk u ndal përsëri.

Goli i parë me Milanin në kampionat, i treti në dy ndeshje dhe i 14-ti në kampionat, pasi gjatë fazës së parë ka shënuar 13 të tillë me Xhenoan. Tifozët e “Djallit” po ëndërrojnë dhe të gjithë janë të çmendur pas 23-vjeçarit.

Në një prononcim për “Foot Truck”, sulmuesi flet për debutimin e tij me Milanin, formën fantastike që po kalon dhe ambiciet që ka si futbollit. Festimin nuk e kishte menduar, e bëri rastësisht pas golit të dytë të shënuar, ndërsa tifozët janë dashuruar me “pistoletën” polake.

PIATEK – “Kam shënuar gola në Serie A dhe kam zgjedhur vetë presionin. Më duhet të përshtatem, por është e sigurt që nuk do të ndryshoj. Përpiqem të jem gjithmonë vetvetja dhe të punoj siç kam bërë gjithmonë.”

MOMENTI FANTASTIK – “Sedorf më ka kërkuar të bëjmë një foto së bashku. Është fantastike që njerëz të tillë më njohin dhe duan të bisedojnë me mua. Me Shevçenkon biseduam në dhomat e zhveshjes përpara ndeshjes me Napolin. Pasi firmosa me Milanin më erdhi një mesazh nga Morata. Më kishte shkruar që po më ndjek dhe më uroi fat. Edhe kjo është diçka fantastike.”

FESTIMI – “Nuk isha përgatitur për këtë mënyrë festimi. Ju betohem se pasi shënova golin e dytë, bëra gjestin e pistoletës dhe mbeti e tillë. Më pas u bë talismani im dhe seria e golave ishte fantastike. Njerëzit në Itali janë çmendur pas meje.”

PËRMIRËSIMI – “Një sulmues duhet të shënojë nga çdo pozicion dhe pas stërvitjeve ushtrohem dhe për goditjet e dënimit. Jam përmirësuar fizikisht, në rezistencë dhe shpejtësi. Kohët e fundit kam përmirësuar dhe goditjet në portë. Nëse shohim golat e mi të fundit në kampionat janë të gjithë njësoj.”

DEBUTIMI – “Ka qenë një hap përpara në karrierën time. Kam mbetur i impresionuar kur mbërrita në Milanelo. Kundër Napolit isha i përqendruar dhe nuk i dëgjoja koret e tifozëve. Kisha vënë kufjet, lojtarët që nuk ishin në formacion u ulën në pankinë, ndërkohë që unë u futa në fushë i vetëm. Dëgjova duartrokitjet, hoqa kufjet dhe woow, ishte diçka e jashtëzakonshme. Fillova dhe unë të duartrokas dhe atmosfera u rrit. Një emocion i pabesueshëm, tifozët e Milanit përshëndesnin kështu një lojtar të ri, i cili nuk ka bërë akoma asgjë për klubin. Kur e di që jam titullar, nuk dal në fushë pa nisur nxehja. Ky është një ritual i imi. Nëse jam në pankinë, jam më i lehtësuar dhe hedh sytë nga tribuna.”

AMBICIET – “Pas stërvitjes së parë i thashë vetes: nëse shënoj 12 gola këtë sezon, do të jem i lumtur. Por oreksi vjen duke ngrënë. Më duhet të punoj fort çdo ditë, në çdo stërvitje dhe në fund rezultatet do të vijnë. Nuk ka rëndësi për mua, nëse luaj në ‘San Siro’, për Krakovian, apo për kombëtaren polake.”

IDHUJT – “Fanella ime e parë ishte e Real Madridit, e Ronaldo brazilianit. Më pas në dhomë kam pasur posterat e Mançester Junajtid  ku luante Kristiano Ronaldo, si dhe të Arsenalit kur luante Tieri Henri.”

Adrenalina te tifozët e “Djallit” është në kulm. Kishte vite që ata nuk shijonin një sulmues të madh dhe të gjithë janë dashuruar me 23-vjeçarin. Xhenaro Gatuzo e krahasoi pas fitores 2-0 kundër Napolit me danezin Tomason, ndërsa Hernan Krespo mendon ndryshe.

Argjentinasi luajti me Milanin në sezonin 2004-2005, ku zhvilloi një sezon shumë të mirë. Dygolëshi në finalen e Stambollit nuk mjaftoi dhe Champions Liga përfundoi te Liverpuli, pas një prej finaleve më emocionuese të zhvilluara në historinë e futbollit. Krespo analizon karakteristikat e Piatek, i cili i kujton një emër të madh si Andrij Shevçenko.

