Një tjetër futbollist beratas që është prezantuar në një klub të ri është Gelando Sharavolli. Mesfushori 24-vjeçar i është bashkuar Apolonisë së Fierit, duke mbyllur kështu bashkëpunimin me klubin e Tomorit pas gjashtë vitesh.

Në stërvitjen e ekipit dibran bie në sy prania e ish-kapitenit, Sokol Mziu, megjithatë klubi ende nuk ka zyrtarizuar firmëm me mesfushorin mëngjarash.

Zhvendosemi në Krujë, ku lojtarët e Kastriotit janë vënë nën urdhrat e trajnerit Ramazan Ndreu. Në seancën e parë stërvitore të krutanëve për sezonin e ri morën pjesë disa nga  titullarët e vitit të kaluar  si Patrik Bardhi, Taulant Marku, Ersil Ymeraj dhe afrimi i merkatos së verës Xhulio Mehmeti.

“Ne sapo mbyllëm marrëveshjet me dy mesfushorë që sezonin e kaluar ishin pjesë e Besës së kavajas. Kemi rënë dakord me Sokol Mëziun që kthehet në vendlindjen e tij dhe Ervis Çaço, dy mesfushorë që te Besa në sezonin e kaluar kanë luajtur si titullarë. Për ne jenë dy përforcime që na shërbejnë në synimet tona për sezonin e ri, i cili me ndryshimet që ju bënë nga FSHF-ja 10 ditë më parë, do ketë garë të fortë e të vështirë”, deklaroi Fehmi Mëziu.

AGRON KAJA

“Në platformën e klubit për sezonin e ri, një vend të rëndësishëm zënë edhe rinovimet e futbollistëve të sezonit të kaluar. Jemi në proces dhe këto ditë thuajse kanë rinovuar të gjithë. Ky ka qenë prioriteti ynë në këtë merkato vere. Mendoj se kështu kompaktësimi i skuadrës do të jetë më i mirë, pasi janë futbollistë që e njohin lojën e njeri-tjetrit në fushën e lojës”, deklaron Bubeqi.

Ndërkohë, për përforcimet dhe përgatitjet, trajneri kavajas shton: “Përgatitjet për sezonin e ri kemi menduar që t’i nisim më 22 korrik dhe deri atëhere ekipi do jetë i kompletuar edhe me dy-tre afrime të reja, që javën e ardhshme do të zyrtarizohen nga drejtuesit e klubit”.

AGRON KAJA

Ky i fundit është kërkuar edhe nga skuadra të Superiores, por trajneri Dorian Bubeqi deklaron për SportEkspres.com se ai është në kontratë me Korabin dhe nuk e lëshojnë. “Skuka është lojtar kyç te Korabi dhe aktualisht ka kontratë 3-vjeçare. Ne nuk e lëshojmë, edhe pse ndaj tij kanë ardhur disa oferta, kryesisht nga Kategoria Superiore.

Së bashku me drejtuesit e klubit e kemi diskutuar largimin e tij, por për momentin ai është lojtar i Korabit. Ndërsa për lëvizjet e tjera prioritet i kemi dhënë rinovimeve me lojtarët që mbyllëm sezonin e kaluar”, theksoi Bubeqi në deklaratën e tij.

Tekniku i dibranëve tregoi edhe planet e merkatos dhe të përgatitjeve: “Grupi është i konsoliduar dhe ne si fillim menduam që të hynim në merkato për një mbrojtës të djathtë, një mesfushor qendre dhe një sulmues krahu. Sulmin e plotësuam me Albi Xhebrahimin dhe tani jemi në kërkim të dy pozicioneve të tjera. Në mesin e muajit korrik do të nisim përgatitjet, dy javë në Tiranë dhe gjithë muajin gusht në Peshkopi. Kushtet stërvitore aty janë shumë optimale”.

AGRON KAJA

KORABI – “Gjatë këtij muaji, dy skuadra më kanë bërë ofertë. Realisht ishin serioze dhe unë i kam respektuar për vlerësimin që treguan për mua. Gjithsesi kam menduar që t’i qëndroj besnik Korabit edhe këtë sezon, sepse më duket vetja si i ‘dashuruar’ me këtë skuadër. Në sezonin e kaluar ne e nisëm shumë mirë, por gabuam kryesisht në fazën e dytë. Mbetëm në zonën Play-off të grupit tonë, që ishte synim i paplotësuar”.

MERKATOJA – “Më duket shumë normale kjo merkato, profesionalisht e zgjuar e cilësore. Kështu mund të pretendojmë synimin tonë për ngjitje në Superiore, e besoj se ditët në vazhdim do të sjellin të tjerë emra cilësorë te Korabi”.

AGRON KAJA

Vetë Skuka është me pushime jashtë Shqipërisë dhe për SportEkspres.com ai deklaroi se po bëhet gati të rikthehet për të nisur sezonin e ri. “Kam patur oferta nga skuadra të Kategorisë Superiore dhe nga Kategoria e Parë. Të gjitha i kam vlerësuar, por ende jam në kontratë me Korabin. Kaluam një sezon shumë të vështirë dhe të bukur, jo vetëm se luajtëm në zonën Play-off, por edhe për lojërat e bukura që skuadra jonë zhvilloi gjatë gjithë sezonit të kaluar”, theksoi sulmuesi i Korabit.

