Një “gardian” si Enea Koliçi jep garanci absoluten në portë. Veliu dhe Turtulli janë një dyshe interesante për qendrën e mbrojtjes, ndërsa Gocaj dhe Kotobelli në krah janë lojtarë të sprovuar prej vitesh në ato role.

Mesfusha treshe me Jonuzin, Hilën dhe Behar Ramadanin është një trinom i kompletuar. Në krahë të sulmit Ngo dhe Fili garantojnë asiste të shumtë për shkodranin Sukaj, i cili tregoi te Flamurtari se në Superiore është i aftë të bëjë diferencën.

Megjithatë drejtuesit e klubit korçar janë tepër optimistë dhe kanë filluar të veprojnë në merkato. Krahas marrëveshje të rinovimit me disa nga futbollistët aktualë, presidenti Ardian Takaj po punon për të afruar lojtarët më të dalluar të Superiores.

Sipas “RTSH Sport”, Skënderbeu ka arritur akordin me portierin Enea Koliqi. “Gardiani” pogradecar ka qenë një ndër portierët më të spikatur të Superiores gjatë viteve të fundit. 33-vjeçari ka pranuar ofertën e Takajt dhe zyrtarizimi pritet në ndodhë pas vendimit të “CAS”.

Porta ka qenë një ndër repartet më të problematike të Skënderbeut gjatë vitit të kaluar, por me ardhjen e Koliçit midis dy shtyllave të korçarëve do të vendoset një ndër më të dalluarit e këtij roli në Shqipëri.

“Gardiani” i Flamurtarit vazhdon të mbetet një ndër portierët më të mirë në qarkullim në Kategorinë Superiore dhe këtë e tregoi më së miri në muajin prill, ku ishte protagonist i disa takimeve me skuadrën vlonjate.

Ndaj Kukësit ai ishte protagonisti kryesor, duke ndalur shumë gjuajtje të rivalëve drejt portës së tij. Është e sigurt që dhe sezonin tjetër interesi i klubeve shqiptare për portierin pogradecar do të jetë  i lartë, pasi 33-vjeçari nuk po tregon aspak shenja plakjeje.

“Ajo që ka rëndësi është fitorja. Unë kam dalë shumë herë këtu dhe kam thënë gjithmonë që nuk është merita vetëm e imja. Falënderoj profesoj Dajën që tha fjalët më të mira për mua.

Financat? Nuk duhet të flasim, është një temë që na vret të gjithëve. Por çunat janë të gjithë bashkë, ky është çelësi i suksesit. Kam 20 vite që luaj futboll, por si ky grup nuk kam parë asnjëherë. Të gjithë e duan dhe e shijojnë futbollin.

Dita e hënë? Atë po presim dhe ne. Kemi dëgjuar shumë të hëna, por këtë javë morëm garanci dhe nga presidenti. Shpresojmë që të hënën, të martën, pak rëndësi ka, të marrim rrogat dhe të kalojmë dhe këtë ngërç që ka ekipi.

Jo vetëm kur mbaroi loja më ngacmuan lojtarët e Kukësit, por dhe gjatë saj. I kam të gjithë miq, por në futboll më i miri fiton. Rrumbullaku, Musolli e të tjerë më kanë ngacmuar (qesh)”, përfundoi Koliçi.

RIKTHIMI NË KORÇË – “Nuk do të jetë një transfertë si të gjitha fushat e tjera, pasi është hera e parë që unë rikthehem në Korçë si kundërshtar pas largimit. Shkoj si kundërshtar, si trajner i Flamurtarit, por i kemi idetë e qarta që nëse duam të marrim rezultat pozitiv atje, duhet të djersimë shumë dhe të jemi të fortë nga ana psikologjike, për të menaxhuar ato vlera që ne kemi”.