PIATEK – “Lehtësia me të cilën godet portën më ka befasuar më se shumti nga Piatek. Ai nuk kursen asnjë sekondë dhe nuk i lejon mbrojtësit të ndërhyjnë. Ai e ka portën në kokë dhe nuk ka nevojë ta shohë fare. Ka një goditje të fortë dhe precize. Diçka të tillë e tregoi me dygolëshin e shënuar kundër Napolit.”

SHEVA – “Tomason ishte i aftë të ndihmonte mesfushorët, krijonte hapësira për shokët e repartit të sulmit, por nuk ishte një finalizues i madh. Për mënyrën se si godet portën dhe si ç’markohet, më kujton shumë Andrij Shevçenkon. E shoh pak dhe veten time tek ai, por dua ta ndjek më vëmendje ecurinë e tij. Fizikisht ngjajmë, por jam kurioz të shoh rritjen e tij në goditjet me kokë. Shevçenko, i cili ishte një fenomen i vërtetë, kishte karakteristika të ngjashme me Piatek: në kundërsulm ishte vdekjeprurës, nuk e humbiste kurrë topin, ishte potent dhe kishte një shpejtësi ekzekutimi, që rrallë e kam parë.”

“E prisja një natë të tillë. E kam thënë më parë se isha gati dhe sot shënova një dopietë.Është vetëm fillimi. Golat nuk ishin të ngjashëm, por të dy ishin të bukur. Para takimit i kërkova Laksalit dhe Borinit që të jepnin topa të gjatë, pasi i preferoj ato. Në golin e dytë pata përballë Kulibalinë dhe s’bëra keq”.

NDESHJA E ME ROMËN  – “Tani po mendoj vetëm për Romën. Shpresojmë që atje të luajmë akoma më mirë se sot. Ndeshjen e fundit kundër tyre kam humbur, të dielën dua të fitoj”, përfundoi polaku.

Ai nuk ka frikë, ka lindur gati dhe është gati të shënojë gola për të rikthyer Milanin në Champions Ligë. Një ndër idhujt e tij e ka në krah dhe ai është Paolo Maldini. Sulmuesi zbulon karakteristikat e tij, stilin e festimit të golave, shpreson të shënojë shumë bashkë me Kutronen, ndalet te ndeshja e debutimit kundër Napolit dhe e mbyll me ëndrrën e tij me Milanin.

PIATEK – “Kam besuar gjithmonë te vetja. Dëshiroja të tregoja diçka të mirë në Serie A kur erdha te Xhenoa. Unë jam një sulmues dhe e kam të rëndësishme të shënoj. Jam i njëjti person që isha përpara se të vija te Xhenoa. Është një kënaqësi për mua të jem pjesë e Milanit. Punoj shumë në stërvitje, jam sulmues dhe dua të shënoj në çdo ndeshje, por të shohim se çfarë do të ndodhë në fushë. Unë kam lindur gati. Ndihem gati dhe do jap gjithçka për të ndihmuar Milanin që të rikthehet në Champions. Do të luftoj në fushën e blertë për ngjyrat kuqezi.”

FOTO – “Ajo është një foto e vërtetë. Jam që i vogël tifoz me Milanin dhe ëndrra ime ishte luaja këtu një ditë. Të ulem këtu pranë legjendave të mëdha si Maldini, por dhe Leonardo është një nder i madh për mua. Shpresoj që të shpreh talentin tim në çdo ndeshje. Mund të them shumë gjëra, por dua t’ia lë fushës.

TRANSFERIMI – “Nuk mendoja se mund të realizohej kaq shpejt ky transferim. Përkrah meje kam Maldinin, të cilin e kam admiruar gjithmonë. Kam hedhur një hap përpara në karrierën time dhe shpresoj të arrij të luaj mirë me Kutronen. Duam të shënojmë shumë gola bashkë dhe shpresoj që gjithçka të shkojë mirë. Milik? Ai është në formë shumë të mirë. Unë mund të luaj me një gjysmë sulmues në krah. Shpresoj të fitojmë kundër Napolit.”

KONTAKTI ME MILANIN – “Futbolli është i papritur. Besoja se do të kishte interes për mua pas 13 golave të shënuar në Serie A, por nuk e prisja që të ndodhte nga Milani.”