Në lidhje me të ardhmen ai shtoi: “Në fillimin e muajit korrik do kthehem në Shqipëri dhe atje do të vendos se ku do të luaj këtë sezon. Gjithçka do vendoset me drejtuesit aktualë të Korabit, sepse për mua rëndësi ka që këtë sezon të ri ta nis e ta përfundoj sikundër ai që mbyllëm”.

AGRON KAJA

Edhe mbrojtësi 21-vjeçar, Bekim Dida, ka rinovuar me skuadrën e Korabit. Shtatlarti i prapavijës mbylli sezonin e dytë me Korabin dhe ka rinovuar edhe për tre vite të tjera, duke i përkushtuar të ardhmen e tij klubit dibran.

Gjithçka është zyrtare dhe njoftohet përmes faqes zyrtarë në “Facebook” të Korabit: “KF Korabi ka arritur marrëveshjen me Elvis Kovaçi. Mesfushori është rikthyer dhe ka firmosur për 3 vitet e ardhshme me Korabin. Dibrani u aktivizua në gjysmën e sezonit të shkuar me Vorën dhe tani rikthehet në vendlindje. Klubi i uron suksese në vijim!”.

Mesfushori 20-vjeçar ka provuar të debutojë në Superiore me Teutën, ndërkohë që më pas kaloi te Korabi. Me dibranët ai u aktivizua në 14 ndeshje (12 titullar) dhe shënoi një gol. Në janar vendosi të kalojë te Vora. Aty luajti 11 takime, kurse nga fillimi nisi vetëm pesë prej tyre. Edhe me Vorën e gjeti një herë rrugën e rrjetës.

Gjongecaj mendohet një afrim me shumë vlera për Korabin dhe klubi i uron mirëseardhjen e suksese në vijim. Ergys Gjongecaj është afrimi i dytë i Korabit në repartin e avancuar dhe në sezonin e kaluar ka qenë në organikën e Besës në Grupin B të Kategorisë së Parë, por nuk ka gjetur shumë mundësi aktivizimi.

Drejtuesit e Korabit konfirmojnë për SportEkspres.com se merkato sapo ka nisur. Më parë me dibranët ka nënshkruar edhe sulmuesi Albi Xhebrahimi, i cili ka qenë pjese e Ilirisë së Fushë-Krujës sezonin e fundit. Në ditët në vijim priten edhe të tjera lëvizje.

AGRON KAJA

21-vjeçari ka luajtur 17 ndeshje në Kategorinë e Parë sezonin e shkuar, duke mbuluar disa role në fushën e lojës. Didës i skadon kontrata në janar dhe së bashku me presidentin e skuadrës, Fehmi Mëziu, kanë rënë dakord paraprakisht për rinovimin e saj.

Dida ka pasur oferta nga disa skuadra në IPKO Superliga dhe nga Maqedonia, por ka vendosur të mos largohet nga Shqipëria. Mbrojtësi ka dalë nga Akademia e Kukësit dhe mbylli sezonin e tij të dytë me fanellën e Korabit.

ZYRTARE – KF Korabi ka arritur marrveshjen me Albi Xhebrahimin. 22-vjeçari ka firmosur per 2 vitet e ardhshme me Korabin, me te drejte rinovimi edhe per 1 vit tjeter. Xhebrahimi me pare ka luajtur per Dinamo Tirana, Terbuni dhe se fundmi me Ilirine e Fushe-Krujes ku ka shenuar 12 gola.

Xhebrahimi luan si sulmues qendre dhe eshte nje afrim me teper vlera per objektivat e klubit. Klubi i uron mirëseardhjen dhe suksese në vijim!

SITUATA – “Kjo është kohë pushimi për lojtarët, por ne si staf, bashkë me presidentin Fehmi Mëziu po vazhdojmë punën. Kemi qenë gjithë kohën në veprim për të plotësuar sa më mirë vendet e atyre lojarëve që nuk do jenë më pjesë e Korabit për sezonin e ardhshëm. Duam që këtë sezon të krijojmë një skuadër të denjë dhe konkurrente me elementë që të garantojnë synimet tona”.

MERKATO – “Në merkaton e kësaj vere ne do përqendrohemi kryesisht në Kategorinë e Parë, por unë kam disa ditë në Itali ku po shikoj për disa lojtarë në Serinë C dhe D, të cilët mund të jenë të vlefshëm për Korabin. Nga ekipi i sezonit të kaluar do mbajmë mbi 90% të lojtarëve, dhe Presidenti është i gatshëm të plotësojë kërkesat e mia, sepse synimi madhor është Superliga”.

SYNIMET – “Për sezonin e ri, synimi ynë madhor është Kategoria Superiore, ndaj kemi nisur që tani bisedime me disa lojtarë cilësorë në Kategorinë e Parë, por edhe këtu në Itali. Me disa thuajse kemi arritur marrëveshje dhe kur të nisim nga përgatitjet emrat e tyre do ti zyrtarizojmë. Fazën përgatitore kemi menduar që ta nisim me skuadër të kompletuar”.