TAKIMI ME TIFOZËT – “Të flas për veten nuk është nga ato pjesë që më kënaq. Hera e fundit që kam qenë në Korçë ka qenë 27 maj dhe tifozët më kanë pritur jashtëzakonisht mirë. Ka qenë dhe 30 maj, por këtë herë ishim në Elbasan dhe kam pasur mbështetjen e tyre, ndërsa këtë herë shkoj si trajner i Flamurtarit. Me korrektësinë më të madhe më përfundoi kontrata atje dhe më pëlqente një sfidë e re dhe jam i kënaqur me zgjedhjen që kam bërë”.

NDESHJA ME SKËNDERBEUN –“Skënderbeu jo vetëm në këtë kampionat, por ka dekadën e fundit që kryeson kampionatin shqiptar, pasi ka fituar 7 tituj. Është një fushë shumë e vështirë sa i përket anës sportive. Është një ekip që deri më tani ka treguar se ka një formë të mirë sportive, edhe pse vjen pas humbjes me Laçin. Besoj se ata do bëjnë maksimumin për të mos pësuar dy humbje rresht, por që dhe ne kemi objektivat tona. Duke e vlerësuar maksimalisht Skënderbeun, do të gjejmë ato pika jo të forta që ata kanë, me të cilët kemi punuar këto dy ditë, për të arritur qëllimin që kemi për të marrë pikët tona në Korçë”.

MUNGESAT – “Tani nuk përbëjnë më lajm mungesat, sepse gjatë gjithë kohës nuk e kemi pasur asnjëherë kontingjentin e plotë. Ata që do hidhen në fushë nuk kanë nevojë për motivim, pasi në një fushë si e Skënderbeut, ku luhet futboll, të gjithë kanë dëshirë që të japin më të mirën e tyre. Ajo që na takon ne si staf duhet t’i përqendrojmë lojtarët te detyrat taktike, në mënyrë që loja të mos udhëhiqet nga doza emocionale, por me një logjikë sportive”.

KALE – “Sipas informacioneve që kam edhe në ndeshjen e nesërme Kale nuk do të jetë pjesë e skuadrës. Do të shohim pas ndërprerjes së kampionatit, do ta shohim. Di vetëm që në ndeshjen me Skënderbeun nuk do të jetë”.

Koliçi: Nuk kënaqemi me barazim, uroj të dalim me kokën lart

Së bashku me trajnerin Daja në konferencë për shtyp ishte dhe portieri Enea Koliçi. Gardiani theksoi se ai dhe ekipi i ti jod të kërkojnë maksimumin, duke treguar se as barazimi nuk i kënaq. “Gardiani” vlonjat tregoi se e dinë shkallën e vështirësisë në këtë takim.

“Skënderbeu mbetet një nga skuadrat më të forta të Superiores. Edhe kur kam qenë pjesë e Kukësit kemi pasur shumë vështirësi në Korçë. Ne jemi përgatitur këto dy ditë që kemi pasur në dispozicion. Uroj që të dalim me pikë nga kjo transfertë. Ne nuk kënaqemi asnjëherë me një pikë, futemi gjithnjë për fitore. E dimë se do të jetë një ndeshje shumë e vështirë dhe urojmë që të dalim me kokën lart nga kjo ndeshje, me pikë të plota”.

Megjithatë, Flamurtari i ka bërë një ofertë joshëse dhe pas bisedimesh të gjata e ka bindur, duke i garantuar edhe vendin e titullarit, duke qenë se në Vlorë kishin mbetur vetëm të rinjtë Sali e Qirko pas largimit të Adis Nurkoviçit.

Portieri 32-vjeçar ka qenë edhe më parë pjesë e Flamurtarit, nga janari 2012 deri në verë 2013, ndërsa në Shqipëri ka luajtur edhe për Kukësin. Në dy sezonet e fundit ka qenë lojtar kyç te verilindorët, duke pasur meritë të madhe në arritjen e titullit të parë kampion.

