Keni fituar gjithçka në karrierën tuaj. A ndiheni i kënaqur me këto që keni arritur?

Vendosa të bëja një ndryshim vitin e kaluar. Lashë Realin pasi doja një motivim më shumë për karrierën time pas gjithë atyre që fitova në Madrid. Ishte një ndryshim i detyrueshëm, pasi besoja dhe besoj se kisha shumë më shumë për t’i thënë fansave, klubit tim të ri. Tani ndihem i motivuar dhe më pëlqen situata ku ndodhem. Natyrisht titujt janë gjëja që mua më shijon më shumë. Në sezonin e kaluar, falë zotit fitova tre të tillë: Kampionatin, Kupën me Juventusin dhe Ligën e Kombeve me Portugalinë. Kështu që mund të them se ishte një vit super.

A mund të jetë ky viti i Juventusit?

Çdo vit është viti i Juventusit, Realit, Barcelonës, por në një kompeticion si Champions League ka vetëm një fitues. Mund të marr shembullin e Barcelonës. Sa para kanë shpenzuar në pesë vitet e fundit duke blerë lojtarë të njohur dhe nuk e kanë fituar dot Champions-in. Nuk funksionin kështu. Juve është përforcuar tejmase. Jemi një ekip që mund të luftojmë denjësisht për trofeun. Megjithatë, ka shumë faktorë që hyjnë në mes. Shorti, grupet, forma e lojtarëve, dëmtimet dhe fati. Por gjithmonë kam thënë që s’duhet të fiksohemi pas Champions-it.  Juventusi do ta fitojë Championsin. Nëse jo këtë vit, të shpresojmë që vitin tjetër ose dy vite nga tani. Këtë e them duke marrë mënyrën se  si punohet dhe si planifikohet për të ardhmen.

I gjithë stafi i sigurisë ka ndërhyrë për të neutralizuar të riun e mes tyre edhe një polic, që është treguar disi i ashpër. Në momentin e kapjes së “pushtuesit” të fushës, është afruar Ronaldo me shpejtësi.

Me ardhjen e tij portugezi për një moment hidhet sipër policit. Më pas duke qeshur afrohet përsëri te shokët e skuadrës. Askush nuk mund t’i rezistojë momentit gazmor, madje as vetë policët.

Invasione di campo durante l’allenamento della Juventus in Cina ??

La reazione di Ronaldo è… ???? pic.twitter.com/M1j0Js4lqw

— Goal Italia (@GoalItalia) July 23, 2019

Një mënyrë shënimi që 34-vjeçari ka ngelur pak mbrapa nga Mesi, ndërkohë që ky i fundit e ka çuar në një dimension tjetër këtë model goli. Me rrjetën e fundit juventini shpreson të hapë serinë e shumë të tjerëve për të kapur Leon. Megjithatë në numra të përgjithshëm Ronaldo qëndron akoma më sipër mesit me 55 gola, kundrejt 48 të argjentinasit me goditje dënimi.

Përveç kësaj, diçka interesante është pikasur gjatë ndeshjes. Kristiano Ronaldo merr një pasim në mesfushë dhe përballë ka Brozoviç. Portugezi ekzekuton një finte, bën një lëvizje shmangëse e më pas kulmon me “no-look pass”. Brozoviç për pak momente është në kërkim të drejtimit, që mori sfera.

Dancing feet ?? CR7’s here for a show ? pic.twitter.com/fkQ1k3wTkd

— International Champions Cup (@IntChampionsCup) July 24, 2019

Majorga e ngriti përsëri para disa muajsh padinë, me Ronaldon që iu desh të mbrohej në gjykatat amerikane. Ditën e sotme ka përfunduar e gjithë kjo ”odise”. Trupa gjyqësore ka vendosur t’i japë fund kësaj çështje, duke shpallur Ronaldon të pafajshëm.

Në media është publikuar edhe dokumenti, ku shkruhen të gjitha argumentet pse sulmuesi i Juventusit është i pafajshëm. Arsyeja kryesore është mungesa e provave dhe mosgjetja e videos, që Majorga pretendonte se ekzistonte. Humbja e pamjeve e detyroi ish-të dashurën e Ronaldos të tërhiqej nga akuza.

Kristiano Ronaldo u transferua nga Sportingu i Lisbonës te Mançester Junajtid në vitin 2003, atëherë kur ishte vetëm 18 vjeç. Nëse Deportivo La Korunja do të kishte një buxhet më të madh, portugezi do të përfundonte në Galici.

Ekipi spanjoll kishte zbuluar talentin, por kërkesa e Sportingut ishte tepër e lartë. Detajin interesant e zbulon Augusto Sezar Lendoiro. Në një prononcim për “Idolos”, ish-presidenti i Deportivos tregon historinë, që mund të kishte ndryshuar totalisht karrierën e Ronaldos.

“Drejtori jonë teknik na sinjalizoi për Ronaldon, pasi e kishte parë nga afër. Unë, kur pashë videot e tij, u informova menjëherë për çmimin. Sportingu i Lisbonës më kërkoi 12 milionë euro. Ishte një çmim i shtrenjtë për klubin tonë. Rekordi ynë kishte shkuar deri në 6 milionë, që i investuam kur blemë Rivaldon. Kristiano ishte talent, por në atë moment nuk e dinim se deri ku mund të mbërrinte… ”, përfundon ish-presidenti i Deportivo La Korunjës.