SAN SIRO – “Të luash në këtë stadium është fantastike. Jam i përqendruar te puna ime dhe do jap maksimumin për të dhënë më të mirën time dhe për të shënuar gola.”

FESTIMI – “Ky është stili im dhe kur shënoj, qëlloj (bën shenjën e pushkës). Diçka e tillë më vjen në mënyrë spontane. Ëndrra? Dua të luaj në Champions Ligë me Milanin.”

TIFOZËT – “Për mua është një kënaqësi shumë e madhe që të luaj për Milanin dhe do të jap maksimumin për të shënuar gola me këtë uniformë.”

23-vjeçari është gati të nisë aventurën e re dhe ai pritet të debutojë me ekipin e “Djallit” në ndeshjen kundër Napolit në “San Siro”. Një akord që i kënaq të gjithë palët, por dikush nga Polonia ka vendosur të protestojë.

Andrzej Bolisega ka qenë trajneri dhe presidenti i Lechia Dzierzionov, klubi që rriti Piatekun. Sulmuesi kaloi aty 7 vitë, përpara se të transferohej drejt Zaglebie Lubin, Krakovias, Xhenoas e tashmë Milanit.

Një rregull i FIFA-s është i qartë: klubi mëmë që ka rritur një lojtar përfiton 5% të shumës së transferimit të tij, kur lojtari ndërron kampionat. Një gjë e tillë ndodh deri në momentin kur lojtari ka mbushur 23 vjeç (Piatek i mbushi me 1 korrik). Kjo bëhet për të inkurajuar klubet që të rrisin talente për të fituar më pas në një shitje të mëvonshme të tyre.

Bolisega ka zgjedhur një mënyrë origjinale për të protestuar me shpresën që mund të fitojë diçka nga kalimi i polakut te Milani. “I bëj thirrje publikisht FIFA-s për të ndryshuar dispozitat aktuale të 5% të shumës së transferimit të një lojtari. Një gjë e tillë duhet aplikuar për çdo transferim. I ftoj të gjitha skuadrat e futbollit të mobilizohen në mbështetje të Boniek (presidenti i federatës polake). Nuk është e drejtë që një klub që ka trajnuar Piatekun për 7 vite të mos përfitojë gjë nga transferimi i tij nga Xhenoa te Milani”, përfundon Bolisega, që aktualisht mban postin kryetarit të Bashkisë të qytetit ku ka lindur Piatek.

Shuma bazë e transfertës do të jetë 35 milionë euro, ndërsa marrëveshja ka dhe disa bonuse deri në 5 milionë euro që do të aktivizohen në bazë të paraqitjeve të lojtarit me “djallin”. Kontrata do të ketë një kohëzgjatje për 4 sezone e gjysmë. Ndeshja debutuese e 23-vjeçarit me Milanin do të jetë takimi i fundjavës në “San Siro” përballë Napolit.

Piatek do të marrë fanellën me numrin 9, që për momentin mbahet nga Gonzalo Higuain, por kalimi i argjentinasit në Angli, tanimë është thjeshtë një formalitet. Transferimi i polakut te Milani, përveç se do të bëjë të mundur kalimin e Higuain te Çelsi, do t’i japë “dritën jeshile” huazimit të Alvaro Moratës te Atletiko Madrid.

Marrëveshja është arritur dhe Enriko Preciozi, presidenti i Xhenoas, ka dhënë miratimin për këtë transferim. Leonardo ka punuar shumë gjatë kësaj periudhe, ndërsa ka marrë dhe konfirmimin e pronarëve të kuqezinjve; më shumë në aspektin financiar dhe rregullave të FPF (fair-play financiar), pasi kualiteti i Piatek nuk vihet në dyshim.

Mediat italiane bëjnë të sigurt akordin e arritur, ndërsa Andrea Bertolaçi do të përfshihet në marrëveshjen për kalimin e autorit të 13 golave në kampionat me ekipin e Gatuzos. Marrëveshja është arritur për një huazim me të drejtë blerje për shumën e 40 milionë eurove (do të paguhet në disa këste), por përfshirja e mesfushorit mund të bëjë që Milani të paguajë më pak në verë për sulmuesin 23-vjeçar.

