Të dy lojtarët u nxorrën me karton të kuq nga fusha e lojës dhe priten vendime të tjera nga Komisioni i Disiplinës. Vetë Kordeiro ka përdorur Instagramin e tij zyrtar për të thumbuar Frashërin. Një foto e dy futbollistëve dhe mbishkrimi: “Ik në shtëpi, dështak i keq!”. Ndoshta shumë shpejt mund të kemi dhe një reagim nga mbrojtësi i Teutës, Erlis Frashëri…

Me anë të një postimi në Instagram, Kordeiro njoftoi se ai është rikuperuar plotësisht dhe shpreh besimin se do të jetë në formacion në ndeshjen e së premtes ndaj Partizanit.

POSTIMI I KORDEIROS – “Jam shumë i gëzuar që pas katër javësh e gjysmë jam riaftësuar nga fraktura që pësova në krah. Falënderoj së pari Zotin për riaftësimin tim dhe të gjithë familjarët e miqtë që më kanë qëndruar pranë në këtë periudhë të vështirë. Vetëm unë e di sa të vështirë e kam pasur pa luajtur e pa ndihmuar shokët mi. Por tani jam kthyer dhe gati për të luajtur dhe për të ndihmuar ekipin tim. Me siguri të premten do të jem në fushë për të bëj atë që dua më shumë: të luaj futboll”.

https://www.instagram.com/p/Bvbt_RtghnC/?utm_source=ig_web_copy_link

I fundit do të rikthehet për ndeshjen e kampionatit me Skënderbeun dhe problemi kryesor për sfidën e radhës është krahu i majtë i mbrojtjes.  Në stërvitje është provuar Olsi Teqja në atë pozicion dhe sikurse kuptohet Cungu nuk mund t’ia besojë formacionin të riut Xhemaili.

Fatmirësisht janë rikuperuar kapiteni Shameti dhe Valdet Rama, të cilët patën probleme gjatë javës dhe shtyrja e kampionatit ju erdhi në ndihmë. Në sfidën me Partizanin Kukësi do të jetë më i plotë, pasi edhe periudha e pushimit për shkak të ndeshjeve të kombëtares i vjen në ndihmë të dëmtuarve.

Kordeiro vuan nga nja frakturë në krah prej disa javësh, por kjo gjë nuk e ka ndaluar të zbresë në fushën e lojës. Megjithatë, përmirësime nuk ka pasur dhe tashmë, Kordeiro do të mungojë në 4-6 javë për Kukësin.

Këtë gjë e ka pranuar vetë anësori brazilian, i cili në një postim në faqen e tij zyrtare në Instagram, shkroi:

Për fat të keq, kam pësuar një frakturë në krah dhe nuk do të luaj 4-6 javë. Kam luajtur 3 ndeshje i dëmtuar dhe dëmtimi është bërë më keq. Jam shumë i mërzitur për këtë, por në futboll ndodhin këto situata. Do të fokusohem që të rikthehem më i fortë”,- shkroi Kordeiro.

 

View this post on Instagram

 

Infelizmente por uma fratura que tive na mão, ficarei sem jogar de 4 a 6 semanas. Ainda joguei 3 jogos com a mão fraturada e piorou. Muito triste por isso, mais no futebol vc está sujeito a esse tipo de situação. Vou focar na minha recuperação e sei que voltarei mais forte . ??

A post shared by William Cordeiro ?? (@williamcordeiro20) on Feb 21, 2019 at 8:25am PST

Në takimin e djeshëm përballë Teutës, Kordeiro kishte mundësinë të shmangte humbjen për skuadrën e tij, por u tregua i pasaktë nga pika e bardhë e penalltisë në sekondat e fundit të sfidës. Pas ndeshjes, Uilliam shfrytëzoi rrjetet e tij sociale për të komentuar për këtë rast. Në profilin e tij në Instagram, Kordeiro shkroi:

“Futbolli i ka këto gjëra: Një ditë je hero, një ditë i urryer. Nuk më shqetësojnë aspak kritikat, nuk më interesojnë, por ato më bëjnë më të fortë. Kam kaluar kohë të vështira edhe më përpara dhe i kam kaluar. Edhe kësaj radhe, nuk do të jetë ndryshe”.