Në pamje shfaqet Ronaldo dhe Higuain duke ekzekutuar një ushtrim, që donte shpejtësi dhe shkathtësi për të shmangur kundërshtarin. Nuk do shumë vëmendje që të dallosh diferencën mes dy lojtarëve.

Higuain është një “makinë” e dalë nga qarkullimi, ndërsa Ronaldo ecën me shpejtësinë e një 20 vjeçari. Ja pse nuk e duan “El Pipitan” në “Allianz Stadium”.

Higuain vs Ronaldo lol pic.twitter.com/MdeWAuzAW2

— Soccer (@Soccer70960452) July 16, 2019

https://twitter.com/Footy_Headlines/status/1151107086237032448

Shkak për këtë është bërë një marrëveshje që drejtuesit e Juventusit kanë firmosur me kompaninë japoneze “KONAMI”, e cila tani ka ekskluzivitetin e përdorimit të emrit në video-lojën e saj “PES 2020”.

Megjithatë, një lajm i mirë është se emrat dhe paraqitja fizike e lojtarëve nuk do të preket, pra në video-lojë do të mungojë vetëm emri dhe stema e klubit.

OFFICIAL: Juventus will be known as Piemonte Calcio in FIFA 20 after signing a deal with PES ?

How the tables have turned… pic.twitter.com/lVkW1Wmuqq

— FourFourTwo (@FourFourTwo) July 16, 2019

Shumë veta e quajnë egoizëm, por Dani Alvesh nuk e ka aspak këtë mendim. Ai e sheh si gjënë e duhur. Mendon se skuadrat duhet të punojnë për lojtarë si Ronaldo, Mesi apo Nejmar. Përmend rastin e argjentinasit, ku thotë se me të në fushë nuk mund të bëjë asgjë tjetër përveçse të pasojë sepse “pleshti” i bën të gjitha vetë.

“Skuadrat luajnë për Mesin dhe Ronaldon. Kjo gjë duhet të ndodhë edhe me Nejmar. Ata janë lojtarë të ndryshëm. Sa më shumë t’i shërbejë ekipi, ata aq më shumë përgjigjen me gola. Ky nuk është aspak egoizëm. Për shembull, unë e bëja këtë me Mesin. Me të skuadër, nuk bëja asgjë përveçse pasoja topin. Ai driblonte, ai dukej, ai shënonte”, u shpreh 36-vjeçari.

“Normale që një lojtar si ai të mungon. Ronaldo arrin të vendosë ndeshje i vetëm. Mendoj se transferimi i tij në Torino i gëzoi të gjithë. Klubin tonë që arketoi një shumë të madhe parash, por edhe Ronaldon, i cili dëshironte sfida të reja”, u shpreh Kros.

“Pas përmbysjes ndaj Atletiko Madridit mu krijua besimi se mund t’i shkonim deri në fund. Eliminimi ishte një moment shumë i errët. Kishim edhe dëmtime si Kielini. Kam luajtur pothuajse çdo ndeshje në një klub kaq të madh, kjo do të thotë diçka. Ne u konfirmuam si kampionë të Italisë dhe nuk është pak.”

“Ronaldo dëshiron të fitojë çdo ditë e më shumë, pavarësisht se ka arritur gjithçka. Ai punon më shumë se Ibrahimoviç. Ju siguroj se nuk është aspak i lumtur kur humbet. Kam një vit në kontratë dhe më pas mundësinë e rinovimit edhe për një tjetër. Jam mirë te Juventus”, u shpreh Matuidi.

Portugezi e ka një emër dhe ai është Hames Rodriges. Kolumbiani pritet të kthehet në Madrid këtë verë për t’u shitur më pas në një prej gjigantëve evropianë. Çmimi dysheme që Real i ka caktuar yllit të tij është 50 milionë euro. Ardhja e Hames Rodriges do të shtonte shumë cilësi në sulm. Megjithatë, nuk pritet të ketë shumë zhvillime në merkaton e kampionëve italianë deri në ardhjen e trajnerit të ri. Ai pritet të thotë fjalën e fundit për çdo lëvizje gjatë kësaj vere.

Andrea Pirlo e ka një mendim. Regjisori mendon se pas Juves, Kristiano do të largohet nga Evropa. Kampionati amerikan do të ishte një destinacion i mirë për të, sipas Pirlos. Italiani shprehet se ka qenë i befasuar nga lëvizja e portugezit në Itali.

“Nuk e di se ku mund të përfundojë. Ai ka edhe dy apo tre vitë në kontratë me Juventusin. Pas kësaj Amerika mund të ishte një destinacion i mirë. Kur u bashkua me Juventusin isha shumë i befasuar. Të blesh një lojtar si Ronaldo është tepër e vështirë, por ata ja arritën. Kristiano e përmirëson kampionatin italian. Ai mund të jetë një shtysë që yje të tjerë të mëdhenj të zbarkojnë në Itali”, deklaroi Pirlo.

Ylli portugez ka reaguar në rrjetet sociale, duke shkruar disa fjalë për fundin e aventurës 5-vjeçare me bardhezinjtë të trajnerit livornez.

“Faleminderit mister! Kemi kaluar së bashku vetëm një vit, por ishte i jashtëzakonshëm. Përveçse një trajner i madh, je edhe një njeri i madh. Ishte kënaqësi të punoja me ty”, shkruan Kristiano Ronaldo në faqen e tij zyrtare.

Nuk kanë munguar as komentet e lojtarëve të tjerë. Dibala ishte i pari që reagoi në rrjetet sociale, ndërsa e ndoqën edhe Barzalji, Kanselo dhe Kuadrado.