AGRON KAJA

LOJTARËT – “Korabi e ka grupin e lojtarëve dhe stafin teknik që mbyllën sezonin e kaluar, pasi ata janë nën kontratë edhe për një sezon dhe janë të konfirmuar. Duke përjashtuar mesfushorin Gresild Lika, që i ka përfunduar kontrata, të gjithë të tjerët do jenë pjesë e Korabit edhe këtë sezon të ri. Skuadra do jetë pushim deri në datën 9 korrik, sepse më 10 korrik ne kemi menduar që të rinisim përgatitjet për sezonin e ri”.

SEZONI I RI – “Skuadra jonë i ka të nevojshme përforcimet për sezonin e ri, sepse kemi 3-4 lojtarë që nuk na kanë bindur në sezonin e kaluar. Për t’i zëvendësuar këta, ne kemi menduar një strategji ndryshe, pasi po kërkojmë elementë të rinj dibranë, për t’i dhënë Korabit më shumë bazë nga akademia”.

AGRON KAJA

Mesfushori, i cili ka dalë nga akademia e Partizanit, ka folur për “SportEkspres.com”. Lika fillimisht ka rrëfyer sezonin e mbyllur me Korabin, të cilin e cilëson mjaft të mirë, ku për këtë gjë falenderon edhe stafin dhe trajnerin. Më pas, 21-vjeçari zbulon edhe ofertat në drejtim të tij, ku bie në sy fakti që tashmë kërkohet edhe në Kategorinë Superiore.

SEZONI ME KORABIN – “Kam bërë një sezon të shkëlqyer me Korabin, ku kam shënuar katër gola dhe kam dhuruar shtatë asiste. Gjej rastin të falënderoj edhe trajnerin tim Dorian Bubeqi për besimim që më ka dhënë në të gjitha ndeshjet ku jam aktivizuar. Te Korabi kam kaluar një sezon mjaft të mirë, ku kishim një staf shumë të përkushtuar dhe një grup djemsh të shkëlqyer. Gjithashtu edhe pagesat janë kryer të gjitha.”

E ARDHMJA E LIKËS – “Për momentin jam pa kontratë dhe po shoh ofertat bashkë me menaxherin tim. Ka kërkesa nga Kategoria e Parë, por edhe nga Superiorja, që sigurisht është edhe qëllimi im”.

Shkodranët kishin mundësi për të dyfishuar shifrat në minutën e 21-të, por penalltia e goditur nga rumuni Dan Ignat u prit nga portieri i ekipit dibran. Ndeshja nuk pati më gola, pavarësisht disa rasteve të humbura nga djemtë e Canajt.

Kjo fitore e ngjit Vllazninë në kuotën e 37 pikëve në krye të Grupit A. Diferenca me Besëlidhjen ndjekëse ka shkuar në 12 pikë dhe Vllaznia, që siguroi rikthimin në Superiore një javë më parë, pret me padurim fundin e kampionatit.

Grupi A | Play-off
E shtunë, më 20 prill 2019

Ora 15:00 | Vllaznia-Korabi 1-0
Shënues: Krymi 1′

Kjo ndeshje, për dibranët është një sfidë luksi. Kështu shprehet për SportEkspres.com Dorian Bubeqi, trajneri i Korabit. “Gara në grupin tonë mendoj se po zhvillohet e fortë, por edhe e bukur. Korabi i ka luajtur me seriozitet të gjitha ndeshjet, jo vetëm tani në fazën e tretë. Kështu, edhe në ndeshjen e radhës ndaj Vllaznisë do të shkojmë në Shkodër jo vetëm të shijojmë një sfidë luksi, por edhe të synojmë tri pikët”, shprehet kavajasi.

Synimin për fitore Bubeqi e mbështet te situata e skuadrës së tij, ndërkohë që synimi i dibranëve është pozicionimi në vendin e dytë në fund të kampionatit. “Jemi në garë për vendin e dytë dhe si skuadër i kemi mundësitë ta arrijmë objektivin. E kam quajtur një mini-kampionat këtë synim të skuadrës sonë dhe besoj se do t’ia dalim”, përfundon Bubeqi.

AGRON KAJA

“Për ne gara në fazën e tretë është bërë e fortë dhe me rivalitet. Këtë e tregon edhe renditja, teksa jemi tre skuadra me pikë të barabarta. Këtë javë luajmë në fushën tonë me Besëlidhjen, një ndeshje e vlerësuar maksimalisht dhe që kërkojmë ta fitojmë. Lezhjanët janë kundërshtarë të fortë dhe vetëm një pikë larg nesh. Të shtunën do të japim gjithçka për tri pikët”.

Ndërkohë që rivalitetit për vendin e 2-të Bubeqi nuk i trembet, sepse fitorja me Besëlidhjen e ngjit Korabin në këtë pozicion. “Kalojmë Besëlidhjen e ngjitemi në vendin e dytë në renditje, sido që të dalë sfida mes Dinamos dhe Erzenit”, u shpreh tekniku kavajas, që nuk pret ndonjë “ndihmë” nga të tjerët deri në fund të kampionatit.