 

View this post on Instagram

 

Football has these things, one day you’re a hero and another you’re a villain. I do not care about the criticism, they strengthen me, I went through difficult times and I overcame it and now it will not be any different.

A post shared by William Cordeiro ?? (@williamcordeiro20) on Feb 15, 2019 at 2:28pm PST

Gjithsesi, mbrojtësi është rikthyer në formën e tij optimale, ndërsa Musolli ka zbritur sot në fushën e blertë, duke kryer në seancë të plotë stërvitore pas shumë muajsh. Një tjetër rikthim i rëndësishsmë është ai i mesfushorit Dzaria, një lojtar të cilit Cungu i beson shumë.

Kordeiro vuan prej disa kohësh nga një dëmtim në dorë dhe vazhdon të jetë ende i fashuar. Megjithatë, braziliani ka qenë gjithmonë i gatshëm për të zbritur në fushën e lojës, duke sakrifikuar dhe gjendjen e tij. Me kalimin e javëve, Kukësi i Armando Cungut po e kompleton organikën dhe do të vazhdojnë deri në fund të rivalizojnë me Partizanin, që po udhëheq kampionatin që në javët e para të sezonit.

Mbrojtësi, i përshtatur si sulmues krahu tregon dhe për aventurën e tij në vendin tonë, ku tregon se është përshtatur më së mirë, por veçon se miku i tij më i mirë është Rexhinaldo.

“Yahoo Sports” duket se i ka kushtuar një reportazh special brazilianëve të cilët luajnë në Shqipëri, kjo për faktin se edhe lojtari i Kukësit ka dhënë mendimin  tij për aventurën në vendin tonë. Anësori tregon se për sa i përket korrektësisë ai ndihet shumë i lumtur, aq sa është gati që të blejë një apartament në Brazili. Korderio është i vetëdijshëm se klubet e tjera kanë probleme financiare, por te Kukësi gjërat po shkojnë vaj.

PAGESAT – “Këtu janë korrekt me pagat dhe nuk ka vonesa. Kam ardhur në një skuadër me njerëz korrekt, çka tregohet nga fakti se më kanë përmbushur çdo gjë që më kanë premtuar. Më kanë dhënë një shtëpi dhe gjërat po shkojnë mirë. E di se në klubet e tjera mund të ketë vonesa me pagat, pasi e kam lexuar në media. Presidenti është një njeri serioz, duke qenë gjithnjë në rregull me mua. Me paratë që kam grumbulluar këtu, jam gati që të blej një apartament në Brazil. Kam folur me menaxherin tim për të bërë zgjedhjen më të mirë të mundshme, pasi në Brazil situata është mjaft e komplikuar dhe pagat nuk jepen në kohë”.

PËRSHTATJA – “Në fillim unë e pata pak të vështirë që të përshtatesha, pasi këtu luhet një futboll shumë i fortë dhe ka ritëm. Në Brazil luhet një futboll më i zbehtë. Gjatë fazës përgatitore nuk isha në maksimumin tim, por tani jam mjaft mirë. Çdokush që vjen këtu dhe nuk ka fizik do ta ketë shumë të vështirë”.

AVENTURA NË SHQIPËRI – “Të them të drejtën nuk është se kam vuajtur dhe aq shumë. Jam adaptuar me ekipin plotësisht, por dhe me kulturën këtu. Kjo është përvoja ime e parë jashtë vendit dhe normalisht që u përballa me një kulturë dhe me tradita të tjera. Mund të them se kam mbetur i impresionuar. Kam gjetur një ambient të ngrohtë dhe që më ka mirëpritur. Me trajnerin komunikoj në italisht, por më shumë qëndroj me një sulmues nga Mozambiku, Rexhinaldon. Së bashku ne flasim portugalisht. Në rastet kur ndjej vështirësi në komunikim përdor Google Translate”.

