Pas golit të parë të shënuar me kokë, Guri realizon një perlë në minutën e 87-të të sfidës. Brenda zonës, sulmuesi kuqezi e merr mirë topin, driblon kundërshtarin brenda zonës dhe mposht portierin me një diagonale me të djathtën. Thjesht i shkëlqyer…

“Kemi marrë dy-tre oferta për Grezdës, por asnjëra nuk i përmbush pritshmëritë tona nga ana financiare. Ka pasur dhe kërkesa huazimi, por asnjë nga këto opsione nuk janë opsione që ne po i studiojmë”.

Nga Franca, transferimin e Grezdës te Brest e bëjnë të kryer, por futbollisti kuqezi është ende në kontratë me Rejnxhërs dhe deri më tani, është ende në “Ibrox Stadium”. Situata e sulmuesit të kombëtares, shumë e paqartë…

Bundesliga austriake është kampionati i gjashtë i huaj në karrierën e 28-vjeçarit që më parë ka luajtur në Turqi, Çeki, Poloni, Kroaci Rusi. Balaj do të jetë gati për ta ndihmuar skuadrën e re në takimin hapës të Bundesligës, këtë të diel ndaj Sankt Pëlten.

Transferimi i Balajt tek ekipi austriak u krye me kosto 0 pasi kontrata e sulmuesit me klubin çeçen Ahmat mbaroi në fund të këtij sezoni.

Çmimi i biletës është 2500 lekë. Të gjithë të interesuarit mund të pajisen me bileta nëpërmjet blerjes online në faqen zyrtare të “FSHF”-së, ose në ambientet  e dyqanit zyrtar të FSHF-së në rrugën “Themistokli Germenji”, Tiranë.

Vendet për tifozët shqiptarë janë në seksionet B5, B6, B7 dhe B8, të cilat ndodhen në pjesën jugore të stadiumit në tribunën e katit të parë.

Megjithatë, nuk përfundojnë këtu ofertat për yllin e kombëtares sonë. Leganes dhe Real Vajadolid gjithashtu do të bëjnë maksimumin për të sjellë Ivanin në gjirin e tyre. Kalojmë në Angli, ku Uest Brom ka treguar interes konkret, duke takuar agjentin e lojtarit.

Anglezët janë përballur me largime në mbrojtje dhe Balliu do të ishte një vlerë e shtuar, duke parë që mbulon të dy krahët. Për momentin ofertat nga La Liga janë më tunduese, me Uest Brom që aktivizohet në Championship.

Ndeshja nuk nisi mirë për Prengën, i cili u ndëshkua me karton të verdhë që në minutën e 7-të të takimit dhe duke luajtur për pjesën e mbetur me kujdes të tepërt. Por 24-vjeçari kuqezi nuk mundi t’i shpëtonte kartonit të kuq në minutën e 111-të, duke lënë skuadrën e tij me një futbollist më pak.

Pas 210 minutave pa gol në të dyja sfidat, Riga dhe Dundalk iu drejtuan penalltive, aty ku irlandezët u treguan më të saktë dhe kalojnë në raundin tjetër, ku përballë do të kenë Karabakun.

17-vjeçari luajti sezonin e shkuar për moshat e Kievos, por paraqitjet e mira i dhanë mundësinë të kalojë te skuadra A, ku u grumbullua në 7 ndeshje dhe luajti njërën nga to titullar për 90 minuta. Ndreçka shihet si një mbrojtës me të ardhme dhe jo më kot Tare i ka besuar.

Mbrojtësi i majtë ka luajtur për dy kombëtaret e moshave të Shqipërisë, me atë U-19 dhe me Shpresat U-21. Në Instagramin e tij zyrtare, Ndreçka ka postuar një video, ku shikohet se është në ambientet e klubit të Lacios.

Kumbulla është një ndër talentet më të vlerësuar nga stafi i Veronës dhe pritet që të vazhdojë të jetë pjesë e skuadrës gjatë sezonit të ardhshëm, ku Verona ka për objektiv të sigurojë mbijetesën në Serie A.

GOOOL! Po izjemni podaji Anteja Vukuši?a je @nkolimpija v vodstvo popeljal #EndriCekici. @PrvaLigaSi #plts #PrvaLiga #football #soccer #footballseason #sportal #sportalgoool #goool #goal #BRAOLI pic.twitter.com/2cvFBRYR2O

— Sportal Goool (@SportalGoool) July 14, 2019

Transferimi i futbollistit nga Kroaci në Slloveni duket se ka qenë veprimi i duhur me Ccekiccin që është kthyer në një golashënues të rregullt për skuadrën e Olimpias. Pas një fillimi të vështirë ku u aktivizua me pikatore, 22-vjeccari ia doli të spikaste me golat e tij të shpeshtë.

Krahas ndeshjes me Kroacinë, Shqipëria u ndesh me Bosnje-Hercegovinën dhe Hungarinë, dy ekipe këto që konsiderohen ndër përfaqësueset elitare në këtë sport. Takimi me Bosnjën u mbyll me fitoren 1-0 të boshnjakëve, ndërsa ndeshja ndaj u hungarezëve u mbyll me rezultatin 1-1.

