Korea e Jugut

Koreja kalon në gjysmëfinale, Son dy fitore larg “parajsës”

Sport Ekspres — Mon, 27 Aug 2018 15:33:45 +0000

Koreja e Jugut ka fituar çerekfinalen dramatike të “Lojërave Aziatike|. Skuadra ku bën pjesë dhe sulmuesi i Totenhemi, Heung-Min Son, mundi Uzbeskistain në një ndeshje që u vendos në minutën e 117’ falë golit të sulmuesit të Salcburgut Huang Hi-Çan.

Fitorja e medaljes së artë në “Lojërat Aziatiake” do t’i mundësojë të gjithë lojtarëve të Koresë së Jugut të drejtën e shmangies së shërbimit ushtarak, që në Kore është i detyrueshëm për çdo mashkull dhe duhet të kryhet para moshës 27-vjeçare.

[ET] ?????? 4-3 ???????? ??? ??????. ??? ??????! ????? ??? ?? ??? ? ?????! – #????_??? #AsianGames2018 #???? #?????

A post shared by ?????? (KFA) (@thekfa) on Aug 27, 2018 at 4:35am PDT

Ka ende shpresë për Son, katër fitore për të shpëtuar karrierën

Sport Ekspres — Thu, 23 Aug 2018 15:55:43 +0000

Heun-Min Son, sulmuesi koreano-jugor i Totenhemit po luan turneun më të rëndësishëm të jetës së tij. Bëhet fjalë për lojërat aziatike, një event sportiv të ngjashëm me lojërat olimpike, ku marrin pjesë vetëm shtetet aziatike.

Sulmuesi 26-vjeçar i duhet të kryejë shërbimin ushtarak të detyruar për çdo mashkull në Kore të Jugut dhe kjo para se të mbushë 27-vjeç. E vetmja mënyrë për të shmangur këtë gjë është nëse ai dhe shokët e tij fitojnë medaljen e arit në “Lojërat Aziatike”, në të kundërt e vetmja mënyrë që Son të vazhdojë futbollin është të luajë për ekipet e ushtrisë në kampionatin korean, diçka kjo katastrofike për një futbollist që është në kulmin e karrierës së tij.

Koreja nuk e nisi mirë turneun, duke humbur me rezultatin 2-1 ndaj Malajzisë, por dy fitore të njëpasnjëshme i siguruan kalimin në fazën e 1/16. Tani Son duhet të luajë katër ndeshjet më të rëndësishmë të jetës së tij. Dështimi do të ishte “fatal” për karrierën e sulmuesit.

Shqipëria e turpëroi, teknikut portugez i besojnë Korenë e Jugut

Sport Ekspres — Thu, 16 Aug 2018 16:19:59 +0000

Paulo Bento, ruan kujtime të këqija nga kombëtarja shqiptare. Tekniku portugez u pushua nga puna si trajneri i përfaqësueses luzitane pas katër vitesh, pikërisht nga humbja 0-1 ndaj Shqipërisë, ku goli i Bekim Balajt në minutën e 52-të filloi rrugëtimin tonë drejt Europianit “Francë 2016”.

Dy vite më vonë pas eksperiencave në klube të ndryshme në Brazil, Greqi dhe Kinë, Bento është gati t’i rikthehet edhe njëherë punës në kombëtare. Sipas raportimeve në mediet aziatike, tekniku portugez do të jetë trajneri i ri i kombëtares së Koresë së Jugut.

Koreja e Jugut është një ndër shtetet që prodhon lojtarët më të shumtë në kontinentin aziatik, por prej një dekade, kombëtarja e vendit aziatik po stonon në arenën ndërkombëtare duke mos arritur suksese në Turneun Aziatik dhe me paraqitje shumë të dobëta në Botëror.

“Medalje ari ose… ushtri”, Spursat tifo për Korenë e Jugut!

Sport Ekspres — Wed, 15 Aug 2018 15:03:59 +0000

Heung Min Son është një nga pikat më të forta të Totenhemit. Ylli i Koresë së Jugut është nisur drejt Indonezisë, për të zhvilluar Lojërat Aziatike me kombëtaren e tij. Një kompeticion i ngjashëm me Lojërat Olimpike, ku kombëtaret marrin pjesë me ekipet U-23. Sipër kësaj moshe lejohen vetëm tri lojtarë dhe Son është njëri nga të përzgjedhurit. Ai dhe shokët e tij duhet të fitojnë medaljen e artë dhe rrjedhimisht do të shmanget detyrimi ushtarak.

Korea e Jugut është e prerë. Çdo shtetas deri në moshën 28-vjeçare duhet të kryejë dy vite ushtri me detyrim. Diçka e tillë do të “plagoste” karrierën e sulmuesit të Totenhemit, por ekziston dhe “plumbi” i fundit. Medalja e artë shpëton Son dhe shokët e tij.

“Objektivi ynë është medalja e artë, por ka shumë rrugë për të arritur deri në finale. Kam menduar shumë për Lojërat Aziatike. Mposhtëm kampionët e botës në Rusi, Gjermaninë, dhe askush nuk e priste një triumf të tillë. Mund të humbasim ndaj çdokujt, nëse nuk japim gjithçka në çdo ndeshje, kështu që do të jetë e vështirë”, tha 26-vjeçari për “Daily Mail”, para nisjes për në Indonezi.

Korea e Jugut e nisi në mënyrën më të mirë turneun, duke fituar me rezultatin 6-0 përballë Bahrejnit në ndeshjen hapëse. Trajneri Poketino dhe të gjithë tifozët e Totenhemit tashmë bëjnë tifo për Korenë e Jugut. Këta të fundit duhet t’i mposhtin të gjithë dhe të fitojnë medaljet e arit. Nëse ndodh ndryshe, të gjithë do të trishtoheshin. Son do të nisej drejt vendit të tij për të kryer dy vite ushtri, ndërsa Totenhemi do të humbiste një nga lojtarët më të mirë.