Këtë verë Koliçi e nisi si pjesë e Kukësit, por më pas u largua, duke mos luajtur fare në Champions League. Në të shkuarën Koliçi ishte përfolur për kalim te Skënderbeu, por ngjarjet e muajve të fundit te klubi korçar kanë anuluar gjithçka dhe tashmë pogradecari nis aventurën e dytë në Vlorë.

Për Flamurtarin është afrimi i tretë, pas Kotobellit dhe Bathës, ndërsa është kthyer nga huazimi te Liria e Prizrenit sulmuesi 19-vjeçar Abdulaje Tungara.

…

Është afruar Frashëri, që merr rolin e zëvendësit tënd.

Nuk e vendos unë kush është portier i parë, atë e di trajneri. E njoh Frashërin, është portier mjaft cilësor dhe është i mirëpritur te Kukësi.

Pas një vere me eliminimin e hidhur në Champions, erdhi rinovimi me Kukësin.

Gjithçka shkoi mbarë, ramë akord me klubin, të gjithë jemi të kënaqur. Rëndësi ka që gjithçka u zgjidh me mirëkuptim dhe tani duhet të punojmë sa më shumë për të arritur objektivat e klubit. Do të jem shumë i përqendruar te puna ime, ashtu si sezonin e fundit.

A ndihet ndryshimi nga Gjoka te Milinkoviç?

– Çdo trajner ka filozofinë e vet. Edhe Milinkoviç po mundohet të futë një filozofi të re në skuadër, ne po mundohemi ta zbatojmë dhe me sa kam kuptuar po funksionon, të shohim.

Portierët e së ardhmes?

– Ka shumë në kampionat. Portieri i Laçit, Selmani, por edhe Kastrati i Teutës, janë shumë premtues. Duhet të punojnë shumë fort, për t’u përmirësuar dhe për të pasur një të ardhme të sigurt.

Kujt i druheni më shumë në sezonin e ri?

Skënderbeu ka shkëlqyer në Europë, edhe Partizani është rival i rrezikshëm, por ne do të japim gjithçka për ta mbrojtur titullin. I kemi mundësitë, kemi një skuadër të fortë, ndaj nuk i druhemi asnjë rivali.

“Jam shumë i kënaqur që rinovova me Kukësin. Më vjen mirë që gjeta gjuhën e përbashkët me klubin dhe presidentin Safet Gjici. Do të bëj maksimumin për klubin dhe do të punoj fort për plotësimin e objektivave të tjera. Dua që të fitoj të gjithë trofetë e mundshëm për këtë sezon.

Nuk kam biseduar ende me trajnerin Mladen Milinkoviç, por me Luftëtarin ka bërë mjaft mirë dhe jam i sigurt se edhe me ekipin e Kukësit do të bëjë  po aq mirë. I kam ndjekur zhvillimet në skuadër dhe mendoj se janë bërë disa afrime mjaft të mira”, – shprehet Koliçi për sajtin e klubit.