Lojtarët e përzgjedhur për të përfaqësuar Shqipërinë në këtë turne kanë qenë pjesëmarrrës në edicionin e dytë të kampionatin të minifutbollit amator, garë kjo ku morën pjesë 14 ekipe dhe mbi 130 lojtarë.

Shqipëri 3 – 1 Kroaci
Shënues: Leci 9’, Matraxhi 25’, Biba 41’

Shqipëri 1 – 1 Hungari
Shënues: Shima

Shqipëri 0 – 1 Bosnje-Hercegovinë

Ndeshja e vlefshme për fazën 1/8-ve të Kupës së Moldavisë ishte thjesht një formalitet për të dyja ekipet pasi llogaritë për kualifikim ishin mbyllur që në ndeshjen e parë, ku Sherif fitoi me rezultatin 12 – 0.

Ndër tri golat që shënoi ish-sulmuesi i Skënderbeut vlen të veçohet goli i dytë ku 25-vjeçari godet topin fluturimthi dhe e çon në trekëndëshin e portës kundërshtare.

Pikërisht pas atij sezoni, Llullaku nënshkroi për Astanën, skuadër e cila do të luajë përballë CFR Kluzh në fazën kualifikuese për grupet e Champions League.

Në një intervistë për DigiSport, Llullaku u shpreh: “Rrogat te Astana janë të shkëlqyera, 50-60 mijë euro. Çdo futbollist merr 100 mijë euro bonus në rast se arrijnë të kualifikohen në fazën e grupeve, plus që kishte dhe bonuse të tjera”.

“Për këtë arsye, CFR Kluzh do të ketë një sfidë të vështirë, pasi nga ana financiare, Astana është shumë e motivuar”, tha sulmuesi i kombëtares kuqezi. Llullaku ka luajtur për ekipin e Astanës në vitin 2017, ku u aktivizua 17 ndeshje dhe shënoi një gol.

Për më shumë se dy sezone tashmë, duket se anësori kuqezi është një nga lojtarët më të kërkuar në merkato, por në ditët e fundit, një kalim i tij te Atletiko Madrid duket më shumë se një thashethem. Sipas asaj që rapotohet nga Alfredo Pedula, Hysaj do të jetë një lojtar i Atletikos, skuadër e cila ka paguar 20 milionë euro për shërbimet e tij.

Huanfran u nda me “Colchoneros” pas 9 sezonesh, ndërsa mbrojtësi tjetër i djathtë, Arias, nuk ka bindur dhe pritet të largohet. Simeone ka mbetur pa mbrojtës të djathtë dhe si pasojë, ka vendosur të shpenzojë plot 20 milionë euro për mbrojtësin shqiptar.

Aliji ishte një ndër lojtarët e shumtë që trajneri Redniç përzgjodhi gjatë merkatos së janarit. Krisja e marrëdhënieve midis trajnerit dhe pronarëve të Dinamos ka bërë që pjesa e dërrmuese e lojtarëve të afruar në klub nga Redniç të largohen.

Gjithsesi kalimi te Dinamo mbetet një përvojë e mirë për Alijin, i cili luajti 16 takime në gjashtë muaj duke qenë një titullar i padiskutueshëm në formacionin e klubit rumun. Me siguri ofertat për 25-vjeçarin nuk do të mungojnë.

Me ekipin rumun, Llullaku kishte dhe një vit kontratë, por ka rënë dakort me klubin për ndërprerjen e saj. Tashmë, sulmuesi 31-vjeçar është një lojtar i lirë, në pritje të ofertave. Fanellën e Astrës, Llullaku e mbrojti vetëm këtë sezon, ku në 34 ndeshje, shënoi dhe 7 gola, duke qenë një nga lojtarët më të mirë. Në Instagramin e tij, Llullaku njoftoi “divorcin” me Astrën, duke shkruar:

“Aventura ime këtu mbaroi! Dua t’i falënderoj të gjithë anëtarët e kësaj skuadre, ju uroj më të mirat. Fat të mbarë djema, fat të mbarë”.

 

View this post on Instagram

 

My adventure here is finished ! I want to thank everyone from this team , wish you all the best ! Good luck guys good luck @astra_giurgiuoff

A post shared by Azdren Llullaku 10?? (@llullakuazdren) on Jun 18, 2019 at 11:02am PDT

Kontrata e Demirit me klubin 7 herë kampion të Sllovakisë është e vlefshme për tri sezonet e ardhshme. Në fjalët e para për faqen zyrtare të klubit, 24-vjeçari tha: “Agjenti im më foli për interesin e Zhilinës. Është një hap i mirë për karrierën time. E di çfarë ka arritur në të shkuarën ky klub, di gjithashtu që ky klub ka shërbyer si trampolinë për shumë futbollistë, shpresoj që të jem unë njeri prej tyre”.

Demiri ka qenë në të shkuarën pjesë e grumbullimeve të kombëtares së Shqipërisë, por pa mundur të aktivizohet. Mbrojtësi i majtë mbetet një opsion interesant për trajnerin Edi Reja.

Kontrata e Mavrajt me Ingolshtadin zgjat deri në fund në qershor të 2020-ës, por rënia ne divizionin e tretë e bën thuajse të pamundur që bashkëpunimi midis palëve të vazhdojë.