Nëse bëjmë një krahasim me një edicion më parë, kuksianët kanë marrë një pikë më pak, por kanë plot 10 gola më pak se një vit më parë. Një vit më parë Kukësi e kishte gjetur rrugën e rrjetës plot 22 herë, ndërsa këtë edicion vetëm 12 realizime janë regjistruar pas 13 javësh. Mesatare shumë e dobët, me më pak se një gol për ndeshje.

6 gola Rexhinaldo, 3 Kordeiro, 2 Shameti dhe 1 Shpehar, kjo është “gjeografia” e ndarjes së golave te Kukësi. Vetëm 4 shënues në 13 javë dhe dy prej tyre janë mbrojtës, edhe pse braziliani luan si mesfushor i djathtë. Vetë largimi i Harbës tregoi se llogaritë janë bërë gabim dhe se në sulm Kukësi ka probleme.

Nuk mund të priten në çdo javë gola nga Rexhinaldo apo të jetë besimi se në goditjet standarde Shameti do të jetë ne vendin e duhur e në momentin e duhur, sikurse të presësh që dhe Koredeiro të vijojë të befasojë si një sulmues i improvizuar.

Në një prononcim për “Supersport” Uilliam tregon se te Kukësi gjithçka po shkon mirë. 26-vjeçari tregon dhe objektivat që ai ka, duke nisur që nga sfida me Laçin dhe deri tek pretendimet për të dalë kampion. në lidhje me pozicionin e tij të preferuar, tashmë ai e ndjen veten një lojtar të repartit ofensiv, ndonëse në të shkuarën ka qenë gjithnjë një mbrojtës i djathtë.

AVENTURA TE KUKËSI – “Është hera e parë që provoj të luaj jashtë vendit tim dhe mund të them se deri tani jam i lumtur me përvojën time tek Kukësi. Ndeshje pas ndeshje e kam kuptuar akoma më shumë futbollin shqiptar dhe ndihem mirë. Në këtë fazë të parë kam vërejtur më shumë aspekte pozitive sesa negative tek skuadra. Humbëm dy ndeshje kundër dy skuadrave të mëdha si Partizani e Skënderbeu, tani e kemi marrë veten dhe mendoj që në tërësi ishte një fazë e parë e mire”.

POZICIONI – “Ndihem shumë mirë në pozicionin e ri. Në Brazil kam luajtur gjithnjë si mbrojtës i djathtë, pavarësisht se më ka pëlqyer gjithnjë loja ofensive. Kuptohet, m’u desh pak kohë të përshtatesha, gjithsesi më pëlqen shumë roli aktual i anësorit të majtë dhe nuk kam dëshirë të kthehem në pozicionin tim të mëparshëm. Nuk ka rëndësi se kush shënon rëndësi ka fitorja e ekipit. Një futbollist ndihet mirë kur arrin të ndihmojë ekipin duke gjetur golin, por e përsëris rëndësi ka suksesi i skuadrës”.

NDESHJA ME LAÇIN – “Ndaj Laçit do të jetë një ndeshje e vështirë, e njoh kundërshtarin nga ndeshja e parë. Ata janë lart në renditje dhe do të jetë një ndeshje mjaft e fortë, Laçi gjithashtu ka dëshirë të ecë shumë përpara,do të jetë e vështirë por pa diskutim që ne do të kërkojmë 3 pikët.”

OBJEKTIVAT – “Jam një lojtar që dua gjithnjë të fitoj dhe këtë vit dua të shpallem kampion. Kam ardhur në një skuadër të mirë dhe natyrisht nëse fitojmë titullin do të luajmë edhe në Europë kështu që synimi im është të shpallem kampion me Kukësin”.