AGRON KAJA

E tregojnë vendimet që marrin javë pas jave, përzgjedhja e neneve sipas oreksit. Sot u dënua Tirana me katër ndeshje. Rregullorja thotë që minimumi bardhebluve u duhej mbyllur stadiumi për tetë ndeshje. Sigurisht kjo nuk është diçka e mirë, pasi për shkak të një personi që godet arbitrin dënohet një komunitet i tërë.

Tirana e meriton dhe nuk e meriton atë dënim. E meriton sepse në asnjë moment nuk e dënoi atë që ndodhi me Nertil Bregasin, por vetëm u ankua dhe u viktimizua. Pse nuk e meriton? Sepse Shoqata Bashkimi i Arbitrave Shqiptarë as nuk denjoi t’i dilte në mbështetje anësorit të trullosur nga një shishe pas kokës.

Ah po, po Flamurtari e Korabi ç’hyjnë në gjithë këto që shkruajmë?  1 prilli. Në një ditë si kjo Komisioni i Disiplinës ka pasur mundësinë të gënjejë, sepse për të zbatuar rregulloret në realitet as që ka ndërmend. Sot mund të na gënjenin duke nxjerrë mes shumë vendimeve edhe ato që shkruajmë në titull.

Arsid Kruja dhe Yll Hoxha prej kohësh kanë kërkuar zbatimin e vendimeve të Dhomës Kombëtare të Zgjidhjes së Konflikteve. Flamurtari u detyrohet 16 dhe 11 mijë euro dy futbollistëve dhe duke qenë së ata kanë bërë kërkesat e tyre për zbatimin e vendimeve, do duhej dhënë ultimatumi prej 30 ditësh që kuqezinjtë të shlyenin borxhin ndaj futbollistëve.

1 prilli ishte dita e duhur për ta bërë diçka të tillë, pasi ditë tjetër nuk ka shanse që Disiplina ta japë ultimatumin sipas rregullores. Do thoni po e dha, çfarë ndodh? Asgjë, telenovelë e re si ajo e Gjergji Muzakës, që për pak desh ia kaloi edhe “100 vitrinave” të famshme. Po me Korabin ç’patëm?

Disiplina, më 20 shtator 2018 i dha 30 ditë afat dibranëve për të shlyer mbrojtësin Emiljano Çela. Afati ka kaluar, asnjë qindarkë për kapitenin e Kastriotit. Sot, me 1 prill, ndoshta duhet të kujtohej Disiplina. Nga nesër, sigurisht që as do t’i bjerë në mend.

Klubet, që shohin se si rregullorja shkelet, sërish nuk do reagojnë: “Një ditë mund të kemi edhe ne të njëjtin hall, më mirë të heshtim”. Për një faull të një arbitri, apo për 30 sekonda shtesë më shumë, klubet çirren. Ndaj Disiplinës ka vetëm… përulje. Edhe ai komisionin arbitrar është, e prish garën. Në djall gara, kujt i duhet…

“Ishte ndeshje e veçanë për mua, për faktin se luaja ndaj ekipit te qytetit te lindjes, megjithate une jam profesionist dhe bëj me të mirën time për ekipin ku luaj. Prioritet per mua ka Korabi dhe vetëm Korabi. Ishte ndeshje e veçantë dhe mund të merrnim nje rezultat pozitiv, megjithatë ekipi tregoi se ka mundësi për të bërë më shumë”.

Dida fitoi 11-metërshin që barazoi rezultatin përkohesisht, pasi ne këtë sfidë ai luajti para mbrojtjes. Vete lojtari rrefen se ndihet mirë ne këtë pozicion, çka u dëshmua dhe nga angazhimi i tij në sfiden me në kampionët e vendit.

“Luajta para mbrojtjes dhe u mundova që të jap me te mirën. Jam gati që të luaj ne çdo pozicion ku më kërkon trajneri, pasi ne minutat e fundit kalova para si një sulmues. Detyra ime dhe e çdo lojtari është që të jape maksiumin në çdo moment që të ketë nevoje ekipi”, mbyll prononcimin e tij Bekim Dida.

Një lajm i mirë për Kukësin ka ardhur në pjesën e dytë, pasi Musolli u aktivizua dhe luajti minutat e para që nga viti i kaluar, ku pësoi një dëmtim shumë të rëndë. Rikthimi i kapitenit ka entuziazmuar edhe lojtarët e verilindorëve, me Simo Rrumbullakun që shkroi në Instagram: “Legjenda u rikthye!”.

Vetë Rrumbullaku, së bashku me Cuculin, thjesht kanë kryer disa vrapime të lehta rreth fushës, por në ndeshjen kundër Partizanit, do të jenë të gatshëm për trajnerin Ndreu.

Miqësore

Kukësi – Korabi   2-1
Shënues: Et’hemi, Rama

Ndeshja luhet në Pezë-Helmës prej orës 15:00 dhe do u shërbejë trajnerëve Ramadan Ndreu dhe Dorian Bubeqi për të parë gjendjen aktuale të skuadrave. Sigurisht për ritmin e të dyja skuadrave është një sfidë mjaft e rëndësishme.

