NDESHJA KUNDËR PARTIZANIT – “Të flasësh për rëndësinë e kësaj ndeshjeje është e kotë, pasi dihet që ne e vlerësojmë në maksimum çdo sfidë që luajmë. Luajmë kundër një kundërshtari direkt, siç është Partizani. Vijmë nga disa ndeshje ku nuk kemi marrë maksimumin dhe kjo i shton edhe më shumë vështirësinë kësaj sfide.

DËMTIMET – “Sigurisht që lojtarët që mungojnë kanë qenë pjesë e formacionit tonë gjatë gjithë kësaj periudhe. Kanë qenë lojtarë bazë si Demte, Bregu, Krasniqi dhe shtoj Alitin, që mungon për shkak kartonësh. Gjithsesi, ne duhet të mësohemi me këtë gjë, pasi futbolli i tillë është dhe kam shumë besim te lojtarët që do të aktivizoj nesër”.

MERKATO – “Padiskutim që blerjet e reja nuk mund të vijnë pa firmën time, pa miratimin tim. Që një lojtar të bëhet pjesë e skuadrës, duhet të  bindë trajnerin dhe stafin teknik. Ata që kanë ardhur më kanë bindur, por thjesht duhet pak kohë që të ambientohen në skuadër.

TAIPI – “Taipi ka qenë në formacion në ndeshjen e Kupës përballë Besëlidhjes, ndërsa nesër do të jetë në stol. Kështu që gradualisht do të bëhet pjesë e formacionit.

KONTIGJENTI – “Mendoj se jemi plotësuar, kontingjenti i lojtarëve është aty ku ne donim. Ndoshta në ditët e fundit mund të ketë ndonjë afrim, por për momentin jemi OK. Presim rikthime nga dëmtimet dhe do të jemi edhe më të plotë”.

LOJTARËT E HUAJ – “Kemi probleme me lojtarët e huaj, me pajisjen me pasaportat. Realisht, ata janë shqiptarë dhe shpresoj të pajisen me dokumentacionin e duhur. Kishim boshllëqe në skuadër, por në këtë merkato, besoj se kemi gjetur lojtarët e duhur, për të përforcuar ato reparte ku kishim nevojë”.

MESFUSHA – “Në mesfushë, kemi pas shumë mangësi. Kemi pasur pak lojtarë, duke parë dhe mënyrën sesi Skënderbeu luan. Na u shtua edhe problemi me Demte, i cili pas ndeshjes kundër Luftëtarit nuk ka qenë në kondicionin e duhur.

“Në ndeshjen ndaj Kamzës na u dëmtua Muzaka në momentet e fundit, kështu që në atë repart ishim në emergjencë. Nuk e mendonim dëmtimin e Bregut pasi na erdhi në një moment që nuk e prisnim. Aty ku kishim nevoje aty u përqendruam, që të mbushnim boshllëqet që kishim. Pozicionet e tjera ishim në rregull”.

KRASNIQI – “Pati një kontraktim në ndeshjen ndaj Bylisit dhe në fund e zëvendësuam, pasi nuk donim të përkeqësohej. Ka pasur një periudhë riaftësimi dhe dje është bashkuar me grupin, ku përsëri jo në 100% e tij. Besoj do të jetë në pankinë, por jo nga fillimi”.

“Është momenti që duhet të marrim maksimumin, pasi në ndeshjet e fundit të kampionatit kemi prodhuar, por nuk kemi marrë atë që meritonim. Duke parë që luajmë ndaj një kundërshtari direkt, duke parë renditjen dhe pozicionet ku janë skuadrat mendoj që, është ndeshja e duhur për t’u kthyer te fitorja. Është ndeshje që na shërben shumë për të ardhmen dhe aspektin psikologjik të skuadrës, për vetë pozicionin ku jemi. Nuk do ta quaja ndeshje vendimtare por që na shërben shumë për vazhdimin e sezonit”.

Trajneri i Shqipërisë Kristian Panuçi ka dalë në konferencë për shtyp prag ndeshjes me Maqedoninë. Në një ambient jo të zakontë, konferenca u zhvillua në një lokal dasmash, tekniku italian u është përgjigjur gazetarëve që ndodheshin prezent.

-Si është gjendja e skuadrës pas dy ditësh udhëtim?

Skuadra do të ketë kohë për të rikuperuar ende, por mos të harrojmë që dhe Maqedonia ka luajtur në Izrael dhe jemi në të njëjtat kushte.

Jam shumë i bindur se skuadra do të jetë e rikuperuar, pasi pjesa më e madhe e lojtarëve janë mësuar që të luajnë në periudha të tilla kohore.

-Si është gjendja e Sadikut dhe a do të jetë ai nga minuta e parë?

Sadiku është në dispozicion, si gjithë pjesa tjetër e skuadrës. Kam kontingjent të plotë. Nesër do e shihni se kush do të jetë formacioni.

-Një barazim na afron me vendin e tretë, do ju kënaqte ky rezultat?

Ne kemi ardhur këtu për të fituar. Do të shohim se si do të shkojë loja dhe çfarë do të na rezervojë fati. Nuk firmosim për barazimin. Kemi shumë respekt për Maqedoninë, duke ditur se ka një skuadër me shumë kualitet, por njëherësh duke qenë të vetëdijshëm për potencialet e skuadrës tonë.

-Sa ndryshon Maqedonia nga Litenshtejni dhe kujt i trembet më shumë tek kundërshtari?

Sigurisht nëse do të jemi në fushë si në 30 minutat e para të ndeshjes së shkuar do të vuajmë shumë, pasi skuadra nuk ishte në momentin e saj më të mirë. Duhet të jemi nga minuta e parë më shumë grindë dhe kujdes deri në minutën e 90+5’.

-E keni parë terrenin e fushës, si ju duk ajo? A do të ketë markim speciale për Pandev?

Absolutisht asnjë markim fikse. Ka shumë kualitet dhe e e marrim në konsideratë, por nuk do të ketë mbrojtje fikse për të. Stadiumi është një stadium i vogël me një terren të mirë. Duhet të shohim dhe të bëjmë ndeshjen tonë. Stadiume të tilla kanë vështirësitë e tyre.

Maqedonia po kalon një moment të mirë…

Natyrisht e ritheksoj se kemi respekt shumë të madh për kundërshtarin, do të tentojmë t’i krijojmë probleme. Do të jemi të ashpër në sulm, do të synojmë të prishim manovrat e tyre.  Natyrisht që luajnë, por karakteristika më e mirë e tyre, nuk lë të luajë kundërshtarin.