Për këtë ambicie të pashtershme të yllit të tij, ka folur trajneri i Juventusit, Masimiliano Alegri. Italiani nuk ka parë asnjëherë më parë një njeri me mentalitet më të fortë se Ronaldo. Thote se portugezi, përtej moshës, e gjen gjithmonë një synim për të arritur. Në fund e krahason me Ibrahimoviç dhe kënaqësinë e përbashkët të tyre.

“Ronaldo është njeriu me mentalitetin më të fortë që kam njohur. Çdo ditë ai gjen brenda vetes objektiva të rinj për të arritur. Ka fituar gjithçka dhe është 34 vjeç, por akoma ndihet i uritur për triumf. Ka një vendosmëri vdekjeprurëse. Të gjithë duhet të mësojnë nga ai.”

“Edhe unë kam mësuar sepse jo çdokujt i qëllon të punojë me lojtarin më të mirë në botë. Ronaldo ngjan me Ibrahimoviç. Ata të dy arrijnë kënaqësinë vetëm duke fituar ndeshjet, ndryshe nga dikush tjetër që kënaqet duke bërë një lëvizje të bukur apo edhe një gol”, përfundoi Alegri.

Dolores Aveiro ka postuar një foto të birit të saj me një mbishkrim në gjuhën spanjolle që krejtësisht i trilluar dhe qesharak.

“Kristiano është lojtari që ka shpëtuar Juventusin nga rënia dhe i rikthyer ata te fitimi i kampionatit pas 20 vitesh pritje. E pabesueshme. E pabesueshme”, lexohet në mbishkrim, ndërsa mamaja e futbollistit shkruan më poshtë: Krenaria ime, biri im.

Barezi i famshëm ka folur në programin “Tiki Taka” për duelin e madh që ekziston mes fenomenit të Barcelonës dhe yllit të Juventusit. Më pas një koment për Interin dhe hera e parë që bie dakord me Uanda Narën, gruan dhe agjenten e Mauro Ikardit.

Fotot e çiftit sollën kritika të shumta, por një tipi si Kasano as që ia ndjen për jetën private të të tjerëve. Rëndësi ka që Ikardi të shënojë gola, ndërsa jashtë fushave mund të bëjë ç’të dojë.

“Mesi dhe Ronaldo janë dy gjëra të ndryshme. Çdokush është me fat që po shijon numrin 10 të Barcelonës. Interi? Zikaltrit nuk janë Barça. Nuk kanë lojtarë që mbajnë topin dhe nuk mund të luajnë me dy lojtarë që nuk mbrojnë. Spaleti ka luajtur gjithmonë me një pykë. Po të isha unë, do i aktivizoja bashkë Ikardin me Martinez.

Fotot e Ikardit? Për herë të parë jam dakord me Uandën. Një person mund të bëjë çfarë të dojë me jetën e tij, mjafton që të luajë mirë dhe të shënojë gola në fushën e blertë.”

Ekipi nga Mançesteri fitoi 1-3 dhe u kualifikua për në finalen e madhe të Romës. Dy gola të shpejtë të koreano-jugorit Park dhe Kristiano Ronaldos vrisnin shpresat e “Topçinjve”.

Portugezi shënonte një gol fantastik. Një goditje dënimi rreth 40 metra dhe një ekzekutim perfekt. Asnjë shans për spanjollin Almunia, i cili dorëzohej përballë “predhës” së Ronaldos.

Portugezi shënonte edhe një tjetër gol në pjesën e dytë, ndërsa Van Persi ngushtonte rezultatin për vendasit. Në finale Junajtid do të përballej me Barcelonën e Guardiolës. Samuel Eto dhe Leo Mesi shënonin dy golat e triumfit katalanas në tokën italiane.

10 years ago today, Cristiano Ronaldo scored this goal!! ?? ? pic.twitter.com/XpCrEPZ5wC

— Football HQ (@FootbaII_HQ) May 5, 2019

“Daily Mirror” bën një renditje me futbollistët më të paguar të planetit. Listën e kryeson Lionel Mesi dhe direkt pas tij është Kristiano Ronaldo. Normalisht paga e këtyre të dyve mund të justifikohet për nivelin e futbollit që na kanë dhuruar prej më shumë se një dekade.

Lojtarët që habisin më shumë në këtë listë janë emra si Aleksis Sançez, Kutinjo, Garet Bejl apo Mesut Ozil. Këto lojtarë e kanë ndihmuar fare pak, për të mos thënë aspak ekipin, gjithsesi kjo nuk i pengon të futen në 10-shen e më të paguarve. Ja lista me futbollistët më të paguar:

10. Mesut Ozil (1,6 mln euro në muaj)

 9. Kilian Mbape (1,75 mln euro në muaj)

 8. Aleksis Sançez (2,30 mln euro në muaj)

 7. Filipe Kutinjo (2,35 mln në muaj)

 6. Garet Bejl (2,6 mln në muaj)

 5. Luis Suarez (3 mln euro në muaj)

 4. Nejmar (3,15 mln euro në muaj)

 3. Antuan Grizman (3,4 mln euro në muaj)

 2. Kristiano Ronaldo (4,8 mln euro në muaj)

 1. Lionel Mesi (8,5 mln euri në muaj)

Drejtuesit po punojnë për të përforcuar ekipin. Në këtë aspekt po ndihmon edhe Kristiano Ronaldo. Portugezi ka lënë shumë miq në Madrid dhe një pjesë e tyre do ishin gati ta kishin përsëri shok skuadre.