Për SportEkspres.com, trajneri Bubeqi deklaron: “Nuk mund të qëndronim vetëm në kuadrin e përgatitjeve në këto dy javë pushim, ndaj do të luajmë një ndeshje miqësore me Kukësin. Është një test shumë i fortë për skuadrën para sfidës me Dinamon, duke patur parasysh se synimi ynë tashmë është vendi i dytë në klasifikim”.

AGRON KAJA

Për SportEkspres.com, Bubeqi deklaron: “Rezultati ishte i hapur si për ne, ashtu edhe për Erzenin. Duke qenë dy skuadra pa objektiva në këtë fazë të tretë, ne hymë në fushë për të dhënë më të mirën. Loja na e shpërbleu. Kjo fitore na fut në një kampionat të ri, këtë herë për vendin e dytë. Besoj se deri në fund do të jetë një garë e bukur për këtë synim”.

Bubeqi është i kënaqur edhe nga loja e katër të rinjve që ai aktivizoi Erzenin. “Duke qenë se gara jonë është e lehtë në këtë fazë të tretë, aktivizimi i të rinjve ka qenë një nga synimet që kam patur në skuadër. Me Erzenin luajtën Haka, Shehu, Hoxha e Disha, nga të cilët në tërësi jam i kënaqur. Në ndeshjen e radhës me Dinamon do të ketë të tjerë të rinj që do aktivizohen, por vendi i dytë mbetet tashmë objektivi ynë i ri”, përfundoi Bubeqi.

AGRON KAJA

NDESHJA – “Edhe pse është miqësore, kërkuam të fitonim. E rëndësishme është që u bë lojë e bukur. Luajtëm përballë një Tirane shumë të fortë, që drejtohet nga Mema. Për mendimin tim, nëse Mema do të ishte që në fillim të sezonit, Tirana do të ishte shumë më lart se ç’është tani”.

EKIPI – “Nuk janë lojtarët që kam përgatitur në fillim, pasi nuk i motivoj dot. Ia kemi arritur objektivit tonë dhe është shumë e vështirë që të motivoj ekipin”.

PLAY OFF – “Sikur të ishte dhe një ekip tjetër për në “PlayOff”, do të ishte më bukur. Por Federata vendos dhe ne nuk japim dot mendime jashtë profesionit tonë”.

LOJTARËT CILËSORË – “Korabi ka lojtarë që duhet të jenë pjesë e Superiore. Janë 3-4 lojtarë, por unë do të mundohem t’i mbaj në skuadër, pasi vitin tjetër synojmë Superioren”,- u shpreh Bubeqi.

Tirana ishte dukshëm superiore në qarkullimin e topit dhe në rastet e krijuara, ndërsa Korabi priste të godiste me kundërsulme. Maveje i dha avantazhin Tiranës në minutën e 20’ të takimit, duke shënuar një gol shumë të bukur nga jashtë zone.

Gjatë pjesës së parë, nuk pati shumë raste të pastra për të shënuar. Në të dytën Korabi filloi të shtyjë më përpara, por rrezikuan të pësonin dhe golin e dytë. Një vendim i gjyqtarit për këtë sfidë acaroi jo pak ndeshjen.

Pjesëtari i stafit të Tiranës, në rolin e arbitrit, akordoi penallti për bardheblutë në minutën e 71’. Lojtarët e Korabit u acaruan shumë dhe kjo gjë bëri që Mema t’i kërkonte Halilit ta gjuante jashtë.

Vetëm tre minuta më vonë, sulmuesi Skuka barazoi sfidën. Një gabim i portierit bardheblu shfrytëzohet mirë nga sulmuesi i Korabit, i cili me golin e tij vendosi dhe rezultatin final të sfidës.

EPISODET

74′ – Një top i kthyer prapa te portieri i Tiranës, i cili e mban topin më shumë seç duhet dhe Skuka përfiton. Topi i goditur në trupin e sulmuesit kthehet drejt rrjetës, për të vendosur rezultatin e sfidës 1-1

71′ – penallti, Halili u rrëzua në zonë. Pati protesta nga lojtarët e Korabit, trajneri Mema u kërkon ta gjuajnë jashtë lojtarëve të tij.

20′ – Maveje merr një pasim të bukur nga Hasani dhe godet me të parën. Gjuajtja e mesfushorit nga jashtë zonë shkon në cepin e largët të portës, duke mposhtur portierin Birja.

MIQËSORE

TIRANA – KORABI   1-1
Maveje 20’ / Skuka 74’

Tirana: Abibi, Kërçiku, Turtulli, Imami, Hoxhallari, Karabeci, Maveje, Hasani, Kobina, Greca, Ngo Trajner: Ardian Mema (Lika, Daja, Muça, Atinga, Cake, Doka, Qilimi, Dingu, Stafa, Goxha, Halili)

Korabi: Birja, Koçi, Kalluci, Doçi, Dishaj, Karaj, Dida, Lika, Osmani, Hoxha, Skuko Trajner: Dorian Bubeqi (Mehidri, Muça, Reçi, Bogdani, Lala, Hysi, Trimi)

Kështu, Tirana do të përballet me Korabin në stadiumin “Selman Stërmasi”. Edhe pse një miqësore, kjo përballje do të transmetohet direkt nga RTSh Sport. Në Korçë luhet sfida tjetër mes Skënderbeut dhe Maliqit. Dy fqinjët janë përballur edhe më herët, gjatë fazës përgatitore në verë, por edhe në dimër.