Jurgen Zela

Në ditën e parë të muajit gusht Kukësi nisi stërvitjen. Edhe pse grupi ishte i mbipopulluar, kryesisht nga elementë të rinj, binte në sy mungesa e tre prej lojtarëve më të rëndësishëm të Kukësit. Enea Koliçi, Izair Emini dhe Nijas Lena “nervozuan” Kukësin për faktin se nuk ishin prezent në nisjen e përgatitjeve të sezonit të ri. Prej ditësh mund të themi se ka nisur lufta mes lojtarëve dhe klubit, i cili pretendon se lojtarët kanë dhe një sezon kontratë. Të kundërtën kanë deklaruar hapur të tre futbollistët që tashmë e ndjenë veten “të burgosur” nga kjo situatë, pasi nuk po mundin që të qartësojnë të ardhmen e tyre. Mëngjesin e djeshëm Kukësi doli në një lajmërim në sajtin zyrtar ku paralajmëroi dhe penalitet: “Klubi i Kukësit ka nisur punën për sezonin e ri 2017-18 nën drejtimin e trajnerit Mlladen Milinkoviç. Të gjithë lojtarët që janë nën kontratë me ekipin kampion të Shqipërisë janë lajmëruar për të marrë pjesë për nisjen e përgatitjeve, më date 1 gusht 2017, në kompleksin sportive “Internacional”, në Pezë. Në kuadër të fillimit të stërvitjes nuk janë paraqitur në seancën e djeshme stërvitore portieri Enea Koliçi, mesfushori Nijas Lena dhe sulmuesi Izair Emini. Klubi i Kukësit e sheh me shqetësim sjelljen e tyre dhe nuk është aspak i kënaqur. Klubi do të marrë masa për 3 lojtarët e sipërpërmendur, edhe për faktin se kjo nuk është një sjellje korrekte për profesionalizmin e treguar nga këto lojtarë”. Nuk ka zgjatur shumë dhe lojtarët janë lajmëruar për gjobat e tyre, e cila ishte një rrogë mujore ose e thënë ndryshe 10% e rrogës vjetore. Një mungesë pa arsye në stërvitje, e barasvlershme me një rrogë mujore, e frikshme kur paralelizmi bëhet me klauzolën e prishjes së kontratës në mënyrë të njëanshme, e cila është 500 mijë euro. Presidenti Gjici është me pushime dhe nuk kthehet deri në datën 10 gusht dhe lojtarët nuk dalin në stërvitje pa u takuar me të. Nëse penaliteti do të jetë së paku i tillë për çdo ditë, atëherë do të jetë e kotë që të diskutojnë për detajë financiare, pasi rroga do të jetë likuiduar në gjobë. Një situatë kaotike dhe e çuditshme, që duket se është destinuar tashmë që të marrë rrugën e gjykatave.
KOLIÇI – I pari që është njohur me masën e Kukësit, ka qenë Enea Koliçi. Nga një “hero” në “armik”, gjithë ky ndryshim në harkun e pak ditëve. Lojtari nuk ka preferuar që të prononcohet, madje as përfaqësuesit e tij, si menaxheri apo dhe avokati, me këtë të fundit që tashmë po shqyrton dokumentacionin për t’i dhënë një zgjidhje situatës. Paqja duket një opsion i largët, pasi bisedimet me presidentin Gjici nuk kanë rezultuar të suksesshme.

LENA – Një situatë sa e ngjashme, aq dhe e ndryshme, është ajo me mesfushorin Nijas Lena. Dje 30-vjeçar është paraqitur në ambientet e klubit të Kukësit me synimin për të diskutuar me presidentin Gjici, por duke qenë se bosi i Kukësit është me pushime nuk e ka gjetur aty. Menjëherë sapo është paraqitur në zyrat e klubit i është paraqitur fleta e gjobës. Lojtari nuk e ka fshehur dëshirën zgjatjes së bashkëpunimit me Kukësi, por nuk e pranon që të ketë pasur një rinovim automatik. Duke qenë se kjo përplasje me klubin sapo ka nisur Lena kërkon që ta zgjidhë me mirëkuptim dhe situata të mos degradojë që të detyrohet të kërkojë drejtësi në aspekt ligjor.
EMINI – Gjithashtu dhe Izair Emini është në listën e lojtarëve të konsideruar nga Kukësi si “kryengritës”. Tetovari ashtu si “gardiani’ i Kukësi hapur ka kërkuar largimin, por situata është e njëjtë Kukësi kërkon me çdo kusht shërbimet e lojtarit. Edhe sulmuesi e ka kaluar gjithçka në dorë të gjykatatësit të tij, për të ndërmarë hapat e mëtejshmëm ligjor për ta zgjidhur këtë situatë.
Gjoba të majme dhe asnjë mundësi negocimi, Kukësi i pret lojtarët në stërvitje, duke paralajmëruar të tjera masa akoma dhe më të rënda. Vetëm diçka mbetet për të thënë: Nuk është aspak e hijshme që kampionët të jenë në një situatë të tillë.

