Bavarezët prej kohësh janë në kërkim për dy sulmues krahu, por po hasin vështirësi. Sane duket çdo ditë e më larg. Siti çdo ditë e më shumë i ngre çmimin gjermanit, me Bajernin që ka limitet e veta. Kallum Hadson-Odoi mund të quhet çështje e mbyllur. Lampard e ka bindur anglezin të rinovojë me Çelsin.

Kristal Palas e vlerëson rreth 80 milionë euro Zahan dhe Bajern e disponon këtë shumë. 26-vjeçari duket se do përfundojë në Bundesliga. Edhe Bejl flitet se do vijë ne “Allianz Arena”. Me ardhjen e mundshme të kësaj dysheje, Bajerni do ishte i frikshëm për çdo ekip në botë.

Djaloshi ka rënë shumë në sy edhe me aftësitë e tij për të luajtur në çdo pozicion të sulmit. Kristal Palas është klubi që ndodhet më afër shërbimeve të talentit. Nise dëshiron të fitojë sa më shumë nga shërbimet e tij. Kristal Palas e di mirë këtë gjë dhe ka gati një ofertë mjaft të majme për klubin francez.

Sipas “Daily Mail”, anglezët kanë ofruar plot 30 milionë euro për San Maksimin, me Nisën që duket se nuk do të rezistojë dot. Në ditët në vijim pritet mbyllja e këtij transferimi, me lojtarin që do ishte i lumtur të ishte pjesë e një kampionati si Premier Liga.

Afrikani pëlqehet shumë nga Ole Gunar Solskjaer, trajneri i Mançester Junajtid, ekip në të cilin Zaha luajti një sezon. Në fakt vetëm 28 minuta dhe aspak më shumë. David Mojes nuk e preferonte fare atë.

Në një prononcim për “Daily Mail”, sulmuesi sulmon ashpër klubin nga Mançesteri. Ai mund të luajë në çdo ekip, por jo më për “Djajtë e Kuq”.

“Mançester Junajtid u përpoq të më shkatërronte mua dhe karrierën time. Kur u lashë jashtë listës së Champions Ligës dhe në vendin tim u thirr Adnan Januzaj, i cili nuk kishte luajtur asnjë minutë me ekipin e parë, e kuptova që bëhej fjalë për një situatë shumë më serioze seç e imagjinoja. Çdo gjë kishte shkuar përtej arsyeve sportive. Nuk flitej më për futboll ose aftësi, por çfarë mund të bëja unë i shkreti?”, komenton Vilfrid Zaha.

Ndeshja u vendos nga dygolëshi i Rahem Sterling, i cili u ngjit në kuotën e 17 golave në kampionat, një më pas se Mohamed Salah dhe dy më pak se Sergio Aguero.

15 minuta rezistuan vendasit. Kevin De Brujn dha një asist fantastik (nuk e dhuronte një të tillë që nga maji i vitit të kaluar) për Sterling, i cili finalizoi me sukses. Dyfishimi erdhi në minutën e 63’. Aksion i gjatë dhe i shpejtë i miqve. Topi i goditur nga Sane u devijuar saktë nga Sterling.

Kristal Palas nuk u dorëzua dhe arrit të hapë takimin nëntë minuta përpara fundit të ndeshjes. Luka Milivojeviç shkelmoi bukur një goditje dënimi dhe mposhti portierin Ederson.

Emocionet u shtuan, por Gabriel Zhezus vulosi fitoren e ekipit të Guardiolës me golin e shënuar në minutën e fundit. Kundërsulm i shpejtë, asist i De Brujn dhe braziliani nuk fali.

Mançester Siti është rikthyer në vendin e parë me 83 pikë dhe shpreson në një ndihmë nga Çelsi që do të përballet me Liverpulin në “Anfield”, ndeshje që nis në orën 17:30.

Kristal Palas-Mançester Siti 1-3
(Milivojeviç 81’ / Sterling 15’, 63’, Gabriel Zhezus 90’)

Një metode e duhur për të rritur lojtarët e rinj dhe për të ulur shpenzimet e klubeve të vogla. Ideja u dha nga Mark Brajt, i cili është menaxheri i ekipit U23 të Kristal Palas. Ai u ka dërguar një letër të gjitha klubeve që marrin pjesë në League One, League Two dhe National League, ku shpjegon thelbin e kësaj iniciative.

Lojtarët do të huazohen falas dhe klubet duhet të respektojnë marrëveshjen duke i siguruar atyre zbritjen në fushën e blertë. Nëse kjo nuk ndodh për shkaqe të ndryshme nga dëmtimi i lojtarëve, atëherë, ata do t’i paguajnë Kristal Palasit një dëmshpërblim, që do të jetë i barabartë me gjysmën e shumës javore të huazimit.

Risia e klubit anglez pritet të ndiqet dhe nga klube të tjera dhe kjo mund të jetë një shans i mirë për të rritur të rinjtë e moshave, por dhe një frymëmarrje financiare për klubet e kategorive të ulëta, të cilët nuk do të kenë më nevojë të paguajnë për huazime, por do të mjaftohen që lojtarët të luajnë.

Pjesa e parë u mbyll pa gola, ndërsa Pereira kaloi vendasit në avantazh në minutën e 53’. Një kundërsulm i shpejtë i Uotfordit dhe Kapoe pasoi drejt argjentinasit, i cili shënoi një gol të bukur. Dyfishimi erdhi në minutën e 71’ me anë të Holebas. Greku shmangu bukur një lojtar në krahun e majtë të sulmit dhe nisi një krosim drejt zonës, por topi përfundoi në rrjetë duke çuar peshë tifozët vendas.

Miqtë reaguan mbas shtatë minutash me të zakonshmin Zaha. Veprimi individual i sulmuesit, i cili futet bukur në zonë dhe shënon golin e nderit për Kristal Palas. Ndeshja nuk pati më gola dhe Uotfordi ngjitet në kuotën e nëntë pikëve, ndërsa Kristal Palas mbetet në kuotën e tre pikëve.