Miqësore – E premte, më 8 mars
Tirana-Korabi (14:00)
Skënderbeu-Maliqi (15:30)

Me shumë mundësi edhe nesër do të ketë përballje të tjera miqësore, që mbeten për t’u konfirmuar. Sikurse dihet, nuk është pushim vetëm Superiorja, por çdo kategori, madje edhe futbolli i moshave dhe i femrave.

FSHF shpalli me anë të një njoftimi në faqen e saj se nuk do të ketë ndeshje në fundjavë, ndërsa ekipet kanë nisur të programojnë ndonjë miqësore. Tirana ka qenë klubi i parë që ka lëvizur në këtë drejtim.

Bardheblutë e Memës do të zbresin në fushë ditën e premte. Ekipin i Korabit është i përzgjedhuri për miqësoren. Përballja do të zhvillohet në stadiumin “Selman Stërmasi” duke nisur nga ora 14:00. Lajmi është konfirmuar nga faqja e klubit dibran në rrjetet sociale, ndërsa hyrja e tifozëve do të jetë e lirë për këtë ndeshje.

“Nëse fitoni, do të keni një drekë speciale për tri pikët. Do ta kthejmë në festë, sepse luajmë një nga ndeshjet më të forta të fazës së tretë. Korabi e meriton”, u ka thënë Bubeqi futbollistëve, sikurse mëson SportEkspres.com.

Dibranët do të tentojnë ta ndalojnë Vllazninë kryesuese. Për ta është një ndeshje prestigji, pasi nuk ëshët se synohet ngjitja në Superiore. Kuqeblutë janë favoritët kryesorë për t’u rikthyer në elitë dhe duan që sa më parë ta realizojnë objektivin e tyre. Në Peshkopi këtë javë është e sigurt që nuk do ta kenë të lehtë.

Këtë moment, tekniku kavajas i dibranëve e quan si një mundësi reale që i shërben më shumë formatimit të një skuadre bazë për sezonin e ardhshëm. “Humbja me Besëlidhjen nuk më shqetësoi shumë, sepse është një nga skuadrat pretendente të Grupit A. Por duke qenë se aktivizova disa futbollistë të ardhur gjatë merkatos së janarit, të cilët nuk kishin gjetur hapësira, si dhe të tjerë nga ekipi i të rinjve, unë jam i kënaqur me premierën e tyre  me fanellën e Korabit. Paraqitja e tyre ishte e mirë dhe në ndeshjet e tjera besoj se do të kenë më shumë përmirësim”, u shpreh Bubeqi për SportEkspres.com.

Ndërkohë, trajneri i Korabit thekson më pas se gjatë fazës së tretë do të fitohen më shumë ndeshje, që do të jenë si teste për sezonin tjetër. “Faza e tretë na jep mundësinë që të luajmë më lirshëm dhe të aktivizojmë sa më shumë futbollistë. Ne nuk pretendojmë ngjitje në renditje, por do të synojmë të fitojmë sa më shumë ndeshje, që së pari do të jenë teste për futbollistët që do të aktivizohen”.

AGRON KAJA

Vendasit kanë fituar pastër 3-0 kundër ekipit dibran, duke u ngjitur në vendin e tretë me 30 pikë. Vendasit vulosën fitoren me dy golat e shënuar në pjesën e parë. Hoxha zhbllokoi sfidën në minutën e tetë, ndërsa afrikani Kamara dyfishoi shifrat me golin e shënuar shtatë minuta përpara fundit të pjesës së dytë.

Pjesa e dytë dhuroi dhe një tjetër gol. Ishte përsëri ekipi lezhian që gjeti rrjetën me anë të Balajt, i cili vulosi fitoren e Besëlidhjes me golin e shënuar në minutën e 87-të. Kjo ishte fitorja e dytë rresht për ekipin e Gjonit, ndërsa Korabi renditet një pozicion më poshtë në renditje me 27 pikë.

Kategoria e Parë – java 18
E diel, më 24 shkurt, ora 14:00

BESËLIDHJA-KORABI 3-0
Shënues: Hoxha 8’, O. Kamara 38’, Balaj 87′

Besëlidhja: Bajri; Fetaj, I. Kamara, Dibra, Rustemaj; Kryemadhi, Balaj, T. Kamara; Hoxha, Soumah; Lambert. Trajner: Vladimir Gjoni

Korabi: Birja; Koçi, Dida, Doçi, Osmani; Kalluci, Karaj, Raza; Lika, Trimi, Skuka. Trajner: Dorian Bubeqi

Nisur nga kushtet atmosferike, është vendosur nga zyrtarët e ndeshjes që ndeshja Besëlidhja-Korabi të mos zhvillohet sot. Klubi dibran ka dalë me  një njoftim dhe thuhet se takimi është shtyrë për nesër, por sërish do të varet nga moti.