Futbollisti është i interesuar të vazhdojë të luajë në Bundelisga.2, ndërsa klubi ka si qëllim të reduktojë shpenzimet për t’u bërë gati për sezonin e ri. Sipas medies gjermane “liga-zwei.de”, interes për Mavraj ka shfaqur Grojter Fyrt.

Kapiteni i kombëtares sonë e njeh mirë këtë klub, pasi ka qenë pjesë e Grojter Fyrt për tri sezone. Fyrt ka pësuar largime të shumta në repartit e mbrojtes dhe Mavraj shihet si një lojtar që mund ta ndihmojë skuadrën në arritjen e mbijetesës në Bundesliga.2

“Përshëndetje miq, ju falënderoj të gjithëve për komentet pozitive dhe ato negative. Sa i përket çështjes së bluzës, ju kërkoj shumë ndjesë për hedhjen e saj, me të vërtetë një gjest i papranueshëm, por më besoni, ndodhi si pasojë e mos kontrollimit të emocioneve dhe unë nuk kisha ndonjë qëllim të keq. Ju kërkoj shumë ndjesë. Zoti ju bekoftë të gjithëve”.

“Në moshën 5-vjeçare prindërit më çuan në stërvitje. Luajta për katër vite me atë ekip derisa në një turne më pikasi një skaut i Totenhemit. Ai foli me prindërit dhe u paraqita mirë në ndeshjen e provës. Aty qëndrova dy vite”.

“Në një ndeshje kundër Çelsit u futa si rezervë në pjesën e dytë. Kur u futa unë rezultati ishte 2 – 0, shënova një gol dhe asistova tjetrin. Aty më panë për herë të parë. Më pas në një ndeshje tjetër mes ekipeve rezervë të grupmoshave shënova 9 gola, pas kësaj ndeshje ata më kontaktuan dhe thanë hajde te ne. Ishte diçka shumë e bukur pasi kam qenë që i vogël tifoz i kësaj skuadre”.

“Jam stërvitur disa herë me ekipin e parë dhe me skuadrën U21. Shpresoj që në të ardhmen nëse bëj mirë pse jo të mos kaloj një grupmoshë më lart te skuadra U21”, përfundon Broja.

“Çdo ndeshje është shumë e rëndësishme, por për ne ndoshta kjo fitore ka më shumë rëndësi për faktin se kemi bërë pak rezultate pozitive. Uroj që t’i ketë kthyer fat ekipit dhe të kthejë atmosferën pozitive rreth ekipit kombëtar, që është arma më e fuqishme për të arritur te suksesi”.

“Jam më i kënaqur me këtë loje dhe këtë rezultat. Bëmë lojë më të mirë në Islandë, ne komanduam lojën, ato morën rezultatin. Unë mendoj se sot patëm edhe lojë edhe gabim”.

TRAJNERI – “E vetmja vërejtje që më kanë bërë kur kam zgjedhur Rejën trajner është mosha e madhe e tij, 73 vjeç. Për të tjerat s’kam pse flas, është një trajner shumë i mirë. Ka kontribuar maksimalisht me atë që mund të bënte për pak ditë. Ndryshoi atmosferën tek ekipi dhe ngriti besimin te lojtarët”.

GRUPI – “Nuk mund të themi se jemi i afruar vendit të dytë meqë jemi me 6 pikë dhe kundërshtarët kanë nga 9 pikë. Ky grup ka pasur vetëm 3-pikësha deri tani , besoj se do të ketë dhe 1-pikësha, uroj që mos të jemi ato që do barazojmë. Është një grup i fortë. Çdo njeri që ndjek futboll mendon se Franca është favoriti kryesor, Turqia dhe Islanda pak më pak dhe Shqipëria afër tyre. Gjithsesi ne kemi për detyre të luftojmë deri në fund”.

“T’iu them të vërtetën kisha dëshira të luaja, pasi kishte kaluar një kohë e gjatë që nga ndeshja ime e fundit me kombëtaren. Nuk ka rëndësi për kë shërbej, qoftë Balaj, Sadiku ose Cikalleshi. Bekimin e kam shok të ngushtë natyrisht, por kombëtarja në radhë të parë”.

SKEMA DISAVANTAZH ? –“Është e vërtetë, por nëse rezultatet vijnë trajneri s’ka pse ta ndryshojë skemë. Kishim shumë kohë që s’merrnim një rezultat pozitiv dhe sot sikur nxorrën atë dufin“

Mesfushori Amir Abrashi nuk i fshehu emocionet në intervistën për “Supersport”. Futbollisti nga Gjakova beson se kjo fitore e mban ekipi kombëtar ende në garë për kualifikim për në “Euro 2020”.

“Mu bë shumë qejfi shumë për këtë fitore. Ky rezultati i duhej skuadrës. Mu bë qejfi Cikalleshin që shënoi, është një sulmues shumë i mirë. Me Islandën nuk bëmë një ndeshje të keqe, por me këtë fitore hyjmë sërish në gol. Sado që shanset t’i kemi vogla do provojmë deri në fund”.

