“Firo” te Kukësi, largohet ish-lojtari i Tiranës

Sport Ekspres — Thu, 20 Jun 2019 13:24:47 +0000

Kukësi humb një nga të rinj e afruar para dy sezonesh. Mesfushori Kristi Joti, i dalë nga akademia e Tiranës, është larguar dhe ditën e sotme ka falënderuar klubin verilindor për dy vitet që ka kaluar me ta. Joti u testua në verën e vitit 2018 dhe ish-trajneri Mlladen Milenkoviç dha “Ok”-in për të.

Futbollisti 21-vjeçar u aktivizua në vetëm 6 ndeshje si zëvendësues në sezonin e parë, kurse verën e shkuar Kukësi vendosi ta huazonte te Tomori. Edhe në Berat luajti po aq ndeshje, por si titullar. Aty u largua para kohe dhe i rikthye te Kukësi.

Tashmë Joti largohet dhe do të vijojë karrierën në tjetër klub. Mesfushori qendror ka oferta nga Kategoria e Parë dhe i duhet të zgjedhë se ku do të aktivizohet. Me shumë rëndësi është që të luajë rregullisht dhe të tregoje vlerat e tij.

Nga Kukësi te Tomori, huazohet mesfushori

Sport Ekspres — Wed, 22 Aug 2018 11:09:53 +0000

Tomori kërkonte një mesfushor qendre dhe e ka gjetur atë në Superiore. “SportEkspres.com” mëson se beratasit kanë marrë në huazim Kristi Jotin, një futboll me cilësi, por që te verilindorët nuk pati shumë hapësira. Nga ana tjetër kërkesa e tij për t’u larguar nuk është pranuar.

Kukësi kështu ka vendosur ta huazojë mesfushorin, që tanimë në Berat do të mund të luajë dhe të tregojë vlerat e tij. Verilindorët nuk duan të heqin dorë nga i riu dhe t’u ndodhë si me Fjoart Jonuzin, i cili u mor nga Laçi falas dhe është një titullar i rëndësishëm i bardhezinjve sot.

Futbollisti 20-vjeçar u aktivizua vjet në gjashtë ndeshje kampionati si zëvendësues. Gjithashtu është angazhuar edhe në tre ndeshje kupe. Joti si lojtar është formuar te Tirana, klub që e pat grumbulluar atë para dy sezonesh në një ndeshje të kampionatit.