“Anulohet takimi për shkak të kushteve klimaterike. Takimi është shtyrë për t’u zhvilluar nesër, por asgjë nuk është zyrtare pasi duhet parë sërish moti”, shkruhet në njoftimin e klubit të Korabit. Besëlidhja dhe Korabi kanë siguruar renditjen në pesë skuadrat më të mira dhe takimi i sotëm luhet më shumë për prestigj.

“Ka qenë një rrugë e vështirë në 17 javët që janë luajtur, në të cilat Korabi ka treguar seriozitet, ka prodhuar lojë dhe i ka merituar 27 pikët. Natyrisht që ky është një kontribut i gjithë skuadrës, stafit teknik e drejtuesve tanë që kanë qenë mbështetje në këtë arritje. Nuk harroj këtu edhe tifozët dibranë që na kanë dhënë emocione me përkrahjen e tyre në këto ndeshje, në të dyja fazat. Sukseset meritojnë të festohen edhe me valle”, kështu deklaroi sot trajneri i Korabit, Dorian Bubeqi.

Në ndeshjen e fundit të fazës së dytë Korabi luan në Lezhë ndaj Besëlidhjes, e këtu Bubeqi mendon se do jetë një ndeshje kolauduese për Korabin, kryesisht për ndeshjet e vështira të fazës së tretë.

AGRON KAJA

QËNDRIMI I KORABIT – Granit Sulko, dhe ju Granitët e tjerë, pse e shëmtoni futbollin tonë?! Atë futbollin që po përpiqemi ta zbukurojmë dhe ta nxjerrim nga mjerimi e zona e zymtë që është futur! Në Shkodër të kontestuam publikisht për golin që shënoi Veleçiku, kontestuam për kartonin e kuq që dhe ndaj nesh, por në fund u pajtuam dhe ulëm kokën duke menduar se janë gabime njerëzore.

Në Burrel provuat që ka një tendencë dhe qëllimi është dashakeq, edhe pse të gjithë e dinim që përqindja e fushës i takon vendasve dhe e kishim përgatitur ekipin për një gjykim në disfavor, por jo të njëanshëm!

Ajo fanellë që përdhosët ju është fanella e dibranëve, ata djem që luajtën në fushë ushqejnë familjen me këtë punë dhe jeni ju që talleni me djersën dhe bukën e tyre.

Një penallti qesharake në disfavor, një penallti e mohuar dhe një gol i pa akorduar janë shumë dhe vlejnë me tepër se ai “harami” që keni marrë, vlen më tepër se ajo nota negative që morët sot, me tepër se ai dënimi jo publik që do merrni në FSHF!

Klubi i Futbollit “Korabi” shpall non-grata grupin nga Lushnja që ka gjykuar Korabin në dy humbjet e pësuara këtë sezon, pasi kanë ndikuar drejtpërdrejt në rezultatin e takimit. Po investohen paratë e biznesmenëve të ndershëm dibranë, paratë e taksapagueseve dibranë, koha dhe mundi i stafit dhe lojtarëve për të ardhmen e futbollit dibran dhe shqiptar, ndaj kërkojmë publikisht të drejtën tonë dhe lojë të ndershme! (Në videon e mundësuar nga Rruzhdi Xhediku janë rastet e takimit dhe momentet për gjykim).

“Me Veleçikun ishte një ndeshje e vlerësuar maksimalisht nga e gjithë skuadra dhe fitorja u duk më e lehtë edhe nga përkrahja e madhe e tifozerisë, e cila u bë faktor në këtë sfidë të parë për vitin 2019 në kampionat. Ndërsa për penalltinë unë e kisha premtuar në skuadër, por atë ditë dedikimi ka qenë për presidentin e skuadrës sonë Fehmi Mziu, i cili kishte datëlindjen”, kështu theksoi fillimisht në deklarimin e tij portieri i Korabit, Kadri Birja.

Ndërsa për ndeshjen e javës së 16-të të cilën Korabi e luan në transfertë me Burrelin, Birja e quan të vështirë dhe rezultatin mendon që t’ia lerë fushës së lojës. “Të gjitha ndeshjet janë të vështira, sidomos këto të fazës së dytë ku çdo skuadër kërkon të marrë sa më shumë pikë. Edhe për ne në Burrel do të jetë një ndeshje e vështirë, por do të shkojmë për të dhënë maksimumin dhe rezultatin do t’ia lemë fushës së lojës”.

AGRON KAJA

Së pari është arritur marrëveshja për 6 muaj me portierin Jurgen Mehidri, i cili në 14 ndeshjet e para të këtij sezoni luajti me fanellën e Vorës. Nga skuadra Partizani B te Korabi ka kaluar mbrojtësi Franci Lala vetëm për 6 muaj, ndërsa nga Tirana B ka kaluar mesfushori Sokol Lleshi, i cili ka nënshkruar për 2 vite me Korabin.

I veçantë ka qenë dje për skuadrën dibrane edhe nënshkrimi me 17-vjeçarin Ergi Milla, i cili që në debutimin e tij me Korabin U19 e nisi me gol. I riu nga Tirana luan si mesfushor dhe stërvitet me ekipin e parë të Tiranës në Superiore, ndërkohë që klubi dhe stafi teknik e kanë vendosur Millën në radhët e “projektit” që po punojnë për të ardhmen e Korabit.