Kejlor Navas po kalon një sezon të vështirë, ashtu si i gjithë Reali i Madridit. Ardhja e Tibo Kurtua e ka ulur në stol portierin nga Kosta Rika. 32-vjeçari i përfundon kontrata me “Los Blancos” në fundin e sezonit të ardhshëm dhe rinovimi nuk ka ardhur ende.

Sipas raportimeve të “AS”, Ronaldo e ka ftuar gardianin të bashkohet me të te Juventusi. Ylli i bardhezinjve ka një konsideratë të madhe për Navas dhe e sheh si një përforcim me vlera për synimin e fitimit të Champions Ligës.

Të dy super yjet arritën numrin e 600 golave në karrierë për klube. Portugezi e çoi në 601 gola mbrëmë me atë kërcim prej basketbollisti në golin e barazimit 1-1 të derbit ndaj Torinos. Mesi nuk do ta ketë mundësinë ta rrisë numrin e golave këtë javë, pasi do të jetë pushim në pritje të aktit dytë te Champions ndaj Liverpulit.

Xhorxho Kielini, kapiteni i Juventusit ka komentuar dy “kanibalët” e futbollit të këtyre 15 viteve të fundit dhe jo vetëm. Mbrojtësi i cilëson të dy si jashtëtokësorë.

Ai i krahason me dyshen legjendare të tenisit, Roxher Federer-Rafael Nadal, të cilët po e dominojnë sportin e tyre, duke ndarë me njëri-tjetrin shumicën dërrmuese të trofeve “Grand Slam”, që organizohen në vende të ndryshme të botës.  Zvicerani Federer është tenisti me më shumë tituj të fituar në histori.

“Jemi me fat që kemi afërsisht të njëjtën moshë me Leon apo Kristianon dhe na është dhënë mundësia të luajmë me to. Mund t’i krahasosh ata me dyshen Ferderer-Nadal në tenis. Një ditë Kristiano është më i mirë dhe një ditë tjetër është Mesi. E vërteta është se ata janë dy jashtëtokësorë”, tha Kielini për “Sky Sport Italia”.

Futbollisti i Juventusit flet mbi suksesin e tij, presionin e madh që e shoqëron gjatë çdo ndeshje dhe mundësinë e një të ardhme në rolin e trajnerit.

Njerëzit presin shumë nga ju, si e përballoni këtë presion?
“Ka njerëz që presin shumë nga unë dhe të tjerë që dëshirojnë pafundësisht që unë të humbas një penallti ose të mos bëj mirë në një ndeshje vendimtare, gjithsesi kjo është pjesë e jetës dhe mua nuk më mbetet gjë tjetër përveç se të jem i përgatitur. Nuk e mohoj që ndonjëherë më bezdis kjo gjë. Është e vështirë. Presioni vjen dhe nga shokët e familja. Kjo më motivon natyrisht, por ka ndonjë moment që them: Ju lutem lërmëni të qetë”.

Ju pëlqen më futbolli?
E shikoj futbollin si një mision. Futem në fushë që të fitoj dhe të përmirësohem. Dikur futesha në fushë duke menduar vetëm për driblimet që mund të bëja. Kjo nuk ndodh më. Njerëzit janë gjithmonë duke më paragjykuar. Thonë për shembull: Është 33, 34, 35 vjeç, ka mbaruar. Kjo më bën që t’i provoj të kundërtën”.

Disa mendojnë se jeni kthyer një lloj roboti?
“Nuk mendoj se njerëzit më shikojnë ashtu, por ka shumë që mendojnë se unë jam një njeri që kurrë nuk ka probleme. Si një njeri që nuk trishtohet kurrë dhe s’ka asnjë shqetësim. Këta njerëz kujtojnë se po të kesh para nuk ke asnjë problem. E kuptoj që këta njerëz nuk mendoj njësoj si unë. Botëkuptimi i tyre është shumë i vogël. Disa prej tyre mezi presin që unë të bëj keq. Jam mësuar me këtë situatë në moshë shumë të re. Në 10 vitet e fundit gjithmonë kam pasur më shumë presion se çdokush tjetër. Fitova Topin e Artë në moshën 23-vjeçare, ndërsa më pas u bëra lojtari më i shtrenjtë në planet kur më bleu Reali”.

Cila është gjëja e parë që bën kur shkon në një klub të ri ?
Thjesht tregohem vetvetja, asgjë më shumë. Disiplina ime mbetet e njëjtë. Një atlet i zgjuar di çdo detaj që mund ta bëj atë më të mirë. Te Juventusi u përshtata në mënyrë perfekte. Ata e panë që unë nuk jam ndër ata që kam vetëm fjalë. Të folurit është diçka krejt tjetër nga të bërit. S’i kam fituar kot 5 Topa të Artë dhe 5 Champions”.

Raporti me Spanjën?
Populli spanjoll më ka trajtuar mirë. Investoj këtu dhe kam dëshirë të hap vende punë për ta, pavarësisht se jam pasur probleme të shumta me institucionet tatimore. Jam larguar me kokën lartë, e di se njerëzit më duan. Ata e dinë sa shumë unë i kam dhënë Realit, sigurisht edhe unë kam marrë shumë mbrapsht. Kur lëviz rrugëve më thonë: Hej, Kristiano hajde në shtëpi, këtu do të jetë gjithmoën shtëpia jote”, më pëlqen kur e dëgjoj këtë.

Përse keni kaq shumë fansa anembanë botës?
“Çdo gjë që kam e kam fituar falë aftësive të mia. Jam njeriu me numrin më të lartë ndjekësve në Instragram pasi shumë persona identifikohen me mua. Mendoj se motivohen nga unë”.

