Kristian Ronaldo

Leo dhe CR7 pranë zbritjes nga froni, ja dhjetë futbollistët e rinj më të mirë

Sport Ekspres — Thu, 16 May 2019 17:00:49 +0000

Mbretërimit të skenës futbollistike nga Leo Mesi dhe Kristiano Ronaldo dalëngadalë po i vjen fundi. Dy “mitet” e këtyre 15 viteve të fundit e kanë dominuar futbollin gjithë këto kohë. Por çdo gjë e ka një fund. Mosha e tyre i ka kaluar të 30-tat dhe nuk premton shumë. Futbolli do këmbë të forta dhe mendje të freskët, diçka që e ofrojnë vetëm talentet e rinj që po dalin me shumicë dhe pritet të marrin në zotërim skenën pas tërheqjes së dhimbshme të Leos e Kristianos.

“ESPN” ka bërë një sondazh se kush janë lojtarët U-21 më të mirë të momentit. Votat e marra nga publiku janë kombinuar me opinionin e ekpspertëve të kësaj medie dhe kanë dalë në një përfundim. Tre vendet e para janë zënë nga Kilian Mbape, Xhejdon Sanço dhe Matijs De Ligt.

Francezi është golashënuesi i dytë në Evropë pas Mesit dhe e ka vendosur emrin e tij si një element potencial për të tashmen dhe për të ardhmen e futbollit.

Xhejdon Sanço është thesari i Dortmundit. Anësori 19-vjeçar është një nga më të mirët në qarkullim në pozicionin e tij dhe ka shifra të frikshme si në gola dhe në asistime. Vlera e tij në merkato kap 114 milonë euro.

Xheidon Sanço

Matijs De Ligt është fituesi në fuqi i çmimit “Golden Boy”. Një nga kapitenët më të rinj në histori. Mbrojtës klasi dhe një lider i lindur. Vetëm 19-vjeç.
Lista e dhjetë lojtarëve më të mirë U-21 sipas “ESPN”:

Kilian Mbape, PSG, Francë
Xhejdon Sanço, Borusia Dortmund, Angli
Matijs De Ligt, Ajaks, Holandë
Trent Aleksandër-Arnold, Liverpul, Angli
Kai Havertz, Bajer Leverkusen, Gjermani
Vinisius Zhunior, Real Madrid, Brazil
Frenki De Jong, Ajaks, Holandë
Xhanluixhi Donaruma, Milan, Itali
Markus Rashford, Mançester Junajtid, Angli
Luka Joviç, Ajntraht Frankfurt, Serbi

Perez flet mbi shitjen e Ronaldos: Morëm atë që deshëm, ofertat ishin të pakta

Sport Ekspres — Fri, 21 Sep 2018 16:56:31 +0000

Florentino Perez ka thyer heshtjen duke folur për herë të parë në lidhje me largimet e trajneri Zinedin Zidan dhe kryegolashënuesit të “Los Blancos”, Kristiano Ronaldo. Në një intervistë për medien spanjolle “OK Diaro”, presidenti i Real Madrid u shpreh se çdo person ka të drejt të zgjedhë të ardhmen e tij.

“Kristiano Ronaldo dhe Zidan zgjodhën të largoheshin, pasi ndanin mendime të ndryshme nga ne për të ardhmen e tyre. Ronaldon mund vetëm ta falenderojmë për atë çfarë ka bërë për klubin tonë. Ai do të jetë gjithmonë në shtëpinë e tij këtu në Madrid”

“Është e vërtetë që Ronaldo kishte një klauzolë largimi prej 1 miliardë eurosh, por te Reali klauzolat nuk vendosen për t’u paguar. Ato janë me çmime aq të larta për të larguar blerësit e mundshëm. Ronaldo ishte transferta më e shtrenjtë e vitit. Mendoj se ishte një marrëveshje e mirë për klubin tonë, pasi morëm atë që kërkuam dhe asgjë më pak, ndërkohë që duhet thënë se ofertat për të nuk ishin të shumta”, përfundoi Perez.

Ronaldo është “Zot”, ky tregues flet më së miri

Sport Ekspres — Sun, 05 Aug 2018 12:15:49 +0000

Tifozët e Juventusit janë “çmendur” pas transferimit të Kristiano Ronaldos. Të gjithë duan fanellën e tij dhe shifrat e shitjeve që janë regjistruar deri më tani tregojnë diçka që nuk ishte parashikuar nga askush. Të gjithë e duan fanellën me numrin “7” të Kristiano Ronaldos dhe brenda 3 javëve janë shitur 55 mijë bluza.

Një shifër mjaft e lartë. Po të kthehemi një vit pas në kohë, ishin shitur 41 mijë fanella të portugezit brenda një sezoni, ndërkohë që tanimë ajo shifër është tejkaluar brenda tre javëve.

Tashmë nuk gjen dot një fanellë origjinale të Ronaldos, por shumë shpejt do të dalin në treg të tjerat. Me këto ritme pritet që deri në fund të vitit të arkëtohen rreth 65 milionë euro nga shitjet e bluzave.