Klubi kampion në fuqi ka njoftuar se lojtarët e sipërpërmendur janë nën kontratë edhe për një sezon, por lojtarët e kanë kundërshtuar me forcë duke mos u paraqitur në seancen e parë stërvitore.

Vetë menaxheri i Kukësit, Naim Halili në prononcimin e tij deklaroi se do të ketë penalitet për veprimin e lojtarëve dje dhe sot ka ardhur dhe gjoba e parë.

“Gardiani” Enea Koliçi është ai që e ka pësuar i pari, pasi tashmë klubi do t’i mbajë lojtarit një rrogë mujore, pasi nuk është paraqitur në seancën e datës 1 gusht. Ndërkohë, të njëjtin fat pritet të kenë dhe dy shqiptarët e Maqedonisë, Lena dhe Emini.

Ndryshe nga Lena e Emini, që janë në Maqedoni, portieri është në Tiranë dhe ka refuzuar të paraqitet, duke pretenduar se është pa kontratë. Kukësi pretendon të kundërtën, duke depozituar edhe kontratën e tij në FSHF.

Duket se po shkohet drejt gjyqit, sepse asnjëra palë nuk hap rrugë.

Përgatitjet për sezonin e ri do të nisin së shpejti dhe për Enea Koliçin, por e ardhmja mbete enigmë. Kontrata e depozituar në FSHF i ka prishur planet e pogradecarit, i cili ka pasur mjaft oferta, kryesisht nga Franca, Turqia e Qipro, por dhe nga Skënderbeu. “Gardiani” e ka kaluar çështjen në dorë të avokatit të tij, i cili do të ndërmarrë hapat ligjorë, megjithatë dëshira e tij është që gjithçka të zgjidhet me konsensus, pavarësisht se kontrata në FSHF është depozituar pa dijeninë dhe vullnetin e tij.

Lena vendos javën e ardhshme

Nijas Lena është një nga lojtarët që në përfundim të sezonit e konsideronte veten pa kontratë. Befasisht e pa veten në listën e lojtarëve që u kishte shkuar kontrata e re ne FSHF. I kontaktuar nga gazeta, mesfushori nuk preferon të komentojë, por njofton se do të presë javën e ardhshme për zhvillimet që do të ketë. Një takim me presidentin normalisht që do të jetë parësor, por 31-vjeçari po shijon pushimet, pavarësisht se është ende i paqartë për situatën e tij në raport me Kukësin, ashtu si dhe pjesa tjetër e lojtarëve.

Një ndër yjet e sezonit të shkuar dhe një nga ata që shkëlqeu më së shumti në Champions League, Koliçi ka kohë që studion me qetësi ofertat, duke qenë i bindur se kontrata e tij përfundon pas kupave të Europës. Megjithatë, ditën e djeshme Koliçi ka mësuar se nuk lëviz dot nga Kukësi, pasi klubi e ka nën kontratë!

Në FSHF është depozituar kontrata e tij e re, me firmën e tij, por që Koliçi është i prerë: “Nuk kam hedhur asnjë firmë, me asnjë ekip, as me Kukësin! Nuk e kuptoj çfarë po ndodh, është situatë absurde. Duhet të studioj me avokatin tim kontratën dhe të sqarojmë shumë gjëra”.

Duke folur për “Sport Ekspres”, Koliçi shpjegon: “Unë kam kohë që kam bërë kërkesa, disa muaj më parë, sipas rregullores së Kukësit, për të mos rinovuar automatikisht, ndaj nuk e kuptoj si qenka rinovuar vetë kontrata, sepse unë nuk kam firmosur asgjë. Nuk kam biseduar me Kukësin për rinovimin dhe realisht jam futbollist i lirë, në pritje që të marr dokumentacionin që më takon he pastaj të zgjedh me qetësi për të ardhmen. Jam i hapur për oferta, duke nisur nga Kukësi, por askush nuk më bind dot që unë jam nën kontratë me Kukësin”.