Keni bërë shumë shokë në futboll?
“Mund të them se po, por shiko ka diçka. Jetojmë në një botë të ndërlikuar. Nëse do pyesje një modele a ke shumë shoqe në modele, mund të hamendësosh se po, por në të vërtetë nuk është se ato darkojnë me njëra-tjetrën në shtëpi me modele të tjera”.

Në asnjë intervistë nuk jeni pyetur mbi mundësinë e një të ardhme si trajner ?
“Nuk e përjashtoj si mundësi”.

A e ke menduar që ta lësh futbollin në Barcelonë? Atje ka edhe plazh…
“ (qesh) Barcelona nuk është për mua. Kam shkuar disa herë atje dhe le të themi që njeziët nuk e përqejnë dhe aq shumë Kristianon. Gjithsesi po të marrësh parasysh rivalitetin është normale”.

Trajneri i portugezit te Juventusi, Masiliano Alegri ka komentuar dygolëshin e Mesit në mbrëmjen e djeshme. Ai mendon se arritjet e Mesit e frymëzojnë Ronaldon, në mënyrë që portugezi të rrisë nivelin e tij të përformancës. “Mesi është një stimul i mirë për Ronaldon. 600 golat e Leos kanë hapur një duel mes tyre. Kristiano do të frymëzohet për të ecur përpara në synimin e tij për të përfunduar si golashënuesi më i mirë i Serisë A”, u shpreh Alegri.

Mançester Siti, PSG dhe Juventus janë futur seriozisht në garë për të siguruar shërbimet e tij. Bardhezinjtë shihen më afër djaloshit. Fakti që Kristiano Ronaldo është atje e tundon Feliksin të veshë fanellën e Juves. Së fundmi lajmet nga Italia thonë se Ronaldo ka dhënë aprovimin e tij mbi blerjen e talentit.

Ylli juventin e pëlqen shumë 19-vjeçarin dhe e sheh si partnerin ideal për ta shoqëruar në sulm. Ai i ka thënë drejtuesve të përqëndrohen te Feliks. Çmimi i tij është një pëngesë e madhe pasi klauzola e largimit nga Benfika është 120 milionë euro. Megjithatë këto para Juventusi mund t’i sigurojë nga shitja e Paulo Dibalas, i cili shihet gjithnjë e më larg Torinos.

Djali më i madh i futbollistit portugez udhëhoqi drejt trofeut skuadrën e 9-vjeçarëve të Juventusit në një turne të zhvilluar në vendlindjen e babait te tij, në ishullin e Madeirës.

Në finale bardhezinjtë mundën me penallti bashkëmoshatarët e Atletiko Madrid. I biri i Kristiano Ronaldos ishte golashënuesi më i mirë i turneut me 9 gola, një arritje kjo që gëzoi shumë gjyshen e tij Dolores Aveiro që shpërndau në “Instagram” një foto të suksesit të skuadrës së nipit të tij.

https://www.instagram.com/p/BweUQitDJd-/?utm_source=ig_web_copy_link

Një prapaskenë mbi gjendjen emocionale të 34-vjeçarit e ka zbuluar mamaja e tij Dolores Aveiro për mediet portugeze gjatë një interviste: “Ishte i mërzitur, më tha: Mama, unë nuk mund të bëj mrekulli. Ai donte të shkonte sërish në finale, por në Champions i mungoi pak fati, ndërsa në kampionat gjërat po shkojnë mirë. Do ta provojë sërish. Jeta vazhdon”.

Kjo është hera e parë në nëntë vite që Kristiano nuk arrin në fazën e gjysmëfinaleve të Champions-it. Duhet të kthehemi pas në vitin 2010, kur Lioni eliminoi Real Madridin e Pelegrinit për të gjetur një Champions pa Ronaldon në gjysmëfinale.

Sipas ish-kapitenit të kombëtares shqiptare transferimi i Ronaldos te Juventusi nuk mund të quhet dështim, pasi portugezi ka shënuar shumë në Itali dhe ka treguar se di të bëjë diferencën në momente të rëndësishme siç ishte ndeshja ndaj Atletikos.

“Nuk mund ta quajmë dështim transferimin e Ronaldos te Juventusi. Ka shënuar shumë gola në Itali, ndërsa ka qenë vendimtar në ndeshje të rëndësishme si ajo ndaj Atletikos dhe ndeshja e parë me Ajaksin në Amsterdam. Ajo që duhet të merremi është gjendja e Juventusit në këto gjysmëfinale. Ana psikologjike e ekipit nuk ishte e duhura”.

“Mandzhukiç ishte një mungesë shumë e rëndësishme, Kielini gjithashtu. Nuk po them se Kielini do të ndryshonte lojën, por do t’i jepte një zë në mbrojtje që do të dinte si t’i mblidhte lojtarët. Gjithsesi, mendoj se Juventusi në një ditë të mirë do të luante shumë ndryshe nga sot”.

“Unë në Serie A kam mbërritur në vitin 2012. Pak vite më parë Juventusi ishte një klub që mezi kapte Champions-in. Në tetë vite janë kthyer në super klub kjo është merita e presidentit Anjelit dhe sot ai mban përgjegjësitë. Morën Ronaldon për të shkuar në katërshen e klubeve botërore. Në futboll ka dhe hapa fals, por jam i bindur se një ditë do t’ia dalin”.

