Kokorin

Kokorin e Mamaev nuk i ndahen burgut, gjykata ruse s’ka mëshirë

Sport Ekspres — Wed, 06 Feb 2019 17:52:41 +0000

Dyshja e futbollistëve rus, Alekandr Kokorin dhe Pavel Mamaev po kalojnë një moment tejet të vështirë, pasi ndodhen në paraburgim prej gati katër muajsh. Telashet për dy yjet e përfaqësueses ruse filluan kur ata rrahën dy persona të ndryshëm brenda pak orësh në fillim të muajit tetor.

Të dy lojtarët po festonin me përvjetorin e shoqërisë së tyre dhe sigurisht në mënyrë tipike ruse, alkooli s’kishte si të mungonte. Në dehje e sipër ata dhe rrahën një shofer dhe më pas radhën e pati një shtetas me tipare aziatike.

Russians football players Alexander Kokorin(Zenit) and Pavel Mamaev(Krasnodar) attacked a visitor of cafe on monday. Today Alexander Kokorin was being taken away to a pre-trial detention center until 8December. In December,prosecutors will demand punishment up to 7years in prison pic.twitter.com/SLjfnxvzVt

— ?????? ????? ???????? (@thecasualultra) October 11, 2018

Ky i fundit rezultoi të ishte një drejtues i lartë në ministrinë e transportit. Pamjet filmike bënë xhiron e botës dhe autoritet ruse u vunë menjëherë në ndjekje të dy futbollistëve. Së fundmi gjykata e Moskoës vendosi shtyrjen e seancës përfundimtare deri më datë 8 prill, çka e zgjat periudhën e tyre të paraburgimit në gjashtë muaj.

Kokorin e Mamaev i rikthehen futbollit, por kundërshtarët janë… rojet e burgut

Sport Ekspres — Tue, 25 Dec 2018 20:25:20 +0000

Dyshja e njohur e futbollistëve rus, Aleksandër Kokorin (Zenit) dhe Pavel Mamaev (Krasnodar) ndodhen prej dy muajsh në burg, pasi rrahën dy persona nën efektin e alkoolit. Të dy viktimat ishin krejtësisht të pafajshëm dhe ngjarja ndodhi në Moskë, njëri prej të lënduarve ishte një zyrtari i lartë i qeverisë ruse.

Procesi gjyqësor ndaj tyre vazhdon dhe seanca e radhës është më tetë shkurt. Por edhe pse ndodhen brenda në qeli, lojtarëve i është dhënë mundësia të praktikojnë sportin me të cilin kanë arkëtuar miliona brenda ambienteve të burgut.

Në një ndeshje ku u vu përballë një skuadër e përbërë nga rojet dhe një tjetër e përbërë nga personat e dënuar, të dy lojtarët prekën për herë të parë një top pas dy muajsh pritje.

Më datë tetë dhjetor, supozohej që gjykata t’u jepte marrë lirinë dhe t’i linte në masë me detyrim paraqitje, por në momentin e fundit prokurorët e çështjes kërkuan më shumë kohë për të shqyrtuar çështjen, çka shkaktoi acarimin e dy të futbollistëve, të cilëve do u duhet të presin dhe dy muaj për të mësuar fatin e tyre.

VIDEO E KRIMIT

https://www.youtube.com/watch?v=PLZJo49SEHg

Gjykata e Moskës merr vendimin për Kokorin dhe Mamaev

Sport Ekspres — Wed, 05 Dec 2018 16:48:08 +0000

Në muajin tetor futbolli rus u trondit nga një ngjarje e rëndë, ku Pavel Mamaev dhe Aleksandër Kokorin, dhunuan një zyrtar të Ministrisë së Industrisë dhe një shofer të një kanali televiziv dhe tashmë të dy lojtarët janë në paraburgim.

Ditën e sotme Gjykata e Moskës vendosi që të dy lojtarët do të vijojnë të jenë në paraburgim deri më 8 shkurt 2019, në pritje të një vendimi përfundimtar. Dy futbollistët kanë një karrierë të madhe në Rusi, sidomos me kombëtaren, ku ka qenë dy lojtarë mjaft të rëndësishëm.

Tashmë karriera e të dy miqve të ngushtë, ka marrë një rrjedhë ta pabesueshme, ku rrezikohen deri në shtatë vite burg, gjë që do ta mbyllte përfundimisht karrierën e të dyve në futbollin e luajtur.

Pavel Mamaev

VIDEO / Rrahu dy persona, sulmuesi i Zenit në arrati nga policia

Sport Ekspres — Wed, 10 Oct 2018 16:52:05 +0000

Karriera e sulmuesit të kombëtares ruse Aleksandër Kokorin ka marrë një kthesë 180 gradë brenda 24 orëve. Futbollisti 27-vjeçar së bashku me lojtarin e Krasnodarit dhe njëkohësisht shokun e tij ngushtë Pavel Mamev, rrahën dy persona në mëngjesin e të martës.

Dy incidentet ndodhën në harkun e një ore dhe nuk kishin lidhje me njëri tjetrin. Klubet e Zenitit dhe Krasnodarit anuluan kontratat e të dy lojtarëve, ndërsa policia ka hapur hetimet dhe ka lëshuar urdhër arresti për të dy lojtarët.

Mediet ruse raportojnë se Mamaev është paraqitur vetë në një prej stacioneve të policisë së Moskës, ndërsa ende nuk ka gjurmë nga Kokorin, i cili tashmë është shpallur një person në kërkim. Vlen për t’u përmendur se Kokorin është një ndër lojtarët më të paguar në kampionatin rus dhe do të ishte në Botëror, po të mos ishte një për një dëmtim të rëndë në ligamentet e gjurit.

VIDEO / Dy yjet e kombëtares ruse rrahin me karrige zyrtarin, policia hap hetimet

Sport Ekspres — Mon, 08 Oct 2018 20:08:40 +0000

Video e një sherri po bën xhiron e botës nëpër të gjitha mediet sportive. Protagonistët e këtij incidenti janë dy futbollistë të njohur rus, sulmuesi i Zenitit Aleksandër Kokorin dhe mesfushori i CSKA-së, Pavel Mamaev.

Nga pamjet filmike shikohen të dy futbollistët që godasin me karrige dhe grushta një burrë në moshë të mesme, që raportohet se është një zyrtar i qeverisë ruse. Ngjarja ka ndodhur në një lokal të Moskës dhe policia ka hapur hetimet.