Kosova U19

U19 | Rusia e Greqia në grup, përballje zjarri për Kosovën e Shqipërinë

Sport Ekspres — Thu, 06 Dec 2018 09:55:47 +0000

Shqipëria U19 ka mësuar kundërshtarët dhe do të ketë një derbi me Greqinë. Kuqezinjtë janë në grupin 4, ku janë të përfshira dhe Belgjika me Islandën. Tashmë trajneri Nevil Dede duhet të nisë të mendojë për rivalët.

Edhe Kosova ka mësuar rivalët dhe do të jetë në grupin 5. Rusia dhe Polonia janë dy prej kundërshtarëve, ndërkohë katërshja plotësohet nga Uellsi. Një grup jo i lehtë edhe për Dardanët, që do mundohen të kualifikohen në Elite Round.

Gjithsej janë 13 grupe me nga 4 skuadra. Dy të parat në grupe kalojnë në Elite Round, ndërkohë edhe 4 vendet e treta më të mira përparojnë në fazën finale. Për Shqipërinë U19 dhe Kosovë U19 nuk do të jetë një mision i lehtë.

Merr fund aventura e Kosovës, sllovenët fitojnë bindshëm

Sport Ekspres — Tue, 16 Oct 2018 16:31:21 +0000

Përfaqësuesja U19 e Kosovës është mundur sot me rezultatin e thellë 4-1 nga Sllovenia. Me këtë humbje mbyllet dhe rrugëtimi i Kosovës në kualifikueset e Europianit të 19-vjeçarëve, ku ishin shortuar në grup me Hungarinë, Slloveninë dhe Austrinë.

Sllovenët shënuan dy gola të shpejtë me Matkon dhe Prelecin në fundin e pjesës së parë. Golin e vetëm të takimit për Kosovën e shënoi Limani në minutën e 54-të, duke çuar shifrat në 2-1, rezultati ky qëndroi vetëm për tri minuta pasi sllovenët shënuan sërish. Talenti i talentuar i akademisë së Mariborit, Aljosha Matko mbylli llogaritë e takimit në minutën e 88-të, teksa shënoi dhe golin e tripletën.

Kosova e mbylli këtë edicion të kualifikuesve të Europianit në vendin e fundit në grup pas dy barazimesh dhe një humbje, ku shënoi vetëm një gol.

Në gjurmët e Sadikut, Lugano merr një “goleador” shqiptar

Sport Ekspres — Mon, 23 Jul 2018 09:21:33 +0000

Lugano i kërkon golat sërish nga një sulmues shqiptar. Më parë klubi zviceran ka pasur në ekip Armando Sadikun, që ka arritur të realizojë me ta 33 gola në kampionat, ndërkohë që tani i ka kthyer sytë nga Kosova dhe ka mbyllur marrëveshjen për Leotrim Kryeziun.

Ende pa i mbushur 20 vjeç, sulmuesi do të transferohet në Superligën e Zvicrës. Vjet u shpall kampion me Dritën në Kosovë dhe gjërat gradualisht po i marrin për mirë të riut. Kryeziu ka spikatur me Kosovën U19 në Elitë Round, teksa ka shënuar pesë gola në tre ndeshje, çka bëri që për të ofertat të ishin të shumta.

Në fund Drita ka pranuar ofertën e Luganos, gjë që konfirmohet për “Sport Ekspres” edhe nga burime pranë klubit gjilanas. Sulmuesi u aktivizua titullar në tre nga ndeshjet e kupave të Europës që kanë zhvilluar në Champions kampionët e Kosovës. Për Kryeziun tanimë do të nisë një eksperiencë e re në Zvicër. Prezantimi do të bëhet në ditët e fundit të muajit korrik.