Në 28 ndeshje “pleshti” ka gjetur 32 herë rrugën e rrjetës, duke qenë lojtari kyç në çdo ndeshje të katalanasve. Kjo ecuri e mirë ka bërë argjentinasi të thyejë një tjetër rekord të Kristiano Ronaldos.

Portugezi ka shënuar 19 gola në Itali, një shifër që do ishte e kënaqshme për çdo sulmues, por  jo për standardet që “CR7” na ka mësuar të shohim në dekadën e fundit. 34 vitet e luzitanit po bëjnë të vetëm, mjafton të themi se në dy sezonet e fundit ai nuk e ka kaluar shifrën e 30 golave.

415 – Messi is now the top goal-scorer ever in the Top 5 European leagues (415), ahead of @Cristiano (414). Legend. pic.twitter.com/JGxyP3Am61

— OptaJose (@OptaJose) April 3, 2019

Me golin që Mesi shënoi ndaj Vijarealit ai kaloi rekordin e Ronaldos përsa i përket golave të shënuar në pesë kampionatet elitare (Itali, Angli, Spanjë, Gjermani, Francë), duke shënuar regjistruar shifrën 415 finalizime. Për të kaluar rekordin e përgjishëm të Ronaldos, Mesit i duhen dhe tri gola të tjera, pasi portugezi ka shënuar në total 417 gola, po të marrim parasysh dhe tri golat e tij në sezonin 2002/2003.

Portugezi nuk u përmbajt në fund të ndeshjes dhe festoi njësoj si Diego Simeone në ndeshjen e parë. Ai iu drejtua tifozëve miq, me të cilët ka një raport shumë negativ që prej kohës kur ishte pjesë e Realit.

UEFA ka vendosur të hapë një hetim për këtë episod. Sulmuesi i Juventusit akuzohet për sjellje të pahijshme, ndërsa Komisioni i Disiplinës do të vendosë për dënimin apo jo të lojtarit me datë 21 mars.

34-vjeçari mund t’ia hedhë me një gjobë siç ndodhi me trajnerin e Atletikos (Simeone u gjobit me 20 mijë euro), por nuk përjashtohet as skualifikimi i tij me të paktën një ndeshje.

Goli i 25-të që portugezi shënon në portën e ekipit “colchoneros”, ndërsa në Spanjë kanë nisur polemikat për ndeshjen. Sipas raportimeve të “Mundo Deportivo”, një tifoz shpjegon se si goli i dytë i Ronaldos, që u konfirmua nga teknologjia, nuk e ka kaluar plotësisht vijën fatale.

Gjithçka mund të duket si fantazi, por tifozi tenton të shpjegojë se si është mashtruar me këtë episod, si në aspektin e vijave të portës, ashtu dhe në zvogëlimin e topit. Tifozi analizon me detaje gjithçka dhe beson fort se Oblak ia ka dalë të shpëtojë portën në rastin në fjalë.

¡¡¡ESCÁNDALO!!! ¡¡El segundo gol de la Juve no entró!! La tecnología de gol de la Uefa es una estafa y aquí se demuestra. pic.twitter.com/iVTpVKwlIR

— Rey Cholo (@Cholo14Rey) March 14, 2019

“Kristiano ishte mbresëlënës ditën e djeshme. U surprizova shumë pasi mendova se Atletiko do të kishte më shumë fuqi se aq, Juve i mori para dhe Kristiano pati një natë magjike me tre gola”.

“Siti dhe Juve janë kundërshtarë shumë të mirë,  Ajaksi ka shumë lojtarë të mirë, çdo skuadër mund të t’i bëjë gjërat e ndërlikuara. Neve na mbetet të përgatitemi siç duhet për ata që na pret në fazën tjetër”.

“Vuajtëm pak kur rezultati shkoi 2 – 1, por me golin e tretë gjithçka u bë më e thjeshtë. Kur kishim topin ishim në formën tonë më të mirë”, përfundoi Mesi.

Me tripletën e shënuar mbrëmë 5 herë fituesi i topit të artë eleminoi për herë të pestë në po aq përballje që ai dhe Grizman kanë pasur në kompeticionet e kontinentit të vjetër. Portugezi që nga viti 2015 e ka eleminuar francezin në çdo përballje si me klubet në Europë, edhe me Portugalinë e tij, duke u shndërruar në një “makth” për “yllin” e Atletikos.

Eliminohet në çerekfinale të Champions Ligës nga Real Madridi dhe Ronaldo në 2015.
Mundet në finale të Champions Ligës nga Real Madridi dhe Ronaldo në vitin 2016.
Mundet në finale të Kampionatit Europian nga Portugalia dhe Ronaldo në vitin 2016.
Eliminohet në gjysmëfinale të Champions nga Real Madridi dhe Ronaldo në vitin 2017.
Eliminohet në 1\8 e Champions Ligës nga Juventusi dhe Ronaldo në 2019.

“Majorga nuk ka shkuar në dhomën e hotelit për të luajtur letra. Ajo ka shkuar për të bërë diçka. Unë e njoh mirë djalin tim”, shprehet  64-vjeçarja, e cila beson te pafajësia e plotë e djali të saj. “Unë dua të shoh kush ka guxim që të vendosë fotografin e tij në profil për një javë dhe të vënë ‘zinxhirë’ për të, për Portugalinë, për ne dhe për unitetin e njerëzve që janë tanët”.- ka përfunduar e ëma e ish-lojtarit të Real Madrid.