“Të them të drejtën, më lumturon më shumë fitorja se goli, pasi ishim në situatë delikate pas humbjes me Islandës. Sot jam dyfish i lumtur, për fitoren dhe për golin. Ndihem shumë mirë dhe shpresoj të vazhdojmë kështu. E kam thënë dhe pas ndeshjes me Islandën, kemi punuar shumë mirë me trajnerin e ri. Me ardhjen e tij, kanë ndryshuar mekanizmat e lojës. Sot ia dolëm të shënonim, ishte e rëndësishme, pasi Moldavia u mbyll mbrapa.

Jam shumë i lumtur për golin, por edhe për rikthimin e Roshit, që kishte një vit pa luajtur. Sinqerisht, ndihem shumë mirë pasi në radhë të parë fituam, pastaj edhe që shënova. Është e vërtetë, unë jam gjithmonë me këmbë në tokë, nuk është se me një gol kam arritur diçka madhore, absolutisht që jo. Unë besoj në punë të palodhshme dhe gjithmonë kam punuar.

Jam munduar gjithmonë të ndihmoj ekipin dhe bëj gjithmonë atë që me kërkohet. Sigurisht që duhet të shënoj më shumë, por ajo që është më e rëndësishme është që ekipi të arrijë rezultatet. Sot prandaj jam shumë i lumtur, pasi ekipi arriti te fitorja. Doja me gjithë zemër që ne 4 sulmuesit të gjenim golin. Ndihemi shumë mirë, kemi ndihmuar njëri-tjetrin.

Dedikimi i golit? Sigurisht që pas shënimin të golit, pata një festim që ishte për Kornelian, gruan time, por dhe për familjen time. Ia dedikoj dhe të gjithë tifozëve. Ne ndihemi mirë, e ndjejmë mbështetjen tuaj si media”, përfundoi Cikalleshi.

Ndeshja nisi shumë më mirë për Shqipërinë, që e dominoi të gjithë pjesën e parë. Hysaj dhe Sadiku kishin raste të mira, si dhe një penallti që nuk u akordua në favor tanëve. Pjesa e parë u mbyll pa gola.

Pjesa e dytë nisi me të njëjtin ritëm, me Shqipërinë që kërkoi në çdo sekondë golin. Edi Reja bëri zëvendësimet e duhura, duke aktivizuar Cikalleshin dhe Roshin. Ishin pikërisht këto dy futbollistë që kombinuan me njëri-tjetrin, duke shënuar golin e pare të sfidës.

Në minutat e fundit, Ramadani do të shënonte golin e dytë për kuqezinjtë tanë, pasi mposht portierin moldav me një goditje nga jashtë zone, duke hipotekuar fitoren e Shqipërisë.

EURO 2020, kualifikuese
“Elbasan Arena”, Elbasan

Shqipëri – Moldavi 2-0
Cikalleshi 66′, Ramadani 90+2′

Shqipëri: Berisha, Hysaj, Ismajli, Mavraj, Veseli, Lenjani (Roshi 58′), Ramadani, Kaçe (Qose 83′), Abrashi, Sadiku (Cikalleshi 58′, Uzuni. Trajner: Edi Reja

Moldavi: Koshele, Jardan (Graur 76′), Efros, Armash, Cebotaru, Carp, Antoniuc, Reabciuk, Suvorov (Cociuc 74′), Damashcan (Boiciuc 70′), Ginsari. Trajner: Aleksandru Spiridon

Kartonë të verdhë: Ramadani 90+3′ / Armash 56’, Karp 76′

EPISODET –

90+’ – Mbyllet sfida në “Elbasan Arena”, Shqipëria mposht pastër Moldavinë 2-0.

90+2’ – Goooool!! Shënojnë sërish kuqezinjtë tanë, kësaj radhe me anë të Ramadanit. Mesfushori bën gjithçka mirë dhe shënon një supergol, duke mbyllur historinë e takimit.

83’ – Reja kryen dhe zëvendësimin e fundit. Kaçe largohet nga fusha e blertë, në vend të tij Kristi Qose

79’ – Kërcënojnë moldavët, por tentativa e sulmuesit Ginsari me kokë shkon mbi tra

66’ – Goooool!! Shënon Shqipëria. Sokol Cikalleshi merr një pasim të shkëlqyer nga Odise Roshi dhe gjen rrjetën, duke kaluar kuqezinjtë në avantazh. Zëvendësimet e Rejës janë të arta

58’ – Dy ndryshime nga Edi Reja. Sadiku i bën vend Cikalleshit, ndërsa Roshi aktivizohet në vend të Lenjanit

53’ – Një aksion i gjatë i Shqipërisë përfundon te këmbët e Sadikut në hyrje të zonës, por gjuajtja e numrit 10 bllokohet

46’ – Fillon pjesa e dytë, Shqipëria në kërkim të golit

45’ – Mbyllet pjesa e parë në “Elbasan Arena”. Kuqezinjtë tanë dominuan gjithë fraksionin e parë të lojës, por goli mungoi.

31’ – Shqipëria pretendon për penallti. Gjuajtja e Armando Sadikut me kokë ndalet nga mbrojtësi moldav me dorë, por gjyqtari nuk akordon penallti. Rast i dyshimtë

23’ – Armando Sadiku godet befasishëm nga jashtë zone dhe topi po i drejtohej cepit të portës. Portieri moldav arrin të grushtojë, duke i mohuar golin kuqezinjve tanë

9’ – Shans ideal për Elseid Hysaj. Mbrojtësi gjen mirë hapësirë brenda zonës dhe mundohet të shënojë nga një krosim i Lenjanit, por tregohet i pasaktë.

