Në një situatë akoma më të keqe ndodhet Kristi Qose, i cili ndeshet në Sofie ndaj skuadrës së Levskit që mundi Ruzomberokun në Sllovaki rezultatin 2 – 0. Transferta më e lehtë në letër është ajo e Elis Bakajt. Shahter Soligorsk, ekipi sulmuesit kryeqytetas udhëton drejt Maltës, ku do ndeshjet me Hibernian të cilët i mundi 1 – 0 në ndeshjen e parë në Bjellorusi.

Egzon Binaku nuk aktivizohet prej më shumë se dy muajsh te Norkoping për shkak dëmtimi. Mbrojtësi është rikthyer në stolin e skuadrës suedeze dhe ndoshta sot mund të marrë në fushë, teksa presin në tokën nordike irlandezët e Seint Patriks, të cilët i mundën 2 – 0 në transfertë.

Fitore mori dhe Norrkopingu i Egzon Binaku. Skuadra suedeze mposhti me rezultatin 2 – 0 në transfertë irlandezët e Seint Patriks. Mëngjarashu u rikthye në fushë pas thuajse 2 muajsh, kjo për shkak të një dëmtimi të pësuar në muajin maj.

Në ndryshim nga Binaku e Bakaj, Kristi Qose dhe Endri Çekiçi kanë dalë nga fusha me kokën ulur. Ruzemberoku i Qoses u mund 2 – 0 nga vizitorët e Levski Sofies. Të njëjtin fat ka pasur dhe Çekiçi me Olimpian  e Lubjanës, ku në fund të 90 minutave skuadra sllovaku u mund si pritëse nga letonezët e RFS-së.

Korçarit, edhe pse i është dashur të presë të veshë fanellën e kombëtares,  nuk i ka humbur besimi dhe ka vazhduar të punojë. “E kam pritur me padurim debutimin. Gjithsesi nuk e kam pasur problem. Edhe në të shkuarën me ekipet kam pasur durim, kam punuar. Më dha shansin trajneri. Shpresoj të shkoj mirë dhe të vazhdojmë kështu”.

Xhaka dhe Ndoj ishin në nxehje, por trajneri Edi Reja zgjodhi Qosen të zbriste në fushë. Edhe pse dy mesfushorët luajnë në klube më të rëndësishme, nuk u aktivizuan. Mesfushori, i pyetur nëse kjo ishte një shenjë e madhe besimi ndaj tij prej trajnerit, deklaroi: “Ndoshta është kështu. Trajneri në atë pjesë të lojës kishte nevojë për një lojtar me tipare mbrojtëse, prandaj më aktivizoi mua. Shpresoj që edhe unë të shkoj shumë shpejt në një kampionat më të fortë”.

E ARDHMJA – Qose ka bërë një sezon të mirë në Sllovaki, madje edhe duke shënuar shpesh. Në lidhje me të ardhmen ai tha: “Shpresoj të ndryshoj skuadër,  po pres menaxherin. Kam dy oferta, por nuk janë akoma zyrtare. Deri më tani ka vetëm bisedime, fjalë. Ende nuk është hapur merkatoja. Serie A, dëshira? Patjetër, por mendoj se është shumë e vështirë të kaloj aty nga kampionati sllovak. Ndoshta Serie B ose Kroaci, të shohim”.

Mesfushori ia doli të mposhte portierin kundërshtar me një goditje të fortë brenda zone dhe me golin e realizuar i çoi shifrat në 3-1, duke i dhënë qetësinë e duhur skuadrës së tij që mori tre pikë të arta dhe renditet në vendin e tretë që të çon në kupat e Europës. Për Qosen ky ishte goli i shtatë në kampionat këtë sezon.

CIKALLESHI – Akhisarspor është me një këngë jashtë Superligës turke, pasi sot është mundur me rezultatin 0-2 nga Jeni Malatiaspor në shtëpi. Sokol Cikalleshi luajti 90 minuta, por nuk mundi dot që të shpëtonte skuadrën e tij të shmangte humbjes.

Skuadra e sulmuesit shqiptar renditet në vendin e fundit, kur kanë mbetur edhe tre javë kampionat. Diferenca prej tetë pikësh me Gëztepe, ish-ekipin e tij, veç në sajë të një mrekullie mund të rikuperohet. Praktikisht Akhisarspori është i rënë.