Ronaldo ka folur në tetor lidhur me zërat që e lidhnin më këtë çështje, duke thënë se të gjitha këto janë lajme të rreme dhe kjo është vetëm një konçidencë. Tetorin e kaluar Kristano tha: “I mohoj të gjitha akuzat që janë përdorur kundër meje. Përdhunimi është një krim i neveritshëm që shkon në kundërshtim me atë që jam dhe që besoj”.

Gazetat kanë folur gjatë lidhur me këtë çështje dhe kanë akuzuar rëndë “yllin” portugez, duke bërë publike pamjet fotografike të cilat ishin kapur gjatë kohës që Ronaldo ishte duke kaluar disa vite më parë në Los Anxhelos.

Jyrgen Klop ka arritur të përmirësojë fazën defensive të ekipit, ndërsa faza ofensive është një spektakël më vete. Trajneri i “The Reds” ka folur për “El Mundo Deportivo”, duke zbuluar se kë preferon midis Leo Mesit dhe Kristiano Ronaldos.

“Kam vetëm një selfie në telefonin tim dhe e kam me Mesin. Edhe Kristiano ishte në dhomë kur e bëmë foton…” Përgjigje në stil dhe gjithçka është e thjeshtë për t’u kuptuar se kush është më i miri në botë sipas trajnerit gjerman.

Por, futbollisti më i mirë i historisë së futbollit është një tjetër. Ai është Pele dhe Klop nis e tregon adhurimin për legjendën braziliane. “Babai im më ka thënë gjithmonë se, pavarësisht nga ajo që njerëzit do të thonë në të ardhmen, Pele ka qenë më i miri. E kam takuar brazilianin në Botërorin e vitit 2006. Nuk jam tipi që nervozohem, por në atë moment po djersija si një i çmendur”, përfundon Jyrgen Klop, si gjithmonë i sinqertë dhe origjinal.

“I have one selfie on my smartphone. That’s with Messi. Cristiano was in the room, as well…” ?

Jürgen Klopp’s special Q&A at the @LFCFoundation Gala dinner premieres tonight. ??

? 21:30 GMT on LFCTV & LFCTV GO: https://t.co/DAxFjfdrlB pic.twitter.com/6aKseUcsE9

— LFCTV (@LFCTV) December 22, 2018

Sipas të dhënave të sajtit të njohur të statistikave “whoscored”, argjentinasi është në krye të listës përsa i përket golave të shënuar dhe asisteve. Dominanca e Mesit vazhdon dhe në aspektin e më shumë “pasave vendimtare” dhe golave nga goditjet e dënimit. Driblimet janë gjithashtu një aspekt i lojës ku Mesi “mbretëron” i qetë. Por, ka një aspekt ku renditet i dytë.

Bëhet fjalë për numrin e gjuajtjeve gjatë një ndeshje, ku listën e kryeson Kristiano Ronaldo. Megjithatë, kjo statistikë tregon se portugezi nuk është aq efikas sa Mesi, i cili edhe pse e godet më pak portën e kundërshtarit, shënon më shumë se sulmuesi i Juventusit.

“Zonja e Vjetër” kishte humbur jashtë shtëpie për herë të fundit në një ndeshje zyrtare kundër Sampdorias. Ishte 19 nëntori i vitit 2017, kur Juventus humbiste përballë dorianëve me rezultatin 3-2. Pas kësaj disfate ekipi torinez ka regjistruar 26 ndeshje pa humbje: 23 fitore dhe 3 barazime.

Diçka më herët regjistrohej dhe humbja e fundit në Champions. Ishte 12 shtatori i vitit 2017 dhe Barcelona e Mesit shkatërronte Juven me rezultatin 3-0 në “Camp Nou”.

Megjithatë, disfata nuk ka lënë një shije të hidhur në ekipin e Alegrit, që tashmë është gati pë nisë përgatitjet për derbin me Torinon. Kristiano Ronaldo ka reaguar në rrjetet sociale, duke komentuar: “Ndeshje e vështirë, objektiv i arritur. Vazhdojmë përpara së bashku.” Portugezi nuk ia doli të shënonte mbrëmë, ndërsa tifozët shpresojnë që ai të gjejë golin e parë në derbin e qytetit.

 

View this post on Instagram

 

Partita difficile, obiettivo raggiunto! Avanti tutti insieme! #finoallafine

A post shared by Cristiano Ronaldo (@cristiano) on Dec 12, 2018 at 3:29pm PST

Gjiganti suedez ka dhënë një përgjigje të shkurtër për “Fox Sports Asia” dhe diçka e tillë do të shkaktojë polemika. Sulmuesi i Los Anxhelos Galaksi ka bërë të qartë ndikimin e fortë të Realit të Madridit në çmimin prestigjioz.

“Tani e kemi të qartë që ka qenë Florentino Perez ai, i cili ka rivalizuar me Leo Mesin për ‘Topin e Artë’, jo Kristiano Ronaldo”, komenton Ibrahimoviç, i cili nuk nguron t’i qiajë si vendime “politike” dhe 5 “Topat e Artë” të fituar nga Kristiano Ronaldo, po aq sa ka dhe Leo Mesi.

Mes të dyve nuk ka patur kurrë simpati, por Ibra nuk ka as për Luka Modriç. As kroati dhe as portugezi i Juves nuk ishin pjesë e formacionit më të mirë të suedezit, i cili me shumë siguri mendon që “Topin e Artë” duhet t’ia jepnin vetëm dikujt: Zllatanit…

Shumë janë kënaqur dhe kanë qenë dakord me zgjedhjen e bërë, por ka dhe nga ata që janë kundër, madje nuk e kuptojnë një vendim të tillë.