Lojtari ndodhet në kuotën e 13 golave në Serie A (ka shënuar dhe 6 në Kupë), ndërsa tashmë do të luajë me Milanin në vazhdim. Marrëveshja nuk është zyrtare, por Leonardo ka arritur akordin me klubin xhenovez dhe Piatek do të vijë për të zëvendësuar Higuainin dhe për t’i dhuruar gola tifozëve të ”Djallit”.

Kohë më parë presidenti i Federatës Polake të Futbollit bëri një kompliment për Piatek, madje arriti të parashikonte të ardhmen e tij. Zizi Boniek u shpreh se po flasim për një djalosh që i ka të gjithë cilësitë për të luajtur në të ardhmen me Milanin, ose me Realin e Madridit.

Çelsi luan nesër derbin kundër Arsenalit, ndërsa të mërkurën është derbi tjetër kundër Totenhemit në Kupën e Ligës, aty ku Higuain do të debutojë me ekipin e ri. “Blutë e Londrës” kanë arritur akordin me Juventusin, ndërsa Milani ka miratuar këtë transferim.

31-vjeçari do të huazohet deri në fund të sezonit, ndërsa më pas do të rinovojë për një vit tjetër në bazë të prezencave dhe golave të shënuar. Nga ana tjetër, Milani është shumë afër blerjes së Kristof Piatek, i cili ka shënuar 13 gola në kampionat dhe gjashtë në kupë deri në këtë moment me ekipin ligur.

Leonardo po punon prej ditësh për sigurimin e shërbimeve të sulmuesit të Xhenoas. Braziliani është takuar në fshehtësi me presidentin Preciozi, siç raportojnë mediat italiane, ndërsa sot do të ketë takimin vendimtar me drejtorin sportiv Perineti.

23-vjeçari polak do të huazohet te Milani deri në fund të sezonit për t’u blerë në verë për shumën e 40 milionë eurove. Xhenoa ka pranuar këtë marrëveshje, por kërkon që Milani të jetë i detyruara ta blejë Piatekun në fund të sezonit, ndërsa kanë mbetur për t’u përcaktuar dhe pjesa e bonuseve. Të hënën luhet ndeshje Xhenoa-Milan, por sulmuesi nuk do të luajë për shkak të kartonëve.

Kuqezinjtë do të kursejnë 9 milionë euro vetëm nga paga e sulmuesit, ndërkohë që nuk do të paguhet po aq te Juventusi për huazimin në pjesën e dytë të këtij sezoni. Kështu për Leonardon janë mënjanë 18 milionë euro të kursyera me argjentinasin dhe tanimë duhet të mbyllë marrëveshjen për pasuesin e tij.

Kristof Piatek është sulmuesi që pritet të marrë rrugën për në Milano dhe sipas Gazetta dello Sport ai u ka thënë “po” kuqezinjve. Lojtari i Xhenoas vlerësohet nga Milani me shumën e 40 milionë eurove, ndërkohë që për t’u përcaktuar mbetet formula e pagesës së lojtarit.

Ndoshta do të veprohet si me Higuain, duke paguar një shifër të konsiderueshme për huazimin. Nga ana e Xhenoas gjithashtu ka interes për të arritur në një marrëveshje. Sa i takon kontratës së Piatek, me menaxherin e tij është biseduar për një kontratë 5-vjeçare.

Aktualisht sulmuesi përfiton vetëm 400 mijë euro te Xhenoa, ndërkohë që te Milani do të marrë fillimisht 1.8 milionë euro, për t’u rritur më pas në 2 milionë. Nesër pritet një takim me kuqeblutë, që pritet të vendosin për të ardhmen e “xhevahirit” të tyre, emri i të cili është lidhur edhe me klube të tjerë evropiane.

Kuqezinjtë pëlqejnë Kristof Piatek, sulmuesin polak të Xhenoas, për të cilin ka shprehur interes dhe Reali i Madridit. Zbulimi i këtij sezoni ka shënuar 13 gola në Serie A, ndërsa klubi ligur është pranë pranimit të ofertës së “Djallit”. Leonardo nuk ka udhëtuar me ekipin në Arabi dhe po punon për të arritur sa më shpejt marrëveshjen.

Milani është gati ta marrë në huazim 23-vjeçarin me të drejtë blerje në fund të sezonit për shumën e 40 milionë eurove. Xhenoa ka pranuar ofertën, ndërsa është gati ta zëvendësojë polakun me Mario Balotelin.