3’ – Mundësi e mirë për kuqezinjtë tanë. Hysaj del i lirë nga e djathta dhe kroson në qendër, aty ku kërcen Uzuni, por tentativa e sulmuesit me kokë shkon mbi tra

1’ – Fillon takimi në “Elbasan Arena”

Pas ndërhyrjes së forcave të sigurisë tifozët hoqën shkronjat e vendosura mbi flamur dhe situata iu rikthye normalitetit.

“Ekipi ndryshoi kishte një fytyrë tjetër, zhvilluam një lojë të mirë. Është për të ardhur keq që nuk morëm pikë në Islandë. Siç e pashë ndeshjen nga stoli dhe me aq minuta sa luajta nuk mu duk se Islanda na dominoi”.

“Ndoshta na mungoi disi uria dhe dëshira për të shënuar. I bëj thirrje tifozëve që të vijnë në stadium. Sidomos pasi ndeshje do luhet në Elbasan, qytetin tim të lindjes. Shpresoj që të jenë lojtari jonë i 12-të ashtu siç kanë qenë përherë”.

E ARDHMJA – “Do të vazhdoj te Levante. Kam një kontratë 3-vjeçare me ta dhe do t’i bashkohem ekipit në fazën përgatitore”.

“Edhe në Izrael e në Skoci nuk kemi luajtur keq. Vazhdojmë sërish të përmendim këtë gjë. Goli i erdhi për shkak se skuadra humbet ekuilibrat në rastet e caktuara. Islandezët janë shumë të disiplinuar. Më thuaj cili nga dy sulmuesit tanë ka dribluar e ka goditur si lojtari i Islandës. Cili prej sulmuesve goditi në portë dhe vuri portierin sot. Duhet të jemi me këmbë në tokë. Duhet të luajmë futboll modern. Mbajmë topin deri në 3 ose 4 takime dhe pas luajmë me top të gjatë, kështu nuk vazhdohet”.

“Me të vërtetë themi shpesh se kemi probleme në mbrojtje, por unë mendoj se skuadra jonë vuan diku tjetër. Nuk kemi sulm të mirë. Nuk bashkohem me shumë gjëra nga ato që tha trajneri Reja. Nuk mund të thuash që Balaj bëri ndeshje të mirë. Po krijohet një psikozë që sulmuesit tanë vlerësohen për fazën mbrojtëse, nuk po vlerësohen për rrezikshmërinë para portës e rastet që krijojnë”.

NDESHJA – “Është për të ardhur keq, pasi e nisëm mirë. 20 minutat e para krijuam shumë raste. Pastaj rendimenti fizik filloi të bjerë. Megjithatë, mund të shënonim, pasi na u mohua një penallti. Ajo që prisnim ne nga goditjet e këndit, nuk sollën atë që ne mendonim. Krijuam shumë raste dhe është për të ardhur keq. Disa episode mund të ishin konsideruar penallti”.

GOLI – “Pavarësisht aftësive të dukshme të lojtarit që dribloi, ne nuk duhet ta lejonim. I iku të parit, të dytit, i treti duhet ta ndalte me doemos. Megjithatë, ishin aftësitë e tij”.

ZËVENDËSIMET – “Ajo që tentova me ndryshimet ishte që të bënim një lojë më të shpejtë. Kaçe është një nga lojtarët më të shpejtë që kemi. Patëm nga fundi dhe disa raste që mund t’i shfrytëzonim më mirë, por nuk ia dolëm”, u shpreh Reja për RTSH Sport.

“Bëmë një ndeshje të mirë, patëm raste por nuk i konkretizuam. Nëse nuk e bën diçka të tillë, atëherë është problem. U munduam të krijojmë raste, sikurse edhe ata me goditje standarde. Loja do merrte rrjedhë tjetër po të finalizonim. Shënuan ata dhe ia dolën. Na vjen keq”.

“Do analizoj ndeshjen, do shoh ata që janë lodhur. Do mundohem të bëj një grup që të jenë gati. Do ketë ndryshime. Më vjen keq që nuk morëm rezultat. Punuam mirë nga krahët. Gjithashtu ishte edhe një penallti për ne, të paktën kështu m’u krijua opinioni im. Nuk isha i kënaqur nga arbitrimi, penalltia ishte e dukshme.

“Nuk më pëlqen të luajmë me topa të gjatë. Kam tentuar të luaj poshtë, ia kemi dalë në disa raste ta bënim diçka të tillë. Era ishte kundër nesh pjesën e dytë. Kishte disa faktorë që na kushtëzuan skemën e lojës.”

“Balaj bëri ndeshje të mirë, kthehej edhe në mesfushë. Të dy janë sulmues të fortë fizikisht, ata bënë presing te mbrojtësit. Nuk u shfrytëzuan hapësirat që u morën nga krahët. Në përgjithësi kanë bërë një punë të mirë”, shtoi Reja per Supersport.