Kristiano Ronaldo ishte një nga kandidatët kryesore, por 33-vjeçari nuk ia doli të fitonte çmimin për herë të gjashtë. Motrat e tij, Elma dhe Katia, kanë reaguar në rrjetet sociale. E para më e ashpër dhe e drejtpërdrejtë, ndërsa e dyta e zhgënjyer, por më e përmbajtur. Të dyja kanë zgjedhur të njëjtën foto, ku shfaqet vëllai i tyre në një nga Topat e Artë të fituar.

ELMA – “Për fat të keq jetojmë në një botë të kalbur, mes mafies, parasë dhe këlyshëve të k… , por unë dhe njerëzit e tjerë nuk kemi parë gjë akoma. Pushteti i Zotit është më i madh se këto kalbësira. Zoti vonon, por nuk gabon.”

KATIA – “Futbollisti më i mirë në botë… për këdo që merr vesh nga futbolli, sigurisht. Jam e shqetësuar për të ardhmen e futbollit.”

 

View this post on Instagram

 

Infelizmente isto é o Mundo k se vive ?da podridão , máfia e do filha da puta do dinheiro ?mas eu é mt gente irá ver muita coisa , justiça , e o poder de Deus é mt maior que essa podridão toda ?Deus tarda mas não falha ?

A post shared by Elma Aveiro (@elma_oficial) on Dec 3, 2018 at 1:32pm PST

 

View this post on Instagram

 

Melhor jogador do mundo ….. para quem entende de futebol ,claro …#tou preocupadacomofututodofutebol #melhordomundocr7 #cr7 #boladeouroédele #museucr7 #futeboléele #deusnocomando?

A post shared by Katia Aveiro (@katiaaveirooficial) on Dec 3, 2018 at 1:46pm PST

Stoiçkov luante me Barcelonën dhe arriti të dërgojë Bullgarinë në gjysmëfinalet e Botërorit të zhvilluar në SHBA. Dështonte përballë Baxhos dhe Maldinit për të kaluar në finalen e madhe dhe dilte me kokën ulur përballë Maldinit në një tjetër finale të madhe, finalen e Ligës së Kampioneve (Milan-Barcelona 4-0). Megjithatë, ai ia doli të shpallej më i miri dhe t’i dhuronte emocione e krenari Bullgarisë së tij.

Sonte është nata e Luka Modriç. Në ndryshim nga Stoiçkov, ai është i “ftohtë”, i thjeshtë dhe modest, përveçse i super talentuar. 33-vjeçari kroat i Realit të Madridit ka arritur të thyejë “duopolin” Mesi-Kristiano Ronaldo. Dyshja e famshme kishte ndarë midis tyre 10 trofetë e fundit, ndërsa mesfushori arriti t’i jepte fund diçkaje të tillë.

Lajmi është zbuluar përpara zhvillimit të ceremonisë së ndarjes së çmimit. Një foto e renditjes përfundimtare ka filluar të qarkullojë në rrjetet sociale gjatë orëve të fundit, duke i dhënë fund përpara kohe dilemave të fituesit të “Topit të Artë” 2018.

Modriç është një nga futbollistët më të mirë në botë dhe e meriton pa dyshim këtë vlerësim. Unik në rolin e tij, cilësi dhe inteligjencë futbollistike të një niveli të lartë dhe shumë sakrifica për ekipin dhe shokët e skuadrës mes përulësisë dhe kilometrave pafund të përshkruara.

Talenti i tij është natyral, por puna për të mbërritur deri këtu nuk ka qenë e lehtë. Profesionalizëm dhe perfeksionim i stilit të lojës në mënyrën më të thjeshtë të mundshme, me pak fjalë një futbollist “bio”. Gjithmonë njësoj, çdo ndeshje e më mirë. Kroati vjen nga një sezon i pabesueshëm! Champions-i i tretë rresht i fituar me Realin e Madridit dhe nënkampion bote me Kroacinë.

Të paharrueshme ndeshjet epike të ekipit kroat në Rusi, udhëhequr nga Daliç në pankinë dhe Luka në fushë. Lideri i heshtur ka fituar të gjithë çmimet individuale këtë vit, duke u shpallur lojtari më i mirë i Botërorit 2018, fitues i çmimeve të FIFA-s dhe UEFA-s për lojtarin më të mirë të vitit dhe tashmë fitimi i “Topit të Artë”.

Një lojtar, të cilin thjesht e adhuron dhe askush nuk guxon të thotë të kundërtën, pavarësisht ekipit me të cilin luan. Sonte është 3 dhjetori 2018, është nata e Luka Modriç dhe ai e meriton absolutisht…

Afrikani zbulon preferencën e tij, ndërsa nuk i kursen elozhet për Kristiano Ronaldon. Portugezi është më i miri në botë në rolin e tij dhe përshtatja e lehtë më Serie A në moshën 33-vjeçare e ka befasuar Drogbanë.

“Nëse do të kisha mundësinë për të votuar, do të kisha shprehur preferencën time për Mbape. Mendoj se Kristiano Ronaldo është sulmuesi më i mirë në qarkullim për momentin, do të qëndrojë dhe për disa vjet, edhe pse të imponohesh në një kampionat tjetër, veçanërisht në atë moshë, nuk është aspak e thjeshtë. Fati që nuk ndodhet mes kandidatëve të fitimit të ‘Topit të Artë’ është vetëm rastësi“, përfundon ish-bomberi nga Bregu i Fildishtë.