Negociatat me Milanit konfirmohen dhe nga Xhorxhio Perineti, drejtori sportiv i klubit ligur. “Nuk duam ta shesim tani Piatekun, por mund të lëkundemi nga një ofertë e konsiderueshme. Milani është i interesuar për lojtarin, por tani është ndeshja e Superkupës dhe ne nuk mund të presim deri në ditën e fundit të merkatos.”

Shumë ekipe interesohen për polakun e ekipit ligur, mbi të gjitha Reali i Madridit dhe Milani. Xhenoa po zhvillon fazën përgatitore në Mursia të Spanjës dhe vëzhguesit e Realit do të ndjekin nga afër paraqitjet e 23-vjeçarit.

“AS” raporton se vëzhgues të “Los Blancos” do të ndjekin miqësoren midis Xhenoas dhe gjermanëve të Vurzburger Kikers me qëllimin e vetëm: studimin e Piatek. Xhenoa kërkon 60 milionë euro për kartonin e sulmuesit, por Reali nuk është dakord me këtë shumë, aq më tepër në merkaton e janarit.

Nga ana tjetër Milani kërkon të sigurojë shërbimet e goleadori që në janar. Higuain është pranë largimit, Morata mund të shkëmbehet me Kaliniç, me kroatin në Londër dhe spanjollin në ekipin e Simoenes, kështu që kuqezinjtë kanë zgjedhur Piatek si pasardhësin e argjentinasit.

Megjithatë, ai dhe Maldini po punojnë në dy pista: një mesfushor dhe një lojtar ofensiv. Flasim për Stefano Sensin, 23-vjeçarin e Sasuolos dhe Janik Karrasko, 25-vjeçarin e Dalian Jifang. Nga ana tjetër, sot kanë dalë lajmet e kalimit të Gonzalo Higuain drejt Çelsit. Argjentinasi po mendon bashkimin me Sarrin, me të cilin kanë punuar dhe kaluar shumë mirë te Napoli.

Tratativa është e komplikuar, pasi në mes është dhe Juventusi, që zotëron kartonin e lojtarit. Nëse Pipita largohet, Milani do të niste ofensivën për sigurimin e njërit midis Alvaro Moratës dhe Kristof Piatek. I pari është pranë arritjes së akordit me Seviljen, ndërsa garës i është bashkuar dhe Atletiko e Madridit. Sa i përket sulmuesit polak, Piatek ka oferta të shumta dhe nuk do të jetë aspak e thjeshtë për t’ia shkëputur Xhenoas në këto momente.

Florentino Perez po punon për të gjetur elementë cilësorë dhe për të përforcuar ekipin e tij. Dëmtimet e Bejl dhe Asensios kanë reduktuar alternativat e repartit ofensiv dhe nevojitet medoemos një sulmues.

Emri i fundit që ka dalë në pah është Kristof Piatek. 23-vjeçari i Xhenoas është një nga zbulimet më të bukura të Serie A dhe polaku ka shënuar 13 gola në kampionat. Ai ndodhet i dyti në renditjen e golashënuesve, me një gol më pak se Kristiano Ronaldo i Juventusit.

“TeleMadrid” ka zbuluar lajmin dhe Perez i ka kërkuar homologut Preciozi huazimin e sulmuesit. 23-vjeçari është ndër më të kërkuarit në merkato, ndërsa Xhenoa e di mirë se nuk mund ta mbajë për shumë kohë në ekip. Italianët dëshirojnë të fitojnë sa më shumë nga ylli i tyre, ndërsa Reali e kërkon tashmë në huazim.

Paratë nuk janë problem për kampionët në fuqi të Europës, por ata kanë menduar të bëjnë këtë lëvizje për të mos patur probleme me FPF (fair-play financiar). Nga ana tjetër, polaku do ishte i lumtur të vazhdonte karrierën në “Santiago Bernabeu”, por gjithçka varet nga përgjigja e klubit të Xhenoas.

Dy janë emrat në listë: Kristof Piatek i Xhenoas dhe Pepe i Lilës. 23-vjeçari polak është i preferuari dhe siç citon iberikja “Sport”, Barcelona ka bërë ofertën e saj. Drejtuesit e klubit katalanas kanë ofruar një shumë midis 50-60 milionë eurove për golashënuesin e Serie A.

Për Piatek interesohen shumë klube me Napolin dhe Romën mbi të gjitha. Klubi i De Laurentis ka ofruar 35 milionë euro dhe ka fjalën e presidentit të Xhenoas, ndërsa verdhekuqtë kanë arritur akordin me agjentin e sulmuesit.