Dy janë emrat e konfirmuar. Mesfushori Kristi Qose dhe qendërmbrojtësi Marash Kumbulla. I pari luan në Sllovaki dhe po spikat me Ruzemberok. Ky është sezoni i dytë me këtë klub dhe po bën mjaft mirë. Edhe pse mesfushor me tipare mbrojtëse, korçari ka arritur të shënojë edhe gjashtë gola.

Është vetëm 23 vjeç dhe në të shkuarën ka qenë pjesë edhe e Shqipërisë U21, si dhe ka debutuar me kombëtaren e madhe në qershor të vitit 2014 në një miqësore me San Marinon. Asokohe e ftonte De Biasi, tanimë është bindur edhe Panuçi, një tjetër italian.

KUMBULLA – Qendërmbrojtësi shtatlartë është aktivizuar rregullisht me Shqipërinë U17 dhe U19, ndërkohë që së fundmi përfundoi edhe në shënjestrën e Alban Bushit te Shpresat. Këtë herë do të bëjë kapërcimin e madh dhe pritet që të jetë pjesë e kombëtares së madhe.

Marash Kumbulla ka mbushur në shkurt 19 vjeç dhe është pjesë e Hellas Verona, klub që po lufton për t’u ngjitur në Serie A. Vjet u grumbullua në pesë takime në ekipin e tij, që garonte në elitën e futbollit italian. Sivjet ka luajtur vetëm një ndeshje, por është një lojtar me potencial. Fakti që Verona në nëntor e blindoi me një kontratë deri në vitin 2022 tregon më së miri se kemi të bëjmë me një futbollist me potencial.

Një gol i rëndësishëm që i dha qetësinë e duhur Ruzomberok, ekip që renditet në vendin e katërt në kampionatin sllovak. Goli dhe paraqitja e tij janë vlerësuar në Sllovaki, teksa mesfushori është përfshirë në formacionin më të mirë të javës së 19-të.

Për Qosen ishte goli i gjashtë sezonal në kampionat dhe mesfushori është shënuesi i dytë më i mirë në skuadër. Korçari sigurisht nuk e kishte menduar se do të arrinte të shënonte kaq shumë, duke qenë një mesfushor me tipare mbrojtëse. Gjithsesi ia ka dalë me sukses dhe me shumë mundësi në verë pritet të transferohet në një kampionat më të fortë.

Ofertat nuk i kanë munguar dhe dëshira e tij është e  madhe që të transferohet në Serie A, një kampionat që sipas 23-vjeçarit i përshtatet për stilin e lojës. Ëndrra tjetër e madhe është marrja e një ftese nga kombëtarja. De Biazi e ka ftuar disa vite më parë, kur ai ishte një nga më të spikaturit te Shqipëria U21.

Mesfushori korçar shënoi në fund të pjesës së parë, por kryesuesit e kampionatit baraspeshuan gjithçka në fraksionin e dytë të lojës. Një pikë për Ruzomberok dhe fjalë të mira për Qosen. Por jo vetëm kaq.

Futbollisti 23-vjeçar është përzgjedhur edhe në formacionin më të mirë të javës së 16-të. Paraqitja e bërë, e shoqëruar edhe me gol, është vlerësuar në Sllovaki. Për Qosen ishte ndeshja e 14-t, ndërkohë që deri më tani ka arritur të shënojë edhe pesë gola.

Në Sllovaki ka gjetur veten dhe 23-vjeçari ka objektivat e tij, që i tregon në një intervistë të dhënë për “SportEkspres.com”. Qose tregon rritjen e tij, “sekretin” e formës dhe dëshirën e madhe për të veshur fanellën e kombëtares sërish.

Në vitin 2014 luante kundër San Marinos dhe De Biazi i dha një shans korçarit, i cili pret sërish të kthehet te kuqezinjtë. Një temë diskutimi me mesfushorin ishte edhe e ardhmja dhe Serie A është kampionati i preferuar. Po lojtari të cilit i ngjan. Taulant Xhaka.