“Do të isha dy-fish i lumtur nëse do të vazhdoja të jap të njëjtën paraqitje si në ndeshjen e parë. Por nuk është çështje individi, pasi të gjithë duhet të paraqitemi mirë që të arrijmë objektivin. Të gjithë duhet të japim maksimumin. Unë kam besim shumë tek stafi dhe tek të gjithë lojtarët nga i pari tek i fundit që nesër do të japim maksimumin”.

“Nuk më interesojnë zërat e merkatos, pasi tani jam i fokusuar tek kjo ndeshje. E kam thënë që do jem në dispozicion të Kukësit deri në fund të kompeticionin dhe më pas do të shohim, pasi kemi kohë. Jam i lumtur që tek Kukësi. Kam pas një rritje shumë të madhe, kam fituar të gjithë trofetë dhe Kukësi më ka dhënë mundësinë të luaj në një kompeticion që është ëndërr për çdo futbollist. Uroj që të mos jetë as hera e parë dhe as e fundit”.

“Të gjithë duhet të jemi heronj nesër, siç e thash duhet të japim maksimumin, të bëj më detyrën tonë. Kam një parandjenjë të fortë se do ia dalim. Jemi përgatitur për çdo gjë, edhe për kohën shtesë edhe për  disa lojtarët që janë shumë të rrezikshëm”.

“Dështim nuk do ta konsideroja si të tillë, pasi u paraqitëm shumë mirë në takimin e parë. Nuk e quaj dështim rezultatin e ndeshjes së parë. Jemi shumë të motivuar. Edhe presidenti na ka folur, na ka dhënë besimin e tij dhe të gjithë e kemi harruar ndeshjen e parë dhe jemi fokusuar tek ndeshja e radhës”.

Pas një ndeshjeje në kufijtë e perfektes, Enea Koliçi tregon për “Supersport” se tashmë sheh nga ndeshja e kthimit, ku beson se mund të arrihet dhe kualifikimi. Paraqitja e tij ka bërë mjaft jehonë, por për “gardianin” e Kukësit është vetëm puna e tij. Nëse do të arrihet kualifikimi përballë Sherifit, shorti ka rezervuar një përballje me kapitenin e kombëtares dhe për portierin 31-vjeçar do të ishte një eksperiencë e bukur. E ardhmja? Si fillim duhet të përfundojë aventura europiane dhe më pas gjithçka mbetet e hapur.

PERFROMACA

“Do të isha më i lumtur nëse do të kualifikoheshim dhe bashkë me paraqitjen time ekipi të kalonte në fazën e tretë të Championsit. Unë do të jap detyrën time, do të jap maksimumin edhe në këtë ndeshje, kjo është puna dhe për këtë jemi të gjithë këtu. Shpresoj që të gjithë futbollistët të jenë në formën më të mirë dhe të arrijmë që të marrim një fitore që të shkojmë në raundin e tretë”.

NDESHJA E KTHIMIT

“Besoj se mundësitë i kemi, pasi kemi punuar shumë në fazën përgatitore, kemi dhe 3-4 ditë të përgatitemi për ndeshjen e kthimit. Shanset janë të barabarta besoj dhe nëse japim maksimumin dhe të jemi të përqendruar do t’ia arrijmë. Normal që duhet të jemi të kujdesshëm dhe do të përpiqemi të shënojmë të parët dhe të mos pësojmë, kjo është e vetmja mënyrë për kualifikimin”.

KARABAGU

“Rëndësi ka që të kalojmë këtë tur dhe më pas do të kemi kohë që të mendojmë për ndeshjen e radhës. Ekipi i Karabagut është një skuadër mjaft e fortë. Të përballeshim me kapitenin e kombëtares do të ishte një eksperiencë shumë e bukur”.

E ARDHMJA

“Unë do të jem në dispozicion të Kukësit derisa të mbarojnë kupat e Europës dhe më pas do të ulem me presidentin dhe do të flasim për të ardhmen time. Të shohim”.

