Kolumbia

VIDEO | Argjentina merr frymë e qetë, Martinez dhe Aguero shmangin turpërimin

Sport Ekspres — Sun, 23 Jun 2019 21:03:41 +0000

Argjentina ia ka dalë të sigurojë një biletë për në çerekfinalet e “Copa America” falë fitores 2 – 0 ndaj Katarit. Presioni para sfidës kundër skuadrës nga Lindja e Mesme ishte tepër i madh, por goli i shpejtë i Lautaro Martinez çliroi djemtë e Lionel Skalinit, të cilët dominuan të gjithë takimin.

Ndeshja tjetër e këtij grupi midis Kolumbisë dhe Paraguait u mbyll me fitoren 1 – 0 të kolumbianëve. Paraguait tani i duhet të shpresojë në një barazim midis Japonisë dhe Ekuadorit për të kaluar më tej si skuadra e dytë më e mirë ndër vendet e treta.

Argjentina 2 – 0 Katar
Shënues: Lautaro Martinez 4’, Aguero 82’

Kolumbia 1 – 0 Paraguai
Shënues: Kuejar 32’

VIDEO | Argjentina për faqe të zezë, Kolumbia i jep leksion futbolli

Sport Ekspres — Sun, 16 Jun 2019 03:31:04 +0000

Argjentina ka humbur takimin e parë të “Copa America” ndaj Kolumbisë me rezultatin e pastër 2 – 0. Përfaqësuesja “albiceleste” zhvilloi një ndeshje për t’u harruar, ku nuk shqetësoi thuajse për asnjë moment portën e mbrojtur nga David Ospina.

Pjesa e parë foli e gjitha për Kolumbinë. Djemtë e drejtuar nga Karlos Keiroz dominuan në mënyrë të frikshme pjesën e parë, por zotërim i topit nuk u pasua me raste për shënim.

Në fillim të pjesës së dytë Argjentina u duk se u zgjua me Paredes dhe Mesin që i afrohen golit, por në momentin më të mirë të argjentinasve, kolumbianët shënojnë me anë të Roxher Martinez.

Në minutën e 81-të Keiroz heq nga fusha Falkaon për t’i dhënë pak minuta Duvan Zapatës. Sulmuesit të Atalantës i mjaftojnë vetëm 5 minuta për të vënë emrin në listën e shënuesve dhe për të konfirmuar momentin e mirë. Triumf dhe tre pikë për Kolumbinë, kurse Argjentina duhet të reagojë ndeshjen e ardhshme.

Argjentinë 0 – 2 Kolumbi
Shënues: Martinez 71’, Zapata 86’

https://youtu.be/_JRSDpj4ygY

Zyrtarizohet trajneri i ri, një portugez për Kolumbinë

Sport Ekspres — Fri, 08 Feb 2019 10:44:02 +0000

Kolumbia ka një trajner të ri dhe bëhet fjalë për një emër të njohur, i cili në karrierën e tij ka drejtuar edhe Portugalinë e Realin e Madridit. Flasim për Karlos Kueiroz, që në tetë vitet e fundit ka drejtuar kombëtaren e Iranit.

Tekniku 65-vjeçar ka nënshkruar deri në vitin 2022 me Kolumbinë dhe do të nisë një eksperiencë të re. Kueiroz ka qenë është ndihmës i Aleks Ferguson te Mançester Junajtid në Angli.

“Për mua është nder, një ndjenjë e madhe lumturie, besimi dhe shprese”, ka thënë fillimisht portugezi.

“Jam këtu për të punuar me përulësi dhe do të bëj çmos që të kujdesem, të ruaj dhe të zhvilloj, atë emër të mirë dhe prestigj që ka krijuar Kolumbia kudo në botë. Angazhimi im i parë do të jetë që të kujdesem për prestigjin e Kolumbisë”, ka thënë mes të tjerash Kueirez gjatë prezantimit si trajner i kombëtares latine.

#BienvenidoQueiroz ?? pic.twitter.com/0gtavH2WNV

— Selección Colombia (@FCFSeleccionCol) February 7, 2019

Statuja e Ronaldos e shëmtuar? Ka një konkurrent të fortë

Sport Ekspres — Fri, 21 Sep 2018 17:25:09 +0000

Radamel Falkao njihet si një ndër yjet e kombëtares së Kolumbisë. Padyshim ai dhe Hames Rodrigez janë idhuj në vëndin Amerikano-Latin.

Falkao, zëvendës kapiten i kombëtares kolumbiane, ka lindur në krahinën e Magdalenës, konkretisht në qytetin Santa Marta. Pikërisht në Santa Marta, po ndërtohet një statujë në nder të këtij të fundit. Një statujë, e cila për mënyrën se si duket nuk dihet në rast se do ta gezojë dhe aq shumë sulmuesin kolumbian.

Kujtojmë se gjithashtu një statujë tjetër që bëri mjaft bujë, ishte ajo që ndërtuan në nder të Kristiano Ronaldos, e cila nuk përngjante aspak me yllin portugez.