Ekipi kombëtar është akomoduar në Hotel Rilano, një resort me katër yje që përdoret shpesh nga skuadra të Bundesligës dhe klube të ndryshme sportive. Media gjermane “fnp”, ka kryer një intervistë me menaxherin e këtij hoteli, ku ka zbuluar se fillimisht ishte programuar që seancat të zhvilloheshin në stadiumin e Ajntrahtit të Frankfurtit, “Commerzbank Arena”, por trajneri Edi Reja kërkoi një fushë më afër hotelit, pasi trafiku në qendër të qytetit mund ta çonte kohën e udhëtimit deri në 40 minuta.

Stafi i “Hotel Rilano” arriti një marrëveshje me ekipin amator FC Obershteden. Fusha e këtyre të fundit ndodhet vetëm 7 kilometra nga hoteli. Ndër kërkesat e trajnerit Edi Reja ishte që bari të shkurtohej deri në 28 milimetra gjatësi.

Gazetarët e “fnp” patën një bisedë të shkurtër me Mërgim Mavrajn. Kapiteni i kombëtares sonë ka lindur 25 kilometra larg Frankfurtit në qytezën e Hanaut: “Jam një djalë hesian (shteti i Heses, ku bën pjesë dhe Frankfurti), jam rritur këtu, mamaja ime jeton 30 kilometra larg. Ndihem si në shtëpinë time”.

Një ndër protagonistët e dy takimeve të mëparshme ka qenë Gylfi Sigurdson. Një mesfushor me tipare sulmuese që njihet për kreativitetin dhe rrezikshmërinë në goditjet nga distanca. Shtatë vite më parë ishte një talent premtues, ndërsa sot 29-vjeçari është një ndër lojtarët kyç të Evertonit, ekip ku u transferua për një shumë rekord prej 50 milionë eurosh.

Në një intervistë për “ruv.is”, 29-vjeçari foli për takimin ndaj Shqipërisë, ku vuri në pah faktin se kombëtarja jonë ka ndryshuar shumë nga ajo e shtatë viteve më parë: “Jemi ndeshur më parë me Shqipërinë, por nuk është më i njëjti ekip. Kanë ndryshuar katër ose pesë  trajnerë, ndërsa grupi i lojtarëve nuk është më ai i shtatë viteve më parë. Gjithsesi, është mirë që kemi pasur eksperienca të mëparshme. Moti ka qenë i mirë këto ditë. Temperatura optimale dhe pa reshje shiu, kjo do të jetë  një plus për ndeshjet”.

FORMACIONET E DY NDESHJEVE TË MËPARSHME

Bëhet fjalë për mbrojtësin Ardian Ismajli, i cili u pa teksa kryente vrapime rreth fushës gjatë seancës së orës 17:00. Futbollisti që aktivizohet në Kroaci me Hajduk Split ka pësuar një dëmtim muskulor në kofshën e djathtë.

Komuniteti shqiptar në Frankfurt nuk e ka lënë pa shfrytëzuar ardhjen e kombëtares në qytetin e tyre.  Seanca e sotme stërvitore u ndoq nga një numër i vogël mbështetësish të ekipit tonë kombëtar.

TRAJNERËT QË KA KALUAR VESELI NË KOMBËTARE – “Janë trajnerë të ndryshëm dhe secili ka stilin e tij, punon në mënyrën e tij. Është shumë herët të gjykojmë punën e trajnerit edhe nuk kam dëshirë të gjykoj. Jam lojtar dhe bëj punën timë si çdo lojtar i kombëtares. Kryesorja është të marrim rezultate pozitive.”

DY NDESHJET E RADHËS – “Me gjashtë pikë do ishim të kënaqur, por normal futbolli nuk të lejon të fitosh gjithmonë. Qëllimi ynë është të koncentrohemi në ndeshjen e parë. Shpresoj të bëjmë një paraqitje pozitive. Rezultati do të vijë.”

FORMA E ISLANDËS – “Besoj se Islanda si çdo skuadër kur arrin në kulm, ka një rënie tashmë. Nuk është ai ekip që ka qenë dhe shpresoj ta shfrytëzojmë këtë rast, pse jo të dalim dhe me fitore. Jemi përqendruar më shumë në lojën tonë, por do të nisim të studiojmë edhe kundërshtarin tashmë.”

E ARDHMJA E VESELIT – “Kam edhe dy vite kontratë dhe jam lojtar i Empolit. Nëse vjen diçka më e mirë për mua dhe klubin do ta shikojmë. Kam mundësinë të luaj më lart dhe do të shohim çdo të ndodhë.”

KOMBËTARJA – “Sinqerisht, kjo kombëtare mund të japë edhe më shumë. Pjesa më e rëndësishme, që është shtylla e skuadrës, është ende aty. Pas disa vitesh, mund të çalojë disi Shqipëria, kur të largohen ata lojtarë që kanë qenë pjesë e Europianit, por tani mund të japin edhe më shumë. Ka eksperiencë dhe shpresoj që në të ardhmen të jetë prapë një kombëtare e suksesshme”.

EDI REJA – “Një nga trajnerët më me shumë eksperiencë, jo vetëm në Itali, por në të gjithë botën. Një problem të vogël ka, pasi nuk ka eksperiencë jashtë Italisë, përveç Hajdukut të Splitit besoj, por nëse kjo gjë anashkalohet dhe lidhet menjëherë me lojtarët, besoj do të bëjë mirë. Ai ka eksperiencën e duhur që t’ia marrë më të mirën këtij grupi”.

