Kotobelli

Në pritje të ofertave: Ja formacioni i lojtarëve pa kontratë

Sport Ekspres — Sat, 20 Jul 2019 14:42:41 +0000

Jemi në periudhë merkatosh. Futbollistë, agjentë, drejtorë e presidentë klubesh i janë drejtuar tavolinave të negociatave teksa përgatiten për sezonin e ri. Në krahasim me vitet e shkuara kemi një numër më të vogël lojtarësh pa kontratë. Megjithatë, vetëm me futbollistët e lirë mund të ndërtosh një formacion pretendent.

Një “gardian” si Enea Koliçi jep garanci absoluten në portë. Veliu dhe Turtulli janë një dyshe interesante për qendrën e mbrojtjes, ndërsa Gocaj dhe Kotobelli në krah janë lojtarë të sprovuar prej vitesh në ato role.

Mesfusha treshe me Jonuzin, Hilën dhe Behar Ramadanin është një trinom i kompletuar. Në krahë të sulmit Ngo dhe Fili garantojnë asiste të shumtë për shkodranin Sukaj, i cili tregoi te Flamurtari se në Superiore është i aftë të bëjë diferencën.

“Më mirë të humbësh duke luftuar!”, Kotobelli nuk e kursen Partizanin

Sport Ekspres — Sun, 24 Feb 2019 21:17:50 +0000

Humbja e së shtunës ndaj Partizanit nuk është përjetuar mirë nga lojtarët e Flamurtarit. Dalja me të kuqe e Andi Ribajt dhe disa vendime të tjera në dëm të skuadrës vlonjate ka sjellë që disa lojtarë të skuadrës vlonjate të reagojnë nëpërmjet rrjeteve sociale.

I fundit që e ka bërë këtë gjë është mbrojtësi Blerim Kotobelli. Në një foto të postuar në llogarinë e tij “Instagram”, mëngjarashi ka vënë mbishkrim shprehjen e mëposhtme:

“Me mir 1 humbje e luftuar se sa 1 fitore e dhuruar nga albitri…”

https://www.instagram.com/p/BuRw8Rug-oL/?utm_source=ig_web_copy_link

ZYRTARE/ Kotobelli firmos për Partizanin

Sport Ekspres — Fri, 09 Jun 2017 11:29:53 +0000

Blerim Kotobelli më në fund është zyrtarizuar si futbollisti më i ri i Partizanit. Pas disa ditësh të çuditshme, me mbrojtësin e talentuar që u duk pranë Shkëndijës së Tetovës, më pas u afrua dhe thuajse u zyrtarizua me Partizanin, para se gjithçka të anulohej, sot ka ardhur edhe firma, duke bërë që ish-mbrojtësi i Teutës të jetë përforcim zyrtar i Partizanit për sezonin e ri.

Në sezonin e fundit Kotobelli shkëlqeu te Teuta, ku prej 3 sezonesh aktivizohet me sukses, duke qenë një nga pikat më të forta të kësaj skuadre.

Këtë verë 24-vjeçari përfundoi kontratën në Durrës dhe vendosi të mos rinovojë, duke bërë një hap të madh përpara në karrierë, sepse te Partizani do të ketë mundësi të luajë edhe në kupat e Europës, duke parë problemet që kanë pasur të kuqtë në të majtë të mbrojtjes.

Sot Kotobelli është prezantuar, duke pozuar së bashku me dy menaxherët Andi Matraxhiu e Florin Biba, përfaqësues të agjencisë “E.F.A soccer management”. I pranishëm në ambientet e klubit të kuq ka qenë edhe Luçiano Moxhi, çka tregon qartë se merkatoja dhe operacionet zyrtare do të drejtohen prej tij.

Ndërkohë, klubi i kuq ka zyrtarizuar në faqen e vet zyrtare se Kotobelli ka firmosur një kontratë 1+1 dhe dot të mbajë numrin 15.

Kotobelli refuzon Partizanin

Sport Ekspres — Sat, 03 Jun 2017 13:44:18 +0000

Me hapjen e merkatos Partizani është kthyer në një kantier ndërtimi. Ekipi i “demave” mbetet ndër skuadrat më aktive në merkato. Të kuqtë po punojnë në drejtime të ndryshme dhe nga drejtuesit e deri te stafi të gjithë janë në shërbim të formimit të grupit. Merkatoja është e përqendruar në dy drejtime, në pritje të të besuarve të Moxhit dhe brenda vendit. Në kampionatin shqiptar emrat që përfliten që mund të kalojnë në drejtim të të kuqve janë Afrim Taku, Olsi Teqja, Bruno Dita dhe ndër më të kërkuarit Blerim Kotobelli. Futbollisti që ka mbyllur sezonin me Teutën ka pasur kontakte me Partizanin. Bisedimet kanë qenë të avancuara dhe palët kanë qenë shumë afër, por në fund ka ngecur sharra në gozhdë, pasi nuk është gjetur dakordësia përfundimtare. Marrëveshja mes palëve ka mbetur në fund dhe 24-vjeçari nuk ka pranuar kushtet e skuadrës së Partizanit. Ai tashmë nuk e sheh si një alternativë të parë, pavarësisht se merkatos nuk i dihet asnjëherë.

OFERTA – Partizani i ka paraqitur një ofertë në tryezë Kotobellit përmes edhe menaxherëve të tij. Futbollisti dhe grupi i tij që e menaxhon nuk e kanë pranuar dhe nuk kanë qenë të kënaqur nga kushtet e ofruara. Në kushte të tilla, mbrojtësi i spikatur po mendon për mundësi të tjera dhe nuk e sheh më ekipin kryeqytetas si mundësi të parë. Kushtet e ofruara nuk janë e vetmja arsye për mospëlqimin e tij, por edhe Moxhi ka pasur ndikimin e tij.

MOXHI – Këshilltari i presidentit Gaz Demi, Luçiano Moxhi, në mënyrë të pavetëdijshme i ka bërë “sparkatë” kalimit të mbrojtësit Kotobelli te Partizani. Italiani do të sjellë një nga lojtarët e tij në pozicionin e mbrojtësit të majtë dhe kjo ka “djegur” në sprint edhe skraparliun e Teutës. Si përfundim, marrëveshja mes të tyre është shumë e vështirë të ndodhë dhe tashmë pritet të shihet se kush do të afrohet nga Moxhi.