Të gjithë këtyre futbollistëve të afruar klubi dibran ju uron mirëseardhjen dhe ju uron suksese. Korabi merr pjesë në Grupin A të Kategorisë së Parë dhe pas 15 javëve renditet në vendin e katërt me 24 pikë, me pikë të barabarta me Dinamon e vendit të tretë. Në javën e 16-të Korabi do të luajë të shtunën në transfertë ndaj Burrelit, ndeshje që fillon në orën 14:00.

AGRON KAJA

Bubeqi do të jetë në krye të pankinës deri në maj të 2020 dhe klubi nuk ka ngurruar as ta falënderojë për rezultatet që ka marrë deri më tani këtë sezon.

Njoftimi i Korabit

“Sot ka rinovuar kontratën me Korabin trajneri Dorjan Bubeqi deri në Maj 2020. Në emër të klubit e falënderojmë për ecurinë dhe rezultatet e deri tanishme dhe i urojmë suksese në vijim”, njofton klubi i Korabit.

“Sot klubi dhe Ylber Muça kanë arritur marrëveshjen dhe lojtari është në shërbim të klubit për 3 vitet e ardhshme. Dibrani vjen nga radhët e Mjeshtrisë Sportive “Loro Boriçi”, ku për 4 vite është aktivizuar me Shkendija Tiranë U17&U19. Muça luan si mbrojtës dhe mesfushor i majtë. Klubi i uron mirëseardhjen dhe suksese në vijim”, thuhet në njoftimin e dibranëve.

Trajneri Dorian Bubeqi do të ketë një forcë më shumë në dispozicion dhe ky është një lajm i mirë. Deri në fund të kampionatit do të duhet kontributi i të gjithëve, ndaj edhe një grup sa më i plotë është i rëndësishëm.

“Në të gjitha ndeshjet miqësore që kemi zhvilluar gjatë muajit janar, më shumë se sa rezultatet që kemi fiksuar, mua më ka interesuar testimi i gjendjes së skuadrës. Sepse kemi para një gjysmë sezoni shumë të vështirë, ku Sopoti ka si objektiv të parë renditjen në pesë skuadrat e para në Grupin A. Skuadra është e gatshme ta përballojë me sukses, që në sfidën e parë me Veleçikun, me synimin e vetëm fitoren”, kështu deklaroi Bubeqi për SportEkspres.com.

Dibranët kanë ruajtur kontigjentin që mbylli pjesën e parë të sezonit, por nga skuadra është larguar vetëm Kovaçi në drejtim të Vorës, ndërsa në provë ka qenë Jurgen Mehidri. Lajmi i keq për trajnerin Bubeqi është mungesa e sulmuesit kryesor Murrja, i cili do t’i nënshtrohet një ndërhyrje kirurgjikale.

AGRON KAJA

Një tjetër paraqitje e shkëlqyer për Tërbunin, që përtej rezultatit, bëri një figurë shumë të mirë edhe në lojë, duke krijuar raste të shumta për shënim, gjatë gjithë ndeshjes. Një sinjal i qartë se pukjanët e kanë shumë seriozisht këtë vit dhe nëse llogariten edhe dy sulmuesit e afruar në janar, Sejdini e Merdini, atëherë grupi A i Kategorisë së Dytë ka një favorit të madh tashmë.

Në sfidën e sotme u mbajt edhe një minutë zi, në nderim të ish-futbollistit të famshëm të Dinamos, Vasillaq Zëri, i ndarë nga jeta ditën e premte.

Tërbuni – Dinamo           1-0
Shënues: Metani 43′

Korabi dhe Internacionali u ndeshën ditën e sotme në një takim miqësor, që u mbyll me fitoren e dibranëve me rezultatin 2-0. Shënuesit e golave për Korabin ishin Skuka dhe Dida. Në fundjavën e ardhshme, djemtë e drejtuar nga Dorian Bubeqi do të presin në Peshkopi Veleçikun, në kuadër të takimit të javës së 15-të Kategorisë së Parë.

Korabi – Internacional        2-0
Shënues: Skuka 10′, Dida 85′

Skuka ishte ai që barazoi ndeshjen, duke shfrytëzuar krosimin e Likës. Sulmuesi i ri mposhtu portierin e Shënkollit me një goditje me kokë. Golin e fitores e realizoi Trimi me një goditje nga jashtë zone. Korabi dhe Shënkolli garojnë në grupin A të Kategorisë së Parë dhe ky test u shërbeu stafeve teknike për të parë gjendjet e skuadrave.

MIQËSORE – E mërkurë, më 23 janar
KORABI-SHËNKOLLI 2-1
Shënues: Skuka, Trimi
Korabi: Birja, Doçi, Hoxha, Kalluci, Koçi, Osmani, Lika, Karaj, Raza, Reçi, Skuka. (U aktivizuan: Mehidri, Laçka, Trimi, Dida, Muça, Lala, Gjediku, Hysi, Haka, Shehu, Bogdani). Trajner: Dorian Bubeqi

https://www.facebook.com/kfkorabi.al/videos/2407216225977649/