Kovaçiç

Çelsi mbyll marrëveshjen, 50 milionë euro për blerjen e radhës!

Sport Ekspres — Thu, 27 Jun 2019 08:03:40 +0000

Çelsi duket se ka finalizuar blerjen e dytë pas Kristian Pulisiç, me blutë e Londrës që do të shpenzojnë plot 50 milionë euro.

Bëhet fjalë për Mateo Kovaçiç, për të cilin ishte në garë edhe Interi, me zikaltrit që ëndërronin rikthimin e bujshëm të kroatit.

#Kovacic will stay at @ChelseaFC: agreement with @realmadrid for a permanent deal, €50M (bonus included) @SkySport @SkySportsPL @SkySportsNews

— Gianluca Di Marzio (@DiMarzio) 26 juin 2019

Gjithsesi, duket se gjithçka është mbyllur sipas asaj që raporton Di Marzio, me londinezët që kanë derdhur në arkat e Realit plot 50 milionë euro dhe Kovaçiç do të firmosë përfundimisht me Çelsin.

Sa zhurmë te Interi, po mendohet rikthimi i bujshëm

Sport Ekspres — Sun, 09 Jun 2019 07:32:36 +0000

Mateo Kovaçiç është i gatshëm të rikthehet te Interi, raporton “La Repubblica”. Emri i kroatit është në qendër të vëmendjes së skuadrës zikaltër. Bisedimet midis drejtuesve të Interit dhe atyre të Real Madridit kanë nisur, me “Los Blancos” që duken të bindur për vlerën e mesfushorit.

Kovaçiç vlerësohet me 60 milionë nga Reali i Madridit, shumë për të cilën po negociohet. Gjithashtu, Interi po synon të bëjë një marrëveshje indirekte, pasi po mendohet për një huazim me të drejtë blerje për 25-vjeçarin, i cili kaloi dy vite e gjysmë në San Siro, para se të bashkohej me Realin e Madridit në vitin 2015.

Kovaçiç kaloi sezonin e shkuar në huazim në klubin e Premier Ligës, Çelsi dhe duket se nuk është në planet e Zinedin Zidan. Gjatë sezonit 2018-19, Kovaçiç luajti plot 51 ndeshje në të gjitha kompeticionet. Në pothuajse 3100 minuta, ai shënoi dy gola dhe ishte pjesë e formacionet të Çelsit që fitoi Europa League.

Çelsi në udhëkryq, fate të ndryshme për Kovaçiç dhe Higuain

Sport Ekspres — Fri, 17 May 2019 21:11:43 +0000

Javët në vazhdim do të jenë shumë të sikletshme për drejtuesit e skuadrës së Çelsit. Disa kontrata me futbollistë të mitur kanë sjellë që UEFA ta dënojë klubin londinez me pezullim të merkatos së verës dhe dimrit që vjen.

Megjithatë, shpresa e fundit e londinezëve është “CAS”. Krahas procesit ligjor “blutë” e Londrës u duhet të punojnë ne negociata me klube të ndryshme, gjithmonë me shpresë se nga Zvicra do të vijë lajmi i shumëpritur.

Për fatin e mirë të ekipit anglez, dy të huazuarit Gonzalo Higuain dhe Mateo Kovaçciç bëjnë përjashtim nga pezullimi i UEFA-s pasi në kontratat e tyre janë vendosur klauzola blerjeje të cilat e kanë marrë parasysh këtë situatë të veçantë.

Sipas “Goal.com”, kroati Kovaçiç ka bindur gjatë qëndrimit në Angli dhe negociata për të kanë filluar, megjithatë situata është krejt ndryshe për Gonzalo Higuain. Argjentinasi pritet të rikthehet te Juventusi, ndërsa reparti i sulmit do t’i besohet francezit Olivier Zhiru, i cili është shumë pranë arritjes së një marrëveshje rinovimi.

Huazimi i Kovaçiç te Çelsi, Reali merr vendimin për kroatin

Sport Ekspres — Tue, 04 Dec 2018 16:53:03 +0000

Mateo Kovaçiç verën e këtij sezoni kaloi nga Reali i Madridit në drejtim të Londrës, për të veshur fanellën e Çelsit. Sezoni deri tani ka qenë pozitiv për kroatin, i cili ka marrë shumë minuta dhe është një titullar thuajse i padiskutueshëm te blutë e Londrës.

