Kongo

VIDEO | Faraonët zhbllokojnë sfidën, kualifikimi një hap larg

Sport Ekspres — Wed, 26 Jun 2019 20:32:55 +0000

Egjipti është shumë pranë kualifikimit për në fazën me eliminim direkt të Kupës së Afrikës, pasi ka kaluar në avantazh përballë Kongos. Faraonët shfrytëzojnë mjaft mirë një goditje këndi dhe ndërtojnë një aksion të rrezikshëm.

Salah luan shkurt, merr sërish topin pas një kombinimi dhe kroson në zonë. Mbrojtja e Kongos nuk arrin të largojë siç duhet topin dhe nga rrëmuja, përfiton mbrojtësi i Aston Vilës, Elmohamadi, i cili i jep avantazhin Egjiptit pas 25 minutash lojë.

Kupa e Afrikës

Egjipt – Kongo 1-0
Elmohamadi 25’

Ahmed Elmohamady scores for Egypt against DR Congo. Get in ELMO!!!!!!#AVFC #AFCON2019 #EGYPT pic.twitter.com/5l3pN3ZQPD

— avfchistory (@avfchistory) June 26, 2019

Shi në Kongo, ndalet derbi i kombëtareve dhe plas gallata (VIDEO)

Sport Ekspres — Tue, 20 Nov 2018 17:21:41 +0000

Futbolli afrikan nuk ndalon së na habituri. Kësaj radhe udhëtojmë drejt kryeqytetit të Kongos, Brazavij. Në ndeshjen midis vendasve dhe fqinjëve nga Republika e Kongo në kuadër të kualifikuesve të Kupës së Kombeve të Afrikës, lojtarëve të të dyja skuadrave i është dashur t’i përvishen punës për të larguar ujin e shumtë që kishte pushtuar fushën pas një rrebeshi.

Gjithçka ndodhi kur rezultati i ndeshjes ishte 1 – 1. Intensiteti i lartë i shiut detyroi gjyqtarin e takimit që të ndalonte lojën. Futbollistët menjëherë iu futën punës duke marrë secili nga një kovë. Mundi i tyre u shpërblye dhe ndeshja vazhdoi, por rezultati mbeti i njëjtë deri në fund të takimit.

Congo vs DR Congo: This is what a waterlogged pitch looks like! ????????????????????pic.twitter.com/68Z80eSKDz

— 101 Great Goals (@101greatgoals) November 20, 2018

Kondogbia i jep fund me Francën, zgjedh përfaqësuesen e re

Sport Ekspres — Mon, 01 Oct 2018 13:47:50 +0000

Për vite më radhë Zhofri Kondgobia shihej si një ndër talentet më premtues të futbollit francez. Mesfushori shtatlartë ka përfaqësuar Francën në të gjitha grupmoshat, ndërsa me ekipin e parë ka luajtur pesë ndeshje. Por, mbasi kanë kaluar tri vite nga grumbullimi i tij i fundit me “Gjelat”, Kondogbia ka marrë një vendim të pakthyeshëm.

25-vjeçari ka vendosur të ndryshojë kombëtare, duke pranuar ftesën e Republikës së Afrikës Qendrore, që është dhe vendi i origjinës së prindërve të tij. Kombëtarja afrikane është interesuar prej vitesh për lojtarin, por ai kishte refuzuar çdo herë kërkesat e tyre, pasi prioriteti i tij ishte kombëtarja e Francës.

Futbollisti që aktivizohet me Valencian mundi të ndërronte përfaqësuese, pasi të pesta aktivizimet e tij të mëparshme me kombëtaren e Francës ishin në ndeshje miqësore.

Tirana e paditi në FIFA, sulmuesi afrikan feston kupën në vendlindje

Sport Ekspres — Wed, 22 Aug 2018 10:34:40 +0000

Moise Nkunku ishte një ndër lojtarët afrikan që ishin pjesë e Tiranës në sezonin 2016/2017. Sulmuesi nga Kongo firmosi një kontratë 2-vjeçare me bardheblutë, por ai largua pas vetëm një sezoni drejt vendlindjes duke injoruar thirrjet e klubit, që i kërkonte të kthehej në Shqipëri. Tirana më pas kërcënoi se do padiste në FIFA për mosrespektim të kontratës, por Moise ka vepruar me kokën e tij dhe pas disa muajsh larg futbollit firmosi me skuadrën kongoleze “Diables Noirs”.

Më shumë se një vit që nga “arratisja” e tij nga Tirana, Moise del përsëri në skenë me ekipin e “Diables Noirs”, në festimet e finales së Kupës së Kongos. 22-vjeçari shfaqet në foto me medaljen e fituesit të kupës. Klubi i Tiranës nuk është prononcuar më mbi këtë lojtar, por me siguri mund të thuhet se të dyja palët nuk duan më të dëgjojnë për njëri-tjetrin.