KUALIFIKIMI – “Nuk e di, besoj se nuk e kemi filluar në mënyrën më të mirë. Humbja me Turqinë na lë disi mbrapa për vendin e dytë, pasi Franca nuk duhet llogaritur. Me Turqinë dhe Islandën, nuk jemi shumë larg, por humbja këtu me Turqinë, na ka prishur shumë punë. Me Andorrën, e kryem punën tonë, por transferta në Islandë do të jetë e vështirë. Reja tha që me Islandën dhe Moldavinë firmos për katër pikë, për aq firmos dhe unë”.

Berisha, Mavraj, Roshi, Hysaj, Lenjani dhe Cikalleshi ishin përfaqësuesit e grupit të lojtarëve. Ata shpërndanë dhurata për të vegjlit, ndërsa ndihmuan në blerjen e disa pajisjeve elektroshtëpiake, duke ndikuar në përmirësimin e kushteve të vogëlushëve.

Emocione dhe atmosferë festive, ndërkohë që të vegjlit kishin përgatitur një festë për rastin e 1 qershorit. Nuk është hera e parë që FSHF mbështet dhe inkurajon organizime të tilla dhe fton të gjithë komunitetin që përfaqëson futbollin që të bëjnë sa më shumë në këtë aspekt.

Ndërkaq, shqetësime ka dhe për Naser Alijin dhe Egzon Binakun. Aliji ka kryer vrapime të lehta rreth fushës në stërvitjen e sotme për shkak të ngarkesës, ndërsa Binaku ka lënë përgjysmë stërvitjen e ditës së djeshme në Suedi me Norkopingut.

Klubi ka reaguar, duke sqaruar se lojtari ka pasur një dëmtim në kyçin e këmbës dhe do i duhet të kryejë stërvitje të diferencuar. Rregullorja kërkon që Binaku të kontrollohet nga mjekët e kombëtares për të përcaktuar shkallën e plotë të dëmtimit.

Vallçi impresionoi në sezonin e tij të parë në Bundesligën austriake duke siguruar një kalim te “gjigantët” e Salcburgut. Në dy muajt e fundit, lojtari me origjinë shqiptare u bë pjesë e përhershme  e formacionit titullar, diçka kjo që solli vëmendjen e trajnerit të kombëtares austriake, Franko Foda.

Pak muaj më parë, Vallçi pranoi në një intervistë për “Laola1” se ishte kontaktuar nga përfaqësues të federatave të Shqipërisë dhe Kosovës dhe se po i shqyrtonte të dyja këto mundësi.

Unser Kader für ?? und ?? #DasNationalteam #AUTSVN #MKDAUT pic.twitter.com/CpKpRuret9

— ÖFB – oefb.at (@oefb1904) May 28, 2019

Bëhet fjalë për mesfushorin Ledian Memushaj. Futbollisti vlonjat është stërvitur me regjim të diferencuar për shkak të disa shqetësimeve të mbartura prej javësh.

Në ditët në vazhdim pritet të shikohet nëse 32-vjeçari do t’ia dalë të riaftësohet plotësisht për takimet e fazës kualifikuese të “Euro 2020”.

Në fundin e konferencës ka ndodhur një incident, me trajnerin që u rrëzua siç duket dhe nga pamjet. Gjithsesi, diçka e tillë është marrë me sportivitet nga italiani, i cili në një bisedim me gazetarët pas incidentin, u pyet se mos diçka e tillë ishte ndonjë skemë për penallti.

“Kjo do të ishte ideale. Duhet të bëjmë kujdes, sidomos në goditjet standarte dhe rivëniet anësore. Islanda ka një skuadër të fortë në ajër, ndryshe nga ne”, përfundoi Edi Reja.

Lidhur me këto çështje trajneri i Kombëtares u pyet në konferencë, ku sqaroi gjithçka. Reja u pyet edhe mbi Endri Çekiçin, i cili po kalon një formë mjaft të mirë në Slloveni. Sipas numrit një të stolit tonë, Çekiçi është në planet e tij për të ardhmen dhe mund të jetë pjesë e kombëtares.

MUNGESA E GJIMSHITIT – “Gjimshiti operohet sot, pasi ka pasur probleme. Më vjen keq sepse unë e kam marrë tek Atalanta Gjimshitin. Edhe Vrionin doja ta shihja, por edhe ai ka probleme.

MOSPËRFSHIRJA E ENDRI ÇEKIÇIT – “Çekiçin e kam parë dhe do ta rishikoj. Kemi lojtarë edhe si Uzuni, nuk duhet të harrojmë. Çekiçin po e shoh dhe në një të ardhme mund të jetë pjesë e kombëtares.”

ÇËSHTJA LENJANI – “Me Lenjanin kam folur dhe kam qartësuar gjithçka kur kam qenë në Zvicër. Më vjen keq kur lojtarët flasin keq për trajnerët, nuk është diçka e mirë. Lenjani është një lojtar i mirë nga mesfusha e lartë, pasi ka shpejtësi edhe teknik.”