Barcelona i ka kaluar të gjithë për momentin, sepse ka bërë ofertën më të lartë. E vështirë për Preciozin të refuzojë shumën e ofruar dhe një ëndërr për polakun të transferohet tek ekipi i Mesit

Siç citon “Corriere dello Sport”, Monçi, drejtori sportiv i verdhekuqve, ka arritur akordin me menaxherin e 23-vjeçarit. Nga ana tjetër, Napoli ka ofruar 35 milionë euro për kartonin e tij dhe dëshiron ta mbyllë tratativën që në janar.

Presidenti i Xhenoas kërkon që lojtari të qëndrojë në ekipin e tij deri në fund të sezonit, por Enriko Preciozi i ka dhënë fjalën homologut të tij të Napolit, Aurelio De Laurentis. Nëse vendos ta shesë Piatek, Xhenoa do të bisedojë në fillim me Napolin.

Nga ana tjetër Roma ka akordin me menaxherin dhe pritet një garë e fortë midis dy klubeve. Xhenoa ndodhet në pozita të favorshme dhe shpreson që lojtari të vazhdojë të shënojë. Për Piatek interesohen dhe klubet e Juventusit, Barcelonës, Atletiko Madrid dhe garës i është bashkuar dhe Borusia Dortmund.

Piatek nuk e harroi vesin e golit as në kombëtare, ku shënoi golin e parë të ndeshjes në humbjen e Polonisë me rezultatin 2-3 përballë Portugalisë. Juventus, Bajern Mynih dhe Napoli kanë shprehur interesin e tyre, por siç citon “Gazzetta dello Sport”, Napoli e ka seriozisht dhe është gati të bëjë maksimumin për të siguruar shërbimet e sulmuesit.

Ançeloti dhe De Laurentis kanë mbetur të impresionuar nga paraqitjet e polakut dhe sensi i tij i golit, por Xhenoa dëshiron të përfitojë sa më shumë dhe i ka vendosur çmimin lojtarit. Presidenti Preciozi kërkon 60 milionë euro për kartonin e lojtarit, por homologu i tij te Napoli e cilëson këtë shifër tepër të lartë dhe ofron deri në 25 milionë euro.

Megjithatë, tratativat vazhdojnë dhe Napoli ka një tjetër plan për të bindur lojtarin të zgjedhë ekipin e Ançelotit. Te Napoli aktivizohen dy lojtarë të tjerë polakë si: Milik dhe Zielinski, të cilët do të bëjnë maksimumin për të bindur Piatek të bashkohet me ta te Napoli.

Enriko Preciozi, presidenti i Xhenoas, dëshiron ta mbajë lojtarin deri në fund të sezonit të Xhenoa, por nuk e përjashton mundësinë që ta shesë në janar për ta mbajtur huazim deri në verë. Shumë klube interesohen për Piatek, duke filluar nga Juventus.

Në garë është futur dhe Bajerni i Mynihut, ndërsa në dyert e Xhenoas ka “trokitur” dhe Napoli. Trajneri Karlo Ançeloti është interesuar personalisht për sulmuesin polak, me Napolin që është gati të paguajë 40 milionë euro për golashënuesin më të mirë të Serie A për momentin, citon “Gazzetta dello Sport”.

Momentalisht për të interesohet Interi, por problem është fakti se zikaltrit kanë lojtarë si Ikardi e Martinez. Gjithashtu edhe alternativa të tjera, mes tyre edhe Keita Balde. Por nëse në fund të sezonit do ketë ndonjë lëvizje në dalje, Piatek do ishte një blerje e zgjuar.

Juventusi nga na tjetër ka Manxhukiç për majën e sulmit dhe mbetet të shihet mirë se si do të zhvillohet Moise Kin. Ndoshta blerja e Piatek dhe lënia në huazim te Xhenoa do të ishte strategjia e duhur për të shkuar te sulmuesi polak.

Gjithsesi Roma është klubi që mendon seriozisht për sulmuesin 23-vjeçar. Ai shihet si zëvendësuesi ideal i Edin Xhekos, i cili në mars mbush 33 vjeç. Gjithashtu Patrik Shik nuk është ai i Sampdorias për momentin dhe te Roma po mendojnë t’i japin një rol kryesor Piatek.