-Nisemi nga ndeshja e djeshme. Pavarësisht nga humbja, ishte një ndër më të mirët në fushë. Sa mundësi kualifikimi keni?

-Faleminderit, isha në formë dhe kreva disa pritje të mira. Më vjen mirë që u përzgjodha njeriu i ndeshjes. Mendoj se ndeshja e kthimit do të jetë në favorin tonë, në shtëpi, përpara tifozerisë sonë, që do të na ndihmojë shumë dhe gjithçka mund të shkojë në rrugën e duhur.

-Këto vitet e fundit je rritur jashtëzakonisht. Ndihesh gati për një aventurë në Serinë A?

-Mendoj se po. Kam grumbulluar shumë eksperiencë në kampionatin grek, përveçse në Shqipëri, ku kam luajtur edhe me kombëtaret e moshave. Ndihem gati.

-Ç’mendim ke për kolegët e tu shqiptarë Strakosha e Berisha, të cilët luajnë në Itali? Mendon se mund të jesh rival i tyre për vendin në kombëtare?

-Ata janë portierë të shkëlqyer dhe, në ndryshim nga unë, kanë fatin të luajnë në një kampionat të fortë dhe kompetitiv si Seria A.

-A ke pasur kontakte me klube italiane? A do ishte i gatshëm të luaje edhe në Serinë B?

-Po, këto ditë ka pasur disa sondazhe, nga klube italiane dhe të huaj. Kampionati italian është një ëndërr për mua dhe, me ndihmën e prokuratorit tim Lulzim Haxhiaj, shpresoj t’ia dal mbanë të luaj aty. Jam në pritje.

Enea Koliçi postoi mbrëmë pas ndeshjes një foto me shokët e skuadrës, ku pa dashje përmbledh gjithçka: portieri në këmbë dhe i qeshur, shokët e tij thuajse të gjithë të vrenjtur e përtokë, duke nisur nga spanjolli Serran, dukshëm i trishtuar pas ndeshjes.

Për të qenë të ndershëm, Kukësi dha gjithçka dje, mund edhe të shënonte, por nëse humbi vetëm 1-0, merita ishte e Koliçit, portieri me 6 duar, sipas montazheve humoristike në rrjetet sociale.

Jurgen Zela

Protagonist absolut në takimin historik të Kukësit në Champions League. Enea Koliçi, pa diskutim është ai që mban ende në lojë Kukësin, për sa i përket kualifikimit. Me pritjet e tij të panumërta, Koliçi mori përdore skuadrën dhe në shumë pak momente shfaqi pasiguri. Edhe pse në momentin e 11-metërshit arriti që të kuptonte krahun, nuk mundi që t’i jepte topit devijimin që do të kurorëzonte një mbrëmje që foli e gjitha për të. Vlerësime maksimale dhe nga komentatori moldav, i cili në jo pak raste thoshte “Bravo Koliçi”. Një xhevahir i çmuar i Kukësit, pasi performanca e tij ka ardhur vetëm në rritje. Pas një paraqitje perfekte në kampionat, ku dhe aty gëzon jo pak merita në fitimin e titullit kampion, do të kërkojë që të avancojë akoma dhe më tej.

E ARDHMJA Kontrata me Kukësin i përfundon pas kupave të Europës dhe qëndrimi në verilindje do të ishte një mrekulli për kampionët. Performanca e shkëlqyer në kampionat nuk ka kaluar jashtë vëmendjes së menaxherëve të ndryshëm, që menjëherë kanë shfaqur interes për “gardianin” e Kukësit. Siç bëhet e ditur për “Sport Ekspres”, në ndeshjen me Sherifin disa menaxherë kanë qenë në stadiumin e Sherifit, për të ndjekur 31-vjeçarin e Kukësit. Pak kohë më parë gazeta pati mësuar se “gardiani” kishte ngjallur interes në Francë, Turqi dhe Qipro. Nuk zhgënjeu aspak dhe dje, duke rritur akoma më shumë kuotat e tij në sytë e menaxherëve, që dje kishin udhëtuar drejt Moldavisë së largët për ta ndjekur nga afër. Në Kukës shpresojnë që të mos privohen nga shërbimet e një “xhevahiri” të paçmueshëm, por dorezat e Koliçit po flasin vetë dhe një ofertë joshëse nga jashtë do të bënte që të niste një tjetër aventurë. Normalisht që si fillim do të kërkojë që të shkojë sa më larg me Kukësin e tij, pasi çdo tur që mund të kalojë do të përkthehej në rritje vlere, ndaj Kukësi duhet t’i gëzohet faktit që do të kërkojë kualifikimin me një siguri të madhe pas krahëve të mbrojtjes.

