Kosova U17

U17 | Portugalia dhe Holanda, rivalët “big” të Shqipërisë dhe Kosovës

Sport Ekspres — Thu, 06 Dec 2018 09:38:05 +0000

Elvin Beqiri është gati të debutojë si trajner i Shqipërisë U17. Tashmë ai ka mësuar rivalët për kualifikueset e kampionatit Europian të 17-vjeccare. Kuqezinjtë do të jenë në grupin 8 me ekipe si Portugalia, Ukraina dhe Gjeorgjia.

Si zakonisht ndeshjet do të jenë me sistem grumbullimi dhe “Qualifying Round” do të zhvillohet në Portugali në datat 13, 16 dhe 19 nëntor të vitit 2019. Shkodrani do të ketë kohën e mjaftueshme për të përgatitur grupin për këto përballje.

Gjithsej jane 13 grupe me nga 4 skuadra. Dy të parat në grupe kalojnë në Elite Round, ndërkohë edhe 4 vendet e treta më të mira përparojnë në fazën finale. Ndërkohë edhe Kosova ka mësuar rivalët. Dardanët do garojnë në grupin 12 me skuadra si Holanda, Uellsi dhe Sllovenia.

Historike | Kosova U17 avancon në “Elite Raund”

Sport Ekspres — Thu, 01 Nov 2018 14:52:38 +0000

Edhe pse ishte vetëm hera e dytë që Kosova U17 merr pjesë në kualifikueset e kampionit të kësja grupmoshe, ka mundur që të regjistrojë një arritje historike. Skuadra e 17-vjeçarëve të ‘Dardanëve” do të marrë pjesë në fazën “Elite Raund” , pasi kanë arritur që të mundin sot Qipron me rezultatin 1-0, duke hipotekuar dhe vendin e parë në grupin e pestë. Ndeshjet e këtij grupi u organizuan në Qipro, ku veç vendasve dhe Kosovës ishin pjesë dhe Zvicra dhe Skocia.

Milot Avdyli arriti që të shënote golin e fitores në ndeshjen e sotme, duke i dhënë fitoren e dytë skuadrës së Kosovës, që tashmë do të vijojë rrugëtimin e saj edhe në fazën tjetër. Nuk ishte një ndeshje dhe aq e lehtë, sidomos në minutat e fundit kur skuadra e Besnik Kollari mbeti me 10 lojtarë për shkak të daljes me të kuqe të Marmullakut. Gjithsesi, kosovarët e ruajtën avantazhin deri në fund.

Kjo është hera e parë që përfaqësuesja e 17-vjeçarëve të Kosovës do të marrë pjesë në këtë raund. Një sukses i jashtëzakonshëm për këtë grupmoshë, por dhe për futbollin kosovar, që tregon se futbollit po i kushtohet rëndësi në nga ekipet e moshave. Duhet kujtuar se Kosova U17 ka mundur dhe Zvicrën, një prej skuadrave që konsiderohet si favorite në këtë turne.

Skuadra e dytë që u kualifikua nga ky grup ishte Skocia barazoi me Zvicrën 1-1. Edhe përfaqësuesja helene kalo në tej, pasi është një nga tre skuadrat e renditura në vendin e tretë me më shumë pikë, duke kaluar Serbinë vetëm falë golavarazhit.

Shqipëria e mbyll me fitore, Kosova befason Zvicrën

Sport Ekspres — Mon, 29 Oct 2018 14:54:24 +0000

Shqipëria e 17-vjeçarëve ka fituar kundër Azerbajxhanit, teksa i është falur një penalltie të kthyer në gol nga Mitaj në fundin e pjesës së parë. Kuqezinjtë e kanë mbyllur kështu në vendin e parafundit në grup, pasi i kishin humbur dy ndeshjet e para.

Republika Çeke na mposhti 6-0, ndërkohë që në ndeshjen e dytë ishte Norvegjia që triumfoi 3-1 ndaj kuqezinjve. Sa i takon ndeshjes së sotme, Azerbajxhani nga minuta e 34-të luajti me një lojtar më pak dhe kombëtarja e drejtuar nga Xhemal Mustedanagiç nuk arriti të shënojë më shumë se një gol. Në fund ka pasu edhe dy kartonë të kuq të tjerë për futbollistët e Azerbajxhanit.

Ndryshe nga Shqipëria U17, Kosova po bën më mirë. Ata kanë reaguar pas humbjes 2-1 me Zvicrën, teksa kanë arritur të mposhtin sot Zvicrën. Ka mjaftuar një gol i realizuar nga Zumberi në minutën e 63-të për t’i dhënë fitoren dardanëve.

Kosova U17 është ngjitur në vendin e dytë në grup dhe ndeshja e radhës me Qipron (renditet e fundit me 1 pikë) do të vendosë se kush do të kalojë më tej. Grupi kryesohet nga Skocia me katër pikë dhe Kosovës mund t’i bëjë edhe një pikë punë në ndeshjen e fundit, nëse britanikët triumfojnë me Zvicrën.

KUALIFIKUESET – EURO U17

Shqipëri Azerbajxhan 1-0
Shënues: Mitaj 45’ (pen.)

Zvicër-Kosovë 0-1
Shënues: Zumberi 63’