Xhenoa ndërkohë nuk ka ndërmend ta shesë në janar, pasi presidenti Preciozi e di shumë mirë se në verë çmimi për të do jetë edhe më i lartë. Pak ditë më parë ai u shpreh: “Vetëm ta mendosh shitjen e Piatek është një çmenduri. Unë jam shumë i lumtur me të. E dinim që kishte cilësi të mëdha, është një talent i lindur, por nuk do të tregoja të vërtetën, nëse do të thoja që ‘E dija se do të shënonte kaq gola’. Megjithatë, mund të them që ne nuk nënshkruam direkt kontratë me të. E kam parë të luajë dhe ai është një sulmues, i cili shënoi 21 gola në kampionatin polak në sezonin e kaluar, në të gjitha llojet e mënyrave”.

Nga ana tjetër klubet italiane duhet të nxitojnë për ta blerë Piatek, pasi edhe klube si Bajerni i Mynihut dhe Barcelona janë të interesuar për të. Për polakun pritet të bëhet një ankand, por në fund është Xhenoa klubi që vendos.

Piatek është përshtatur në futbollin italian më shpejt sesa mendohej dhe në mënyrë të pabesueshme. Klube të mëdha europiane janë vënë në ndjekje të tij, madje flitet për një largim të sulmuesit në merkaton e janarit, por presidenti i Xhenoas, Enriko Preciozi, ka refuzuar në mënyrë kategorike shitjen e lojtarit, i cili ka një kontratë deri në vitin 2022 me klubin xhenovez.

“Vetëm ta mendosh shitjen e Piatek është një çmenduri. Unë jam shumë i lumtur me të. E dinim që kishte cilësi të mëdha, është një talent i lindur, por nuk do të tregoja të vërtetën, nëse do të thoja që ‘E dija se do të shënonte kaq gola’. Megjithatë, mund të them që ne nuk nënshkruam direkt kontratë me të. E kam parë të luajë dhe ai është një sulmues, i cili shënoi 21 gola në kampionatin polak në sezonin e kaluar, në të gjitha llojet e mënyrave”, përfundon kreu i klubit të Xhenoas.

23-vjeçari ka përfunduar në radarët e Barcelonës, por Piatek është i përqendruar të ndihmojë ekipin e tij dhe nuk i beson fjalëve që qarkullojnë.

“Nuk po mendoj për nisjen e mirë të sezonit, por vetëm të punoj në stërvitje dhe jam i përqendruar te ndeshja me Lacion. Nuk ka asnjë sekret, punoj fort në çdo stërvitje dhe bëj atë që më kërkon trajneri.

Polakët e Sampdorias më kanë folur për qytetin e Xhenovës dhe e kam kuptuar që do të ishte fantastike të jetoja në këtë qytet.

Nuk e di nëse është i vërtetë interesimi i Barcelonës, por unë mendoj se jo. Nuk jam Levandovski i ri, sepse unë luaj me Xhenoan dhe ai me Bajernin e Mynihut”, përfundon Kristof Piatek për “Sky Sport”.

Duke i shtuar dhe katër golat e shënuar përballë Leçes në ndeshjen e Kupës së Italisë me datë 11 gusht, Piatek është ngjitur në kuotën e shtatë golave të shënuar në tre ndeshje (Xhenoa ka për të zhvilluar dhe sfidën e shtyrë me Milanin). Polaku ka shënuar në tre ndeshje me shumë se çdo sulmues i Xhenoas gjatë sezonit të kaluar, duke parakaluar Lapadulën (6 gola), Pandev (5 gola) dhe Laksalt (4 gola).

Por, Piatek, i cili shënoi 32 gola me Krakovian në 63 ndeshje në elitën e futbollit polak, ka vendosur një rekord sa i përket pesë kampionateve kryesore në Europë. Për momentin, vetëm Sarabia i Seviljes ka shënuar shtatë gola, por sulmuesi spanjoll ka arritur atë shifër në 9 ndeshje të zhvilluara mes kampionatit, para eliminatoreve të Ligës së Europës dhe finales së Superkupës së Spanjës. Mbas tyre renditen emra të frikshëm si: Levandovski (6 gola), Benzema (5 gola), Aguero (5 gola), Mesi (5 gola) dhe Mbape (5 gola).

Është vetëm fillimi i sezonit dhe futbollistë të mëdhenj do të parakalojnë Piatek, por ai po shijon momentin e artë dhe Xhenoa është e lumtur për zgjedhjen e bërë për ti besuar majën e sulmit.