DEKLARATA Pas ndeshjes, “Sport Ekspres” ka kontaktuar lojtarin më të mirë në fushë. Në një prononcim të shkurtër, ai ka folur për debutimin e Kukësit në Champions si dhe për ndeshjen e kthimit, duke lëshuar mesazhin se do të jetë një tjetër Kukës dhe një tjetër ndeshje ajo e një jave më pas “Elbasan Arena”. Kualifikimi? Arrihet nëse të gjithë do të japin maksimumin.

Fillimisht Koliçi analizon ndeshjen, duke veçuar faktin se ndeshja mund të kishte shkuar në favorin e tyre nëse do të kishte pasur pak më tepër përqendrim: “Ishte një kundërshtar mjaft i fortë me lojtarë shumë cilësor. Na vunë në presion, sidomos në pjesën e dytë. Edhe ne patëm rastet tona, në disa momente të mira, ku kontrolluam lojën dhe me pak përqendrim më tepër ndeshja mund të shkonte në favorin tonë, por kështu e ka futbolli”. Pritjet e tij spektakolare, mbeten faktori kryesor që Kukësi shpreson tek kualifikimi, por në këtë pikë Koliçi tregohet mjaft modest dhe i lumtur: “Unë thjesht bëra detyrën time dhe gëzohem shumë që arrita ta ndihmoj skuadrën”. Për 31-vjeçarin, kualifikimi është diçka që mund të arrihet dhe për këtë ka gati edhe recetën. “Besoj shumë se mund të arrijmë tek kualifikimi. Ndeshja në Elbasan do të jetë ndryshe dhe do të flasë më shumë për ne. Shpresoj të mos kem fare punë në kthim. Shanset i kemi, ndaj ne na takon që të japim maksimumin në takimin e kthimit”. Tek 11-metërshi kuptoi krahun, por ishte e pamundur për ta ndalur topin. Koliçi e mbyll prononcimin me një vlerësim për spanjollin Serran, i cili shkaktoi dhe penalltinë: “Serran është një djalë shumë i mirë dhe profesionist. Ishte një moment i keq për të dhe mund t’i ndodhte çdokujt”, përfundon Koliçi.

Pas dy klubeve franceze, Okseri e Shatoru, dhe asaj turke të Alaniasporit, që kanë shfaqur interes, oferta e radhës vjen nga Qiproja. Aris Limasol ka ardhur me një ofertë zyrtare në drejtim të “gjigantit” të portës së kampionëve. Nuk bëhet e ditur shifra që është ofruar, por e sigurt është që qipriotit e kanë në listën e dëshirave dhe nuk po ngurojnë që të joshin 31-vjeçarin. Burime pranë lojtarit dhe menaxherit të Koliçit bëjnë me dije se ka qenë vetë presidenti i Arisit ai që ka kontaktuar lojtarin. Përveç Kukësit që nuk do të dorëzohet për të humbur shërbimet e një prej lojtarëve më të rëndësishëm në mes qëndron dhe klubi i Okserit, i cili është futur në bisedime të avancuara me menaxherin e portierit kuksiane. Gjithçka mbetet për t’u parë pas kupave të Europës, kur edhe lojtarit i përfundon kontrata.