Mesfushori përfundon periudhën e huazimit në fund të këtij sezoni dhe parashikohet që të rikthehet në Madrid, por sipas asaj që raporton prestigjiozja spanjolle “AS”, kroati nuk do të qëndrojë te Reali. Madrilenët duket se nuk e kanë pritur mirë sjelljen e Kovaçiç në verë dhe kanë vendosur që ta largojnë këtë të fundit.

Destinacioni më i mundshëm pritet të jetë pikërisht Çelsi, pasi blutë duket se e konsiderojnë mjaft të vlefshëm mesfushorin 24-vjeçar dhe mund të futen në diskutime me Realin për blerjen përfundimtare. Marrëdhëniet midis dy klubeve gjithashtu janë mjaft të mira, mjafton të kujtojmë transferimet e Moratas apo Kurtua këtë verë.

Kovaçiç “thumbon” Realin: Më në fund jam në një skuadër që më vlerëson

Sport Ekspres — Sun, 19 Aug 2018 08:50:51 +0000

Mateo Kovaçiç do të luajë sezonin e ri te Çelsi pas një huazim 1-vjeçar nga Real Madrid. Mesfushori kroat është më i lumtur se kurrë për këtë lëvizje, pasi në tri vite te Reali, ngrohu më shumë stolin sesa preku fushën e blertë. Por, gjithsesi kemi të bëjmë me vetëm një huazim dhe 24-vjeçari do të rikthehet sërish në Madrid në fund të sezonit.

Por, Kovaçiç duket se e ka ndarë mendjen. Mllefi që ai ka grumbulluar për skuadrën spanjolle duket qartë në një intervistë të tij për mediet kroate, ku thotë.

“Pas tri vitesh, ku kam luajtur rrallë te Reali, më në fund jam pjesë e një skuadre që më vlerëson dhe më një trajner që beson shumë te aftësitë e mia, prandaj zgjodha të shkoj te Çelsi. Dua të arrij sa më shpejt në maksimumin tim dhe të jap gjithçka për këtë klub”.

Ndoshta, Kovaçiç duhet të mendohet para se të flasë, pasi gazetarët në Madrid do t’ia kujtojnë çdo fjalë të pamenduar.

Kovaçiç drejt largimit, gati huazimi në Angli

Sport Ekspres — Tue, 07 Aug 2018 11:32:41 +0000

Mateo Kovaçiç mund të jetë lojtari i radhës që do të largohet nga Real Madrid. Dje u raportua se kroati nuk ndihet mirë në Madrid dhe ka resuar që të dalë në stërvitje, duke i shytuar zërat e largimit.

Sot “Marca” raporton se ka ardhur një propozim nga Anglia, me Çelsin që ka nisur negociatat për të huazuar mesfushorin. Tekniku Sarri ka shprehur dëshirën për ta pasur në ekip dhe drejtuesit menjëherë kanë nisur negociatat.

Mësohet se marrëveshja është drejt përfundimit dhe me shumë gjasa 24-vjeçarin edicionin e ri do ta shohim në bluzën e “bluve” të Londrës. Kovaçiç nuk ka gjetur shumë hapësira tek kampionët e Europës dhe koj gjë e ka shtyrë që të kërkojë një aventurë të re. Kroati në të shkuarën, përveç se me Realin, është aktivizuar dhe tek Dinamo Zagreb dhe tek Interi.

Kovaçiç do largimin, Klop e pret krahëhapur

Sport Ekspres — Wed, 30 Aug 2017 14:02:54 +0000

Mateo Kovaçiç është i lumtur që luan te një skuadër e madhe si Real Madridi, por mendon se ka ardhur koha të jetë protagonist diku tjetër.

Sipas “Diario Gol”, mesfushori i talentuar kroat ka shprehur interesim për t’u larguar nga kampionët e Evropës. Ish-lojtari i Interit është shumë i zhgënjyer nga mungesa e minutazhit dhe dëshiron të luajë një rol kryesor në skuadrën e re, e cila me shumë mundësi do të jetë Liverpuli.

Trajneri Jurgen Klop do një mesfushë cilësore dhe Kovaçiç do të ishte blerja e duhur, ndoshta edhe pasues i Kutinjos në rolin e një lojtari ofensiv me sistemin 4-2-3-1.