Kolaj

Kolaj dopietë me Sasuolon, Binaku rikthehet titullar

Sport Ekspres — Sun, 28 Jul 2019 20:57:29 +0000

Sulmuesi i kombëtares shpresa, Aristidi Kolaj, ka qenë autori i një dopiete në fitoren 10 – 1 të Sasuolos ndaj amatorëve të Çiliverge Mazanos. Sulmuesi 20-vjeçar ka qenë një ndër lojtarët më të dalluar të ekipit primavera të klubit emilian.

Zhvendosemi në Suedi ku Egzon Binaku duket se e ka lënë pas plotësisht dëmtimin muskulor të pësuar në fund të muajit maj. Mbrojtësi i kombëtares shqiptare u rikthye të luajë një ndeshje nga minuta e parë me Norkoping pas thuajse tre muajsh. 23-vjeçari u aktivizua për 80 minuta në barazimin 0 – 0 në transfertë ndaj Goteborgut.

Sasuolo nis fazën përgatitore, në listë dhe sulmuesi shqiptar

Sport Ekspres — Mon, 15 Jul 2019 11:14:46 +0000

Sasuolo ka publikuar ditën e sotme listën e lojtarëve të grumbulluar për fillimin e fazës përgatitore në Trento. Ndër të përzgjedhurit e trajnerit Roberto De Zerbi është dhe talenti shqiptar Aristidi Kolaj.
Futbollisti 20-vjeçar ka qenë një ndër lojtarët më të dalluar të skuadrës emiliane në dy edicionet e fundit të kampionatit “Primavera”.

Kolaj aktivizohet si sulmues anësor dhe ka qenë pjesë e rregullt e grumbullimeve të kombëtares U19, ndërsa së fundmi mori ftesën e parë nga kombëtarja U21.

Kolaj është vetëm një ndër të rinjtë shqiptarë që u janë bashkuar skuadrave të Serie A në grumbullimin e fazës përgatitore. Në grumbullimin e Fiorentinës ndodhet mesfushori Erald Lakti, te Breshia 19-vjeçari Brijan Ibrahimi, ndërsa te Verona Marash Kumbulla.

20 talentet më premtues në Itali, në listë dhe një shqiptar

Sport Ekspres — Thu, 18 Oct 2018 12:44:14 +0000

Sajti i njohur italian “calciatoribrutti.com”, ka hartuar një listë me talentet më premtues të çdo skuadre në Serie A. Në listën me 20 lojtarë bën pjesë dhe një shqiptar. Bëhet fjalë për mesfushorin e Sasuolos, Aristidi Kolaj.

Kolaj aktivizohet si mesfushor krahu dhe ka një raport mjaft të mirë me goli, pasi në 30 aktivizime në kampionatin e moshave ka realizuar 11 gola. Kolaj krahas pasaportës shqiptare disponon dhe atë italiane. 19-vjeçari u grumbullua për herë të parë me kombëtaren U21 të Shqipërisë në muajin maj, ku luajti si titullar në miqësoren e humbur me rezultatin 2-0 ndaj Bosnjës në “Elbasan Arena”.

Ndërkohë, vlen për tu përmendur se në ekipin “primavera” të Sasuolos luajnë dhe dy shqiptarë të tjerë: Mesfushori Alesandro Ahmetaj dhe qendërmbrojtësi Denis Dembacaj.

Lista me 20 lojtarë

Atalanta – Ebrima Kolei (Gambia)
Gabriele Korbo – Bolonja (Italian)
Rikardo Daga – Kaljari (Italian)
Musa Xhuara – Kievo (Gambia)
Hamed Traore – Empoli (Bregu i Fildishtas)
Josip Maganjiç – Fiorentina (Kroat)
Andrea Eriko – Frozinone (Italian)
Antonio Kandela – Xhenoa (Italian)
Edi Salsedo – Inter (Italian/ Kolumbian)
Kristian Makun – Juventus (Venezuelian)
Eduardo Reci – Lacio (Italian)
Frenk Tsaxhud – Milan (Italian)
Xhanluka Gaetano – Napoli (italian)
Federiko Pele – Parma (Italian)
Andrea Markuçi – Roma (Italian)
Titas Krapikas – Sampdoria (Lituanez)
Sasuolo – Aristidi Kolaj (Shqiptar/Italian)
SPAL – Lazar Nikoliç (Serb)
Torino – Vinçenco Miliko – (Italian)
Udineze – Filip Vasko – (Sllovaki)