LISTA – “Janë 18 lojtarë që kanë qenë me Xhani De Biazin. Më pas janë edhe lojtarët e tjerë që kanë qenë me Panuçin, por më duhet të kem edhe kohë që të vlerësoj lojtarët. E keni parë edhe javën e kaluar që kemi marrë edhe katër lojtarë të Partizanit. Kemi përfshirë Kumbullën, Selmanin. Kam një listë prej 35 lojtarëve që i ndjek, por koha ishte e shkurtër.”

OBJEKTIVI – “Objektivin e dini të gjithë. Problemet që kemi pasur kanë qenë në mbrojtje. Përveç Francës që është ekip i nivelit të lartë, të gjithë ekipet e tjera janë ekipe të arritshme. Lojtarët që vijnë në kombëtare duhet ta ndjejnë diçka të tillë. Kam folur me djemtë, me secilin dhe mendojnë se duan të bëjnë diçka të mirë. Këtu e duan shumë futbollin.”

GRUPI – “Ka entuziasëm dhe dëshirë që unë e ndjej brenda vetes. Të paktën ngarkesa ime është e madhe, por lojtarët janë pozitivë dhe duan të bëjnë më të mirën. E di nga eksperienca, që mund të kemi mungesa, por kur grupi është i mirë edhe kur përballesh me një ekip të fortë ke shanse. Falënderoj Partizanin për katër lojtarët. Patëm mundësinë të shihnim edhe U-21, ishte e gjitha për të parë gjendjen fizike të lojtarëve. Stërvitja e vërtetë nis sot.”

LOJA – “Ekulibri i lojës kishte disa mungesa. Kur janë gjashtë lojtarë që bashkëpunojnë dhe dua të bashkëpunojnë gjithmonë është diçka që mund t’i japësh skuadrës.”

PRITSHMËRITË – “Prespektiva jonë është të bëjmë mirë. Objektivi i parë është që ekipi të jetë i besueshëm dhe kompakt. Luajmë ndaj Islandës një ekip i fortë, sidomos në ajër dhe do mundohemi të bëjmë më të mirën.”

29 LOJTARË TË GRUMBULLUAR – “Jo, absolutisht. Janë 11 lojtarë që mund të luajnë, qofshin 29, 27 apo 25 të grumbulluar. Lojtarët që janë grumbulluar duhet të jenë krenar, qoftë ai që luan apo ai që nuk luan. Mbetet për t’u parë ndeshja e parë dhe më pas do të shohim në vazhdim.”

MODULI – “Modulin e bëjnë lojtarët. Do mundohem të luaj me dy pika kyçe. Mbrojtësit kur humbet topi të jenë agresivë, si dhe të ruajmë filozofinë. Nuk po them që do të bëjmë një lojë ofensive, por do të shohim. Dua të luaj me dy sulmues. Pas ndeshjes në Islandë do i kem gjërat edhe më të qarta. Nuk e kam vendosur akoma modulin e lojës. Duke parë krahët që kemi dhe mesin e fushës që e kemi të mirë, mund të luajmë edhe me 3-5-2. Kemi Lenjanin, Roshin apo dhe Hysajn që punojnë mirë në krah.”

GJENDJA FIZIKE – “Unë do flas me secilin nga ata do t’i pyes nëse janë të lodhur apo jo. Në momentin që zbresin në fushë, dua të japin 200%.”

GJENDJA E GRUPIT – “Është një ekip që nuk ka luajtur akoma. Lojtarët janë të qeshur dhe të gëzuar. Trajneri është i ri dhe nga ana psikologjike grupi duhet të jetë mirë.”

SIGURIA NË REPARTE – “Siguri nuk kam në asnjë repart. Janë për t’u parë në vazhdim. Kam parë ndeshjen në Izrael dhe ka qenë një sfidë e mirë. Kam ardhur këtu të arrij diçka me entuziazëm dhe flas me djemtë.

NDËRTIMI I DIÇKAJE TË BUKUR – “Kam qenë shumë i kujdesshëm me gjuhët sidomos. Di shumë gjuhë, por shqip ende nuk kuptoj asgjë. Do të thotë që duhet të tregohem akoma më shumë i kujdesshëm. Në Friuli aty ku jetoj unë ka shumë shqiptarë dhe më kanë ndihmuar të ndërtoj shtëpinë, që shpresoj të mos shembet. Dua dhe unë t’u ndihmoj të ndërtoni, por shpresoj që të më jepni kohë për të arritur diçka të bukur.”

SHKOPI – “Bastuni godet fort atëherë kur duhet. Tani për tani duhet të gjej ekuilibrat e skuadrës. Kam takuar disa herë De Biazin dhe kam marrë gjëra pozitive. Nuk dua të flas keq për kolegët e mi, Panuçi ka bërë punën e tij dhe mendoj se ishte i pafat. De Biazi ka karakterin e tij, Panuçi të tijin dhe unë kam karakterin tim. Nëse duhet shkopi do ta përdorim, jo gjithmonë.”

Bie në sy mungesa e Berat Gjimshitit, ndërkohë rikthehet Cikalleshi, si dhe është përfshirë Kristi Qose në listë. Gjithashtu, rikthim edhe për Odise Roshin, i cili ka lënë pas periudhën e dëmtimit. Siç ishte thënë dhe më parë, Tomas Strakosha nuk do të jetë pjesë si pasojë dëmtimi, ndërsa vendin e tij do ta marrë portieri i Laçit, Gentian Selmani.