Ata e kanë rrahur dhe kërcënuar me jetë 42-vjeçarin, por pa arritur ti marrin para apo sende të tjera. Personat janë larguar me motorat e tyre, ndërsa agjenti i lojtarëve ia ka hedhur paq. Akoma nuk dihet nëse ka qenë një tentativë grabitje, apo thjeshtë një kërcënim për Lipin.

Në lidhje me këtë lajm ka reaguar dhe Bobo Vieri, i cili ka një miqësi të fortë me Daviden. “Po çfarë rrahje, Davide i ka kapur në grushte dhe ata ja kane mbathur me të katra nga frika”, ka komentuar ish-sulmuesi në rrjetet sociale.

45-vjeçari ka dhënë një intervistë për anglezen “The Sun”, ku tregon për “jetën e re” dhe të ardhmen e tij. Bobo pret të shtohet me vajzë për një javë, zbulon planin e ri muzikor si dixhej, ndërsa tregon ëndrrën që kishte i vogël.

Vieri jep mendimin e tij për merkaton dhe çmimet e lojtarëve dhe zbulon një prapaskenë të një oferte nga Anglia. Nëse nuk do ishte bërë futbollist? Bobo e tregon dhe ka një përgjigje vërtetë interesante.

MUZIKA – “Për një javë lind vajza ime, zbavitem me miqtë e mi, me të dashurën, punoj dhe marr kohën time nga dita në ditë. Muzika? Quhet BOBO DJ show: është një producent muzike, një këngëtar dhe një trombë, që është e mrekullueshme kur e dëgjon live. Kjo është muzika që më pëlqen, muzikë ‘house’ dhe po sillemi nëpër Itali, por kemi marrë oferta dhe nga Europa. E nisa në gusht, stërvitem dhe studioj çdo ditë, duke u përkushtuar për disa orë të mira. Është e vështirë, por kur nis një gjë nga e para nuk është aspak e thjeshtë. Më pëlqen të miksoj muzikën e ABBA, Barry White dhe hite të tjera të viteve ’70.”

ITALIA – “Kur isha fëmijë në Australi ëndërroja të luaja në Serinë A dhe të arrija në kombëtare. Të luash për kombin tënd, besoj se është niveli më i lartë në të cilin një atlet mund të arrijë, në çdo lloj sporti. Kur vishja bluzën e Italisë, zemra më rrihte akoma më shumë dhe nuk arrija të mbushesha me frymë nga emocionet.”

MERKATO – “Askush nuk të drejton një pistoletë në kokën e një klubi. Kanë para, bëjnë llogaritë e tyre dhe blejnë atë që duan. Kjo është vetëm merkato, një merkato shumë e madhe, jo vetëm për turnetë dhe trofetë, por dhe për bluzat e shitura, biletat e ndeshjeve dhe të drejtat televizive. Klubet e mëdhenj duhet të blejnë lojtarë të mëdhenj, kështu ka qenë gjithmonë dhe kështu do të jetë. Nuk mund të ketë një tavan rrogash.”

PRAPASKENA – “Diskutuam me Çelsin, që kishte marrë Sven Goran Erikson, me të cilin kisha punuar te Lacio. Por, në fund qëndrova te Milani, sepse isha i lumtur aty. Premier është një kampionat shumë fizik, ndërsa në Itali është më e thjeshtë, sepse nuk merr shumë shkelma. Cfare do bëja pa futbollin? Ne Australi rritesh duke luajtur kriket, nese nuk do luaja futboll do isha goditësi më i mirë në botë në kriket. Ose tenisti më i mirë në botë.”

Kristiano Ronaldo – “Nëse diskutojmë Ronaldon, unë çohem dhe iki. Duhet ta lëmë të qetë Kristianon, por në Itali jemi të aftë të kritikojmë dhe një futbollist si ai, për një problem që nuk ekziston. Ai ka shënuar gjithmonë shumë gola dhe dëshiron të vazhdojë të shënojë. Nëse do të kishte patur pak më shumë fat, sot do të kishte shënuar pesë gola ne tre ndeshjet e para. Rastet i ka patur, por topi nuk ka dashur të futet brenda.

Juventus duhet të mësojë ta vendosë në pozita për të shënuar, ndërsa atij i duhet të përshtatet. Ai është më i forti nga të gjithë dhe goli do vijë herët apo vonë. Seria A është e ndryshme nga La Liga, por Ronaldo do i shënojë golat e tij. Nuk e di se sa, por do të shënojë. Për mendimin tim, ai duhet të luajë gjithmonë me Dibala dhe Dagllas Kosta, por është trajneri ai që vendos.”

Napoli – “Është e nevojshme të ndërrosh disa lojtarë, por Napoli nuk luajti në mesjavë dhe nuk ishte momenti i duhur për të bërë ‘turnover’ këtë ndeshje. Milik është një sulmues i fortë, por nuk mund të bënte gjë me Sampdorian, sepse u furnizua pak dhe gjatë gjithë kohës markohej nga dy lojtarë. Megjithatë, ai mbetet një sulmues i madh.”

Inter – “Zikaltrit nuk mund të konkurrojnë me Juven, por ata duhet të kualifikohen çdo vit në Champions. Naingolan më pëlqen, sepse është i fortë, ka kualitet teknik dhe një gjuajtje të frikshme. Kam kaluar gjashtë vite intensive dhe të bukura me Interin dhe nuk e di nëse do të sqarohem ndonjëherë me Moratin, por nëse më fton për kafe, do të pranoj.”

Kutrone – “Ai është një lojtar i ri i mirë, por nuk e shoh në fushë bashkë më Higuain, të paktën në teori. Janë të dy qendërsulmues, por mund të luajnë bashkë ndonjë 10-minutësh si të premten kundër Romës.”

Gara për titull – “Nuk ekziston asnjë anti-Juventus në Itali. I vetmi ekip që ndodhet në lartësinë e bardhezinjve është Napoli, por do të jetë shumë e vështirë për të konkurruar për titull.”

Kombëtarja – “Mançini është një trajner i aftë, ka eksperiencë dhe ka qenë një ndër futbollistët më të mirë italianë. Ai e di se çfarë duhet të bëjë dhe ka grumbulluar shumë të rinj, që është gjëja më e rëndësishme. Duhet kohë, por Italia do të kthehet të jetë Italia.”

“Ronaldo erdhi në Itali në moshën 33-vjeçare dhe njerëzit thonë që është i vjetër, nuk do të shënojë sa sezonin e kaluar, por të gjithë janë tërbuar për faktin që Juventus e bleu dhe vazhdon të jetë ekipi më i fortë në Itali.

Ai më kujton Ronaldo brazilianin. Fenomeni ishte i papërmbajtshëm, të bënte të çmendeshe dhe shënonte çdo të diele. Kristiano i ngjan shumë, ka shënuar mbi 600 gola, 50 vitin e kaluar, me të majtën, të djathtën dhe në çdo mënyrë”, përfundon 45-vjeçari italian në një prononcim për “DAZN”.