INTERVISTOI: VLADIMIR PRENGA

Kristi, prej tre sezonesh luani në Sllovaki dhe po bëni mirë. Si ndiheni atje dhe cili është sekreti i formës tuaj?
-Ndihem shumë mirë këtu në Sllovaki. Të gjithë më respektojnë shumë. Nuk është se kam ndonjë sekret për paraqitjet e mia, veç stërvitjes që bëj me shokët e mi dhe individualisht.

Në të shkuarën keni luajtur në Greqi, keni provuar te debutoni edhe në Superligë me PAOK-un. Asokohe patët mundësinë të luanit edhe me kombëtaren. Çfarë mbani mend nga ai grumbullim dhe debutimi juaj?
–E mbaj mend shumë mirë atmosferën fantastike nga tifozët, edhe pse ishte vetëm një ndeshje miqësore.

Ju mungon një atmosferë e tillë? E prisni sërish një ftesë dhe a keni pasur ndonjë kontakt me anëtarë të stafit të kombëtares këto kohë?
-Po e pres ftesën me padurim. Nuk është se kam pasur kontakte këto kohë, por dua patjetër ta përjetoj sërish një atmosferë të tillë në një ndeshje zyrtare të kombëtares.

Sa besoni se mund të vijë ky moment?
-Shpresoj të ndodhë shpejt, por nuk e kam problem edhe të pres. Më mirë vonë, se sa kurrë.

Kalimi në një kampionat më të fortë ndoshta do t’iu ndihmonte…
-Kam pasur disa oferta, madje edhe zyrtare. Por klubi i ka refuzuar. Shpresoj të kem edhe ndonjë tjetër në janar.

Ku do kishit dëshirë të luanit në të ardhmen, në cilin kampionat mendoni se do e kishit më të lehtë të përshtateshit?
-Kam dëshirë që të luaj në Itali dhe mendoj se i kam mundësitë të aktivizohem atje.

Çfarë ka ndodhur me ju, pasi edhe po shënoni shpesh gola?
-Po luaj në pozicionet “6” ose “8”. Kështu, kur më jepet shansi të ngjitem në zonë e bëj. Gjuaj nga larg sa herë që më jepet mundësia. Deri më tani më ka ecur dhe kam shënuar.

Sa ju ka ndihmuar kjo eksperiencë në Sllovaki për t’u rritur si lojtar?
-Më ka ndihmuar shumë. Këto tre vite i kam luajtur të gjitha ndeshjet, edhe në Europa League. Shpresoj të transferohem shumë shpejt.

E mendoni një rikthim në Greqi?
-Për momentin nuk e mendoj. Fillimisht dua të jem i suksesshëm me ekipin tim këtu. Po pres ftesë nga kombëtarja dhe një transferim në ndonjë ekip të fortë.

Nisur nga stili i lojës, me kë lojtar mendoni se ngjani. Po i preferuari juaj kush është?
-Më pëlqen Taulant Xhaka dhe mendoj se edhe stilin e lojës e kemi të njëjtë.

Korçari ka luajtur me Shqipërinë U19 dhe U21, ndërkohë që ka debutuar në moshë të re me PAOK-un në Superligën greke. Panserraikos ishte stacioni i radhës për Qosen, i cili më pas u huazua te Zemplín Michalovce në Sllovaki.

Një sezon aty dhe më pas u transferua te Ružomberok. Është sezoni i dytë me këtë klub. Vjet arriti të luajë 33 ndeshje, ku vetëm në njërën hyri si zëvendësues. Futbollisti 23-vjeçar shënoi edhe dy gola.

SEZONI AKTUAL – Qose po bën një kampionat shumë të mirë, ndërkohë që ka treguar se e njeh mirë edhe portën. Një ditë më parë ai shënoi në barazimin 1-1 në transfertë me Slovan Bratislava, ekipin që kryeson kampionatin.

Për të ishte goli i pestë sezonal, një shifër mjaft e mirë për një lojtar që luan në mesfushë. Sa i takon aktivizimit, nga 16 ndeshje të zhvilluara deri më tani në kampionat, Qose ka zbritur në fushë në 14 prej tyre. Në verë i përfundon kontrata dhe do të duhet të vendosë se ku do të luajë në të ardhmen.

https://www.instagram.com/p/BqmRqtjBoDC/?utm_source=ig_web_copy_link